少爺18 (已結業)

新年去邊食晚餐都人潮洶湧已經有心理準備要等一段時間正當朋友都抱怨 想轉陣 食麥記時 發現一間忍身於多間餐廳之間既少爺18 是多間之中較少人 決定一試由於多日黎既新年大餐 今日決定食返餐 清淡少少既海南雞 雖然人少少 但有驚喜首先環境開揚 座位之間都有足夠既空間 首先對佢地用既桂花茶有驚喜 淡淡既桂花香 芬香撲鼻 續杯不斷 另外配上一小碟 蛋黃炸魚皮 非常香口 而且有星馬風味主菜方面 海南雞 半隻 首先目測所見 雞肉相當嫩滑 除了雞翼部分 其他 全起骨 一啖入口 肉質鮮嫩雞皮同雞肉中間既骨膠原 就好似啫喱一樣 沙嗲串燒 （豬/雞）第一讚 沙嗲醬椰奶味適中 少少香辣味 唔會蓋過豬肉 同雞肉既味道 可惜 雞豬肉 燒得相較乾身 凍左就有有硬 分量都比較少馬拉肉骨茶 相當精緻 用小窩形式上碟 熱辣辣好有風味 排骨配上甜豉油 非常惹味 藥材底 咸淡度恰到好處 豆卜 油炸鬼 吸入藥材湯汁後 非常美味

新城市廣場地下有好幾間食肆，食晏時段係呢間比較易搵位，應該係因為佢位置比較入啲啲。餐廳環境闊落，好好坐。午餐價錢$80-110左右，收加一，食個晏來講算幾貴。好在我哋係區內辦公室員工有八五折。幾鍾意食呢度嘅肉骨茶。新加坡肉骨茶係蒜香，而馬來係藥材。裡面有冬菇，兩大塊豆卜，同埋當然唔少得幾大嚿豬骨。不過個湯就稍淡，可能係個人口味。

星期六同爸爸行左一日街已經好攰好肚餓,去到沙田更加人山人海,食飯時間基本上都要等好耐位。我們的戰略係去轉彎後面入少少的餐廳,俾前面D餐廳遮住左, 而我們即刻有位有得入。我們見到個餐牌咁多選擇而大家都唔想諗就好快決定要點個二人套餐。張枱好細同個餐D野食又多,又上菜上得快.張枱好快就放滿了,侍應都知道呢個問題所以一早將我們的大碟收起.第一樣, 肉骨茶我未食過真正的肉骨茶,但係這碗的味道同胡椒豬肚湯無分別。胡椒味好濃同好咸。第二樣, 沙嗲串燒,蝦餅,木瓜沙律拼盤我本人好期待的一個拼盤,但最後好失望. 串燒很乾,沙嗲醬不夠多. 蝦餅不脆而硬. 木瓜沙律很細盤。第三樣, 海南雞成餐飯唯一一樣做得好食的。雞肉又嫩又滑,不肥又不瘦剛剛好。份量比我想像中的多。第四樣, 紅燒牛肉麵個湯都好濃牛肉味嘅，但係啲牛肉好硬好難咬開。咬到都吞唔落咁。第五樣 白菜完全係用水煮，冇技巧可言。白菜不新鮮，很老，如果沒有那碟豉油係完全冇味的。完全自己在家煮都被它好。飲品方面點左杯熱帶雨林，都幾似一杯雜果賓治，不太甜，但有清新的感覺，還可以。下次如果只有這間餐廳唔使等位的話，我想我也不會再來。因為食物方面真的未及水準。

位於新城市既18少爺非常難搵，朋友約左lee到食飯，搵左好耐先搵到🙈🙈第一次食，最期待就係個海南雞飯同肉骨茶，但都令我地好失望。-首先個海南雞肉質一d都唔嫩滑，好鞋口，食左一舊唔會想食第二舊。-而個肉骨茶冇咩藥材味，同想像中好大出入，好似飲緊普通湯咁，朋友本身好中意飲肉骨茶個種藥材味，所以佢好失望😞如果中意重藥材味既朋友可能會失望-我地仲有叫佢其他麵食，但都唔太好味，應該冇下次，lee個價錢會有更好既選擇

我個人不是太喜歡星馬嘅傳統菜式 - 因為我不吃红肉（豬，牛，羊之類）- 所以肉骨茶🙅🏽‍♀️，我也不太喜歡濃味嘅食物 - 所以喇沙🙅🏽‍♀️「少爺18」以我所知，佢係柔合咗傳統和新派嘅星馬菜，其吸引我之處係佢嘅餐廳環境和用膳嘅餐具，十分有娘惹色彩！有時候，跟朋友出外聚餐，食物、價錢都不是重點，而係舒適嘅環境氣氛，視覺嘅享受。食物方面，不得不提 💁🏽‍♀️ 檳城炒貴刁（$88），menu 註明係辣的，而且我怕會好油膩，但席上嘅人食過都話好好味，我便試試看：嘩！好味喎！🤩 入口口感已經好豐富（有芽菜，有蝦，有豆干）然後食落佢會回好小好小辣（係香辣而不是麻的那種）唔試過係唔會明！同埋唔油膩！👍🏽👍🏽👍🏽👍🏽

琴晚同咗幾個朋友 訂咗少爺18 試下新加坡菜叫咗個 馬來西亞 肉骨茶 感覺一般 但係好足料 有舊好大嘅排骨跟住叫多個海南雞 半隻都幾大隻仲有個喇沙 再叫咗個沙爹 雞牛 串燒 好入味加埋一壺大茶 啲茶真係好靚

做完成日運動，想食返一餐好！跟朋友一齊去食少爺18。估唔到咁好食蛋黃炒飯，好香好味嗽沙湯面味道濃，不過就細碗左少少，搞到我地都唔係咁夠食海南雞好滑，而且雞皮都唔覺肥膩肉骨茶藥材味有d太重，不過另一個胡椒湯就相當唔錯，聽聞係地道新加坡菜先有lee道菜最後人均$200，雖然有少少貴，不過味道真心唔錯

是日踩完單車沙田公園還車；於是去新城市廣場覓食～友人帶我地去食少爺18哩間餐廳～因為佢個位好山旮旯，好難搵我地一行6人嗌jor個四人套餐～有肉骨茶、喇沙、青菜、串燒etc第一次食新加坡菜！覺得幾新鮮～環境唔錯，都推介既！不過人均200都幾貴！

係沙田食lunch 如果遲咗出發都一定會去少爺18因為佢個位有d僻所以多數有位我次次都食印尼炒飯因為70幾蚊 有印尼蝦片一串串燒 仲有一隻太陽蛋仲要個飯有蝦 而且十分惹味

第一次食這間餐廳，感覺好新穎。很喜歡餐廳內嘅設計及擺設，顏色好鍾意。「馬來西亞肉骨茶（藥材）」對於只有10度以下嘅天氣來說，選擇食肉骨茶，是理想不過！肉骨茶有迷你火爐加熱，可防止食到一半，湯已經放涼。這一點值得加分！味道方面，真材實料，排骨有兩大塊，冬菇又大隻又滑，濃藥材味，LIKE! 👍（當晚目測，大概兩台食客，就有一台會叫這道菜。）「海南雞飯」雞油飯好好味，不過對於小朋友來說，鹹咗少少。雞塊冇骨，好滑，不過肉質韌左少少。這個飯跟一個湯，湯鹹咗啲。「榴槤雪糕」正！好有榴槤味，但這個雪糕並不creamy，對於我哋飲飽食醉嘅人士，這個雪糕給我們清新嘅感覺。「馬來西亞番薯咋喳」望落去好似幾大碗，但其實份量好少，因為隻碗好淺。番薯好少，芋圓得三粒，味道可以，但未能滿足味蕾。餐廳內有BB櫈（high chair)，適合一家大細去進餐。*特別留意，每張枱提供嘅花茶，非常好味，同行朋友讚不絕口。

The first time I visited this cafe at Kwai Fong and this time was at Sha Tin. As I ate Nasi Goreng (印尼炒飯配沙嗲串燒 ) before and the skewer of satsay chicken was quite good. Therefore, I ordered skewer of satsay chicken ($68/half of dozen) with plain rice ($14) this time. A bit disappointed that this satsay chicken was less delicious than the one at Kwai Fong as the chicken itself was not fully marinated. Fortunately, the satsay paste was promising. Therefore, I will visit Kwai Fong branch to eat

好耐都冇食過肉骨茶，突然間好想食，喺沙田附近就試咗呢間少爺18。新加坡同馬來西亞嘅肉骨茶其實有分別，但好多人都唔知。我自己就中意藥材味重啲，所以叫咗個新加坡嘅肉骨茶。飲落去嘅藥材味真係好重，但係又有豬肉煲出嚟嘅自然甘香。蘿蔔又煲得好入味，好林，加埋其他配料撈飯，其實真係幾滋味㗎 ，冬天食仲暖粒粒添。之後叫咗個雞，都幾重芭蕉葉嘅香味，但係就比較林申身，唔夠香口。個蒜蓉炒白菜都還可以，不過不知，算係咁啦！

Date: 19Nov 星期日不能訂到當晚的檯，就早到一點walk in了。不知道是不是因為位置比較偏僻，等位的人不是很多，等齊人就可以馬上入座了。↑招牌海南雞飯︰因為家人說想食海南雞飯，所以一口氣點了2份。雞肉都夠嫩滑，調味不是很重，適合老人家吃。飯也不是平時吃的黃黃的油飯，感覺上健康了一點 (其實menu上有個更健康的選擇，大概是雞胸肉配紅米飯)↑馬來西亞肉骨茶：很喜歡這裡有新加坡式和馬來西亞式的兩款肉骨茶，我當然選了充滿藥材香味的馬來西亞式﹗湯的味道不錯，藥材不算很重(個人喜歡更濃一點的!)，湯裡的排骨基本上都煮夠軟。↑馬拉盞通菜：菜其實炒得不錯，不會太硬或太軟太黃，但是調味的油真的很辣，愈吃到底愈辣。↑Black Turnip Cake﹕最初見到英文的菜名以為是黑蘿蔔糕(誤)，上菜後再看清楚才發現是帶甜味的普通蘿蔔糕。說它普通是因為溫度普通，雖然有輕微的煙，但基本上每一塊都只是微暖。蘿蔔糕裡也沒有任何配料，真的是一塊口感黏糯糕狀的食物，本身沒有味道，都靠外面的醬汁和一點點一起炒的蛋。下次不會再點了……↑印尼炒飯﹕正常的一份炒飯，味道沒有特別。炒的時候醬汁沒有拌勻，在啡色的飯中會

以前一直都係海南少爺既粉絲，但係當佢裝修完改名做少爺18後，覺得食物差左好多就無再食今日出左沙田睇醫生，病左梗係要食雞補一補，於是就好想食海南雞飯喇一點幾walk in唔需要等位，見餐廳餐牌已同我之前食個次大大不同，多元化左好多，仲可以加小食。為食既我，加多左沙嗲雞串 $22三串，沙嗲汁完全覆蓋雞串！雞串夠林，沙嗲汁夠香，成個小食夠熱，好食！少爺18一直以海南雞飯為主打，依度個海南雞飯食完真係會令每個人念念不忘，勁有新加坡風味！香港其他地方食唔到！我中意去完雞皮只食雞肉，雞肉很滑，再沾上特製既豉油同埋個辣醬！海南雞飯的雞不油膩，再配合香濃醬汁，真係好食到不能形容除左雞，油飯係另一個重點！雖然油飯好肥，但都忍唔住要食！如果食多幾啖飯覺太油，可以飲啖海南雞湯中和番

第一次食「少爺18」是在葵芳，印象中味道是中上的，但今次覺得很一般般，是食品選不對吧！兩個人叫了兩個菜。So far so good。海鮮喇沙 - 有3隻蝦，中挺大小，挺爽口，吃得出新鮮。三四圈魷魚，ok啦。三四片豆卜，豆卜味道差不多吧，未吃過特別出色的。湯底濃，中上，還是那句，比不上「加東」。藥膳肉骨茶 - 藥味，不是很濃，但不會淡。味道普通。叫錯了。吃喇沙，不要面肉骨茶，都是湯，還要都是味濃。排骨有三條，肉爽口入味。