小豆島日本料理 (已結業)

上水食日本餐廳的好選擇！！！一到夜晚 間間日本餐廳的價錢都高得驚人 每樣食物都100蚊以上 但上水哩間都只係50蚊左右 價錢平 味道又好先講下個壽司卷 將蠔當材料 食出蠔香味之外 又有濃濃芝士香 讚！！再黎係中華拉麵 面十分爽口 汁香 甜甜的 加青瓜 蟹柳等材料 清新度滿分上水人可以來試試xd

今日約好寶貝傾心事~路經此地見開左間新店,緊係要支持一下LA!下午茶時間居然可以冇客人,我地以為有落場~問過服務員小姐~佢話OK可以入舖頭地方濶落,枱同枱之間唔算太迫,感覺相當舒服我地揀左個邊埋少少的心儀位置坐底,志在沒乜人打擾~傾計方便睇睇餐牌~感覺有趣,新開舖頭餐牌已經比客人睇到有點殘舊,好似睇過好多次我地最中意試舖頭的推介同必食之選,咁就可以睇到舖頭的水準~呢到D推介多數係熟食煲煲飯飯, ...下午茶我地唔想食咁飽~所以點左少少輕食三文魚腩刺身及壽司 - 三文魚腩刺身咬落去好新鮮好香三文魚味而且好肥美, 而且結實有口感~~以呢個價錢可以食到呢個出品有少少意外!只可惜壽司飯真係令人失望~作為一間日式餐廳,好難容許有呢種出品~冇醋香之餘且煮得太爛~入口感覺爛得黎又壓得太實,失去一粒粒的口感...蟹子沙律 - 一睇落去真係嚇親~成份沙律主要係青瓜絲同蟹子,仲有一條蟹棒,被嚇親重點係佢那團勁多的沙律漿~真係實在多到太誇張了~唔知係咪沙律漿來貨太平,所以重手了~破壞左原是清清地的沙律了芥末八爪魚小食 - 簡單又唔簡單的小食,芥末太重手的話,唔係人人受得住,唔夠味的話又失去了咽喉的刺激,我個

確實用餐日期我也不太記得了。大概是上個月的新屎坑潮還沒退去，便與朋友一同去吃午餐。門口有自助取票等位服務機與顯示牌，等位不會混亂。裝橫一般，衛生不錯。燒雞蕃茄濃湯讚岐烏冬當天人很多的關係，等了二十分鐘左右才上菜。（鄰座更是等了超過三十分鐘也沒上菜，三催四請的）第一眼的感覺是：呢pat野咩黎？賣相其差，相也影不落手。味道一般至極，自己整分分鐘更優勝。唯獨是蕃茄湯底夠濃，對喜歡蕃茄味的朋友來說應該會lam曬脷。豬軟骨拉麵日本餐廳的必備菜色，我一向認為這些現成野很難會煮得難吃。這裡的豬軟骨拉麵卻顛覆了的我的常識.....每份午餐跟兩件加州卷，向店員催了大概四次左右，終於來了兩件，還有兩件.....算了，不吃也罷。年輕店員服務態度不錯，起碼不會黑面。反而有位應該是經理級的男性，態度極差，好似我地欠左佢咁。鄰座客人向他投訴食物一宜，反而遭受白眼！

上水彩園難得有日本料理 , 趁週六來試試門面開揚 , 一看就看到裡面坐滿了客人 , 可以坐到過百人 日式料理大食堂魚生部約有6名師傅! 還有個大大的廚房!是次點了三文魚貝柱丼 及 辛辣海鮮讚岐烏冬 三文魚貝柱丼餐 $54三文魚好新鮮夠肥美有四大片,賣相不錯,味道也好,不算薄身!貝柱細細粒, 但加上蟹子和沙律醬就好好味.送的日本蒸蛋好滑. 烏冬份量真的好迷你! 但豬骨湯底OK.辛辣海鮮讚岐烏冬 $60湯底有地獄湯底風味 , 辣得好好味 !海鮮有2隻脫殼青口,2條蟹柳,1隻帶子,2隻蜆肉,幾塊魷魚圈,粟米,昆布..足料烏冬煙韌口感，入口彈牙送的加州卷一般凍檸茶有咖啡味,十分奇怪! 這份烏冬用石鍋上, 石鍋重到舊石頭咁...服務員認真辛苦! 這間餐廳用的餐具都很精美,有陶碗和陶板...設計認真,甚有日式風味..真的辛苦了!