小麵站

營業中

休息中

夜晚求其選了一間嗌宵夜食，點知選著個爛燈盞如圖，未試過一間麵今樣味道，d麵煮到軟淋淋夾起就斷，唔咸唔淡難食到Hi今，冇下次，伏味濃.老譚酸菜魚食泥甘的口感無語🥲

電話嗌外賣嗌足三次都錯，個阿姐係咪唔識聽廣東話，重要同我講今次唔會錯㗎啦，真係_佢都廢事，嗌我返去換，我都走咗好遠，lunch得一個鐘，點換？個案1：雞絲涼皮變涼麵熱撈薯粉變冷撈個案2：韮菜抄手變小雲吞個案3：雞絲撈薯粉唔比雞絲

幫襯左好多年佢地個小雲吞同涼拌小食（泡椒雞腳，醋雲耳、土豆絲，麻辣雞翼）雖然staff態度真係一般，但野食真心好食架！大肚前我會買佢地個水煮魚，三十幾蚊但份量唔少，所以性價比都幾高。今次買左涼拌青瓜，因為走辣關係，雖然有麻香覺得偏酸左少少🤏 但爽口程度比起拍到碎晒既真煲冇得輸。我好耐之前食過肥腸，即叫即炒都好滋味。可能遲下都會食少少走辣肥腸，因為我大肚都忍口忍左好耐了下次叫埋涼拌萵筍應該可以抵消返d油膩感吧

呢間小店係買啲簡單嘅麵食，同埋一啲川味小食，夜麻麻行到攰冇乜選擇，都可以嚟依度買碗小雲吞麵/米線食味道唔算差，呢個價錢呢個質素都叫做合理嘅。環境就唔好有期望啦，喺條馬路隔離。服務呢，當然都唔好期望有啦，兩位小店店員，做到頭頂出晒煙咁，講嘢又細聲，啲人聽唔到，就會燥底咁回應🙈 我心諗，其實做小店都係為興趣為兩餐，如果真係做得咁唔開心，其實會唔會諗吓其他途徑賺錢呢… 不過又咁講，可能佢哋都冇得揀天氣真係勁熱，可能買外賣返屋企食會舒服啲。

行開太子，順便買碗撈薯粉返屋企食，行到去鋪頭有2位阿姐做緊嘢，我等其中一位姐姐有空時，我叫一碗撈薯粉外賣，點知冇人理，我再叫多次，個男人頭女人粗聲粗氣黑口黑面地問我要乜，我講左要薯粉後，好冇禮貌咁問我仲有冇其他嘢要！我話冇，跟住佢好晦氣地收錢，我比完比錢後有種感覺自己好似欠左佢地甘。都唔明點解可以服務態度十分非常惡劣，西灣河果間啲人好有禮貌！我以後唔會再幫襯呢間分店！🤬🤬🤬🤬🤬🤬🤬🤬

這天外出過後，已是午飯時間，在買外賣回家吃與在外堂食兩個選擇中，最後還是決定買外賣回家吃，而幫襯的，是這間只得外賣，沒有堂食的川菜小店。這店地方雖細，卻有不少東西可吃，無論各式涼拌麵食、特式湯麵、以至招牌小食雲吞都有，選擇都幾多。這兒的即包手工雲吞既是店家重點推介之一，那便試試它吧！在大（$32/20隻小雲吞）、小（$22/12隻小雲吞）兩者中點了小的韭菜肉餡，再在五款湯底中揀了最基本的豬骨湯，並以米線（另加 $15）作為主食，就是這天我的外賣午餐。這「豬骨湯底韭菜肉餡小雲吞米線」份量不少，都幾大碗，湯味及格，味道適中不過鹹，十二隻小雲吞看似不多，但一隻接著一隻吃進肚子裡，可也不會覺得太少，小小的一口雲吞肉餡味道不錯，有韭菜作為餡料更能添香。這才四十元不到的外賣午餐，飽肚又有特色，都算可以呢！

朋友介紹第一次試食，位於太子這個小麵站，今日叫咗個麻辣小云吞，因為唔知佢哋有几辣所以叫咗小辣，$22有12粒，一啖一粒剛剛好⋯云吞雖然細粒，但好足料，而且云吞皮都好薄，而且都幾滑吓，最正係佢哋嘅湯底，辣度剛剛好，而且加咗好多芹菜同芫荽，打開個外賣盒已經聞到濃濃嘅香味，下次一定要試吓佢哋個涼拌冷麵⋯

呢間小店平平無奇，只接收外賣，但係價錢真係平同埋份量唔少，涼皮好吃，有蘿蔔干粒，爽口之余唔流，雞翼好入味，正正正，唯一就係無我鐘意吃的四川冰粉呢D小店，下次會再光顧

看到朋友推薦就去試試，有些失望，涼皮味道不夠，份量也都一般，不推薦，麻辣雞翅是一道冷菜，雖然算是入味，但是太硬了！麻辣雲吞據說很好吃，也都是餡料少味道也不夠！服務ok，味道不足

中午時份要去銀行整啲嘢，搞掂時間都唔早，就買外賣返Office食。本身想買津津涼麵食，但見到津津舊舖開咗間同類型嘅舖頭喎，就一於試下。下次先食番津津😝。正值午餐時段，所以都有唔少人幫襯，小店其實應該主要係做外賣嘅，但同時亦都喺舖頭隔離位置，開咗幾張枱叫做可以堂食，有學生妹食緊。不過天氣咁熱☀️，不了！由於第一次幫襯，我好認真咁睇下個餐牌有乜好食。疑似老闆娘嘅人頗熱情向我介紹，我就可以把握機會問佢唔同食物有乜分別，以及辣唔辣。佢都好樂意話我知，買得開心😊。近期愛上咗試辣🌶，所以對呢類麻辣、涼伴菜好有興趣。小店定價好平，可能因為係做外賣客多。湯麵同拌麵平均都係$3x有交易，而且好多食物都可以自由配搭，幾貼心呢。小店門口擺咗大大部雪櫃喺到，相信入面嗰啲就係透心涼系列，夏天食消暑正啊✨！店舖細細，估唔到有成三位女店員整嘢食，食物即叫即整，但都唔洗等好耐。題外話，目測廚房都算乾淨。老闆娘勁醒目，我話個雲吞要走蔥，佢就問係咪即係成張單都走蔥呀，而且主動問我係咪要小辣👍。🐔雞絲涼麵($26/小份)，涼麵係賣飛佛，必叫項目。其實佢同重慶涼麵嘅分別就係加咗雞絲，嗌佢就可以唔洗散叫麻辣手撕雞。識得咁嗌就係因

以前實習經常食既外賣小店經濟實惠💵🥟紅油抄手🥟($20)少少地叫左個細紅油抄手店員即煮之後就放落已經調味好既碗入面廿蚊有12隻小雲呑都幾抵一啖一粒好過癮🉑不過佢碗汁疑似7成都係醋對我黎講太過酸🙊小雲呑既價錢其實一樣只係湯/汁唔同

本來想吃德哥鍋貼，怎知沒有開店，可能店主都去了遊行，見到隔壁有一間賣四川麵點的小店，就試一試！怎知是驚喜的陵發現呢！我只是叫了雞絲涼麵，$25一碗，是給小胃口的女士而設，但雞絲份量是足夠，而且涼麵的配汁很好吃，在炎炎的夏日，吃一碗這樣的涼麵很開胃和舒服，不會感到油膩，值得推介此小店！

雞絲，不肥不瘦，最少不會太乾，也有些青瓜及麻醬。熱拌米線的份量不算太多，就是一小碗米線，然後內裏有不少材料，例如有芫茜、菜譜、青瓜絲、黃豆、青蔥、甚至無青豆都會有。熱拌米線的味道好像比起紅油抄手更加香濃，但是米線始終放久了，因此沒有那麼彈牙。紅油抄手，想不到原來相當大份，因為平日你去中式酒樓，紅油抄手可能都只有六件或是八件，但是這兒的紅油抄手用一個中型的圓盒子盛載，竟然有10多隻。抄手的外皮不會太大，好像小型雲吞一般，而且內裏的肉餡夠香，調味有點兒麻醬，亦都有點兒擔擔醬的味道，因此吃起上來相當之可口。它的辣不是面部震動那般，亦非面紅耳赤的，是偏向頭頂散發的中式辣。唯一可惜之處就是這間店舖只有外賣，好像不多堂食位置，雖然之前好像在半夜看見有人坐在街邊轉角位吃東西🤔。

早幾日早咗出門口返工 多咗好多時間周圍喺公司附近搵嘢食 俾我見到間小店 係賣四川嘅小食 其實又唔係全部都係小食嘅 都仲有啲飽肚嘢好似米線咁 望落好似好正 所以就買咗一碗手撕雞 同埋一碗 鹽焗手撕雞 同埋雞絲涼麵 好興奮拎咗返公司度慢慢食 因為間舖頭係只限外賣不設堂食嘅一開個蓋成個office 都係雞嘅香味 食落雞非常之滑 仲要好足料 三分二都係雞肉 另外有啲青瓜絲 撈埋一齊感覺好fresh 同埋入面勞咗麻醬 個味好夾 另外個雞絲涼麵25蚊 大大盒 食得好飽肚 一樣係咁正 只係好似醬汁落得太多 如果小番啲啲就perfect喇呢間舖頭算係抵食夾大件 味道亦都唔錯 不過始終係龍尾嘢 過去幾日久唔久都有食下 另外仲有試咗個雞絲涼皮 都好唔錯 粉皮超爽口 但始終都係醬汁多咗少少 而且食到啲味精味 如果係重口味嘅朋友仔就應該會勁鍾意 但係如果好似我咁本身唔食慣啲重口味嘢呢 就可能要食下停下 如果唔係會好快厭但始終都真係幾正嘅 可能過幾日我又會返去再食lu~

💁🏻‍♀️小麵站 (太子)🍽-暫時係我食過最抵最正宗嘅四川小食店，老闆娘係四川人，唔怪之得咁好味啦啲嘢。呢間鋪頭喺太安樓都有分店，而總店就係我公司隔離，有一日俾同事發掘到，結果就日日都去食。🥳 .雞絲涼麵（$25）必食推介，呢間鋪頭每一兜麵都會落足晒配料，絕不馬虎。$25嘅價錢但係就超大兜面，將啲醬撈勻來食，超級惹味，而且啲面超爽口同彈牙。🤩 .雞絲涼皮（$29）呢度嘅涼皮同出邊一般食嘅唔同，超級大塊，而且醬料酸酸甜甜，食落去超開胃，而且一樣好多配料，仲有一啲豆腐乾，超大兜，食落勁滿足。😇 紫菜雲吞米線🍜加肥腸（$46）雲吞亦係另一招牌菜，皮薄多汁，叫米線再加肥腸，真係超級邪惡，但係就超級無敵好味，加埋啲芽菜做配料，冇得彈。😍.💡溫馨提示： 呢間鋪頭可以堂食嘅位置唔多，所以最好就買外賣返去食啦。.📍小麵站 (太子)#太子 砵蘭街456號地下A舖#小丸子搵食記 #小丸子太子-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodst