小男孩 (已搬遷) 新店位置

上星期六妹妹生日, 諗住同佢食d 好d 既西餐, 又要向附近食,就不如呢間啦, 睇完食評好似真係講得好差, 不過, 勇字行頭, 同埋都俾個機會人啦, 點知........後悔已經太遲!未到7點去到, 得一兩枱客, 環境都ok 既,叫左4 份西冷, 我自己就叫羊扒, 西冷扒黎到, d 侍應完全唔知邊份應該係7成, 定8成熟,咁問人要幾多成熟都嘥氣啦,問有冇黑椒汁, 只係得燒汁。我自己果份羊扒, 有d "燶"左, 勉強都入得口既,main course 冇一樣可取, 只係個田螺見得下人, 又無甜品送, 5個人食既晚餐, 埋單差唔多成 $800,仲俾阿媽 complain, 話去花 x 餐廳都好過啦!如果收得呢個價錢, 應該俾返d 好d 既野俾人食啦, 唔該!

我是美孚街坊. 以前時有幫趁. 銅鑼灣都有分店. 又可以申請會員卡, 好似好high class. 後來它改了名叫"小男孩".有一次想幫趁, 發現full house! (以前水靜鵝飛的) 便走了.星期六 (5-7-08) lunch再去幫趁, 也是很多人, 幸好只是等了一會.(是不是市道好? 還是manhattan hill入伙了 ?)食物都是一樣. $50-60一個餐.但是服務態度就不同了.好似去左茶餐廳!

我星期六同我呀媽去食, 佢waitress 一見到我地o係門口就指住一張未執好, 好dirty 既table 俾我地坐, 好串咁話: 呢張檯. 歡迎光臨都無句因為我o個日病病地, 但佢張檯係對正個冷氣位, 我呀媽問佢地換個張得唔得, 個個女人好串咁話: 你自己都都睇到d 2人位full 哂啦, 換唔到woo個陣時有d 4個人既table 未full, 我媽問佢地移開d table . 但個女人話唔得, 一係你等其他2位既檯走la..個個女人好似好唔耐煩咁, 咁我呀媽就話算啦..我地叫左d set lunch , 落單個waiteress 好似好趕咁, 問多句都唔想答咁..d 食物唔算特別, 我叫左個三文魚''lor-c'' 粉, 好salty,超唔得另外, o個度好noisy, 完全唔match o個度d decoration, 好似去左cha chang tang 咁including 加一, 一個人要70 蛟, 唔值lor

昨天同女朋友去食Lunch, 去到門口, 見到有reception counter, 咁我地就企o係度...丫..好o野wor, 唔理紅衫定黑衫waitress, 都係見到我地當見唔到, 有客企門口都寧願自己行行企企...之後終於有個捱義氣過來帶位, 態度有小小問題"得返出面至wor"..我都知, 但係你唔係大排檔呀! 咁o既態度講o野??? 入座之後, 一如上一食評, 個waitress係冇講有3個湯, 亦冇講某d 餐係可以跟飯/ 意粉...最後佢來左個磨姑湯, 就真係幾好! 呢度值得一讚!Maincourse, 之後仲有小型cake 做甜品, 都幾飽~!

這間餐廳食物OK , 但侍應服務一般.........at lunch , 明明有3款soup , 但只講左一款, 我都唔LIKE飲個款soup , 結果無耐地飲V~V , salad又唔岩我, 之後聽到隔離張桌個個侍應同個客講soup 時有3款, 同我落單other 個個侍應都無講, 點做野架???服務唔得. 之後我問反第二個侍應, 結果佢幫我換左第二種soup , thank you~~~!!幫我order個個侍唔得, 明明個個D set 有得跟rice . noodles or other......but 同我order又無講=.="~~~`新丁呀, 又唔似, 黑衫......應該大過紅衫, 算~~~~叫左第二個侍應幫我, 之後我跟左rice .個碟野又係乾如柴, 無"汁"的??????我跟rice喎, 有咩可能無"汁" , 我去過咁多間餐廳, 其他餐廳邊有間碟野無"汁" , 多汁不要緊, 唔好過份多, 分開都可以, 仲好~~~有D人仲意少, 有D人仲意多, 自由選幾好, D汁好貴呀??? , E 間都算bad((at lunch)) , 我會少來............but

唔好以為呢個係Bad食評, 因為除左"溜"之外, 一切alright因為我遲到, 家姐同阿嫂食左乜就唔知, 只知道佢地好飽我叫了個紅咖哩鴨胸炒飯, 雖然紅咖哩變了黃咖哩, 但一樣好食, 同如姊、嫂所說"溜"頭盤焗田螺, 做得好仔細, 值回餐價平日冇乜人, 一兩個friend 傾下計, 於美孚的不錯選擇

為了旅行、為了陪龍放暑假，我拿了十日AL；加上星期六日，便成16天假期。自數年前出校園以後，我從未放過如此長假期!!　第一天上午，開心觀賞「變形」後，下午我們的行程是遊覽「巨盒」。太肚餓關係，去到半路要搵餐食先，便想起美孚這藍貝小店。藍貝午餐索價$88+10%，價錢在此區不算平；然而食來實在物有所值。　首先是熱暖的自家製麵包，配以店方特調的滋味醬，是很不錯的前菜!跟餐的火腿椰菜忌廉湯也味香而濃郁，勝於一般的餐湯。當然最讚還是主菜：一粒粒飽滿的藍貝超級新鮮，吃來肉嫩鮮美之極，兩人都吃得非常滋味!晚市有8種不同煮法，午間也有3種：我與龍首推忌廉芝士煮法，味道濃郁豐富，芝迷必會愛上；想清淡一點，選白酒煮法，藍貝鮮味會更突出。　繼餐飲後，午餐還包一杯朱古力奶凍，小小的滑滑的，是不錯的句號。我們假期的第一餐，也是十分開心的一餐。多謝龍~

今日係我第一日黎美孚返工...我做地產架...lunch..我d同事話去咩baby blue食嘢..佢地話有甜品送~原本我冇諗住去架..但我又唔熟呢頭.跟住就跟佢地去啦..一坐底就即刻叫左個燒春雞..味道同賣相都唔錯~~服務生d態度都唔錯..食完當然等佢上埋個甜品..甜品個名我就唔知啦~個感覺好似朱古力cake..味道真係唔錯..估唔到食lunch會有甜品送...價錢都算ok啦~

與友人在美孚周日聚餐\，不想飲茶又要找一家較舒適的地方，友人說這裏不錯。我可是第一次來，本來怕是梳打扒水準，最後發現食物比預期的要好，環境和服務都ok。午餐\前菜可選湯或沙律，後者原來是沙律菜配碎蛋沙律，有點奇怪，但味道尚可，至少不是罐頭雜果沙律。跟餐\包來的是一小碟香草牛油，並非預先包裝好那些，感覺很有誠意，可惜我沒有吃。我的主菜是薄荷汁煎羊扒，落單時被問要幾成熟，沒想到一頓屋苑內的午餐\竟有此等服務，真個喜出望外！我要了七成，上桌第一時間切開一看，合格啦~ 沒有太乾，又不會一味滲血水，味道也不錯，尤其薄荷汁調得頗惹味。友人的德國腸意粉、白咖喱豬扒和漢堡包，聽說都不差。甜品應該是芒果味布甸，一般。凍檸茶來了一角檸檬，較有特式但其實不太方便。看相片-http://home-and-garden.webshots.com/album/558856376IPfjLh

從銅鑼灣店時代開始已光顧, 中規中矩的一間店, 藍貝及海鮮曾經尚算可口. 上月與友人晚飯時, 想在美孚找個好一點的地方, 也就去了. 要了附SEAFOOD PLATE(海鮮拼盆?)的SET DINNER, 上桌時外表高貴, 兩層高銀盆充滿歐陸色彩, 誰不知, 蝦子小而臭, 仲"霉"生蠔小兒麻痺貝類全體未降凍美孚BABY BLUE真是一間相當性格分姴的店舖, 一方面菜色(或只是菜盆?)高貴, 用料卻連翠華也不如. 熱盆如羊扒等平價用料的完全OK, 但貴價東西... 他們收的也不便宜, 但錢可能都用在別的地方去了.

28 Mar 07, Wed 美孚Baby Blue set lunch, $56 有:餐包- 個包暖暖地，普普通常，但件牛油有蒜味，可以刺激吓Ｄ味蕾，吾錯。餐湯- 周打蜆湯，吾夠熱同creamy，但Ｄ蜆肉幾大粒，有"趙"頭又無沙，拉上補下，Pass。意粉- 有蝦嘅白汁意粉，全名吾記得，但一上枱果陣芝士香就繞"鼻"三日，至今(Fri)未忘。意粉煮得軟硬適中，蝦有4-6隻，size吾喺好大但算合理，肉吾霉幾彈牙，但欠Ｄ蝦味，吾知點處理過。甜品有芝麻雪糕，餐茶要咗熱奶茶。兩樣都無乜特別。去到時差吾多兩點，人吾多，所以環境靜，坐得亦舒服幾relax。

尋日同男友摘完士多啤利後在美孚落車，從來都未黎過美孚，諗住周圍行睇下有咩食，咁o岩見到baby blue個廣告牌好似幾吸引，就決定去果度食lunch我同男友各自揀左lunch set，佢叫左燴牛尾，我就叫左羊扒餐湯係蘑菇湯，個湯好濃好好飲，應該係用磨菇打碎黎煮，唔似其他餐廳咁稀。男友話個牛尾好好味，泊得住佢家姐d手勢!而個羊扒真係炭燒,有炭香味，個汁都好正，同羊扒好夾。最驚喜係我叫左7成熟，出黎真係有7成熟，切開件扒，入面係好靚既粉紅色^0^配菜既薯條都炸得又香又甜!甜品係一件綠豆糕，味道唔錯，不過個配搭好似怪怪地最後埋單係136，我覺得以呢個質素黎講好抵可惜美孚對我黎講實在太遠，唔知幾時先再有機會黎食

A very good environment in Mei Foo. Lunch is cheaper than Causeway Bay shop. A terrace here can be smoke. How about after 1 Jan 2007?. The terrace is outdoor.

環境(Environment)：舒適! 設有露天坐位, 本人特別喜歡那裡的搖搖椅, 小朋友見到一定喜歡!味道(Taste)：特別推介甜品, 份量適中, 樣子討好,可多嚐試幾款喔!服務(Service)：一般!抵食(Price)：Tea time最抵!乾淨(Cleanliness) : okay!

大澳之後,回到東Chung,本著去上皮嶺村探朱朱,可惜周一休息,心血來潮,藍貝癮起,一想就想到去美孚Baby Blue.搭地鐵出去,不需半小時.下午時段人流不多,lunch set上的藍貝餐$88,有沙律餐飲,三種煮法,番茄,香草啤,芝士.揀下最清淡的啤酒.前菜沙律普通貨色,猶幸沙律菜碧綠爽脆.等了一會,Mussels上桌,只是一碟上,登時打個突為何不是一煲上?)事前真的太天真,晚市賣$160左右的Mussels,在午市理應打個半價嘛?最後點算,十四隻,藍貝無錯係很鮮,可惜份量太少.伴菜的薯條還多,無非係想用薯條,塞飽你個肚.吃青口,當然一大煲上,吃極也不完,好像落花生般過癮.返回藍貝方面,啤酒汁的啤酒,相信係用"好加頓",此隻啤酒本身已帶有香草味,再加香草去煮,略嫌整色整水.無事囉黎幹.看見晚市有個餐,取極好意頭$168,藍貝加主菜,奉送Hoegaarden一支,價錢相宜,不過Hoegaarden支裝,沒有甚麼味.就算生啤,也不是貴很多.為何店方唔去諗下?無獨有偶,近兩次到Baby Blue,也是周一前來,不過耳邊沒有傳來急促的Eurobeat節奏,只有店內電視上的都市閒情.年來此店