小蜜蜂 (已結業)

第一次黎食的食訐...果日遊完荃灣返到沙田都成八點幾,就黎呢度食...因為係食飯時間,所以又係多人...入黎叫左個xo醬海鮮炒烏冬...過左兩個字,一對情侶黎,坐我對面...情侶叫野食...過左兩個字情侶叫野食到齊,我的仲未到...過左兩字,情侶食野食野食左一半,見到我叫的烏冬仲未黎,覺得出奇,就問我...情侶:「你叫左野食未?」我:「叫左個海鮮炒烏冬...」情侶:「咁耐都未黎,可能係漏左單...我幫你同佢講。」跟住情侶就同職員講...原來唔係漏單,而係佢搞得耐...過左個幾字,碟xo醬海鮮炒烏冬終於黎了...xo醬海鮮炒烏冬都幾大碟...烏冬有咬口,炒得入味...海鮮就係魚,魷魚,蝦...魚都算幾好,都算入味,但蝦,魷魚果d就唔得啦...完全一d味都冇...上面仲有d蔥,芽菜,都幾好食...埋單$30,都幾飽...夜晚去快餐食都唔止呢個價...呢度仲有多款小菜食...下次可以一試...

第二次黎食,知道呢度d野唔係好平(第一次的食評遲d補番)...其實呢度都有車仔麵,不過比河畔的貴,所以自己都未食過...本黎今次係想試車仔麵,但唔想食肉,見到餐牌有個叫做鮮什菌螺絲粉,自己又鍾意食菌類,就試左呢個+奶茶...鮮什菌螺絲粉,鮮什菌有冬菇,草菇,秀珍菇,仲有一種唔知叫咩名的菇,冬菇係鮮冬菇,唔係乾貨果種,但嫌唔夠鮮...草菇,秀珍菇ok,果種唔知叫咩名的菇反而幾好食,一片片的...螺絲粉係有咬口的...只可惜碟鮮什菌螺絲粉實在細碟,食完唔飽,覺得唔太抵...奶茶,茶味奶味並重,但唔夠滑...