小食糖 (已結業)

今日有事出到尖沙咀, 到左晚餐時間去到美麗華商場發現一間好有趣嘅台式餐廳, 所以2個人又去試新野去到呢個環境裝飾, 實在忍唔住咁不停影相😆😆一張張舊書枱(連出貓專用櫃筒)舊班房門, 諗起陳年時讀書嘅點滴。書架上放上漫畫, 令我地好掛住以上嘅時光。不過食客門要小心, 可能張木凳太 raw, 拉凳時竟然比木凳上塊板夾親隻手餐牌方面只有2頁紙, 1頁 for 麵食同小食, 另1頁係台式飲品。其實只要好食, 就算只有幾款野食都好足夠😄先黎左香酥雞湯麵, 只係貌相都已經贏左唔單止香酥雞外表炸得非常靚, 連餐具都好得意, 一邊頭係木顏色筆😆而呢個湯麵仲會有小菜附送。味道方面麵非常彈牙, 炸雞非常香脆絕對唔會比台灣食嘅差, 如果真係要挑剔, 會話個雞有 d 鹹, 但配合清湯麵味道就剛剛好啦。另外我地叫左個紅燒牛肉麵, 呢個比起炸雞就有少少失色。食牛肉味最重要係個牛肉湯底, 不過呢個就唔夠濃郁但係其他如牛肉同牛筋都非常好食同好林, 麵亦都一樣好彈牙。最令人驚喜, 反而係黑糖珍珠奶茶😍😍為左 d 奶茶唔會比 d 冰溝淡, 佢地分開左冰同奶茶。而佢地嘅杯記好似以前上化學堂一樣嘅 tube 好搞笑。珍珠好彈

午後無事，路過美麗華，被食肆名單上「小食糖」的名字吸引。特意來訪，不出所料，懷舊的校園布置，別有心思的員工制服，仿佛使人回到久遠的學生時代，一幕幕校園佚事於腦海中浮現。甫行近店門，店員便親切地遞來餐牌。餐牌很有特色，如學生時代的練習簿。問店員有何推薦，他便不厭其煩地向我們娓娓道來，笑容可掬，值得一讚。於店員的推薦下，筆者點了一碗「紅燒牛肉麵」、一客「黃金花枝丸」以及一杯「黑糖珍珠奶茶」，友人則點了「台式醉雞冷麵」。當時店內人客不多，人氣雖少，卻添了一份別緻的寧靜。縱然無人，店員亦毫不鬆懈，拿着桌布做些清潔的工作，可見其衛生意識十分良好。十來分鐘後，號碼牌響——讓我們走進正題。紅燒牛肉麵的賣相是可以的，吃下去卻有點「雷聲大雨點小」之虞。麵質不錯，唯湯底不夠濃郁，牛肉的份量偏少，肉質亦偏硬。作為招牌菜，其水準有些令人失望；花枝丸則出乎意料，非常彈牙，配以椒鹽，味道適中，十分可口，賣相呈金黃色，相當吸引，值得推薦；黑糖珍珠奶茶的味道有別於其他賣飲料的連鎖店，茶味較為突出，珍珠口感十足，只是甜味太重一點略為不足。筆者建議各位若要嘗試黑糖珍珠奶茶，下單時可向店員表示「少甜」。至於台式醉雞冷麵，友

外面睇落唔似一間餐廳， 但同一般餐廳感覺唔同， 雖然沒有好華麗餐桌， 食物選擇唔算好多， 但有一種返到校園時的情懷，一桌一櫈， 都係小學時代所用， size 好細， 好似回到小學一樣， 飲品都用燒杯盛著， 筷子🥢是顏色筆。 好懷念噢～

小息時最喜歡走到小食部，買魚蛋燒賣幾元的糖果。 這天在美麗華廣場逛街時，竟然給我發現了一間食店，它擺設的木枱木椅又真的好像我小學課室的模樣(傳統學校有自己的木匠修理木枱椅)，真讓我懷念！台式豆乳雞 $48 起源於台南地區的豆乳雞，一客有八件， 件件是炸脆了的雞脾肉，肉質不粗糙，仍保留水份，要留心地吃着才嚐出豆乳的「一點甜」。 喝的是點了一杯 情人果蘇打$40 情人果是把青芒果醃漬成酸甜脆口的果實，台灣人會把情人果切碎送粥或當作乾果即吃或製成冰品去嚐;然而這裏是把情人果切碎再加入蘇打水來喝，爽脆的口感帶冰涼，而且泛著酸甜的滋味。味道 3環境 5服務 5衛生 5抵食 3

一踏進小食糖，突然有種似曾相識的感覺，原來跟以前去過的觀塘小時光有聯繫。像課室的裝潢及擺設，令已經脱離學校很久的我來説，很有那些年的回憶。另外，一旁亦有塌塌米的座位。坐在這裡，與朋友聊聊天，喝杯茶，吃點台式小食，非常輕鬆自在。牛蒡桂圓枸杞紅棗茶用料非常充足，而且幾大壺。呷一口，味道清甜，桂圓味濃。牛蒡脆口，當小食又得，擺數片落紅棗茶亦得。宜蘭葱餡餅好香葱花味，而且餅皮都夠煙韌，略嫌煎得有點燶。—————餐牌

本身經常幫襯觀塘小時光見美麗華開咗間風格相近嘅，今日終於有機會試間小食糖係由一班年輕人主理全無經驗可言收錢慢，唔識用部機，要俾visa 或八達通都搞好耐廚房淩亂，經常聽到跌嘢及粗口叫咗酥炸雞扒同甜不辣想要碟泰式辣醬或茄汁點啦黑面話無想要多隻碟share la, 即刻喺sink 盤 是旦沖一沖水俾咗隻我算最離譜係叫咗凍capouccino, 嚟咗杯熱嘅，咁算啦，可能一時搞錯咗，好聲同佢講，點知佢話杯嘢已經幫我加咗冰lor我即場飲一啖，熱嘅如果呢間野係小時光嘅分店，請小時光撥派人員嚟整頓一下

$86蚊一個盬水意麵套餐加柸珍珠奶茶，實在唔係俾D咁嘅野人食嘛～一柸珍珠奶茶數埋都冇十粒珍珠，鹵水蛋唔入味，牛牛乾爭爭，豆干切大大件，太硬，鹵水配海帶結唔係咁夾下話。好在份量少，就算食淨都唔係太多野⋯⋯⋯以前食過觀塘店都唔係咁，D野大大份又新鮮熱辣，一入左商場就搞成咁，可能小店就係唔適合在商場做，賺賺埋埋都唔夠交租，食物質素又保持唔到。

小食糖係一間台式麵食店，裝修模仿課室，裏面嘅枱似小學生書枱，枱面放咗好多漫畫書，相信係比大家一路食麵，一路睇漫畫，角落放了一個坐地書櫃，亦放滿了漫畫書，餐廳座位不多，只有54個，部份係室外位，地方唔算闊落，但仍可接受。不過佢地做食物嘅時間太耐，我見到廚房兩位年青人真係好唔熟手，結果我等了10多20分鐘才有得食，以做兩碗麵計似不太合理。食物方面，味道尚可，可惜紅燒牛肉麵整到好似清湯腩，香酥雞因為火候唔夠，成碟雞都係油，同茶木比較，小食糖差一大截，今次要俾劣評，希望快快改善，下次再加分。

台灣，相信你也不陌生……近年香港也有一陣牛肉麵的熱潮，在各地興起獨家風味的牛肉麵，對於我來說牛肉麵最重要是那湯頭要重口味，要夠濃郁要入口順口不會喝下會渴口的。小時光台灣小清新食店，以班房為主題並提供不同漫畫書讓客人借閱，讓人瞬間進入那些年的學生時代，招牌美食首推湯底以獨家香料燉煮而成的台式紅燒牛肉麵，以及無骨啖啖肉的香濃台式醉雞冷麵，而各式各樣造型獨特的精緻包點，包括可愛熊貓芝麻包及瑪莉生命菇令人眼前一亮。(店家資料)因為吃過晚餐後才來這邊，所以沒有點牛肉麵啦，主要是想喝一下東西，跟朋友聊天坐一坐。我們點了幾種台式飲品和小食，有豆乳雞，甜不辣，花枝丸，我點了杯情人果沙冰。情人果就是台灣的土產芒果將還未成熟的台灣土產芒果摘下然後去皮加以精糖醃製，由於未成熟的芒果帶酸與糖互相交融後產生酸甜的風味，據說似戀愛一樣酸酸甜甜，所以有名為情人果。(網上資訊)這杯情人果沙冰令我的敏感牙齒發作了，沙冰很夠冰呢，入口酸甜酸甜，解暑一流。每種台式小食也很吸引呢，豆乳雞外皮香脆，肉嫩多汁。甜不辣煙韌，有嚼口。花枝丸加上些椒鹽粉，更惹味，口感彈牙。

還記得嚐過觀塘的小時光，所以今天一到小食糖就知兩店一定有些關係，同樣都以台灣舊式課室為主題，給人一種懷舊感覺。課室的主題自然有黑板，看著難免想起學生時代的回憶 (好懷念啊~)另外有坐地下的位置，感覺幾寫意。牛蒡桂圓枸杞紅棗茶 ($48)難得有養生熱茶，就放棄一下涼快凍飲吧。牛蒡好處多，又能瘦身美顏，又能保肝益腎等，雖然味淡，但有枸杞紅棗的自然甜味配合，好喝之餘又滋補。炸花枝丸 ($40)共有5粒，入口並不油膩，外微脆，內裡彈牙，喜歡外層灑上的胡椒鹽，添加了惹味口感。宜蘭蔥餡餅 ($45)有5件，餅皮稍稍偏油，但蔥的香口感十足，而且有濃濃的肉汁四溢，算不錯。**********餐牌供參考:

「小食糖」的裝潢很特別，配上懷舊的裝飾，是吃小食聊天的好地方～叫了養生的桂圓枸杞紅棗茶$48，非常滋潤，好岩女仔飲～宜蘭蔥餡餅 - $45，香蔥味濃～炸花枝丸 - $40，非常彈牙，係我最喜歡台灣美食之一

我下午到咗這間小食糖食嘢，叫咗兩碗麵食，一碗是台式醉雞冷麵，先講這碗，一埋去攞麵時就聞到好香酒香味，而且都幾多雞，應該好吸引，但食落啲麵是熱的，不是冷麵，而啲雞好鞋勍勍，而且啲酒味過勁，食到有啲苦。而另一碗是麻辣雞絲冷麵，這碗的雞絲一樣鞋勍勍的，而且是無味的，全碗麵都是無味的，只是自己落啲辣醬調味，真係難食到人都顛。地方枱櫈用上好似學校教室嘅枱櫈，睇落好似好有等式，但坐得一啲都唔舒服。真係試過就算。

之前食過觀塘分店，覺得幾好食。見到尖沙咀開分店，所以今次入去試下。環境好細，燈光較暗，俾人好眼訓既感覺。😴好快睇完個餐牌，點左份醉雞冷麵，諗住熱熱地，可以食下涼野。麵同雞係分開上，雞件係夠多，大大舊，仲要無骨。但係酒味過濃，太苦，🤮完全蓋過雞既鮮味。冷麵味道好淡，唔好食。🤢🤢🤢仲有杯杯珍珠奶茶，奶茶味道正常，但珍珠變左一條條既啫厘，名不符實。而且支飲管太粗，飲到最後完全食唔到啫厘😢 整體來說，依個價錢同食物質素，完全唔值，無下次👋

份量小，味道唔掂，醉雞麵線同牛肉麵d麵質都一樣咁粉，㗎啡亦都冇味，店舖特色設計不足掩蓋食物嘅敗北，難明貴租下何以生存。個牛肉麵基本上以牛根為主，硬，難咬，大舊。重點係全店得2枱客都煮到咁，真係要改善下

其實是從社交網絡中看到這個地方的貼圖，以台灣課室為主題的餐廳，確實有點特色, 就趁大家吃完泰菜後, 順道來看看。裝修以台灣課室為主題，佈置成班房的樣子，班房內是四人座位，坐的就是矮矮的木椅，有懷舊擺設也有漫畫書, 佈置得非常有心思。剛剛吃完泰菜, 所以只試了這裡的飲品, 點了黑糖珍珠奶茶, 有別於一般台灣珍珠奶茶, 這裡的是分開兩杯上枱, 一杯用實驗室器皿裝住的奶茶，另一杯係焦糖珍珠同冰，奶茶夠滑, 香味十足,甜度適中，珍珠也夠煙韌。