小皇府 (惠安苑) (已結業)

今日轉左3號風球後，因為大雨關係就打算喺屋附近餐廳食，行左幾間之後打算食點心就入左小皇府。 首先要講喺啲食用餐具好唔掂，筷子有陣怪味，一用濕紙巾抺落去馬上變黑，杯杯碗碗碟碟都有破爛，跟待應拿一次性筷子他們說沒有，我們變臉後便馬上拿給我們了。 待應唔知係咪落波要返工，無黎精神唔識講野咁。未開紿食野啲食欲已經無晒，到講食物，香煎臘味蘿蔔糕係有史以來最難食既，落完單唔駛2分鐘就上到枱，食落去係室溫咁，完完全全唔脆，失望。紅油抄手貨不對辦，係急凍野，求其淋啲豉油麻油剪幾粒辣椒落去就算係紅油抄手，超失望。燒賣同馬拉糕算係正常，即叫即蒸，鎮江小排骨算係咁，瑤柱小籠包個皮超厚唔好食，叉燒腸粉用隻爛碟，同埋又係室溫既唔得。

今天星期日(9月10日)預早作中秋節團圓晚飯，小皇府雖然係街坊茶樓，坐落於華蘭路，除了附近街坊或在太古坊的上班一族知道外，外區也未必太多人會認識它。其實此間茶樓，我家經常有在假日飲早茶或下午茶，食物質素穩定，服務也不錯，值得推介。今次係第一次在這裏晚飯，叫了以下幾個餸，內有5個餸係一個6人套餐，其他係散叫另加的：小皇府小炒王 (不錯)咕嚕松子魚 (呢個好味)豉椒蟶子煎米粉 (蟶子很韌）蜜椒薯仔牛柳粒 (呢個好味）干煸四季豆（不錯）水煮牛肉（不錯）豉蒜蝦乾涼瓜（不錯）濃湯花膠雞煲（雞很滑，但湯太鹹）原籠荷香龍躉蒸飯（呢個好味）乳鴿2隻（不錯）整體我會推介此間酒樓，大家都可試一下！

朋友說呢間點心專門店的點心唔錯，特別係有我很喜歡吃的焗西米布甸，所以我行完康怡廣場後專程散步過嚟試吓😬呢度不單止係焗西米布甸，係很特別的柚子焗西米布甸，果然係我杯茶，熱辣辣的上枱，結合了柚子的清新酸香和西米布丁的綿密口感，布甸融化在口中，帶來濃郁的奶香味道，同時搭配著柚子的微苦與微甜，很不錯😋

地方寬敞乾淨,想坐得舒服，就係不錯的選擇了。點心即叫即蒸，蝦餃同燒賣可以點兩粒，適合人數較少，可以試多些款式。今日點了蝦餃，蝦爽口新鮮，可惜皮略厚，燒買和XO醬蒸鳳爪味道很好，金蒜蒸排骨入味夠稔，柚子焗西米布甸香滑不太甜，合我胃口，價錢雖然唔係太平 但質素有水準而且坐得很舒適，可以一試。

家庭聚餐又唔想出街同人迫，於是用Openrice订外賣。落單後通知要45分鐘才可提货，出乎意外约20分鐘貨便到齊。全部6個餸,每個用膠盒放好，一個手抽便可提走。鳳尾蝦春卷炸得颜色金黄，吃起來仍十分鬆化。鲍汁鳳爪味濃，鳳爪炆得夠淋身非常好吃。薯仔牛柳粒嘅薯仔炸過十分香口，食起來一啖接一啖，不知不覺吃多了。豆腐蒸龍躉,蒜香味十足，豆腐和魚肉又香又滑，值得推介

小皇府雖然無大酒樓嘅豪華裝修，有點似茶餐廳格局，但無論食物質素以及服務都比好多大酒樓好。呢度坐得幾舒服，無一般酒樓咁嘈吵，就算過年期間嚟飲茶，侍應都唔會一窩蜂走嚟搶住要利是，同平日一樣保持好態度好服務。點心選擇多CP值高，鹹點甜點小食樣樣質素都好好。點心即叫即蒸熱辣辣上檯，燒賣同蝦餃仲可以叫兩粒，少人數飲茶最適合不過。最中意呢度嘅鮮茄上湯鮮竹卷。耐唔中都會嚟呢度買外賣，每次都pack得好妥當，唔會攪到肥淋淋。尤其炸物會喺盒開窿，就算外賣咕嚕松子魚，返到去仲有D脆，唔會軟淋淋

菠蘿叉燒包菠蘿皮一啲都唔脆皮叉燒餡入邊有菠蘿咬落去，全部都係麵粉老實講，食咗咁多年叉燒包都未試過入邊有菠蘿香煎臘味蘿蔔糕煎完擺咗好耐，跟住攞去微波爐叮應該脆嘅地方係淋嘅應該熟嘅地方係凍嘅完全冇味，全部都係粉紅油抄手啲雲吞仲細過啲急凍雲吞個雲吞竟然食到有雪味講明紅油，但係佢竟然係黑色賣相一啲都唔吸引求其淋啲豉油麻油剪幾粒辣椒落去就話係紅油抄手根本就係剁椒蒸魚頭咁好鹹，仲要一啲都唔辣鮮蝦腸粉係唯一正常嘅嘢食不過腸粉有啲厚，食到粉嘅感覺鵪鶉蛋燒賣鵪鶉蛋食落去個蛋白嘅位置硬到傻咗好明顯就係蒸過龍燒賣餡正正常常唔使食已經飽，望到都成肚氣警世食評冇一樣嘢係合格

很少寫食評，這次很不舒服，平常偶爾都會去買點心，不過不失，因為離家近，所以偶爾會去。這次很想吃點心，就去買來午餐，等了20分鐘，就帶回家外賣，本來很開心，一吃燒賣就吃到粉粉的感覺，一看就是原來粉皮都沒有熟，一籠4個原來裡面都沒有熟，非常失望。以前剛開的時候還不錯，慢慢覺得用料變差，沒有那麼新鮮，這次徹底投降，食物材料的質素越來越低。很失望的一次經歷，點心很少會不熟，可見他們管理出現問題，希望管理層認真處理。我已經把點心帶回去給他們看，以後都不敢去了。

同媽咪都鍾意食點心，想坐得舒服啲所以都間唔中會嚟呢間中餐廳食點心。最鍾意食呢度嘅腸粉，好滑而且大份。其他嗰啲煲仔小菜都好食㗎👍🏻平時好少嗌炸嘢今次叫咗個蝦多士🍤 ，炸得唔錯。👍🏻焗西米布甸都係好正👍🏻。

新年點心暖意濃，送舊迎新兔年紅。試左好抵食既乳鴿、胡椒豬肚（有點辣）、鎮江排骨、臘味糯米飯、蘿蔔糕和羅漢齋素食小菜（推介之選）。希望再開分店，增加點心款式等美食。

今日要farewell 同事所以選擇左黎呢度飲茶，今次我哋有10個人咁多，所以去飲茶就最適合不過，又可以叫多款點心🥧好耐冇試過咁多人去飲茶食得咁開心🥳呢間酒樓嘅食物質素都唔錯，點心同東海比較唔差架，有同事鍾意食呢間多個鍾意去東海添，佢都有好多點心好好味，佢嘅炒飯都唔錯，呢間酒樓上菜都好快，我哋咁短時間食午飯都趕得切準時返公司，如果去第二間飲茶我相信一定會遲到，雖然唔係大酒樓但係都有大酒嘅食物質素，服務都唔錯，佢哋好醒目知道我哋食飯時間短好多嘢都會快快手同我哋安排👍佢的甜品有款紅棗糕我覺得好香好好味😋佢嘅福建炒飯都好好味，第日要同屋企人黎呢度試吓佢的晚飯，不過唔知佢晚時段多唔多人😅難唔難book位😬

本人甚少寫食評但係為咗表揚貴公司服務特登寫一個評語事緣尋晚delivery嗌咗外賣唔小心撳咗外賣自取因為抽唔到時間過去拎唯有硬著頭皮打畀貴公司希望可以幫我雪住啲食物第二日下午過去拎返餐廳一位湯先生接電話二話不說就答應第二日安排時間去攞返嘅時候發現食物仲係暖嘅原來餐廳特登幫我重新做過先唔講味道,淨係呢份心已經值得表揚！由於已經食咗晏好飽但係因為仲暖暖哋,都忍唔住試下蒸肉餅同燉湯非常美味👍

希望小皇府D小菜餐牌改變下之如應該增多D小食吸引顧客，燒味飯應該做多D特價，D點心OK之如增加番D碟炒飯吸引D顧客，仲有D午市特價點心增加多D吸引顧客，外賣放面有折吸引D顧客知道多人食

好想飲茶但又唔想去酒樓，上網搵就發現呢間小皇府，位置比較隱蔽，不過勝在唔多人，地方乾淨，感覺不錯👍🏻全日都不用加一，如果平日黎在早市或下午茶時間仲有折扣台式脆蝦腸粉｜$40好大條切開有九件，好貼心豉油係分開上☺️雖然腸粉有點厚，不過有不少蝦粒，爽口又帶點脆口既口感，不錯小皇府鮮蝦餃｜$23/2件蝦餃可選2件或4件，外形幾美觀，顆顆扎實飽滿🤤外皮晶瑩冇破爛，鮮蝦夠爽雪山菠蘿叉燒包｜$38/3件9點半後先有供應，不過唔係熱送上黎😕應該出爐左一段時間，幾足料叉燒包，叉燒切成粒狀，醬汁唔會過甜，菠蘿皮未夠鬆脆懷舊臘腸卷｜$28/2件外皮幾軟熟，唔會好濕或者過腍，不過臘腸未夠油香和鹹香，一般般薑汁千層糕｜$26/3件超推介點心👍🏻熱辣辣蒸出，薑味濃郁又好煙韌

過中式節日時總會想飲茶，因為感覺可以更close。小皇府非傅統酒樓，反而是點心專門店，坐落尚算舒適，有點心、小食、炒麵飯及甜點等等，可以滿足一家人的口味。◽️ 馬拉糕熱熱的上桌，味道不會太甜，而且好鬆軟。◽️ 小皇府鮮蝦餃蝦餃都算大粒，蝦肉爽彈，但略嫌外皮較黏。◽️ 臘味蘿蔔糕 每次飲茶都會叫蘿蔔糕，叫得到蘿蔔絲，而且不會只太多粉太實，有燶邊的話可以再加分。◽️ 黃金沙律蝦
以為係中式蝦角，豈料上桌是日式炸蝦 XDD，估佢唔到呀。◽️ 煎糯米雞糯米雞沾上雞蛋嫂再煎，糯米煙煙韌韌，餡料都不會太鹹，如果可以再煎得脆啲就好啦！◽️ 炒腸粉正常炒腸粉，不過都好滑溜。🔸 薑汁千層糕薑味香濃，食落煙韌，甜度亦剛剛好。