小皇府 (惠安苑) (已結業)

今日轉左3號風球後，因為大雨關係就打算喺屋附近餐廳食，行左幾間之後打算食點心就入左小皇府。 首先要講喺啲食用餐具好唔掂，筷子有陣怪味，一用濕紙巾抺落去馬上變黑，杯杯碗碗碟碟都有破爛，跟待應拿一次性筷子他們說沒有，我們變臉後便馬上拿給我們了。 待應唔知係咪落波要返工，無黎精神唔識講野咁。未開紿食野啲食欲已經無晒，到講食物，香煎臘味蘿蔔糕係有史以來最難食既，落完單唔駛2分鐘就上到枱，食落去係室溫咁，完完全全唔脆，失望。紅油抄手貨不對辦，係急凍野，求其淋啲豉油麻油剪幾粒辣椒落去就算係紅油抄手，超失望。燒賣同馬拉糕算係正常，即叫即蒸，鎮江小排骨算係咁，瑤柱小籠包個皮超厚唔好食，叉燒腸粉用隻爛碟，同埋又係室溫既唔得。