尚海人家 (譚臣道) (已結業)

尚海人家喺灣仔開咗都有一段時間 今日第一次嚟買外賣 有生煎包同水餃兩款套餐 配搭唔同嘅主食 天氣咁熱 都唔係咁想食啲熱麵 所以揀咗雞絲粉皮配生煎包😚涼拌雞絲粉皮 配生煎包兩隻 💰43粉皮份量都幾多 一碗食食下都飽飽哋 花生醬足夠 但略嫌唔夠香濃 手撕雞唔鞋 加埋芝麻同青瓜絲食好香又好清新👍🏻招牌生煎包可以揀豬肉/薺菜餡 我就揀咗薺菜 有肉又有菜😂表面睇落煎得唔錯 但個底好厚又煎得比較膿 硬但係唔脆 所以咬嗰時咬唔開 噴晒啲汁出嚟🙈但個餡料係唔錯嘅 多汁又juicy

講到生煎包，不得不提《尚海人家》@shanghaihomehk 一諗起佢地既生煎包就超級想食了皇牌生煎包呢間最招牌既一定係佢地既生煎包！生煎包即使係外賣都仲keep到好好食！賣相吸引，外皮脆卜卜，咬一啖啲肉汁四濺 一咬就爆汁 HaHaHa開洋蔥油拌麵 蔥油味好香不過有有D咸咸地，配搭住醬汁真係好入味，沾上了大量醬油我就唔係太鍾意食，不過配上豆漿可中和咸味 雞絲粉皮 天氣又悶又熱真係好岩啊～清爽既涼拌雞絲粉皮加上青瓜同雞絲等 味道可以配埋低糖原味鮮豆漿 咁又過了一個下午

個人不嬲都好鍾意食上海嘅生煎包！嗰日經過聞到好香 就叫咗一份皇牌生煎包嚟食😍外皮煎到金黃色 食落好香脆 咬開爆曬啲肉汁出嚟 外脆內juicy💕好足料 包住好大嚿豬肉餡 一個人都可以食晒六隻😌

🌃 餐廳主要售賣上海美食， 由前米芝蓮小食店總廚主理， 主打皇牌生煎包， 用上海當地食材及醬料， 炮製出上海嘅地道小食，並設有多間分店， 包括炮台山、灣仔、上環、將軍澳等， 而灣仔店設有堂食座位。.🍝上海排骨擔擔麵💲 59👉 擔擔麵跟排骨係另上， 避免排骨會浸淋， 呢方面幾貼心， 排骨幾嫩滑， 擔擔麵湯底幾夠辣， 帶有花生香味， 麵底不錯。. 🍲 上海紅燒肉菜飯💲 59👉 紅燒肉份量都幾多， 色澤紅亮， 肉質肥美軟淋。👉 菜飯正常發揮。.🍞 皇牌生煎包💲 隨餐附送， 每餐附送兩個。👉 呢個最有驚喜😍，咬落juicy爆汁， 皮薄， 內裏啖啖肉，包底金黃脆口。.🍹另加豆漿或酸梅湯 只需加8蚊.🤠 通粉 foodie 食評總結 :👉 餐廳價格非常親民， 40蚊起就有套餐， 除咗主食之外， 仲附送生煎包， 加8蚊仲有豆漿或者酸梅湯， 小編覺得物超所值， 尤其生煎包超有驚喜， 可以一試再試。.🕍 尚海人家 (譚臣道) @shanghaihomehk灣仔譚臣道8號威利商業大廈地下E號舖.*此價格只供參考及以當時為準，實際價格或會與本文章有所差異。-

外賣自取還貴6元🤪到店取食物先知店購53元，外賣自取59元。第一次這樣經歷。又不是送貨點解會貴d，店員说是平台收差額不是他們。平台自助下單都收錢🙄下次要注意。

【米芝蓮總廚灣仔打工仔抵食外賣上海菜🤩】呢間之前一見到佢個生煎包嘅相就超級想食🥰但可惜佢係外賣店，而近排咁啱喺灣仔做嘢，終於可以試到😋我以為佢真係外賣店，原來佢有四個座位😂餐廳由前米芝蓮小食店總廚主理，高CP值🔥.🍴皇牌生煎包生煎包我見個個都食，應該係招牌⁉️細細舊又脹卜卜，包面軟熟👍🏻個底煎到金黃色，食落去硬啲香脆啲😛一咬落去係爆汁OMG🤩勁JUICY😍朋友表示爆汁爆到佢條褲都係😂舊肉都幾大舊🤩佢仲有醋可以俾你沾😬推介‼️.🍴開洋蔥油拌麵 蔥油味好香，每條麵都沾滿汁👍🏻食落唔會太油膩😋仲有蝦乾食落更加惹味🦐如果加辣醬食應該勁好食！推介‼️.🍴上海排骨菜飯 菜飯普通，排骨係豬扒🐷份量都算多，有6-7件切好😉雖然食落偏硬，但味道幾好🥳不過都可能關我要行一段路唔係即刻食🥲.🍴豆沙鍋餅 豆沙鍋餅外皮夠脆，有8舊❗️內餡足料，食落唔太甜😍.🍴炸蔥油酥餅外皮鬆脆，蔥油味好香，啖啖蔥油，食落唔會太油膩😆-🔖佢有午市套餐，配兩個生煎包，嘢飲+$8，嘢飲可以揀豆漿或者酸梅湯，好抵食🈹.🔖本身價錢已經貴，學生仲可以減$10😨CRAZY🈹.💡店舖座位得4個，主打外賣🤓.😷大家記著等疫情好返啲先去試💪🏻-💎推介指數

細佬好鍾意食生煎包 所以嗰日咁啱經過 就買咗佢哋嘅王牌生煎包試吓！生煎包煎到金黃食 脆脆地 包身好軟熟 咬開入面超多餡😍爆晒汁 豬肉好鮮甜 好juicy 食落完全唔油膩 好香口！

今日喺灣仔呢邊做嘢，見到有上海嘢食✨尚海人家✨價錢親民，我都即刻買返屋企食先😍.❤️皇牌生煎包6隻 $42生煎包皮薄又脆卜卜，內裏勁多肉汁，會爆汁，肉質鮮嫩，豬肉不會太肥，食落不膩，必試👍🏻.❤️酸辣湯雲吞(3隻) $40酸辣湯辣辣地，惹味又開胃，有雞絲、木耳絲、冬菇絲、筍絲，非常足料，有三隻雲吞，雲吞啖啖肉，加埋湯一齊食，口感好有層次👍🏻❤️蔥油雞扒 $22一打開好香嘅蔥油味，雞扒脆卜卜，早知叫埋飯，撈飯一流！

#有得揀先至係老闆 早幾日同心心去灣仔探朋友，懶得煮就出去食埋晏😆心心揀咗呢間 #尚海人家 ，應該係因為見到佢最愛嘅 #生煎包 🥰小店格局主要做外賣為主，不過都有幾個位可以堂食心心揀咗個 #紅燒肉湯麵紅燒肉脂肪好軟滑，不油膩🤤肉嘅質地都好腍唔會鞋味道合宜真係唔錯#酸辣湯雲吞 惹味非常，酸酸辣辣好正～仲可以撈紅燒肉啲麵來食🥳#招牌生煎包 外脆內暖，咬落去啲肉湯汁爆出黎😋超級正！配埋枝酸梅湯，中和番啲飽膩感，好圓滿～#外賣都可以好好味 #小店

lunch time人氣外賣店，店鋪主供特色上海小食，我同friends試咗幾款，最愛爆汁生煎包！生煎包6隻 $42，生煎包嘅包底好香脆，juicy肉餡，咬開香口熱辣👍.生磨杏仁茶$22，雞絲酸辣湯$30，🥢豆腐、黑木耳、香菇絲，酸辣湯質感幾滑溜，而且味道🌶酸辣開胃，配飯一流💕.蟹粉拌麵$79，🍜上海麵煙韌有咬口，而且🦀蟹粉都幾多，撈勻一齊食，麵條好有口感。.環境乾淨企理，堂食或者外賣都得😙

等左幾個月終於可以上返實體水彩畫班一班同學就算食外賣都好開心😆阿sir話附近開左新嘅上海小食店抵食之餘 主打的生煎包會爆汁的 所以就叫左呢間外賣落單後見到店員不停手咁準備生煎包所以每一個都係熱辣辣的皇牌生煎包 外皮煎到脆卜卜熱辣辣一咬開就見到超多湯汁流出肉餡鮮甜 真係要小心會辣親另外試左 葱油雞扒菜飯 $42雞件大約有5-6件 切成方便食用嘅一口size葱油係有炸過的 比平常食嘅更香口菜飯嘅菜都幾多 豆沙鍋餅 $28鐘意紅豆餡唔太甜 但燒皮略厚身過過口癮也不錯結論：1.下次獨食半打生煎包，大家唔好同我爭🤣2.叫套餐係扺食啲 每個餐送兩個生煎包👀

放假去搵我男友食午餐～上海菜當然少不了生煎包🙋‍♀️呢間的皇牌就係生煎包啦！幾乎每一個客人都會叫～熱辣辣一咬落去超級多汁～我食第一隻嗰陣啲汁爆曬出嚟放喺隔離部手機遭殃了😂😂可以獨立叫或者選擇套餐我哋今次就一人叫咗一個套餐🙂開洋蔥油拌麵配生煎包兩隻 $43雖然係蔥油拌麵但係一啲都唔油而且撈得好均勻～份量都好多我哋都比較喜歡食呢個餐😉😉上海排骨湯麵配生煎包兩隻 $53呢個湯底相對上清淡～好啱健康派！排骨幫你剪到細細塊方便食～桂花蜜糖雞翼 $22呢個雞翼唔錯 甜甜地幾滋潤不過就冇桂花味～但係雞翼大大隻！外皮香脆肉質都滑😗尚海人家灣仔譚臣道8號威利商業大廈地下E號舖#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處 #甜品控 #拍拖👫#打卡#黃店#香港#景點#打卡熱點#外賣 #疫情下的生活 #兩人世界

生煎包（$42/6pcs）就係我最鍾意食嘅上海野🍞熱辣辣而且充滿湯汁，多到好似飲緊湯咁🤣外皮勁脆👏🏻炸蔥油酥餅($18)成舊都充滿蔥嘅香味，食落超酥脆，雖然個面有少少油但係食落去都唔覺得好油膩～.Pan-fried pork bun ($42/6pcs) is one of my favourite shanghaiese food! Their pork bun was super juicy that might split all over the table when you eat🤣 the bottom was super crispy!

夜晚想食上海菜，黎到尚海人家買左一個排骨擔擔麵，紅燒肉菜飯，同埋豆沙窩餅。首先係擔擔麵。擔擔麵湯底偏酸，應該落咗醋，湯底帶有少少花生醬嘅顏色，但係就冇乜味。 麵雖然分咗湯，可惜麵條本身就煮過頭，淋bet bet索曬水，口感極差。排骨好似柴咁樣好乾，唔合格。紅燒肉肥肉多瘦肉少。瘦肉部位好硬身，醬汁同菜飯正正常常。豆沙鍋餅個皮唔算厚，可惜個皮係琳既。

📍 尚海人家 🦔⸒⸒灣仔譚臣道8號威利商業大廈地下E號舖話說早幾日小編經過灣仔見到呢一間賣上海菜嘅舖頭🤭 就被佢嘅生煎包吸引咗 就決定試試😜蔥油雞扒菜飯 $52雞扒大約有6舊左右 食落去好野味 肉質都唔鞋👍🏻菜飯都大碗🍚 食到有一啲菜粒係入邊😋套餐價錢仲包兩隻生煎包😍 size唔係好大 食落鮮甜 不過食嗰陣要小心 因為入邊啲汁會爆岀黎😂 開洋蔥油伴麵 $43見到店員真係落咗唔少油去撈 但食落去又唔會覺得好油🤭麵嘅份麵都適中 小編最鍾意食鋪咗喺面嘅蝦米同埋紫菜絲😍 豆沙鍋餅 $28一共有六件 入面嘅豆沙餡對於小編黎講有啲過甜🙈 如果冇咁甜就更好 ～🔖 @shanghaihomehk