尚湯

營業中

休息中

日式拉麵要做得好，湯底很重要，黎到尚湯緊係要試返碗拉麵同自家制烏冬啦。呢度只有四張小枱，老闆兼廚師全程一腳踢，待應和水吧就靠一個女仔頂曬，都能變化出數十款拉麵，真係唔簡單！想試佢明太子手羽可惜「缺貨」，唔緊要，今次就先試下照燒雞扒先啦！雞扒煎得香口雞皮卜卜脆再灑上少許鹽巴，仲有沙律醬伴碟，睇得出廚師頗有心機！麵質友達以上湯底戀人未滿。試下試下不經不覺間已經食曬，超滿足！而同事的蜆肉帶子烏冬和牛肉壽喜燒亦分庭抗禮，平分秋色！鰹魚湯底有料到！最抵讚係送飲品和甜品，仲要食完野吹多陣水老闆及待應都冇即刻黑面詐型，而我地亦很識趣地自動逢上現金埋單，今時今日咁嘅服務態度先似樣嘛！