小甜甜

營業中

休息中

第一次在這小店食，叫咗一個蛋白杏仁茶，但係得兩粒綠豆咁大的蛋白，杏仁茶只是微暖，熱食物大忌是不夠熱😞，價錢是$40 ，性價比極低，不是用心製作，非常令人失望，我唔會再去食。

見到食評即刻過嚟試吓，即刻點咗個心太軟，心太軟俾我平時食嘅其他店舖要大，旁邊擺放了水果擺盤，淨係個擺盤已經令人垂涎三尺。心太軟食落去，夠熱，朱古力醬好多，湧岀黎，同埋佢嘅朱古力醬唔甜，正啱我胃口，食落去完全唔覺得膩，淡淡的朱古力香，再加埋外脆嘅外層，配搭一流，最緊要佢勁多朱古力醬👍🏻👍🏻👍🏻非常可口。另外，佢旁邊啲水果都好鮮甜，上面加咗朱古力醬，苦苦地嘅朱古力再加上甜甜嘅蜜瓜，出奇地好味😋 推薦各位，黎試吓呢個心太軟。

椰汁桃膠半碗西米，仲有腰果合桃露，是酸的，我同佢哋講，跟住佢同我講，我哋剛剛試過都冇問題！咁我就同佢講，咁我覺得有問題！咁我就同佢講，我唔要！我同佢講照俾錢，睇吓佢會唔會收我錢！重點佢哋句金句喺呢間舖頭度！老闆娘開心，世界就安心！但係我食得非常唔開心！

鴨脷洲大街一帶是一個好有人情味嘅小社區，每次經過都感覺到街坊互相問好，十分親切。最近開了一間甜品店，有中，西甜品款式多選擇。今日專程去試吓。楊枝甘露賣相吸引。材料豐富。濃濃芒果香味，帶酸甜味道。柚子肉，芒果粒，Q彈嘅西米露，口感十分複雜。清涼之中又有滿足感。腰果合桃露新鮮磨製，入口己知真材實料，口感滑溜。腰果和合桃好夾。滋潤味美，養顏甜點。榴槤布甸打開蓋己飄來榴槤香氣，濃郁嘅味道另一眾榴槤控吃個不停。

小甜甜😘😘😘甜度滿足一百分鴨脷洲大街、新開張隱世甜品店、整潔光亮、家的味道！雪白牆身、白色枱、木系方椅、柔和燈光、新式甜品之外、唔少得港東式糖水、坐🉐️又舒適、打卡都一流！鮮雜果涼粉芋圓$40、豐富雜果、色彩繽紛、配涼粉底、台灣芋圓、加埋椰汁🥥、顏色艷麗、賣相吸睛、層次感豐富！帶出味蕾新口味！芒果撈河$38、用蒟蒻加滑滑鮮奶、製作粉條、充作河粉、配香甜芒果🥭粒、和芒果打成醬汁、名副其實西式河粉、又甜又滑又好味😍升級版楊枝甘露（有爆珠+雪糕）$45有驚喜、甜度剛好、非一般楊枝甘露、店主將作品升華、加左橙黃色脆爆珠、入口感豐富、真係值得升級、🈵️份💯、仲可以配唔同味雪糕！多重享受🥰😋法式焦糖3.6燉蛋$28、香濃奶香、蛋滑滑有彈性、有質感！面層焦糖、提升燉蛋口感、好味舔舔脷👅腰果合桃露$35、中式糖水、自家磨製、細嫩柔滑、腰果配合桃、有益健康、補腦又養顏、超正、正、正千層蘿蔔絲$30、台式酥餅、中間夾着清甜蘿蔔絲餡、底面層微微煎香金黃、又不油膩、配糖水一流👏🏻店主自家製作、用料十足、用❤️又用工、創作新品味👍🏻👍🏻鴨脷洲鴨脷洲大街43號地舖港鐵利東站B出口，步行約9分鐘