少爺18 (已結業)

LUNCH時間 度度都好多人~ 好左呢間等候時間不太耐~ 兩個人~ 叫左海南雞飯　通菜　同蘿蔔糕~ -海南雞飯　一大盤咁上~ 好多野食咁 XD份量好夠~ 雞好嫩~ 而且配埋醬料真係好好食~ 湯非常不錯~ -通菜　勁大碟~ 兩個人都食吾哂 ~少少辣味　炒得好好　好好食~ -蘿蔔糕第一次試呢隻蘿蔔糕 同平時食開不一樣 有甜甜的感覺~很不錯~ 但因為太飽 所以都係食吾哂 ~整體真係不錯 ~  下次要試肉骨茶~ 

入沙田新城市睇戲。睇7點半，可以食個早飯先！但係好多鋪頭仲圍左板返新，行下行下見到呢間星馬菜因為冇乜人等位，就入去試吓啦。餐前小食竟然係炸魚皮，不過魚皮有D硬，睇左餐牌之後，叫咗喇沙，海南雞飯套餐同埋小食拼盤，上菜都幾快喎！喇沙湯底幾好味，夠濃，夠香，喇沙用左米線同埋麵，唔錯唔錯，海南雞飯套餐中規中矩D雞幾滑㗎，但飯不夠油香，個盤小食拼盤有炸蝦餅，串燒，蝦春卷，香葉爆雞總括來講樣樣都幾好食。另外，講一講餐前奉上的茶都幾好飲，有陣陣龍眼嘅香味。

下午茶時間不用等位，即刻去試試下午茶有set 叫，任選小食一款，有個沙律＆，主菜一款&一杯飲品。個人最愛食喇沙既野所以決定左叫喇沙面，小食order 左斑蘭葉包雞！一到左比個麵既顏色賣相吸引左好大碗之餘上面啲料都好多吓入面有豆卜，魚片，魷魚圈，大蝦隻蝦係超新鮮爽口！不過個湯唔太辣亦吾太濃味！但下午茶來講一定係好夠飽！另外朋友叫了另一個set !叫了出名嘅海南雞飯！小食係串燒！一嚟到比較呆係雞既份量比較少，但質素還可以的！雞肉好滑！反而串燒好好食，濃味既！但海南雞主菜嘅份量比較少！

環境清新，服務員態度親切有禮！可惜門面不明顯，有點難找！新加坡肉骨茶味道可以，但不似正宗的味道，有點失望。海南雞飯，油飯太鬆散，跟餐個湯味道不搭配！小食涼菜味道較淡。

係新城市1樓見到有好多唔同既餐廳，行完一圈之後就心思思想飲肉骨茶噤今晚就決定食呢間啦！既然想飲肉骨茶就梗係要叫啦，飲落個藥材味好香，唔會太濃，但亦唔會淡到無味，感覺都好足料，飲完一碗再一碗之後成個人暖笠笠好舒服好滿足。另外我地叫左一個海南雞飯，一個印尼炒飯。個海南雞飯都好好食，雞夠嫩滑而個飯又軟硬適中不過個印尼炒飯就要彈一彈個炒飯太咸又炒得太硬有d過左火干得制，側邊既雞肉串燒又好鞋麻麻地。另外入去坐低之後會到碟脆魚皮小食有驚喜既好食，鹹蛋味香脆令我地一塊一塊噤係噤放入口~不過如果唔鐘意食呢個，係可以叫店員收走架，因為買單嗰時見到佢會收番12蚊不過我覺得好食都抵比既~

間唔中就會掛住海南少爺既肉骨茶，但我太耐無來食，原來整間餐廳都裝修了，感覺走年輕風格，有些碗碟是粉綠粉紅色花花圖案的，有些是藍白花紋，整體好有亞洲風！比較濕的咸蛋炸魚皮前菜，好香口，而且唔咸個味都幾上癮架，邊食邊飲茶，又可以慢慢等個主菜喇，茶都超好飲！招牌海南雞飯$98，灑上炸蒜片增加亞洲風味～海南雞都幾滑有雞味，煮得入味，而且雞皮好爽滑，油飯整碗味道平均，唔會太濃味太油，不錯，最後飲埋碗清湯，放了幾粒杞子感覺健康，醃蘿蔔青瓜很清爽！

第2次同屋企人食，發現轉咗新menu好驚喜，更啱我嘅口味。叫咗肉骨茶，藥材味，勁重藥材味，唔係個個都啱，不過我like。海南雞比上次食大隻啲啲，多肉啲啲，like。另外叫咗上湯時菜，唔駛炒咁多油。3個人食咗4百幾，唔算平，有小食費，有茶錢，再加一。食到尾媽媽跌咗匙羹，有服務員很快拿了叉來問是否需要新叉，雖然唔需要，但good。

Lunch time 想食返個海南雞飯，就黎左新城市地下嘅呢間少爺18。呢間要行入少少要搵到，因為唔係出面，可能因為咁樣比較少人，環境唔錯，都叫坐得舒服。因為想試埋個喇沙，所以就叫左個雙拼餐。賣相黎到都幾好，幾精緻。喇沙味道都算唔錯，但我就覺得細碗左少少。至於海南雞方面，啲肉有部份滑啲啲，可能咩位都有，整體味道都ok ge 由於lunch黎講價錢比較高 久唔久黎食都可以嘅

因有Apps可以半價，所以就試吓-沙田少爺18我和家人一行三個人試了3款主打美食加1款甜品：分別係星加坡肉骨茶（胡椒蒜頭）、招牌海南雞飯、沙茶牛肋肉米線，甜品-海燕窩燉椰皇。3款主打菜中最值得推薦係招牌海南雞飯，因雞好滑和好好味，而肉骨茶好夠胡椒味，好味和好夠辣👍🏻，而價錢方便，如無優惠價錢都偏高。另外，雖然會收茶錢（每位）但值得比，因餐廳提供係荔枝味紅茶，好香好飲😋

午餐時間過來食飯，第一次試呢間餐廳感覺真係麻麻，講真$93一個午餐絕對係算貴，以為會俾返相應嘅質素啦，點知價錢貴不特止份量又小，味道⋯⋯一般啦，要求唔高嘅咪合格囉⋯⋯隨餐附贈嗰杯百香果汁，飲落好似1:99咁，淡到不如飲水！總之食完成肚氣！之後都未必會再試⋯

好朋友聚會就當然要搵好食又舒服嘅地方啦，今次我哋揀咗沙田就腳點。我哋先叫咗個肉骨茶，小食拼盤，咖哩，一條魚，娘惹飯同上湯浸菜心。肉骨茶有小火爐一路熱住，熱飲好味。 上湯浸菜好清甜，個小食拼盤好吸引，但係好熱氣呀，當中串燒同蝦餅都好好味。 咖哩唔太辣，配薄餅一流。 條魚反而冇咩特別，好重椰汁味，唔腥。 娘惹飯維持水準，個紅米飯原來有雞油成分，好香口，不經不覺就食咗一碗飯。閒日嚟講唔算多人，坐得舒服，大家傾計最啱選擇。

沙田放lunch有時想對自己好啲就會去新城市底層食野 當中少爺18既海南雞飯真係值得encore再encore!! 油飯粒粒均勻 啲米唔會爛 又唔會太油 食落香口！海南雞超滑🤤襯任何一隻醬都好味 但我鍾意好似豉油但杰杰地個隻！除左海南雞飯 都有試過肉骨茶餐 胡椒味岩岩好！無論幾大碗既飯一撈啲湯飲一定食晒🤤雖然未試過晚市 但午市絕對要一試！

沙田新城市廣場底層大把餐廳，只不過朋友就系被少爺的靚樣吸引左過來，都系既，在門口翻餐牌已覺得款款都想試下，不過價錢幾貴架，朋友話想試哦，咁試下啦。因為我之前食過，印象分好差，皆因佢果個肉骨茶，真的非常難食，味道淡，肉不入味，翻翻餐牌見到現在138蚊，勁唔抵印尼炒飯配沙爹串：88蚊，味道ok既，擺得幾靚，不過貴左d娘惹小金杯68蚊：昵道菜幾有特色，薄脆小杯裡裝著碎蛋、酸蘿卜絲，蝦米，森巴醬帶出清新的口感咖央蝦丸78蚊，流心蝦丸，食時一定要小心！一定要小心，一定要小心吖！重要事情講三遍！流心真的非常燙！味道不錯的馬來咖哩豬髀骨：118蚊，我們都是食肉獸新加坡椰香海鮮叻沙：98蚊🤢，又貴又難食未食過咁難食叻沙黑夢卜糕28蚊，加了黑醬油炒，沒有特別少爺18得個樣，一試無妨，再試投降

同屋企人食生日飯，一行3人，第1次試。年初四，都幾滿座，好在訂座加早食，就可以輕輕鬆鬆。餐廳空間感足夠， 座位唔會好迫， 枱與枱之間嘅空位又寬，舒服。 上菜速度極快， 叫咗餸 ，然後去個洗手間 ，回來成枱都係餸。叫咗串燒，味道幾好，但燒烤度多咗啲啲，肉質麻麻，無咩口感，一般。注重均衡飲食， 叫咗碟炒白菜，夠鍋氣，重口味，食完碟底勁多油。仲有炒 貴刁，色香味都ok， 但都係 重口味，勁多油。 半隻海南雞， 冇咩特別，唔差，唔特別好， 同美心快餐差唔多。小碟， 炸魚皮，非常香脆。另有茶錢及小食費用。3個人食咗4百幾，算係咁。重口味的東南亞 菜式，啱重口味的你。

大年初五的沙田，人來人往，很多行人都去車公廟拿著風車行大運。到了晚上，每間餐廳都坐無虛席。正當苦惱吃什麼之際，發現了少爺十八，令我有所驚喜。還有的事，肉骨茶有火坐住保持熱度。串燒有兩溝，全豬，全雞。