小豆島日本料理 (已結業)

前排入左上水朋友屋企度打機,大個左之後都好小一班人咁開心打機,特別珍惜依D時光之後落左街食野,去左食日本野食左個魚生飯,都算係唔錯,三文魚幾滑幾爽,魚籽就麻麻,唔算太新鮮個飯用珍珠米,所以幾好食之後食左D炸物,味道都唔錯雖然唔係傳統日式炸返,但做出黎都唔差炸雞扒雖然好多油,但食落幾好食,好香,D肉好滑食慣貴野既人會覺得麻麻,不過我依D乜都食得既人就覺得都OK

久唔久都有去呢度食 覺得食物ok價錢又平 今朝早左出門 所以去試下小豆島早餐 無隔離大x樂咁迫 唔駛自己拎 但價錢差唔多 入到去唔算多人 點餐等左一陣但唔算太耐 我叫蕃茄油螺絲粉配炒蛋火腿牛角包 加杯熱奶茶 都係三十蚊 比連鎖快餐店抵食 但坐低好似越坐越熱 無開冷氣咁。。。落單兩分鐘 先黎奶茶 今次的茶有點澀 唔好味 再黎炒蛋同牛角包 牛角包微暖 牛油味重 好味 但炒蛋就好油 掀起成隻碟都係油 所以我留返陣間放湯食 到蕃茄湯螺絲粉到左 湯無咩蕃茄味 但清清地都ok 份量都好夠 不過越食越熱 熱到成身汗 唔想食 最好未食完都走左。。。夏天要再去真係要諗下=_=

星期日唔多想煮，最好瞓到晏去食餐就算啦～ 走入之前食過嘅小豆島，下午茶ok ge，就試下午餐陶板鰻魚炒飯 （$58）上枱，個飯都幾吸引嫁！大大隻蛋響上面，又有芝士，個飯又香，鰻魚粒多又大，篤穿隻蛋仲有蛋汁流出黎同飯一齊食，仲！芝士表面烘到燶燶地，用叉拉開仲熱辣辣個醬汁不會太咸，同芝士，蛋汁、蛋，自己撈匀，滋味之餘，響板上還有鑊氣，味道適中，鰻魚厚身之餘，也足料，份量也挺多食物就比較油隨餐附麵豉湯同沙律，在外吃算抵食胡麻醬拌烏冬 （$58)烏冬係用稻庭烏冬，口感煙煙韌韌，條條幼細，口感十足，彈牙，當然好食！ 粟米、紫菜、各種蔬菜切絲、玉子絲已經好色彩繽紛，夏天見到都吸引，仲有日式叉燒同蟹柳，材料豐富之餘，味道不會俗，感覺也健康 配上沙律醬同胡麻醬，滋味更多但略厭醬汁多左少少，食到最後有點膩隨餐仲有三文魚刺身，更加覺抵食刺身魚味十足，肥美鮮甜，魚香濃郁服務一般，餐廳好忙，店員都無乜機會招呼到

上星期四同honey 再去呢度食，叫左幾份刺身，有三文魚，北寄貝，吞拿魚，甜蝦，全部厚切又鮮甜，無雪味，另外要份燒靖魚，燒得剛好火喉，仲有三文魚炒飯，因太心急食又無影相，下次晩飯再補數，其實又唔似其他食評講得咁差

第一次寫食評，因為我真係第一次覺得有餐廳的食物係難食，水準係差。行開上水，就搵間餐廳食下午茶。 見小豆島較隔離的纜車餐廳光猛，就入左小豆島。扲飛等候期間睇下餐牌，都有少少期望，始終又肚餓，餐牌都精緻。等了大概五六分鐘，眼見入面有位但無人帶位，男友主動approach 先有得入去坐。叫嘢食，火炙蟹棒三文魚飯同壽司拼盤加迷你叉燒烏冬(名字大概是這樣。）(題外話，侍應姨姨讀左火"炎"而唔係讀火"隻"，扣少少分 。) （1）叉燒烏冬先來，烏冬好淋，湯只得咸味，叉燒無comment 因為男朋友食左。（2）個飯，話明火炙 但兩樣嘢都係凍。本身已經唸到worst case 係只有蟹棒會火炙，點知兩個都無。興幸個飯係有醋味。 。 。 。 。 （3）壽司拼盤，有三粒燒八爪魚丸，但只得粉漿；有四件壽司: 鰻魚 熟蝦 八爪魚 三文魚, 我食三文魚壽司 ，無味的。唯有點多啲豉油同wasabi... 因為食物質素其差 最後忍唔住去填顧客意見表 ，好希望佢地會改善食物質素。始終一間好餐廳最重要的都係食物，你服務環境其他野差，食物好，點都一定有人捧場！ 雖然男友話未去到好難食 ，只係唔好食，但離間真係入black

星期日中午，一行四人來到彩園廣場吃午飯，到處都很多人。旁邊的餐廳同樣要排隊，而且以前試過了。看到這家店的門外美麗的相片餐牌，就想試一試這間。光時等位也用了十多分鐘，還好獲分配一個卡位。假日午市套餐款式很多，有二十多個套餐。我選了粒粒魚生飯，老公選了黑咖哩芝士牛肉石鍋飯。同行的妹妹和妹夫分別選了蕃茄雞扒烏冬和豬軟骨拉麵。小食很快便到，跟麵餐配兩件加州卷，味道算是不錯。我的跟餐小食是炸雞兩件，可是一點也不熱，皮也不脆，不知放了多久才上檯，真是非常失望。魚生飯賣相還可以，可是三文魚及吞拿魚的分量的確很少，劍魚卻很多，但味道不太鮮甜。整個魚生飯用很多飯放在底，令視覺上做成錯覺，看上去好像很大碗，可是魚生的分量根本不夠，連青瓜粒也沒有。老公點的黑咖哩芝士牛肉石鍋飯熱呼呼很吸引，而且還有飯焦在底。可是味道來說，這個黑咖哩的話，根本一點咖喱味也沒有，比較像是墨魚汁飯，而且芝士的份量與相片相比也差太遠了。妹妹的蕃茄烏冬用石鍋上，上檯時還是滾著的狀態，很好。可是雞扒卻燒得很差，皮不脆而且不算熱。我嗜過一口蕃茄湯，味道算是不錯，烏冬質感也不錯。跟餐凍飲加$3，午市免加一，不用重覆上次妹妹來，$0.4元的尾

朋友知我鐘意日本菜，介紹我黎上水區呢間區內不錯口碑嘅餐廳一試下午茶時間～就嗌左中華胡麻醬冷拉面，凍凍地岩哂夏天食～ 附餐附送加州卷兩件，同追加十蚊三件三文魚刺身中華胡麻醬冷拉面，拉面雪到凍凍地，面身彈牙，胡麻醬好香，唔會過多而感覺太膩，食落感覺清爽，同配菜幾多，有菜，粟米，玉子，少許嘅肉同蟹棒，食落感覺有菜嘅清新，又有少許肉味，令人回味十足加州卷都算大舊，略厭蟹籽太少，令壽司表面口感減卻，材料都足，隨餐附送都幾抵～追加嘅三文魚係抵讚之處，三文魚厚切大塊，刺身夠肥，魚脂分布均勻，新鮮度足，令人更想食多幾件，十蚊三塊算係好抵啦！成個下午茶跟餐飲39蚊，唔加一，算幾平餐廳幾乾淨，有望下次再黎食

天氣咁熱,自然唔想係屋企煮  而我同朋友最常去就係嘆個日式下午茶小豆島係我地經常"打等"ge 地方, 因為佢下午茶唔算貴, 想食下日本野過下口癮的朋友可以一試!我地唔需要等好耐, 就算星期六日都好快有位坐位置算寬敞, 卡位更加舒服些, 不過服務員就真係唔多掂, 手腳慢, 又唔熱情叫幾次話點野食先慢慢黎, 水都黎得好慢我每次都食蕃茄石鍋豚肉鍋讚歧烏冬, 39蚊個餐包熱飲同加洲卷, 朋友中意食胡麻醬撈冷面蕃茄石鍋豚鍋讚歧烏冬表現正常, 一上桌起哂泡咁, 佢應該係加熱左個石鍋然後令到蕃茄湯好滾石鍋烏冬整法唔難, 一般只要烏冬唔係差都唔會難食, 而佢係用讚歧烏冬, 口感好好帶有少少稔, 有D似食湯圓果隻質地! 正是我最中意果隻口感, 而湯底, 都應該係茄湯, 無咩特別要食烏冬的朋友可以拎碗裝住,因為就咁係石鍋把烏冬放進口會熱到飛起, 好易會整損個口朋友的胡麻醬撈冷面, 胡麻醬係特別特別多, 所以味道好濃架! 雖然佢有菜打底, 但因為拉面係勁多,我朋友次次都食到勁飽! 有時兩個人分會好些,可以每樣食一D!我同朋友都想試下魚腩刺身, 點知大失所望!!!!!刺身切得勁薄同勁細塊, 又唔係特別新鮮,

某日食晚飯揀左呢間日本餐廳，點知中晒伏兩個人食叫左一個冷面同魚生飯，首先冷面完全淡而無味，好似食緊水煮面咁，但都叫勉強落左肚。之後個魚生飯先恐怖，外表尚叫正常，其他魚生都還可以，但兩隻蝦腥到我一放入口就吐出來，已經腥到脫離"唔新鮮"呢個境界，根本難以吞嚥。結論呢間餐廳係唔會再去食，列入黑名單

聽人講呢間餐廳唔錯，今日收工就去試試唔洗等位，格局企理干淨，入到去餐廳幾闊落幾大嗌左火炙胡麻醬三文魚壽司，火炙芝士加州卷同三文魚腩先黎三文魚腩，魚腩好細塊，又唔係厚切，55蚊略貴，部位又不是特別有魚香，回味度低火炙芝士加州卷，芝士味濃，三個菜之中算最好食，蟹籽脆口，款色略厭普通最後嘅左火炙胡麻醬三文魚壽司（做緊推廣： 6蚊一件），壽司落左單勁耐都未黎，一黎到，有少少失望，佢係火炙左d三文魚，之後淋d胡麻醬，味道好濃，胡麻醬蓋過了三文魚的味道經理服務又麻麻，一手就拎走左個餐牌，問到唔問，仲想嗌野食，見佢拎走左就廢事嗌夜晚仲要收加一服務費，價錢同質素比較，認真麻麻

本身環境睇落好好，但d凳個設計超唔舒服、一坐好似凹低左咁，小朋友完全坐唔到食野…lunch set野食一般，但晚市d野食超唔掂，生豪又細又唔新鮮…服務態度勁差，新人就乜都唔知，乜都要再問經理，叫少冰又大大杯冰…個冇乜頭髮個經理仲衰，話左小朋友坐唔到果d凳，但死都唔比卡位坐，又話唔比呢樣果樣…如果唔係少食市，同有學生哥頂住，好快執立！

星期六夜晚周圍都好多人, 特別係食日本嘢, 行咗好多間都門口排長龍。之前食過呢間兩次, 都 ok 嘅, 不過不失咁。叫咗碗粒粒魚生飯, 等咗一陣就嚟到, 侍應一放低嗰陣我都呆咗一呆, 一睇就見到成碗飯青瓜同蘿蔔仲多過魚生……夾晒啲青瓜同蘿蔔出嚟, 得嗰幾粒魚生……做生意唔係咁樣呀嘛? 另外試過兩次 order 粒粒牛柳都係冇, 咁佢擺落 menu 做乜?

下午茶走入上水一間新開日式餐廳開飯，叫左個蔥燒牛肉烏冬，石鍋黑豚肉鮮茄烏冬，隨餐附送加州卷及飲品蔥燒牛肉烏冬，牛肉略厭有少許粗糙，玉子剛好熟，做到溫泉玉子的效果，係豬肉湯底讚歧烏冬，湯底濃郁，味道不錯，大份足料石鍋黑豚肉鮮茄烏冬，黑豚肉熟到剛好，茄湯咸度剛好，石鍋上枱時還滾燙，新鮮度高隨餐的加州卷制作尚可，餡料略厭較少是次追加10蚊3件三文魚刺身，值得一讚的是，三文魚刺身厚切，新鮮度高，光鮮之餘，魚生味道濃郁 價錢廉宜，39蚊一個烏冬，附熱飲及加州卷，是不錯之選擇

看見menu 寫深海池魚有十四切$58order了之後只有4件店員話尼個厚切所以只有四件，完全唔覺自己有錯認真吹漲！ 食完之後只覺“厚切”池魚唔好食完全對尼間嘢失望！

行過上水見到新開壽司店入去食點知大失所望第一次食咁頹既魚生飯仲衰過爭鮮仲有個燒鰻魚飯得幾片薄鰻魚汁又少，食得出就咁用火槍燒好大浸燶味店員服務態度又串又差仲話我亂咁自己坐位，唔等佢帶位但明明門口隔離有個職員企係度都無理我環境新淨但唔知點解好多蚊滋飛黎飛去以後都唔會再黎