尚品墨魚丸大王

營業中

休息中

雖知墨魚丸是小店嘅招牌菜，但因為太想食豬扒，所以就先叫咗碗豬扒喇沙米線。豬扒炸得好食同夠淋唔會太乾，喇沙湯底味道剛剛好，不會太肥膩。食得出小店是用心製作，只是當日天氣比較熱，店內冷氣略嫌不夠。整體味道很好，價錢亦合理！

嚟到一定要試佢哋嘅招牌墨魚丸！有分黑、白，黑色就係加咗墨汁~食落好濃墨魚味，而白色就鮮味同彈牙啲!另外值得講嘅就係佢哋嘅喇沙湯底(白色墨魚丸嗰碗)，如果會有埋半隻雞蛋同兩粒豆卜，湯底唔會好辣，有淡淡嘅椰香味。而冬陰功湯底就比較清啲(黑色墨魚丸嗰碗)，食晒成碗都唔會覺得太溜。香煎鮮蝦餅都味如其名好鮮味，因為係煎嘅關係，唔係坊間炸嗰種個皮脆卜卜個種，所以食落都唔會油膩，食多幾嚿都冇罪惡感😋反而仲食得出更多蝦嘅鮮味！

我真係好好好好好好鍾意食墨魚丸！估唔到洪水橋竟然有專食墨魚丸既舖頭！ 除左墨丸之外仲有雲吞、牛腩、牛丸等等，可以淨食或者配麵都得！墨魚丸有2款，一款原味同埋墨丸汁味！2款都好彈牙，入面仲有粒粒墨魚粒，墨魚味好香好濃郁，非常有驚喜！牛丸同蝦餅都非常好食，牛丸牛味好香咬開仲好juicy ! 蝦餅都係自家製，非常足料，加埋沙律醬更加正！另外仲有唔同既小食例如生炸豬朳同雞翼，即叫即整唔會又乾又韌！最後睇到原來電視節目都有介紹過，試過果然名不虛傳

出品質素好，分量剛剛好，即磨咖啡好飲今曰食喇沙湯底墨魚丸油麵＇好味！店長推介豬扒可媲美酒店＇雞亦＇爽脆入味，直得一試再一試，不枉我從九龍駕車到尚品墨魚丸大王食喇沙湯底墨魚丸麵。

聽住喺洪水橋嘅朋友講佢食咗間自家製墨魚丸嘅餐廳，味道同口感都有唔錯嘅評價招牌墨汁墨魚丸配米線 $48呢個小編食完驚為天人，絕對係小編食過最好食嘅墨汁墨魚丸！！口感同佢嘅墨魚丸一樣非常彈牙爽口！但係墨汁將香味同味道再提升好多！絕對係非常建議大家一試，買埋冷藏番屋企都冇問題！另外順帶一提呢度食粉面可以揀湯底，今次小編揀咗鮮蝦湯底同埋椰子雞湯底！小編對椰子雞湯底情有獨鍾，椰子味濃郁！下次小編會試一試冬陰功湯底！香煎鮮蝦餅河粉 $52呢個鮮蝦餅同泰國蝦餅唔同，唔會有香茅味，但係蝦味比較濃郁同埋口感比較彈牙，食完會好想同另一半做愛！做完又再做

坐輕鐵在洪水橋下車步行約數分鐘。新開幕一個月，凡穿著校服光顧一律$48！🥳香港另有工場新鮮制作墨魚丸🇭🇰招牌墨汁墨魚丸 $48採用原隻大墨魚製作墨魚丸，爽口彈牙，唧出肉汁，鮮味十足啊！😋😋😋白色就係普通墨魚丸，而黑色嘅就係墨汁墨魚丸。雖然佢哋顏色上有好大分別，但係兩款墨魚丸入口都超級彈牙，仲食到粒粒分明嘅墨魚粒粒。100%墨魚✨好香濃 而且沒有添加其他肥豬肉香煎墨魚餅 $60新鮮香脆墨魚餅煎得非常乾身，絕無味精，非常好吃🤤凍奶茶🥤$20凍奶茶奶味較重👍🏻👍🏻推介指數：⭐️⭐️⭐️⭐️⭐️

被店外的墨魚丸制作過程吸引。一家三口一人一碗。小朋友食墨汁墨魚丸河粉鮮蝦湯。湯底好鮮甜，墨魚丸好彈牙。秘製崩沙牛腩$52同平時嘅牛腩有啲唔一樣，比較厚切，但係口感很好，而且好入味牛腩湯底好足料。香煎鮮蝦餅喇沙湯河$52 冇諗過50幾蚊可以食到咁高質嘅喇沙，湯底椰香微辣，而且有大量芽菜及豆卜，好有誠意。香煎雞翼四隻$28,真係外脆裏面好多肉汁，新鮮即炸。食物都很滿意。原來仲可以買墨魚丸，下次可以買嚟打邊爐。

因為對潮州粉麵、雲吞和牛腩情有獨鍾，經常會周圍揾潮州粉麵醫肚。在元朗發現了一家獨特的餐廳——尚品墨魚丸大王。這家餐廳獨具心思地將墨魚丸打造成主角，讓人在品味彈牙口感的同時，亦以不同湯底去配搭主角，如馬莎和冬陰功湯底。首推招牌墨魚丸湯河（$48）這碗麵是絕對不能錯過的。尚品墨魚丸大王以白色和黑色兩款墨魚丸為亮點，白色墨魚丸是普通口味，而黑色墨魚丸則是添加了墨汁的特色款式。儘管它們在外觀上有明顯的區別，但無論是哪一款，墨魚丸都展現出令人驚艷的彈牙口感，每一粒墨魚丸都充滿著墨魚的鮮美風味。搭配滑溜的河粉，這道招牌菜成為了店內的王牌選擇。除了墨魚丸湯河，香煎鮮蝦餅喇沙（$52）和香煎鮮蝦餅（小）（$60）也是令人垂涎的美味。香煎鮮蝦餅喇沙以其豐富的味道和獨特的煎香口感吸引了我的胃口。而香煎鮮蝦餅（小）則是為了再次滿足食彈互足料蝦餅的欲望。喇沙香濃的湯汁，讓麵條完全吸收，濃郁的湯汁，加上蝦餅超級彈牙，一食就愛上。尚品墨魚丸大王也提供了成斤的墨魚丸供你帶回家享用，可以加入打邊爐，自己淥麵食時加幾粒又得。尚品墨魚丸大王 (元朗)元朗洪水橋大街1號德祥樓地下22號舖#尚品墨魚丸大王 #墨魚丸湯河 #彈

平時去食潮州粉麵，雲吞、魚蛋、牛腩通常都係三大熱門選擇，而墨魚丸唔係唔受歡迎，但通常都係雙拼或三寶時出現。但元朗嘅尚品墨魚丸大王就用心製作墨魚丸，讓墨魚丸成為主角，非常彈牙令人一試難忘。香煎豬扒雖然呢塊香煎豬扒望落平平無奇，但用上老板特別介紹咗隱藏食法，塊豬扒就變得出奇地好味，就係加上佢哋嘅魚露。而且因為豬扒係即叫即炸，生炸令肉質保持鮮嫩，帶有肉汁，絕對係誠意之作！招牌墨魚丸湯河既然呢度叫得自己做墨魚丸大王，又點可以唔試吓呢度嘅招牌墨魚丸呢！呢度嘅墨魚丸分別有白色同黑色兩款，白色就係普通墨魚丸，而黑色嘅就係墨汁墨魚丸。雖然佢哋顏色上有好大分別，但係兩款墨魚丸入口都超級彈牙，仲食到粒粒分明嘅墨魚粒粒。至於河粉非常滑溜，係店内嘅王牌選擇。秘製崩沙牛腩湯河除咗墨魚丸，牛腩係每一間潮州粉麵嘅靈魂。餐廳用上牛腩中嘅極品：崩沙牛腩。崩沙腩連住少少筋膜，肥瘦分明，除咗食到油脂嘅甘香之外，仲帶有濃濃嘅肉味，口感軟腍。

店舖第一日新開張，就比職員姐姐叫左我入去試，我諗住新屎坑貪新鮮就入咗去。試左佢個喇沙湯底，覺得真係唔錯，墨丸係人手打嘅，好彈牙，之後再試埋椰汁雞湯，冬陰公湯底，真係幾好食。職員姐姐好好禮貌，會同食客傾計，如果想多少少麵可以同佢講聲，真係會比多啲麵你，食到你飽為止。有時店舖人多，會煮得耐少少，因為得老闆一個人負責煮麵，但睇得出老闆對食物有一定嘅要求，絕不馬虎。我真心推薦大家可以嚟試吓呢一間店舖食佢嘅湯底。