小黑糖 (宏生大廈)

營業中

休息中

之前已經飲過幾次小黑糖😜一直都覺得佢開咗咁耐水準都keep得幾好，質素有保障👍🏻今日過尖沙咀同朋友食飯，路過尖沙咀分店，見仲未到時間，就同朋友各買一杯飲品💕之前試過黑糖鮮奶，不過見到咁多新口味，決定轉移目標🌰<小黑糖栗子鮮奶> $34栗子口味好似係新產品，小編加了$2要厚鮮奶， 栗子味濃郁，栗子粒同栗子蓉增加口感，層次豐富，整體唔錯<草莓歐蕾> $32草莓歐蕾賣相可愛，粉紅色的外表好適合打卡，小編點了微糖，幸好不太甜，酸酸甜甜，細細杯拎喺手都特別開心

尖沙咀多食肆多珍珠奶茶舖就係人都知，不過要揀一間好飲嘅就要俾啲心思去揾。呢一間手搖店係肥妹仔一落堂就會沖去買嘅嘢飲，肥妹仔最鍾意係飲佢嘅黑糖系列，因為佢嘅黑糖唔會死甜，好香。小黑糖珍珠鮮奶佢嘅鮮奶係用日本嗰隻鮮奶，所以好濃奶味，好滑。而佢嘅黑糖好香，咬落去珍珠煙煙韌韌，肥妹仔建議一定要啱啱做起杯嘢飲就要飲咗佢，趁珍珠仲係熱咁樣先係最佳飲用時間。伯爵珍珠奶茶呢一度嘅伯爵茶好好飲。肥妹仔有陣時好驚一啲伯爵茶太過似花茶嘅味道，而呢度就唔會，佢嘅伯爵茶係真係似某貴價茶葉品牌嘅味道，好飲。呢一區嘅珍珠奶茶舖雖然好多，但係肥妹仔都係覺得呢一間嘅黑糖珍珠係呢一區入邊數一數二出色的

行開過黎the Mira買野，有啲想飲黑糖奶，印象記得小黑糖係附近，之前飲過佢既黑糖珍奶都幾高質，就過左黎買返杯🧋今次想飲其他野，叫左杯「紫薯於你」同「小黑糖紫米鮮奶」，依家天氣涼涼地就叫左常溫、正常糖。😋紫薯於你 - 紫薯味香濃，奶夠醇厚，食到少少紫薯蓉，都幾唔錯，常溫版暖暖地都一樣咁好飲😋小黑糖紫米鮮奶 - 黑糖味濃厚，甜度適中，奶味香醇，紫米有啲咬口幾好，開左咁耐都keep得到水準，讚一個👍🏼

由台灣引入嘅手搖店，呢間喺厚福街開咗好耐味道同口感 , 依然保持到高水準每次經過都企滿輪候飲品嘅客人✨小黑糖珍珠厚鮮奶🧋搖呀搖...鮮奶同底層黑糖珍珠均勻咁 中和在一齊，珍珠煙煙靭靭，口感軟糯。講到黑糖珍珠，呢杯係飲過咁多間，最好味。✨草莓歐蕾🍓粉嫩嘅顏色好靚，酸酸甜甜嘅味道，甜度可以按自己喜好選擇。揀微甜就剛剛好，啜完一啖又一啖士多啤梨肉跟隨鮮奶溶入口中，再加埋布丁，令口感更豐富。太多選擇，樣樣都想飲，下次一定要試<紫薯於你>

呢間小店為台北黑糖珍珠手搖飲品過江龍，主打每日新鮮現煮黑糖珍珠，特別選用天然黑糖，保證對人體有益 🖤💗小黑糖珍珠鮮奶 ($30)黑糖珍珠煙韌軟糯，黑糖香濃入味，加入4.3明治鮮奶，柔滑奶香充滿古早黑糖風味，奶香比例再調高就更好🧋💗紫薯於你 ($30)選用4.3明治鮮奶，奶香特別濃郁，配以綿密香濃嘅紫薯蓉，但加埋黑糖汁就略為偏甜咗少少🍠

呢排努力忍口😳對於好耐冇飲手搖，行過尖沙咀真係唔忍啦🤣🤣呢間小黑糖之前都有飲過佢嘅珍奶～今次試吓其他🥰😍百香果多多綠茶 $36👀加咗愛玉🤣🤣大家記得要微糖😂呢排飲嘢成日都飲開走糖，一飲個下會覺得有少少甜😳但飲飲下又ok~底下係益力多嘅味，仲有粒粒百香果～有埋愛玉都ok🫣幾清新嘅選擇～😍蜂蜜綠茶 $28👀入面真係用純正嘅蜂蜜，飲落同平時嘅甜係唔同，真係有蜂蜜味🥰唔想成日飲珍奶，間中飲下綠茶都唔錯☺️

成日經過呢間見到大排長龍，今日見人無咁多就的起心肝排隊試下！要支持一下真香港人店💛.🧋小黑糖珍珠厚鮮奶 $32🧋黑糖鮮奶咖啡 $32.呢間叫得小黑糖，緊係試下呢到招牌黑糖飲品！有得揀甜度點了少甜，甜度剛好👍🏻兩杯黑糖做得相當不錯果然係招牌👍🏻 .小黑糖珍珠厚鮮奶細滑奶味好濃，良心小店用上鮮奶唔係奶精！如果喜歡無咁濃厚有普通鮮奶揀，jo係點厚鮮奶🤣珍珠好出色煙韌有咬口份量又多！另一杯黑糖咖啡味道香濃細滑味濃一樣好飲，用上黑糖台灣味道😌.估唔到開咗咁耐都keep得幾好水準，難怪咁受歡迎分店愈開愈多👏🏻天氣開始轉涼，Jo點了熱飲，飲完即刻暖笠笠精神番哂！

論黑糖珍奶，小黑糖都算係香港數一數二好飲。今次叫咗黑糖布丁鮮奶同埋茉香綠茶白鬍子芝士奶蓋。黑糖味道唔會死甜，而且好香，配埋布丁，口感仲幼滑。芝士奶蓋唔會太咸，都係我嘅口味。用openrice 落單仲有折頭，真係好抵飲。小黑糖其實已經係尖沙咀厚福街開咗好多年，宜家仲有咁多人去買證明咗佢嘅實力，今次經過仲見到佢哋變咗洪嘉豪 嘅應援店原來佢係10月26號生日，fans要趁早把握機會打卡啦。

🧋黑糖珍珠增肥之旅🧋呢間出名黑糖珍珠奶茶嘅小店 由佢開咗第一間嘅時候飲到而家 開咗咁耐都keep得幾好水準 今日見行過尖沙咀 就等我試吓佢啲其他飲品啦😜-🌰小黑糖栗子鮮奶 $32入秋最適合就係栗子口味嘅產品 栗子鮮奶入邊好足料 栗子嚟唔會打得太爛 食得出細細粒嘅栗子粒同栗子蓉 口感層次幾豐富 仲有少少黑糖味 整體唔錯😚-🇹🇭泰好喝歐蕾珍珠 $34呢一杯嘅茶底就用咗泰式奶茶 不過茶底有就返香港人叫開少甜嘅習慣 所以唔會似傳統泰國手標奶茶咁特別死甜 黑糖珍珠咬落去都幾Q 亦都有少少焦蜜味 唔會好似其他鋪咁飲完漿住口腔同渴喉 水準維持得唔錯👍🏻-📍 小黑糖 (尖沙咀)尖沙咀加拿芬道45-47號宏生大廈地下D1號舖

自從開始減肥之後好耐都無飲過珍珠奶茶今日係尖沙咀整完甲落樓下就見到小黑糖😬😬無理由唔獎勵下自己嘅😚menu有好多選擇 杯杯都想飲 好難揀最後決定同朋友一人一杯 可以share黎飲我地叫左小黑糖珍珠厚鮮奶店員提我地飲之前要搖一搖因為個底係岩岩煲好既珍珠 熱辣辣😍😍黑糖味好重 珍珠好煙韌 好有咬口 同以前一樣最重要係佢唔係用奶精 係用鮮奶😌其實佢有鮮奶同厚奶揀 但我個人比較中意飲奶厚奶 奶味好濃 中意飲鮮奶嘅人唔可以錯過！估唔到開左咁耐都keep到水準另外一杯就要葡萄柚四季春個四季春好清新 葡萄柚味好重👍🏼就算走甜走冰都唔會覺得好酸飲完好開胃😆😆買完先見到有介紹top5熱賣下次一定要試下佢個top 1小黑糖布丁鮮奶🥰🥰

好耐都未飲過呢間既手搖飲品，咁岩行街途經小店，整返杯嘆下先😆呢間主打鮮奶類飲品，岩晒鍾意奶類飲品既朋友仔😉草莓歐蕾$32（少冰微糖）飲落有好香既草莓味🤤仲食到有草莓粒粒，酸酸甜甜有咬口。草莓奶依然香滑，開左咁耐都keep得幾有水準。紫薯於你$30（正常）粉紫色真係好靚☺️個名玩食字幾得意，用普通話讀，中文即係：只屬於你😍飲落有淡淡既芋香味，加埋滑滑既牛奶，唔錯😋小店仲有少量文創產品出售，牆上仲有LED燈俾客打卡影相，counter牆上仲有可愛既植物同插畫，感覺好清新雅緻😊

一段時間都無去厚福街搵食啦，原來呢度有間主打黑糖珍珠飲品嘅小店小黑糖，另外係葵廣、中環、屯門同灣仔都有分店，人氣好高🔥呢度有寄賣一啲文青小物，好有心💛💛小黑糖珍珠厚鮮奶嚟到小黑糖梗係試下招牌黑糖珍珠鮮奶😛呢款面頭加咗厚厚綿密嘅奶泡，底下嘅黑糖珍珠大大粒好chewy🧋份量又多，奶味都幾香。店主推介黑糖系列可以由半糖或以上試起，會比較飲到黑糖嘅香甜，飲開無糖嘅我就試咗微糖，黑糖味都夠香甜，完全唔會死甜，幾好飲😋😋伯爵珍珠奶茶呢款都嗌咗微糖，同樣有煙韌大粒珍珠，伯爵茶味好突出好香👍🏻👍🏻人均消費：$30推介指數（10分為滿分）：8分

已經飲過好多次嘅小黑糖 厚福街好多間茶飲店都執左但小黑糖店依然仲係度 同埋見佢周圍都有分店 愈開愈多就知佢嘅野飲有返咁上下質素佢嘅黑糖珍珠厚鮮奶（$32）真係好出色 🤤🤤係我最愛嘅黑糖珍珠 4.3牛乳+奶霜 奶味真係好香濃好出！重點係d珍珠好好食好香黑糖味 好煙靭！ 而且甜度仲可以揀 微糖已經好夠了！ 芋見了你（$30）鮮奶加黑糖汁加芋頭打混 好香濃芋頭味 鍾意芋頭嘅朋友要試吓 今次我叫左常溫 暖笠笠 岩晒依家呢個天氣飲喇～

生活要點甜，係時候飲返杯肥仔水😳 小店位於尖沙咀加拿分道，主打多款黑糖台式飲品，價錢十分親民化，最平20幾蚊已經有交易😱 性價比甚高，極度推介💞小黑糖栗子珍珠鮮奶都係第一次見！黑糖珍珠口感煙韌Q彈而且唔會死甜😛 栗子味十分濃郁，飲落去亦有淡淡嘅鮮奶味，整體入口順滑，十分滿足🥰草莓歐蕾嘅粉紅色賣相十分可愛，好有初戀嘅感覺呀😆 味道酸酸甜甜咁，帶點紅茶香氣，搭配士多啤梨果肉令到成個口感更加豐富，值得一試😋

叫咗杯黑糖冬瓜茶, 額外加黑糖珍珠。平時叫黑糖嘅飲品都係中規中矩冇乜特別, 不過呢度主打之一就係黑糖, 所以專登加咗個黑糖珍珠試下佢。珍珠個黑糖味罕有地好正好有feel, 好似去咗沖繩咁XD 真心喺香港幾難得。口感都適中, 煙韌又夠軟淋。平時冬瓜茶普遍甜度都係煮嘅時候已經定好咗, 所以呢度都一樣冇得揀甜度。冬瓜茶好香, 不過可能因為個人口味覺得有少少太甜。非常值得支持嘅小店💛P.S 極力推介大家試下冬瓜茶加珍珠呢個 combination, 真係好正 xD