影片
港鐵觀塘站 B2 出口, 步行約1分鐘
繼續閱讀
營業時間
星期一至日
07:00 - 00:00
以上資料只供參考, 請與餐廳確認詳情
招牌菜
之前已經知道尚宴係京都集團嘅，已經抱住冇希望係預咗失望嘅心態去飲，但去完唔係失望咁簡單，真係極品到唔恨燈光效果差，轉色轉到頭都暈，disco咩，咩年代呀場地音響經常好似爆喇叭咁發出巨響場地佈置更加唔駛講啦，一入門口有大大個神台坐陣一入座坐低簡直眼都凸埋，筷子架佈滿鐵鏽積、筷子頂有d銀色嘅圖案，甩色甩到見到裏面d木，直情𠝹到手嘅，肉酸情度達一百分以上酒樓安排時間不當，敬完酒影相是常識，但酒樓超趕收工，勁快上完菜，到一對新人仲拍緊照時，所有菜式已經上完，記住仲係拍照時間，d賓客都未等到新人送客已經走咗一大半，酒樓已經清場執枱，但一對新人依然係台上拍照，仲未送客㗎，但場內一半枱已清講完d唔關我事嘅嘢，講重點重點係我食落肚嘅嘢，真係不得了屋邨酒樓千零蚊圍酒席都好好多好好多好好多，重要嘢係要講3次㗎⭐️第一味 乳豬🐷凍係常識 乳豬咸到呢又咸又凍係咩玩法第二味 翡翠花姿蝦仁大家有冇食過梅嘅蝦第三味 蜂巢帶子盒食頭2味已經知道冇蟹鉗係常識，但食嘅係芋頭包住粒鼻屎咁細粒，完全食唔出嘅帶子，重點都係嗰pat芋頭，真係未見識過婚宴食芋頭呀，擺齋宴另計第四味 蟹肉百花翠肉環重點係嚿蟹膠啦，當然食唔出有蟹味，佢冇改錯名，用翠玉瓜包蟹膠扮瑤柱玉環又係咩玩法第五味 竹笙雞絲翅真係嚴重違反商品說明條例，佢菜單只能用竹笙雞絲芡(獻）嚟形容，唔好話翅，粉絲都冇條第六味 碧綠金錢鮮鮑魚嗰隻鮑魚睇落似麵粉頭，唔知以為食緊齋宴裏面嘅齋鮑魚，賣相直情同上海鋪嘅獅子頭有得揮，真係極度懷疑緊係假鮑魚第七味 青蒸大海斑一食落口條魚老到可以做魚瑞，根據以上六味菜嘅經驗，都係正常嘅，老都不是問題，重點嚟啦，勁腥第八味 一品脆皮雞真係又嚟違反商品說明條例，話明脆皮雞，睇賣相，冇色白恰完咁，係恰完淋咗嘅款，咁又何來脆呢第九味 金沙海皇嚼苗今次啱啦，真係咀嚼個嚼呀，呢味係炒飯嚟嘅，但d飯係生米嚟㗎，唔咀嚼都食唔到呀第十味 幸福伊麵根據以上經驗，我真係發覺一d都唔幸福第十一味 百年好合即係紅豆沙，唉！去到尾聲，真係唔想再食垃圾啦第十二味 永結同心就係嗰pat杞子桂花糕，真係一pat嘢咁，一吉散哂，真係大吉利是，喜慶場合用散嚟形容12道菜全晚完美演繹，真係要👏🏻👏🏻👏🏻👏🏻👏🏻人生第一次見識到咁經典嘅婚宴菜色，令我大開眼界彈咗成晚都有好嘅一面嘅，唔可以只彈唔讚㗎，讚就係都仲有好食嘅橙🍊嘅完！
繼續閱讀
仲話即叫即蒸叫左4碟嘢試下有冇伏先嘆杯茶吹下水先..飲啖茶唔熱水滾茶靚..中國人常識吧問個知客咁耐既要等20分鐘架等左28分鐘後第一碟牛肉腸..入口係室溫..完全唔似即叫即做第二籠鮮蝦菜苗餃..有一粒爆左好大個洞第三籠臘腸包..最正常40分鐘後第四籠出現啦每次飲茶都會叫..醬汁鳳爪出緊煙..諗著熱啦一咬落去內暖外熱..蒸左40分鐘都唔熱透星期日冇人排隊既奇景係有原因其他樓下既間間排長龍價錢仲要唔係親民
繼續閱讀
晚餐人不多 很容易訂到位子 佈局裝修是粵式酒樓的風格 很乾淨 燈光舒服服務態度不錯 上菜以及更換餐具都很及時青菜類偏油一些 炒飯和鮑魚做的更好 整體滿意 沒有遇到差評裡面描述的情況 按團購的價格可以試一下的
繼續閱讀
星期日去鱷魚恤大廈飲茶，好多間門口都擠滿人，本來打算轉場，電梯停係9樓，竟然好多位，諗住貪方便，就試一試呢間 落左單 第一碟黎既點心 竟然係楊枝甘露HKD 24.8成碗花奶水， 又無料，食左2啖已經唔想食 點心的盤幾靚，六角型，好似蜂巢五豆雜糧糕HKD24.8糕幾依韌，少少甜，有豆的清香鮑汁鮮竹卷 HKD 24.8鮮竹卷本身做得唔錯， 唔會淋到一pat pat, 料都幾爽口，但所謂的鮑汁好杰 好咸， 咸到封喉鵪鶉蛋燒賣 HKD 28.8燒蛋肉質幾爽口，燒賣皮都仲有質感，唔似雪到溶哂個d, 味道亦可以，唔會太咸 鬆化叉燒酥HKD 24.8一入口成陣油益味， 即刻同經理反映，好彩經理都好爽快同我地取消左 呢度既食物水準參次， 價錢又唔算優惠，真係一次就夠，有咁多空位都唔係無原因的。
繼續閱讀
網上見到著名飲食雜誌介紹呢間酒樓有半席花膠宴食，有片皮鴨，有鮑魚，有條魚食下，阿！睇片都幾吸引，就提意屋企人生日去呢到食啦～一入到去間野無乜客人，都心知不妙！無錯！我地一行7人，但待應姐姐安排張細枱比我地坐，算啦！唔緊要逼小小都仲食到野。江南八小碟，無碟食得人，我爸爸係做左20幾年既燒味師傅一食就食得出燻蹄變壞既，同個部長講呢碟野變壞左，佢一句唔好意思都無講，十問九唔應，木口木面咁，之後話我地口味唔岩唔緊要，換過其他野比你。ok!無問題，之後繼續食啦。食片皮鴨從未試過蝦片多過啲鴨，仲要啲鴨係連埋成塊肉，真係覺得好新奇又有趣，係咪我見識小，片皮鴨係連埋佢塊肉食跟住到個炸海老，一埋梅晒既沙律菜做伴碟，件炸海老粉漿厚到爆，我到依家都勁度懷疑隻蝦其實係咪未熟？之後到上花膠湯啦～個花膠湯係幾好飲既，公道啲好飲就係好飲，但人地個鍋裡面仲有湯（大約仲有2-3碗）問都唔問就自己收走？問佢我地個湯係邊？佢用耳機問「有無人見過28號個湯？」我真係忍唔住笑，到底呢間係咩酒家？人地未飲完既湯都可以收走？ 好啦見前面啲餸淨係得個湯食得人，接下來啲餸都唔抱咩期望。蒸魚，條魚凍既叫個部長埋嚟又係木口木面，同佢講條魚凍咖喎大佬，之後摸隻碟，成碌木甘無反應但又無意向換喎，阿爸頂唔順講左句：你比錢食條凍既蒸魚你食唔食？之後先私私然拎返條魚入去換。換左第二條魚條魚都係唔熟既都算啦！再換都無意思，已經講好左食唔飽就去一人整返一碗牛腩麵食算啦💁🏼。跟住瑤柱蛋白炒飯同個菜都係無味，我唔知佢間野係咪提倡低糖低鹽低油啦，總之係無味！成餐勁掃興之餘態度又差野食淨係得最尾個甜品豆腐花同花膠湯食得人之外其他都係垃圾！絕對無下次，同埋奉勸各位唔好信新X假既介紹，全都是伏！
繼續閱讀