尚湯

營業中

休息中

又給我發掘到一個吃早餐的好地方。其實這間小店我在多年前已經在同區舊址幫襯過，但它自從搬到新舖位後我一直都沒有再次幫襯，甚至早已把它遺忘，想不到這天無意中被我發現它，一心外出吃早餐的我就入內吃了一頓早餐，發覺它的早餐款式極多，而且這天所吃的早餐性價比也甚高，加上這小店刻意營造的日本風情，也讓年多沒有到東瀛旅遊的我對這小店加添幾分好感。這天我吃的是簡單的「豬扒麵」，本來無甚特別，但原來這早餐只要另加六元便可以在多款額外配菜中任擇其三，實在非常抵食，所以我的「豬扒麵」在加了餐肉、腸仔和煎蛋後就變成了材料十分豐富的「豬扒餐肉腸仔煎蛋麵」（$41），而且還要包熱飲或凍飲，不用加錢，你說是否非常抵食呢！這早餐的四款餸都是另上的，已被剪過的豬扒大大件，但不算很厚身，醃得甚為入味；餐肉雖然只有半件，但是厚切，加上煎得中規中矩的蛋和腸仔，把整隻碟子都差不多全遮蓋住。清雞湯雖稍鹹了點，但整碗麵正正常常的，麵上浮著的生菜，也為這湯麵增添少許綠意。一碗材料豐富的「豬扒餐肉腸仔煎蛋麵」配以走甜版的「凍檸茶」，就成了一個讓我頗為滿意的早餐。

大角咀有魚木花🌼趁平日休假去賞花，出咗地鐵站之後，行一陣就經過「尚湯」。舖頭細細，但門口餐牌好多嘢揀👍🏻其中一版係壽喜燒，除咗牛仲有豚肉雞肉set，比較少見，決定入去。（雖然最後唔係揀食壽喜燒😂）1️⃣午餐set配薯仔沙律/半隻溏心蛋做前菜，薯仔沙律係淨薯仔🥔但幾好味。2️⃣甜品有芒果布甸，造型似和菓子咁，賣相好靚，唔會太甜。3️⃣港式飲品除咗最普通嘅，仲有檸蜜、檸啡、檸檬利賓納等等。熱檸啡偏淡，所以唔會出現又苦又澀嘅情況，好順口🍋☕️4️⃣照燒雞排飯份量好足，雞肉唔老，可以揀汁，照燒汁好餸飯。5️⃣小餃子烏冬都可以揀湯底，烏冬彈牙，餃子味道幾好。6️⃣女店員服務態度好好，而且食到後來坐滿咗人，都唔會催客。7️呢兩款午餐⃣$60@，檸啡+$2，兩人埋單$122，會再幫趁😼8️⃣值得一提嘅係，店入面用嘅器皿都好靚。店內牆身貼咗好多A3 size印嘅日本景點相片，幾有feel。舖頭細細，只有四張枱。如果一個人去可能要搭枱。

是但食，但又幾好食🤤🍲豚肉壽喜燒豚肉嫩滑多汁，每一口都好滿足，配合埋醬汁增添咗豐富嘅味道，米飯軟糯，同豚肉味道好夾。🍣燒鰻魚一放入口即溶，鰻魚肉質鮮嫩，燒得剛剛好，加上燒烤醬汁更顯獨特風味。整體而言，呢間日本餐廳嘅壽喜燒同燒鰻魚都好出色。食物質素唔錯，份量足夠，價錢亦合理，仲要唔洗加一。如果你鍾意日本料理，不妨試下呢度。

有特別事要做經過大角咀搵吓有咩周圍好食嘢食先搵到呢間舖頭叫尚湯❤️叫咗個地獄海鮮拉麵味道剛剛好，拉麵又夠煙韌，我覺得辣到啱啱好😌😌啱我口味員工都非常友善，環境衛生亦都可以接受👌🏻😋座位上都坐得舒服😌值得再嚟多次🍴

鋪頭細細，經常行過都唔覺😅 某日好想食關東煮，上網發現佢有wo，膽粗粗去試下才發現這間隱蔽小店😎。日前仲帶同事一齊去試下，大家都食得好開心😆。前菜溏心蛋，很驚喜😋 甜品日日新款，今次係柚子蜜大菜糕，透心涼。主菜方面，其實選了餸後，可以任意選擇配搭麵或飯，麵可以是拉麵，烏冬，通粉等等。湯底亦有近9款選擇😮。我跟同事選的主菜全部都唔錯，中上，唔好期望超水準，因為這間店的賣點是家的味道。看，烏冬有三色豆就已經甚有童年回憶😆。🐙 章魚小丸子烏冬 $48🦪 吉烈廣島蠔烏冬 $54🐷 味噌燒豬扒烏冬 $49

研究左好耐，先知原來間舖既中文名叫 《尚湯》；哈哈，上次幾位同事一齊幫襯，偏偏冇人叫湯麵，咁真係吾知有冇「走寶」了。首次幫襯，叫左比較保守既咖喱炸豬扒飯；小店連埋廚房一眼望曬，豬扒即叫即炸，上菜時半指厚度，又熱又脆，咬落仲有肉味添；加八蚊有埋珍珠奶茶；其實中佬晏晝可以好簡單；呢間小店十分有《深夜食堂》feel - 眼見個個客人都識靚靚老闆娘，老闆娘記得客人食乜之餘又傾下，又介紹下小食；晏晝開心過，平凡生活又多點點趣味。總結： 小店份量大大碗大大碟；食得開心

之前嚟過食壽喜鍋餐, 很平宜,  感覺亦舒服, 但每次行過, 都沒開店, 沒法再光顧, 這天6:00 p.m. 終於開門, 便二話不說, 入內食多次, 店舖很小,  只得四張桌子,  之前最多坐到16人, 現在限聚令, 更減到只可坐8 人, 廚師應該是老闆, 一腳踢,  但一點忙亂感都無, 要讚, 牆上貼了幾張Andy Warhol , 美國藝術家的 post card,  好似好有品味咁,  仲有幾個掛牆植物, 唔知老闆是否自己做清潔 ?  講返食物, 我同老公都食蜆肉帶子拉面, 份量不大,  跟飲品及甜品, 雖然甜品只得樣靚, 味道似大菜糕, 但價錢平到我唔記得幾錢,  基本上飲品及甜品都可視作送的。囝囝叫吉列豬飯,  份量都大,  又是超值價錢, 性價比一流。

上次經過，太多人食唔到，今日終於同同事食到啦。小店內有多款午餐配撘選擇，最後我決定試下拉面先。頭盤小食，正常，不過不失拉面方面，我自己鐘意較淋身的，但這間的拉面比較彈，我不太喜歡，湯底比一般出面的豬骨湯淡味, 比較港色一點。壽喜燒方面,，就好正常，幾好食。整體黎講，$50左右的價錢又有前菜, 又有甜品，性價比值得一讚。另外，可能因為小店問題，好多街防客，感受到好有人情味，值得支持的小店。我應該會經常幫襯啦。

呢間小舖位於匯豐中心樓下，一過馬路就見到。今次黎食都係因為之前聽朋友介紹話食過都幾好食，咁我見喺附近就過黎試下。舖頭面積都幾細，淨係得4張枱。咁我就叫左個咖哩吉列豬扒飯，嗌一個餐會包埋頭盤小食，餐飲同甜品。50蚊左右既價錢都算幾超值👍🏻👍🏻咁個咖哩飯份量都算大既，咖哩就甜甜地唔太辣。豬扒炸到熱辣辣。成個飯整體來講都幾好食，不過可改善嘅地方就係可以加多少少配菜就好啦😋

日式拉麵要做得好，湯底很重要，黎到尚湯緊係要試返碗拉麵同自家制烏冬啦。呢度只有四張小枱，老闆兼廚師全程一腳踢，待應和水吧就靠一個女仔頂曬，都能變化出數十款拉麵，真係唔簡單！想試佢明太子手羽可惜「缺貨」，唔緊要，今次就先試下照燒雞扒先啦！雞扒煎得香口雞皮卜卜脆再灑上少許鹽巴，仲有沙律醬伴碟，睇得出廚師頗有心機！麵質友達以上湯底戀人未滿。試下試下不經不覺間已經食曬，超滿足！而同事的蜆肉帶子烏冬和牛肉壽喜燒亦分庭抗禮，平分秋色！鰹魚湯底有料到！最抵讚係送飲品和甜品，仲要食完野吹多陣水老闆及待應都冇即刻黑面詐型，而我地亦很識趣地自動逢上現金埋單，今時今日咁嘅服務態度先似樣嘛！

三點幾又到tea time! 有一段時間沒來過尚湯，今天突然很想吃，因為他的下午茶算是抵食又有質素。點了炸雞翼(本來想點豉油雞翼，但又買完了)、烏冬配咖哩湯、另加$5要了腸仔、溫泉蛋、多士，配熱檸茶都只不過是$33雖然地方細細，只得四張小枱，但座得尚算舒服，如果人多，便要忍受一下，可會同鄰桌客人背貼背喔！老闆亦十分有禮貌。不想常常都食茶餐廳的常餐，這裡可算是另一好選擇地點就係奧運匯豐大樓對面，三點後人會少一點。

個女waitress 態度超差，成日黑起口面，問佢乜都呼喝回答，真系吾敢再去。d 野食又吾糸好食成錦，價錢都要45-55，同周圍餐廳差吾多，但要忍佢d差態度，真系吾抵

I'm sorry but I couldn't finish food. It has no taste. I went to lunch time and ordered pork based soup with marinated pork Ramen. Pork is ok. But only two slices. Soup has no taste. And noodle also. It was like a rubber band.If you expect Japanase Ramen then No recommend.