尼斯餐廳 (已結業)

今日返完pt 已經點幾，好肚餓就黎到呢間中學成日黎既尼斯餐廳。入面既裝潢同以前差唔多，比以前較光猛，但都係以昏黃色為主。呢種柔和既黃光令到人好放鬆。我今次叫左個蔥蒜龍利柳飯（佢可以揀飯，意粉，薯菜），40幾蚊，除左主食仲有餐湯，蒜蓉包。想特別讚下個湯同包。 好多餐廳既忌廉湯都係用罐頭整，但呢度好明顯係自家製造，好足忌廉味，又有火腿、肉等等既配料。而個蒜蓉包雖然細少少，但個味好濃郁，即刻引起你既食慾😍唔知係咪我遲左去既原因，上菜上得好快，10分鐘唔洗就上晒，個主食就反而比較冇咩特別，不過啲魚都煎得好鬆軟既，唔錯。 最後既甜品可以揀布丁或者啫喱。今次我揀左布丁，加埋花奶既配搭，真係好好味，可惜份量比較少。不過老實講，40幾蚊有齊餐包、餐湯、主食、甜品，仲係邊度有得搵到。有機會返黎西營盤一定會再黎幫襯！

尼斯喺西營盤已經經營左非常多年，筆者細細個就已經食佢。食物水準ok，但價錢則較為相宜。只是估不到今晚新年十三過來，還是新春的特別茶單。雖然亦同樣是平日的菜，價格卻mark up了一點。若果是平日晚上6-70元的套餐，有飽有湯有野飲仲有甜品，的確唔錯。今日的白湯味道較淡，蒜蓉飽都冇乜味。白汁忌廉焗魚柳都還好，但如果再多少少汁會更好。甜品可以揀雪糕、布丁同埋啫喱，雪糕是雲尼拿味，挺好吃的。總體黎講，用這樣的價錢可以吃到這水準的傳統懷舊港式西餐，也是相當化算，相信亦是不少附近居民經常幫襯的原因。

Nice Restaurant is a old-school Chinese style western diner located in Sai Ying Pun serving a selection of traditional dishes.At first glance, this seems to be pretty good value. Each set comes with bread, soup, drink, and choice of dessert (ice cream or jelly).We went with the $68 Steak set, served with veggies and garlic sauce on the side. Unfortunately the portions are very small. Taste wise, beef is overcooked and not fresh, slightly rotten taste. Very disappointed. 😕We also tried out the gr

想食西餐据扒但又唔想去高級餐廳高消費，唯有睇下附近有無平價西餐廳，結果揾到呢間平民西餐廳，男朋友去到先講返好耐以前幫襯過，但出黎工作多年就已經遺忘左佢今次食返就叫左個鐵板西冷牛排同芝士忌廉焗呑拿魚意粉，呢兩樣都有驚喜俾到我主菜之前係跟餐既餐湯餐包，白湯竟然唔係一般連鎖餐廳既質素，好明顯係真材實料咁去煲，湯入面有肉又有煲到好腍既薯仔，真係好欣賞佢既用心製作個湯好好飲好足料，好想再飲多碗主菜先黎既係西冷牛扒，黎到見到都幾大塊，而且好厚，一個人食晒成個餐真係會好飽牛扒雖然叫左七成熟，但食落好腍好嫩一d都唔韌，完全無諗過8,90蚊可以食到咁好質素，而且牛扒俾我想像中厚得多，唯一缺點就係個汁太少了影左兩張相就已經俾個鐵板燒乾.... 另一個主菜係芝士忌廉呑拿魚意粉，侍應上菜好貼心提醒會好熱要小心，因為個碟就咁睇唔會好覺佢咁熱，唔知真係好危險，呢個意粉黎到已經聞到好香，一食就見到呑拿魚又多又大嚿，芝士忌廉味好濃郁，味道好夾，超正，意粉多到食極都仲有最後甜品係啫喱，可以揀雪糕或者花奶，天氣凍就唔食雪糕了，但好欣賞餐廳價錢親民但用心製作用心服務，唔會因爲價錢平就忽略左食客既需求，呢d小店好值得繼續光顧

去左間懷舊西餐廣試左個燒排骨餐～下就1點幾去到，唔駛等就有位！午餐係會包括餐湯、蒜蓉包、主菜、餐飲及甜品，都幾豐富下！餐湯我就揀咗忌廉湯個湯有啲魚肉碎，味道比較淡同唔太熱蒜蓉包都算幾脆口！ 主菜我揀咗燒排骨配薯菜燒排骨燒得幾惹味同份量頗多，配埋個拿破崙汁更加好味！有一點比較欣賞嘅係嗰汁同排骨係分開上嘅，鍾意淡口味嘅我可以自己決定落幾多汁！而家好少餐廳會送甜品甜品我就揀左芒果布甸唔鍾意布甸嘅仲有啫喱可以揀㗎！推薦大家去試吓～燒排骨HKD$52(另收加一服務費）

今日聖誕節，梗係要食翻餐聖誕大餐，鋸翻個扒！今次係第二次黎尼斯餐廳，之前食過一次，100蚊以內就有個鐵板扒餐，今日聖誕既選擇少d，但唔算貴好多，加埋一，一百五十蚊內就搞掂！牛柳燒汁意粉 $125有兩大舊牛柳，叫左5成熟，啱啱好，超淋！意粉軟硬適中，但燒汁比較少，撈唔曬全部意粉，不過可以另外叫佢加比你！西冷牛扒燒汁意粉 $125牛扒超級大塊，但相比牛柳有少少失色，調味比較鹹，重手左！佢隨餐附送甜品，可以揀雪糕/ 布丁/啫𡂖，為晚餐畫上完美既句號！

不知所謂的服務態度，今天晚餐到尼斯食扒，因想取多點黑椒汁便開始舉手問問，有一男員工明明看到我叫”唔該 唔該” 視而不見 ，算數 當佢真是看不到聽不到，到第二次 同一個員工再走過時，我將手舉得更出 “都是說 唔該 唔該” 但他竟然捉住我的手後撥開（是捉住來撥開 我是女士），之後一聲不響又走開，真的太離譜 一聲不響，就算再忙都應該說等等，不是捉著客人的手推開，叫經理 經理的理由竟然是說 這員工一向都是這樣，如果要佢向客人道歉，他就會唔做，佢地唔夠人手，仲問我地想點呀？如果我地堅持要他出來道歉，佢唔擔保個男員工唔會攞把刀出嚟斬人。真好笑 難道因為你唔夠人手，我就會因為你人手問題，而要受他的氣嗎？就可以任他捉摸嗎？經理講到個員工可能會因為不想負責任而出來斬人，這個經理真的以為我們會怕嗎？餐廳已在西營盤多年，實話食物同價錢不是太平又不是太好味，只是一般的西餐廳，所以將來再無任何理由我會再幫襯。再講就算平或好味 我都唔會有下次，付了錢還要受這種屈辱 再好味也不回。

週末屋企人突然好想鋸扒，就帶佢地去呢間懷舊餐廳試下🍴7點幾去到人都幾多，等左3-4個字先有位晚餐大部分都係會包餐湯, 蒜蓉包, 主菜, 餐飲同甜品，都好豐富的😋餐湯既本人就揀左忌廉湯🍵忌廉湯冇乜味精味，味道較淺同唔太熱😪，蒜蓉包香脆等多5-10分鐘，主菜都陸續上，幾快手🍴本人比較中意食牛，見到晚餐有西冷牛扒當然要試下😋上枱前侍應已經倒左汁落鐵板，防止上枱個陣先倒會彈到周圍都係😂叫左7成熟都真係岩岩好，肉質厚身嫩滑，牛肉味香濃，配埋黑椒味更惹味😋大大塊牛扒好抵食不過薯菜放係牛扒之下，被焗到淋哂😪友人就叫左個咸豬手，食落好有咸香味，個皮好軟淋，但略嫌肉質有d“鞋”呢個建議配飯會好過薯菜，因為豬手會愈食愈咸，配飯食一流😋另一友人叫左鐵扒牛柳餐，當然一分錢一分貨，肉質比西冷更嫩口同香濃😋👍仲有2大塊，配個蒜蓉汁好香濃跟餐加左38蚊叫左焗田螺，田螺好鮮味同好香香料味，薯蓉食落好幼滑👍而家好少食扒餐廳會附送埋甜品😂叫左芒果布甸多奶，食落酸酸甜甜，可以為食完咁多肉消滯一下餐牌👇👇總括黎講:環境懷舊，坐得舒服，食物質素中上同份量豐富，💸性價比高👍🍳🍴味道: 8.5/10👩👨服務: 7/10🏠💺環境:

途經西營盤午餐，選擇了價錢相宜的西餐廳尼斯餐廳每天都會有幾款不同的午餐主食選擇，其中包括焗飯或意粉或薯菜及輕食。另外隨餐會附送蒜蓉多士，忌廉湯或羅宋湯及飲品一杯。最重要的是，一個套餐價錢也只大約在$50左右因為不算太餓，這次我選擇了沒有飯和意粉的輕食，炸雞配沙律🥗先說炸雞，在計時剛剛炸好的熱辣辣外脆內軟正沙律好像是昨天準備好的，冷藏得太久有點過冰但還算可以接受值得一讚的是伴菜的粟米有驚喜香甜新鮮性價比頗高，若果經過附近或會再試其他菜式🤣

朋友經常講尼斯餐廳d野食性價比高，係推介之選。今日行完山後決定中午去試試，尼斯餐廳既門面店內裝潢十分懷舊。午餐既價錢$45 - $78， 有主菜、餐湯(紅或白)、法式蒜茸包、飲品、甜品(啫哩/布丁)好豐富，價錢實惠是日午我點左忌廉波菜蝦仁炒意粉$48。主菜意粉足料，麵既口感唔會太淋；紅湯味濃郁；蒜茸好脆口；甜品啫哩就比較一般。估唔到除左主菜，其他既都做得出色最值得讚既係服務態度話說我落單時好順口甘叫左杯凍啡，而我自己係以為自己叫左凍檸茶。。。當服務員將凍啡放低既時候，我好自然就同佢講 “我唔係要凍啡，我要凍檸茶架”，服務員好有禮貌甘講句“好，我同你換返” 最後我朋友講返我知，我先知原來係我自己講要凍啡。。。總結 尼斯餐廳值得再光顧

今日又要外出工作。到中午時份，便在西盤營附近尋找餐廳吃飯後再繼續行程。早餐吃得簡單。反而想午餐吃得好些。見「尼斯餐廳」的門外外觀好像傳統典型的餐廳，於是推開門入內。餐廳內，光線柔和及擺設有些陳舊。侍應的服務態度既友善且有禮。整個午餐送餐上枱的時間大約五至十分鐘。我點了香茅豬扒薯仔沙津，蒜蓉飽，忌廉湯及熱奶茶及餐送甜品-芒果布甸。香茅豬扒薯仔沙津，有香茅豬扒，紅蘿蔔仔，粟米粒，酸紅白蘿蔔絲及薯仔沙津。賣相不俗。香茅豬扒有兩塊，煎得好像被燻烤的。咬下去，肉質鬆軟，有香濃惹味烤肉味道。由於經過煎鍋高溫烤製，過多的肥豬油已被煎炸出。甜酸醬，味道酸甜有點辣，用來點豬扒來吃最好不過。紅蘿蔔仔有三條，咬落爽脆，味道鮮甜，口感幾好。粟米粒的味道清可口。酸紅白蘿蔔絲，味道好酸，酸酸甜甜，好醒胃。薯仔沙津有薯仔，蕃仔，青瓜，紅蘿蔔及粟米，食起來有好重雪冰的味道。即是食材不是即日製作，而是提早準備後再從雪櫃舀出來。不過，各款食材味道鮮嫩都可口，沙津醬味又不太酸。蒜蓉飽搽滿蒜蓉汁，賣相幾好。外層脆卜卜，內𥚃鬆軟，有香濃的蒜蓉味，口感幾好。忌廉湯是奶白色，有磨菇碎粒，味道就淡了少許。熱奶茶，熱辣辣。紅茶及奶茶比

今晚放工時都已經九點半～返到屋企樓下，就看看附近有什麼東西吃。走着走着看到這家餐廳，看到格局都算不錯😏環境都算乾淨～～就入去試試了。打開餐牌種類都算多· 我叫了一份咸豬手套餐來吃。套餐＄97有蒜蓉包、一個餐湯、一杯野飲、甜品和豬手飯😝等了大概10分鐘餐湯才來～ 我點了忌廉湯配蒜蓉包. 味道也挺甜的😝包也夠脆～渴完湯後大概5分鐘😋我的豬手飯來了😋眼一看.嘩！ 很大隻的豬手. 賣相不錯夠大份😬😬 豬手很入味但是皮就略嫌有點「銀」，所以就沒有吃太多皮～ 最後我一個人K.O.了整隻豬手❤️ 感覺很滿足💕飯後還有甜品～ 有雪糕和布丁～ 我就選擇了布丁😜請個餐消費＄97. 一個人來說是不平的一餐～但地點就腳～ 應該下次還會再來😝

西營盤的平民西餐廳，食左牛尾意粉，燒春雞，焗田螺。牛尾好有牛味，燒春雞燒得岩岩好，田螺牛油味好重，味道十分好。份量十分足夠，食完仲有甜品送。之前食過的西冷，五成熟黑椒汁，勁厚，超抵食，德國豬手都都好唔錯。

上星期五晚與好友在中西區散步（其實係好友陪我開工就真），當我們行到西營盤正街時想起昕昕爸爸曾經帶我來過一間類近元朗安娜餐廳的尼斯餐廳，上次午餐覺得不錯，今次讓好友試試新野~~~ 門口已經感覺有少少懷舊~~~ 由於晚上倒不少人晚餐，所以沒有拍攝座位情況~~~ 晚餐的價錢倒算合理，雖然要加一服務費，但能夠食到大大件的西冷鐵板燒，感覺係值回票價~~~ 一開始就飲餐湯加餐飽~~~ 好友點了鐵板德國咸豬手，肉感覺唔會韌，大家談論才知道原來好多食肆愛用肉鬆粉調味，令肉更鬆軟好食，相信呢個咸豬手唔會落重肉鬆粉，因為一食落口感覺唔太咸，仲有豬肉味~~~ 而我就點了七成熟的鐵板西冷牛扒，牛扒同樣肉質鬆軟，而且蒜茸汁味道不錯，望落去大大塊，真係抵食~~~ 最後大家可以選擇布甸或啫喱或雪糕作為甜品，好多新式的餐廳已經沒有這樣的甜品供應，我就選了芒果布甸，個人最喜歡係有花奶，食落去就好想可以成日食，但如果日日都食得咁豐富，我怕要花更多的時間做運動減肥>.< 今次晚餐加一總共$198埋單，能夠平均每人$100在晚上食鐵板燒真的幾抵~~~

男友覺得極難食，所以代post:本人以前住西營盤，在差館附近的尼斯餐廳，一星期都會幫親一次。最喜歡是佢地的鐵板牛扒，肉料高質，煮得出色，醬汁細膩，配有餐湯及甜品，$９０幾蚊已可大飽牛扒口福算便宜。由於幾年前搬離西營盤，一直懷念尼斯，所以有時都專登出來，去食一餐牛扒。對上去已是１７年頭的事。水準依然。事隔一年，今晚再來尼斯，竟然………大失所望。佢提供的，竟然是"垃圾級別的巴西牛扒"： 除了騷味就是沒牛扒有味道。佢地為左掩蓋換咗牛扒供應商的事，所以在牛扒上面用了很大堆黑椒去醃嚟做掩飾。但咁樣做冇用，因為落黑椒同埋醃牛扒嘅時間根本唔協調，變咗食落只有黑椒味沒有牛扒味。好好地一塊燒野食嘅牛扒攞嚟做鐵板，既冇bbq的牛扒味，亦無黑椒應該的好味，失敗中的失敗。永遠不會再來。