小鍋米線

營業中

休息中

元朗一間好有名既小鍋米線🍜晚餐諗唔到食咩都會諗起佢 價格非常之平民😌呢到既南乳雞件好有名湯底係比較酸既 好多酸菜 👍🏻鐘意食酸既朋友唔可以錯過呀米線係比較淋身既，配料好足今次叫左一個餸🌶️小辣🌶️🥢自選米線 雞翼尖 $44湯底 有芽菜，腐皮，酸辣肉碎，秘製甜酸菜，菜女仔既話一定夠飽 又平又好食白選擇😋⭐️CP值;⭐️⭐️⭐️⭐️👩🏻回頭指數;👩🏻👩🏻👩🏻👩🏻📸打卡比分;📸📸

依間小店真係由中學食到依家，由雞地店食到會專登走嚟千色店附近食。每次嚟都叫招牌小鍋米線，配料有雞肉、鮮菌、肉碎、炸醬、腐皮、芽菜、甜酸菜，最鍾意佢啲甜酸菜同配料夠多，一有機會就會嚟食。南雞新鮮炸起，好多時都會上左碗米線先到南雞熱辣辣咁上。除左南雞，都有食過栗米雲吞、蒜香雞中翼、香炸豬扒，叫小小辣都係我接受到嘅辣。我自己就鍾意支持依啲小店多過支持連鎖店食連鎖就冇咁多配料食，所以長期keep住咁多人嚟食係有原因。

一出世就係元朗長大，中學期間就會成日同朋友一齊黎呢到食午餐、覺得又夠飽好味同埋抵食! 每次黎都好多人會排隊等入座或者等外賣… 鋪位唔算好大間，大家就下方便就坐到。 每次黎必選自選小鍋加南乳雞件、真心好鐘意食佢地既酸菜，食過咁多間米線都係覺得呢到好足料同埋真係好入味，由小辣食到佢中辣再食到大辣真係好入味，夠哂辣同夠麻。仲要佢好大碗...麫底又夠多....個人食米線鐘意食淋身 佢地煮得真係夠淋...配料又夠多，有金菇、牛乾菌、茶樹菇之類!!! 湯又夠濃味，南乳雞件佢地係斬件咁出，又真係叫完馬上炸又夠香口同脆。覺得簡簡單單一個米線已經夠飽...❤️‍🔥❤️‍🔥❤️‍🔥

小朋友返左學，要好好享受下麻辣米線metime 啦！呢間小鍋米線我食過好多次啦，每隔幾個月就會想食一次，次次我都必定嗌鵝腸。因為唔係度度都有得食，而佢既炸物配埋好fresh 既辣米線真係絕配，最衰酸菜唔可以嗌多份，因為佢既甜酸菜好易入口，湯底唔油最岩我。今次我嗌左鵝腸招牌小鍋米線+南乳雞件佢陣南乳味好濃又香脆，不過有陣時會痴住碎骨，要小心食。總結，係一個metime 食米線既好地方，只係人多環境比較迫，過完口癮食完就好起身lu.

呢間係我已經食咗好多年，充滿回憶嘅小店，由中學時期食到而家😋 最近試過帶朋友過嚟一齊食，不過佢話冇乜特別，可能有回憶真係有加成😜 而家落十次元朗基本上都會食一兩次，貪佢方便，上菜快，算係開得夜，快靚正咁食個米線😙我每次嚟都係叫過橋米線，湯底有少少金華火腿鹹香，加埋酸菜等等配料，層次都幾豐富，係會令人好有意欲一啖接一啖～小食嘅話最推薦係南乳雞件，炸到脆卜卜，香口惹味，非常濃郁嘅南乳味，不過就唔算啖啖肉。

又係每次返元朗都會食，中學回憶嚟🤩自選米線（選一個餸）💰44 ❤️‍🔥8/10分配料有芽菜、腐皮、菜、秘製甜酸菜🥬我嗌咗 鵝腸、南乳雞件 +💰9今次啲南乳雞件有啲燶，平時好啲🤏🏻雞香口、脆、但無雞味（應該係雪藏雞）鵝腸就正常，無羶味，爽口🤪我最鍾意係食佢嘅甜酸菜，夠酸又爽口🤤肉碎香，薯粉軟硬適中😚冇畀更高分嘅原因係佢份量明顯比之前少咗，兼加咗價，中學食好似係41蚊🤧都明嘅，疫情兼加租🥲不過都係好受歡迎，之前試過外賣要等一個鐘，堂食會好啲〰️想睇相可以search翻ig @foodjobdacon❤️‍🔥

我想講態度好唔掂脾氣差 好似欠咗佢咁 下下都唉唉聲又想鬧人咁 我食過就算啦 冇下次幫襯 大家冇乜事都唔好黎啦 除非你想黎受氣啦我都阻止唔到比錢買難受 食物質素還好 不過幾小野揀

叫完野食就等，後面又黎左兩枱人，其中有啲人同我叫嘅野食一樣，最後佢地啲野上先過我個枱，我地同啲人講返問佢地點解人地啲野上先（一樣嘅野食），叫佢地整快啲，佢哋話叫我地唔好催，然後轉過頭繼續上其他人（比我晚）嘅野，又話趕時間就唔好喺度食，笑死🙃（連小食都係人地先，等左十幾分鐘只有野飲係枱：））

本來預咗用Apps叫外賣貴過堂食，但都想同堂食嘅質素差唔多。叫咗石林米線配蒜香雞翼米線，米線份量比堂食少一半，雞翼由三隻變兩隻😑外賣已經等咗一個小時有多，仲要見到個份量少一半心情即刻差咗😕

以前成日食依間小鍋米線，雖然而家覺得好似無以前咁好食，不過間唔時都會想食佢個南乳雞件。通常都會叫招牌湯底($49)+南乳雞件，個湯底會有雞肉+菇+木耳+肉碎+甜酸菜~南乳雞件好似係第二啲店都比較少見，炸到好香脆味道惹味，有五粒，可惜有時炸過火同埋好細粒。另一碗就係自選米線($43)+豬扒，豬扒比較細塊同薄題外話: 之前試過自己一個去食，疫情期間面對面無隔板真係想即刻走，明白座位有限但係加個隔板唔係好難啫。。。環境好迫，好似歡樂滿東華，塞巴士（跨張）

屋企人叫我幫佢去小鍋米線買碗米線點知買完比其他屋企人見到個個都話想食一啖食吓食吓比我哋搶晒嚟食🤣🤣下次要買多幾碗先得喇之前有一排成日食小鍋🤤🤤佢啲配料真係好足😋完全冇得輸呀💯

元朗 fat trip 第五站友人話呢度嘅辣唔合佢心意，所以我哋一齊試豬骨雞湯底然後勁糾結嗌個咩餸share落單嘅時候姐姐問呢兩碗要咩餸我哋即刻驚訝問呢個價錢包餸?!然後店姐姐介紹南乳雞件同香炸豬扒碗米線都幾足料有雞肉、鮮菌、酸辣肉碎、炸醬、腐皮、芽菜、秘製甜酸菜同菜湯底都幾清，一啲都唔濃味重點泥啦！！！！！香炸豬扒好酥脆，一咬落去就sok一聲，炸粉唔會好厚，肉又唔嚡南乳雞件同樣香口，仲要好惹味食唔停口小鍋米線招牌小鍋米線 $49📍元朗

當初認識呢間餐廳係一個住咗元朗好耐嘅朋友介紹，餐廳位置比較隱蔽，喺嘉城後面條巷仔，如果唔熟元朗嘅人可能要搵一搵。第一次嚟見呢間餐廳喺後巷都竟然咁多人有啲好奇，但食咗完之後就明白喇！我覺得小鍋係元朗最好食嘅米線，而家每次想食米線都會食小鍋😆餐牌分咗小鍋米線同精選米線，小鍋米線就係有基本嘅配菜，再自選餸，而精選米線已經幫你配好哂啲材料，可以選擇大、中、小麻辣或者大、中、小辣，面底可選米線、拉麵、米粉、薯粉，而價錢已經包咗豆漿或者熱飲。平時通常叫精選米線，因為配好哂啲料唔洗煩😂 湯底比較清唔會好油膩，亦好多配料，每款都有腐皮、芽菜同甜酸菜。其中推介大理或者麗江米線。大理米線入面有金菇、牛乾菌、茶樹菇同蕃茄，菇味香濃，鍾意食菇嘅人一定唔可以錯過。而麗江就有鮮鵝腸、雲南野菜、雞脾菇、鮮雲耳，金華火腿，味道比大理清淡少少，最鍾意食雲南野菜，唔係間間舖頭有。每次都會另外加$9要份南乳雞件，其實係斬開一半嘅南乳炸雞翼，好香脆，亦好入味。最鍾意佢嘅秘製甜酸菜，味道偏甜，爽脆解辣，好食到想買番屋企食！可惜佢話無得就咁賣🥲

家人一向唔食得辣，所以我地平時食嘢都係BB辣 / 小辣。今晚的晚餐繼續來得較清淡，於外賣平台揾到元朗小鍋米線。家人叫咗招牌小鍋米線，配料要咗雞肉，荀絲，紫菜，南乳雞件。配料份量十分多，而且味道夠而唔會特別咸。我叫咗成都酸辣米線，雖然配料並無招牌小鍋米線自選的咁多，不過配料同樣美味，而且份量亦同樣多！2個米線都好食，滿意。另外叫咗炸魚片頭，涼伴海帶，仲有郊外油菜，3樣小食整體都OK。提提大家，就算用外賣平台，元朗小鍋米線都需要較長的準備時間，今日就大約要1個鐘頭時間。

由細細個第一次食小鍋，已經愛上左佢地既米線。一路陸陸續續食左十幾年，小學食到中學，中學食到畢業。記得第一次食係自選米線，冇諗過一食就食左十幾年，冇轉過口味。永遠都係自選雞中翼豬肚。佢地既雞中翼，絕對係世一。又香又多汁，食左咁多年都冇變過豬腸就一時時，一時好食一時麻麻😹湯底的話，老實講係差左好多。以前既大辣係好香又夠味，依家大辣淡左得個辣字。不過小辣味道都仍然有水準。 Btw，夏天既湯係淡啲，冬天啲湯係超正。又濃又香👍🏻👍🏻👍🏻