小雲川 (已結業)

在先達附近整完手機，正當和友人肚餓之際又想食米線就見到這間小雲川，見它裝潢都幾新，就入去一試。我叫的是$30蚊套餐，腩肉小雲卷番茄湯米線，想不到番茄湯都幾濃郁，而且加了新鮮番茄！腩肉入味不會太辣，小雲卷其實是用腐皮包住的魚肉卷，不太咸值得嚐試！友人叫的是雞扒豬腸酸辣粉加墨魚餅。豬腸非常難得地沒有那陣尿臭味，可見下了不少功夫處理！值得一讚！墨魚餅比較煙韌，裡面還加了栗米。整碗酸辣粉還有豆卜蘿蔔等配料，只是再酸少少會更好！生菜加$10就有大大碟。小食叫了沙嗲海中寶(魷魚、魚蛋、蘿白)，沙嗲不太辣容易入口，魷魚夠腍 ; 蘿白不會苦而且吸收了沙嗲醬味道，好味！如果魚蛋再入味一點會更好！埋單$119，米線大大碗，非常飽，算非常抵食。

上完堂去食宵夜，覓食途中見到個哥仔叫緊話有招牌嘢推薦，當然就當個勇者一探究竟！小雲川主打米線同肉燥飯仲有d小食，今次我就叫左個雞扒米線試下先！雞扒-大大塊，切件上，微煎炸好香口調味適中米線-原味湯底較清淡，米線軟硬適中。配菜-值得一提有芽菜酸菜外仲有豆卜！其他地方應該當係個餸咁收錢，另外酸菜真係夠曬酸好開胃！小雲卷-招牌小食，腐皮包魚肉，炸左後外脆內軟！加埋甜酸醬真係一流！勁力推薦，因為口感同一般煎讓三寶有出入，可以一試！

近排天氣開始涼涼地，忽然之間好想食辣野。旺角區，周圍都有嘢食。。行過呢間睇落係新開嘅四川麻辣米線專門店。裝修好可愛， 忍唔住走咗入去試吓。 1.蕃茄安格斯肥牛米線 $48茄味尚算濃郁，肥牛嘅級數值得表揚！唔錯唔錯！2.腩肉薯粉腩肉經過店舖嘅特別烹調， 超級入味！有一種好似食緊滷水牛展嘅感覺。。薯粉軟硬度啱啱好！湯底嘅辣好特別。。 剛剛放入口嘅時候，有點甜甜的感覺，大約隔左兩三秒，立美會慢慢會回滲返喺口裏面。。唔錯！3.風味小雲卷$25呢個小雲卷真係好特別啊，外皮吧住係炸到脆卜卜嘅腐皮，裏面係軟綿綿嘅魚肉！一個小雲卷擁有兩種極端嘅口感。如果叫我一個人食晒成碟都可以。 4.都教授雞翼$3雞翼而家做緊特價只係一蚊一隻，呢個價錢真係自己煮都唔得！好抵食。。配有袖子醬雞翼食飯我都係第一次，雞翼嚟講呢一個口味都算係幾清新嘅。5.小雲雞翼 $18因為我本身鍾意食辣，所以另外在叫左個辣嘅雞翼，可能我太食得辣了。。雞翼對我嘅美女來講唔算話超級辣！但總算係焗得好香口嘅6.豆漿 $18豆漿都總算鞋抵飲！因為我哋兩個人去食，叫咗一支豆漿！店員已經自動俾咗兩個紙杯我地，其實咁大支豆漿兩個人飲真係啱啱好！

夜晚逛完街後一個人肚餓到不行，從朗豪坊附近出來晃著晃著就到了這家餐廳，想起來小時候吃的番茄牛腩麵，突然覺得很懷念，於是叫了招牌蕃茄牛腩麵。開始吃真的覺得很清淡，可是越吃越好吃，就是自家煮飯的味道，蕃茄的味道已經融入牛肉湯，肥牛的味道也是十分的濃郁，加了一些小蔥，去掉了可能的腥味，我個人是比較喜歡的。

平時一想食米線，都會諗起譚仔但食多幾次都會悶，今次就係先達附近搵到一間用心小店點解話佢用心?係見佢舖面裝飾同內裡格調都別出心裁，主題藍色，比人感覺好舒服最近日日都出街食，想食得清淡啲，就叫左雜菇米線清湯配料類別都好多，有金菇，草菇，冬菇，雞比菇，同埋兩大舊白蘿蔔米線質感偏硬，湯底因為係清湯所以唔多特別，食到一半知道食唔哂，諗住淨係食餸先發覺我碗米線有咁多菇食極都仲有都幾足料我朋友叫左牛展肉躁飯牛展有咬口，唔係軟淋淋果款肉躁油汁較少，唔會食到成口油味道亦不會過濃，甚好且份量足夠撈雲整碗飯豆漿雖然唔係新鮮製，但冬天可以暖笠笠咁飲返杯都唔錯呀!係旺角黎講，價錢算抵食質素又唔差，下次黎旺角行完街又多一個選擇

今天早上，睡到豬一樣的老公用半醒半睡的聲缐說「今天太累了，今晚我都是不煮飯了...不如今晚我哋出去食飯吧！」好吧比他休息一日啦～ 放工後我們在旺中附近找小店醫肚。本來想行去譚仔的，但是老公想試新的餐廳，最後走下走下，我們碰到小雲川。這餐廳面積不算大，但座位舒適寬敞，以藍白色為主格調，幾清新呀！看過餐牌，這間餐廳的選擇都幾多，除了小鍋米線，還有田園番茄系列丶肉燥飯系列等等。我點了蕃茄安格斯肥牛米線，而喜歡吃鰻魚的老公則點了鰻魚肉燥飯，價錢化算。另外，因為餐廳在做1蚊1隻雞翼優惠，我們點了4隻呢！首先是來自星星的【都教授雞翼】($1隻)，有3種醬可以選擇，有柔情味kimchi柚子醬丶激情味kimchi香辣醬丶純情味kimchi沙律醬，我覺得柔情柚子味比較好味同特別。雞翼煎得香口，雞肉不但熱辣辣而且幾嫰滑，不過如果大隻點更好。【蕃茄安格斯肥牛米線】($46)來了，那安格斯牛肉果然名不虛傳，肉質很鮮甜，肉汁也非常飽滿，與蕃茄湯底一起吃，可謂絕配！至於老公的【鰻魚肉燥飯】，他說味道幾好，鰻魚燒得也不錯，以＄52的價錢來說算抵食！老公覺得鰻魚飯汁比較多，如果少一點醬汁會好些，不過我就喜歡多汁飯。另

行街經過就入去試啦☺️☺️☺️小雲川既小雲卷果然係招牌！脆脆既腐皮包住煙un已調味既魚肉，就咁食都好夠味！呢個雞翼逢叫麵/飯一個，就可以加一蚊換一隻！當然要夠6隻啦！係出面6蚊賣緊一隻半咋！仲有3個唔同既醬，所有醬都加左kimchi,平時唔鐘諗泡菜味既我，都覺得唔錯☺️☺️腩肉豬腸米線，腩肉好林，又入味！豬腸又爽！如果再叫辣多少少就爽啦！番茄湯墨魚餅米線，湯底辣辣地，感覺好鮮呀！佢仲加埋炸蒜，好正😍

去到旺角又想食米線，經過先達附近入左小雲川。小雲川比起一般食米線既餐廳整潔，風格又唔似譚x咁。小雲川有多種餐牌，提供多種套餐。兩個人叫左幾樣野食。小雲川雞翼一客有三隻，火喉岩岩好，落左蜜糖，食落幾香口。鹵水牛展有四件一客，大大件，都幾抵食。雞排小雲卷米線有雞排有小雲卷，都幾豐富，小小辣味道岩岩好，酸酸辣辣幾野味，再辣未必食到。蕃茄安格斯肥牛米線蕃茄湯唔會太濃，有新鮮蕃茄，肥牛唔會太大舊同埋夠淋，唔錯。熱豆漿甜度岩岩好，今日咁岩轉凍，飲杯熱豆漿一流！如果去開旺角想食米線，唔駛下下譚x既，可以試下小雲川。

約咗友人旺角食lunch, 朋友話想食米線,又咁就走去小雲川去搵食小雲川座位都坐得很舒服 環顧四周，裝修佈置簡約風味小雲卷小雲卷入面有魚肉係一條, 魚肉煙韌，外脆內軟魚肉味甚濃.雲吞米線材料都幾豐富，雲吞比較硬身好食。米線軟硬度都剛剛好彈牙爽口,，湯底我選擇了清湯，味道較淡

小新呢一日同愛麗絲去左旺角印banner，之後就去左小雲川呢間米線小店食lunch👫小雲川既裝潢都算唔錯，好光，亦都好乾淨，比起一般米線舖，坐得冇咁逼，舒服啲🙈首先，愛麗絲叫左個蕃茄雞扒米線飲檸樂。蕃茄湯唔係話有好濃厚既蕃茄味，但都係好食既👍🏻 雞扒都煎得好，幾入味。而米線份量都好多，淋淋的，唔錯👍🏻另外，小新就叫左個蕃茄湯安格斯肥牛泡飯飲豆漿。肥牛唔會太un👍🏻 泡飯份量都好足，不過小新就話會食到好飽😂之後我地就嗌左個都教授一蚊雞翼😂 一蚊一隻雞翼，最多嗌三隻，亦都有三款醬汁可以跟番，分別係香辣丶柚子同沙律醬。不過啲醬既賣相就唔係太好😂 係三pat醬pat係個碟到🙈 而且愛麗絲覺得啲雞翼就咁食，保持原味最好😂 啲煎雞翼真係唔錯😍雖然小雲川比一般米線舖會貴少少，約四十五蚊一碗米線，但就勝左餸同麵份量好足，小食多選擇，而環境舒服😉👍🏻

某日小弟在先達和娘子放完IPHONE，突然小弟感到肚餓，想食米線…恰巧在先達對面有一間新開的米線店-小雲川，二話不說拉了娘子入去醫肚。一進入店內，第一個感覺是地方整潔乾淨，白色粉色的裝修令人感到舒服，和一般的米線食店有著不同的感覺。看完MENU，這家小雲川除了有酸辣的米線外，還有台灣肉燥飯、蕃茄湯底米線或泡飯，還有不少特色小食。令我一看就已經想食的就是蕃茄安格斯肥牛米線/泡飯(這個連店員也推介)，鰻魚肉燥飯。推介的還有這個沙嗲海中寶和風味小雲卷，可惜當日去已經售罄。最後小弟選了招牌腩肉米線(小辣)，而娘子則點了辣味雞翼，風味小雲卷和一杯豆漿。這個招牌腩肉米線，配料有豆卜、蘿蔔，酸菜，而腩肉經過醃制，味道和其他米線店不同，味道有點似豬肉乾，但肉質鬆化，有種愈食愈想食的感覺。米線口感煙韌，配上清清的上湯，雖然是小辣但卻少油，味精不多，讚!!(4♥/5♥)雞翼味道不錯，還有不同漿汁選擇，值得一試!! (3.5♥/5♥)豆漿以小弟而言可以再濃多一點點。(3♥/5♥)風味小雲卷其實是魚肉春卷，但這個魚肉春卷最特別的地方是春卷皮很薄很鬆脆，魚肉味道也頗鮮味。讚!! (4♥/5♥)米線小弟很喜歡吃，

今晚約咗友人到旺角買嘢, 朋友話想食咗嘢再行, 又話想食米線, 咁就走去搵食, 見到一間叫小雲川o既食館, 就入咗去, 因為時間尚早, 所以唔駛等位, 朋友叫佐佢招牌o既蕃茄安格斯肥牛, 而我就叫咗豬腸米線, 另外再叫咗2款小食, 香辣牛筋 & 雞亦 (配3種醬汁, 香辣, 柚子 & 泡菜沙律味), 加2杯凍豆漿, 首先到o既係牛筋, 係涼菜, 未食已聞到好香, 食落軟Q, 又唔會太林 或太硬, 食唔停, $25真係好抵, 之後友人的蕃茄牛米線到了, 好香好濃o既蕃茄味, 好多牛肉, 仲有真茄呢, 我食咗塊牛肉, 好好味, 跟住我o既豬腸米線就來了, 嘩, 睇到不敢相信, d 豬腸多到你唔信, 一定比外面食的多一倍呢, 而且好香鹵水味, 食落好入味, 好香好林, 而且冇乜肥膏在腸肉, 食多d 都唔怕, 食完好想再食  所有米線都有芽菜 & 九菜伴住, 米線份量好大, 食量少的人一定要叫小米線, 最後到咗雞亦了, 係即整o既, 所以遲少少到, 試咗3種醬料, 本人喜愛柚子味, 因為好青爽, 小小甜甜酸酸味道, 友人中意辣味, 話夠辣又好味, 食到咁上下, 食飯人潮開始來了, 好彩, 但見

話說去旺中Shopping之前，梗要食飽啲先！但要留彈藥shopping，所以去左呢度附近食米線，貪平平地，又近。一坐低，叫左個雞扒酸辣米線同，想叫多個小食，呀姨介紹食小雲卷，我地就叫左呢2個，另外我叫多杯熱檸茶，都係加幾蚊。 雞扒酸辣米線 $34Wa！洗唔洗咁大碗，好彩我地本身真係諗住share既。見到面頭好多蔥莞茜酸菜芽菜，我地都勁開心因為真係好中意食呢啲配菜(唔中意既一定要叫走，因為真係好多haha)一黎梗係飲湯先！個湯好好味，本身酸辣味似係煲出黎，而唔係溝出黎，雖然呢啲不嬲都有味精，但呢間既味精都算幾輕手，飲完唔太有口渴既感覺。米線好多不在話下，米線係比較幼身果種，食落真係有米漿既味，令我同fd都好驚喜，真心估唔到會咁。雞扒係炸過既，上面無掂到湯所以仲係脆口，可惜下面就淋左，如果可以分返開擺會好好多，唔洗浪費左炸既人一番心機，但雞扒本身嫩口係抵讚既，食落亦似有醃到因為好入味。整體呢講真係幾高質，30幾蚊一碗米線，係有心機既，份量又抵食。個碗仲要幾可愛小雲卷 $25呢個小雲卷，其實係魚肉打成，好似泰式果啲魚肉卷咁，不過呢個炸到外面脆卜卜咁，入面既魚肉幾彈牙，齋食咸左小小，點埋個甜

跟朋友同學燒烤，不夠飽。凌晨偶然經過這家食店。本人是吃素的。當晚點了番茄湯米線。米線湯一流，番茄味濃，加少量辣粉，恰到好處。麵也堅韌彈牙，軟硬剛好。惟檸檬茶用紙杯裝載有點影響格調。

除了是甜品王的我, 都係米線王, 無咩飯癮的我食的都係麵呀, 米線等, 今日去完旺角先達去附近食lunch, 見到這個一蚊一隻雞…..翼, 就走入去試下一蚊隻雞翼, 在無咩expectation 的情況食下味道還不錯, 不過就有點放涼了不熱, 一蚊隻, ok la~小雲卷拼墨丸米線(HKD33), 叫了小小辣小雲卷個外皮好脆, 而裏面又煙韌, 正! 而墨丸upexpect 地好有墨丸味 (sorry, 我唔咪講費話, 不過好多是食墨丸係食團面粉, 唔米食墨丸..) , 而且還見到裏面真的有一粒粒墨魚釀係裏面, 真材實料!!而個湯底同其他米線店食完見到成層油+ 豬油咁不同, 湯底其實頗清 (只有D 辣油係湯面), 飲落去清清地不太鹹, 健康之選鍾意食脆口野的我再單叫個小雲卷(HKD25), 熱辣辣, 皮脆而薄, 再點上泰式甜辣醬, yummy!!