小雲川 (已結業)

上個星期六去了另一間的食店食台式食物，對這些台式食品例如肉燥飯等等產生了一些的興趣，所以今次就來到另一間在旺角的台式食店「小雲川」來嘗試同一類的食物。地點上十分之方便，就是在旺角先達旁邊這一段的通菜街，外面有很多的小巴等待。本來近來比較少到這條街行，因為實在是太多人和車了，外面的小巴廢氣也很大，但為了來這店都要來一次。而這條街的食店十分之多，差不多是每一間的街鋪都是食店來，一定不會選擇不了食什麼的。「小雲川」之前在尖沙咀和屯門都有分店的，不過現在搬到旺角就只剩下這一間的分店，食店的佈置上是以白色和藍色為主，牆上也沒有貼上很多的食物圖片，給人一種簡潔的感覺。椅子和枱也是以白色和藍色互用，位與位之間的空間不太大，不過進餐時人客不多，所以坐時的空間感都不會迫。餐牌上的食物是以米線和肉燥飯為主，湯底方面有豬骨湯底和蕃茄湯底兩種的選擇，還有一些的小食和飲品的提供，食物選擇不多但可以專心做回幾種的招牌食物。今次的選擇是鰻魚肉燥飯、蕃茄墨魚餅泡飯和沙嗲海中寶。鰻魚肉燥飯($52) 餐牌上寫是醒胃肉燥飯，想必是在肉燥飯旁邊的酸菜、酸蘿蔔和青瓜等開胃食物，不過在賣相上主角的鰻魚有一些的失色，好像是處理

和朋友在旺角逛完街，肚子都餓了，經過見到新開的米線食店「小雲川」，我和朋友很快就入座了！店內裝修簡約，但顏色特出鮮艷，座位寬闊舒適！朋友點了「招牌腩肉米線」(小辣)$36「蕃茄安格斯肥牛米線/泡飯」$48看到食店用了笑臉碗去做主題，就令我有種輕鬆愉快的感覺！新鮮蕃茄香甜濃湯底，顏色豐富，賣相吸引！安格斯肥牛，半生熟程度，又軟又滑！米線質感爽滑！小雲雞翼(辣味/5隻)$25選了辣味小雲雞翼，一碟有5隻，微微的香辣味，新鮮熱辣，香口惹味！鹵水牛$25$25鹵水牛，非常抵食！甘香鹵水汁，牛口感軟硬適中，有厚度又夠入味！希望下次來再多一點款式選擇！

一條友係mk，求其食碗米線係最毒最享受既時光。咁啱係先達果頭，唔想行去咁遠食乜仔米線，所以試下呢間。叫左個腩肉酸辣小辣米線，加5蚊飲鴛鴦，呀姐推介話而家加1蚊有1隻雞翼，最多可以加3隻，我好唔客氣咁就加3隻！鴛鴦黎講呢，個味道幾有水準，同時飲到咖啡同奶茶既水準，要茶底靚先可以唔會俾咖啡蓋到奶茶既味，令啡奶比例唔會太誇張，平衡得唔錯。雞翼話係都敏俊雞翼，個名真係幾好笑，其實做法都係半煎炸雞翼，加上3種醬料(柚子醬，沙律醬，同埋報稱係泡菜醬但其實係辣椒醬)，不過雞翼有處理既，至少有醃到，1蚊有1隻雞翼，真係抵食到爆到主食，腩肉酸辣小辣米線($36) 米線係幼身同比較彈牙既，其實幾香米味，個湯底幾好，味精雖然一定有架喇，但唔算多，個酸辣食得出唔係化學料溝出黎既，係真係有用足料去煲。個腩肉反而幾好食，有醃到既，唔係淨係得咸味，有啲甜甜地，但食唔出加左咩去醃，可能係果汁啦。同埋但碗係幾得意既(毒得滯自己加左條頭髮俾個公仔)其實平時普通舖頭真係唔會寫，但我等食物既時候，見到好多劣評，開頭都驚驚，但食落又真係無問題，劣評所寫既都無遇到，希望小店可以加油啦！

有時真窮有窮好正好呢排窮先試返咁多街頭小店早排食完南記，而家又食米線有趣嘅係呢度又係酸辣米線，又係春卷果下得意呢度個春卷同南記食開嘅好唔同雖然同係魚肉餡但果邊係煙韌果隻，呢度係外脆內軟果隻真係各有各特色到個米線，湯底酸味較為突出酸菜味亦都唔係甜底果隻，同樣係酸味較突出腩肉就件頭大啲，唔係切片果種，入味且有啲口感豬腸相對比腩肉突出，最緊要唔肥豆漿可以要杯或者支裝兩個人飲一支都有少少嫌多，不過樽裝就方便攞走雖然望落好似係南記咁，但食落又真係兩樣唔同嘅野嚟做法，味道，都各有不同我見佢個lunch menu好似平好多如果果個價錢就好抵，不過唔知佢係舊menu拆左定係晚飯時晚拆落嚟印象中只係廿幾蚊，有興趣可以去撞下

終於等到有粉紅色新電話用!立即去旺角變賣了舊手機,處理完畢已經8點幾,很餓,係無目標食乜既情況下,見到呢間寫住有肉燥飯(小妹係肉燥飯既fans),唔諗了,即入.原來呢間舖頭係賣米線的,但我既目標係肉燥飯!點了牛𦟌肉燥飯,同風味小雲卷.食物好快送上,先黎牛𦟌肉燥飯,肉燥分量都幾多,牛𦟌有4件,意料之外係有酸菜同酸蘿蔔,一開始以為會好怪,點知又幾夾喎,酸酸地,配上肉燥,好味!風味小雲卷,係煎香咗既魚肉卷,配上泰式辣醬,好香口! 

上星期在旺角買左幾件衫，有兩件唔啱，叫媽咪陪我拎返去換。點知間野無開=.=....響附近行左一陣，我地就揾野食，見到條街有間幾光猛，感覺幾young的米線店就入左去試試同睇睇同其他米線店有咩分別.通常啲米線店都係主打酸辣同麻辣米線，呢間係有酸辣米線，但佢亦推蕃茄米線同魯肉飯。今日唔太想食辣，所以叫左安格斯蕃茄米線，媽咪就叫左鰻魚肉燥飯。店員問我地要唔要啲小食，例如加一蚊多一隻雞翼，原來佢地做緊推廣，叫一碗飯或麵都可叫一至三隻,有沙律味，柚子味同香辣味加泡菜味俾你揀來點，我個人覺得好的，柚子既清新加上炸雞翼，感覺上無咁熱氣，有啲甜甜小清新既感覺.蕃茄都用上新鮮的，不像有點只用上茄膏，牛肉都很新鮮，如不新鮮，我不相信店會敢將生的牛肉一片片的端出來吧。果然，食落牛肉真的很香,肉質細嫰。鰻魚肉燥飯，鰻魚有兩大片啖啖肉，肉燥醬汁調很惹味，加埋一啲雪菜令碗飯更滋味。辣汁牛筋同辣汁茹。兩個都唔辣同埋都係凍食的，醬汁較'傑'身。牛筋夠淋身但仍可煮到爽口彈牙，而茹用上秀珍茹同金針茹，竟然有種小食，啱曬我呢的茹迷，不過可能我病病地，所以覺得呢兩樣小食像熱既就好啦。食完之後，味道同環境感覺正面，是旺角米線店

今日同阿女去了旺角看下手機，我們看完手機之後，在附近揾下餐廳吃飯，阿女話旺角有一間好平米線，間店叫小雲川，阿女以前吃過屯門都幾好吃，我們找到了小雲川，店舖裝修都幾好，我們坐下後点了4個食品，當然要叫下米線，海中三宝有魚蛋/魷魚/蘿蔔，個汁稍為咸佐些小，豬腸又不錯，份量偏少，米線好爽口，它比其他米線剪得短佐些小，豬骨湯亦不太咸，小雲川整體好味，服務亦幾好

有點肚餓的中午，到達MK找地方午餐，米線的確是簡單快食之選。點了蕃茄安格斯肥牛米線，端上檯的時候有點疑問，怎麼一點都不像四川米線，哈哈，賣相根本就是生牛肉湯河？先嚐一口湯底，蕃茄尚算清甜，可以一邊沾湯一邊吃米線，牛肉是半生熟的，浸在熱湯用餘溫慢慢炆熟。像我這樣愛吃生的非常喜歡，但如果介意肉紅紅的朋友就注意一下了。吃著吃著原來湯底下有幾塊新鮮蕃茄，吃過肥牛之後有一點蔬菜，突然變得清新健康。話說真的有點餓，所以點了一些小食：香辣小花菇，風味小雲卷，$1蚊雞翼。各有特色吧，這家小店賣的看似MK小食，但其實內裡都是健康之選。香辣小花菇是秀珍菇和蟲草花，又辣又爽口，非常養生。風味小雲卷外皮是腐皮，夾著魚肉，外脆內軟，香口之餘不會太油膩。$1蚊雞翼勝在夠平，還有一碟泡菜醬。偶爾當一天MK妹的口味，感覺也不錯！

笑~人與生俱來既表情,但現今香港人既表情充滿愁眉苦臉,係生活既壓力還是人生少了一點樂趣呢?三號風球懸掛,橫風橫雨,處理自己事務已令頭昏腦脹,下午四時多在旺角還未醫肚,隨意找間食店,卻被一間裝橫光猛的小店所吸引~小雲川~這個名字大多會想係食米線既地方,但由於太餓緣故,點了一碗腩肉肉燥飯配上豆漿。豆漿,由於太喝的緣故,好快喝光腩肉肉燥飯,這碗飯最可取之處,係一個開心既笑容,歌都有得唱,人人常歡笑不要眼淚掉,相機食先既我當然舉機拍照啦；從店員口中得悉其中一位負責人之前從事設計工作,難怪飯碗設計比一般食店特別啦。腩肉煮得腍,肉燥醬也香口,配飯一流;而且白飯粒粒分明,食完滿足哂~雖然唔係什麼山珍海錯,但一個簡單既微笑,相信食客係會感受到~

今日同阿媽去了MK睇手機，因為我的手機已經用了1年左右開始有問題，我未睇啱型號，我同阿媽睇完手機之後，就在MK揾餐廳 ，在先達附近見到小雲川,小雲川以前屯門有分店，屯門店裝修冇咁靚,亦冇這些咁可愛碗仔，我亦俾咁可愛裝修吸引了入去光顧 ,以前有光顧屯門小雲川亦覺得幾好,自從屯門店執咗後冇去過，到了今年5月在openrice上見到小雲川原來在MK重新開店，我同阿媽在小雲川看下餐牌,它的選擇亦不是太多，我同阿媽點好想叫食品，只是等了5分鐘左右，香辣牛筋味道好入味,牛筋煮得好淋，亦不是太辣,豬腸腩肉米線味道並不是太咸，這裡米線剪得有些小短,我覺得冇咩唔好,米線的口感好爽口，亦不會太淋，我覺得好啱我，米線份量又好多，MK店裝修好可愛，服務亦幾好,價錢又不贵,2個人只是吃了106元,平均50元，下次再來MK會再去

今日黎旺角行街咁岩見到小雲川有$1蚊1隻雞翼就入黎試下啦。呢度除左麵同飯之外，仲有唔少既小菜選擇。而且價錢比較便宜，正在長期糧尾既我，諗都唔諗就9沖左入黎了。招牌腩肉米線($36)小雲川小鍋米線用了大量配料而成，加上自家黃金酸菜，再用古法地道的方法煮成，所以特別有鮮味。湯底有牛肉味而且可以加辣，而牛腩都十分淋，仲有豆腐卜同蔥花點綴下，色香味俱全。米線方面都滑同埋入味，同其他餐廳沒有太大分別。份量很大，女生的話一定會飽。$1蚊1隻雞翼　(kimchi香辣，柚子，沙律)叫任何主食，就可以以$1叫1隻雞翼，最多叫3隻，有3隻源自於韓潮既味道，我就試左柔情味柚子同純情味沙律，其實只係個醬既味有分別，而雞翼本身個味道係一樣的。雞翼皮脆肉滑，大大隻，加上醬一齊食就更加好味。柔情味柚子－甜甜酸酸，好開胃純情味沙律－其實係有調過味既沙律醬，唔錯，提升到原本雞翼既味道醬雲耳呢個凍既小食味道調得唔錯，蒜頭味重，而且有輕微辣，比較開胃。風味小雲卷 ($25)其實係炸腐皮魚肉卷，外皮極脆，喜歡食香口炸物就一定要揀佢啦！一碟有四條，份量都妤多。入面有魚肉係一條的而不是魚肉碎所以吃起來不會太鬆散，女生食都唔怕啦！

無謂説話唔講，嘥時間罪狀：1）坐低5分鐘冇人理，掛住自己傾計2）叫走蔥（單上有打），冇走，冇耳性，唔細心3）個湯得陣辣，咩豬骨湯，完全欠奉，咁都叫獨特？4）從未食過啲米線碎上，碎到夾唔起，扯火5）酸菜，一味死酸6）咁都收一碗$42，如果唔係開响旺角，應該一早收得

成日返屋企搭小巴之前都見到呢間咁搶眼嘅米線，今日懶得煮飯就食埋先返去啦！下午茶做到六點好鬼抵！加埋嘢飲都係＄3雞！呢碗大腸米線好有台灣風味，大腸滷得好入味！最細心嘅係佢切走晒入邊啲肥膏，食落一啲都唔肥膩！大腸份量都算幾多，食晒成碗米線之後仲剩返一兩舊大腸！呢碗安格斯肥牛番茄湯底米線又係好正！蕃茄湯底唔似用茄膏整成，反而應該係用鮮茄淆湯做嘅！雖然得3塊肥牛不過質量搭救~~~而家去邊度食米線都好似要叫番啲雞翼先似樣，呢度啲雞翼好似以前小食店嗰啲炸雞翼咁！唔似某某米線係重口味雞翼！店員好好可以比我叫三隻唔辣兩隻辣，咁我就可以試晒兩款雞翼啦！呢味叫做小雲卷～應該係小雲川佢哋自己發明掛haha! 其實係炸腐皮卷～食落外面好趣，點埋泰式辣醬食好好味！呢碟特色菜要加分！唔知係咪我個樣太為食啦店員送咗碟麻辣木耳比我食，佢話係遲啲嘅新小食，比我試吓先！我敢講如果佢遲啲推出一定會好受歡迎因為麻辣同蒜味都好出眾！小店果然成日比到驚喜我！like ！

今日同朋友放工後，一齊走落女人街搵啖飯食，女人街兩旁都有唔少嘢食，但我哋就見到呢間外表幾 cute 嘅米線鋪，搵咗咁耐都餓嚕，就決定坐低試試~~眼見店內都幾大，坐嘅位置都舒服嘅，唔會食得好狼狽。我同朋友一人叫咗碗米線，因為夏天我又冇乜胃口，所以就決定食蕃茄雞扒米線($43)，開開胃先~~呢碗米線嘅湯底都幾香蕃茄味，但食落唔會勁咸，反而有種甜甜哋嘅蕃茄味，都幾開胃!!我哋仲叫咗個小食－香辣小花菇($23)，雖然佢睇落平平無奇，但食落有好香嘅麻辣味，有少少麻痺嘅感覺，係幾surprised ge!!另外我哋仲叫咗個新出嘅雲耳，聞落去都係普通麻辣味，心諗應該都係差唔多嘅味道啦，點知原來佢麻辣中帶有陣陣嘅花生味，食落仲幾爽口添，相當特別!!

聽說是最近新開，今天巧合路過便和朋友去試了。 店內食物品種不算多 但有我最愛吃我番茄湯底麵。還有一些特色鹵肉飯，感覺應該有自家研究過的食品。可惜我太愛番茄 所以最後也是叫了個番茄墨魚太魚卷米線。外加一些小吃 小吃中最愛是那個炸雲吞！一向不愛吃肉食的我 平時連吃小龍包也把內裡的肉走給人吃，但今次竟然連吃3粒！ 原因就是那雲吞肉下口後一點油膩感也沒喔！