居廬 (已結業)

行過土瓜灣見到幾得意入去試一試叫左杯1664 ，配個蝦天使麵估不到咁好食，並不是hea幾隻蝦上去就算，而係天使麵上面也吃到啖啖蝦肉，香而不（流），配搭得非常好👍🏻下次會再支持

同朋友去食飯呀一定要坐得舒服 ,呢間cafe坐得也頗舒服，可能係閒日的關係人並唔係太多。 食物嘅質素也不錯啊！ 我就比較喜歡個花茶啦 ……因為雖然用茶包，但係味道都好濃郁 仲有得refill呀 ！另外我覺得佢嗰啲雪糕窩夫就也要試下~味道也很好！ 重有侍應態度服務都好好。 最好就係冇限定時間，唔使要你坐一個鐘頭或兩個鐘頭就要你走…………所以我覺得同朋友吹吹水食下嘢……呢間cafe可以推介👍

土瓜灣近海一帶有幾間悠閒既cafe同餐廳，今日經過見到呢間，個menu好吸引，入去試下個個都叫個麻薯窩夫，我梗係唔執輸，都叫一個一路食一路心諗，點解個窩夫會食落煙煙靱靱架呢？窩夫唔係鬆軟架咩？但又好好食喎，究竟係特登整到咁定失手呢？跟住睇番個餐牌，一切迷底解開了，佢個名叫麻薯窩夫，係專登整到佢有啲煙靱既，好有咬口，好好食呀，尤其係個士多啤梨雪糕，唔甜唔酸，好香自然既士多啤梨味仲叫咗個薯皮，焗得幾好，係啲蕃茄芝士醬淡味咗少少，整體夠邪惡同幾好味咖啡同茶方面，杯mocha不過不失，最失望係杯Earl Grey Tea.... 原來唔係壺上係杯上，想加熱水添飲都唔得，不過佢$28，平平地就算啦Cafe仲有好多其他食物同飲品選擇，亦有好多手工咖啡☕️，去開土瓜灣不防去食下佢個麻薯窩夫

某日下午同好友黎到土瓜灣搵食，去左呢間Take a break cafe係門口已經見到Lunch time都幾多人幫襯急不及待點野食首先點左Burger拼薯角，仲有少少沙律塊牛肉好厚呀加埋片菠蘿又幾夾喎！裡面仲有芝士、菜同醬汁，食落啖啖肉 好juicy!另外點左個番茄肉醬意粉好多肉碎 味道夠濃，都唔錯飲品點左Rose Latte， 個拉花拉得幾靚配埋玫瑰花瓣，真係要相機飲先味道都唔錯 飲到玫瑰花既香味

想試呢間好耐喇，難得呢晚佢味閂門，望入去又唔少人得嚟又剛剛有位。天氣咁熱 當然揀凍飲，沙冰就啱哂，仲有Caramel Coffee味，就揀佢啦，沙冰當然有連鎖店嘅碎冰咁滑，但都好夠咖啡味，如果打得幼啲唔太冰會更啱我口味。我吔另一杯就揀咗佢嘅奶泡系列，實物比想像中靚，如果女仔叫呢杯一定會好LIKE，飲落亦好滑同埋唔會太甜，正！牆上黑版有啲是日推介，落單時店員又介紹下，就叫多個鴨肝試下，以佢88蚊嘅價錢以為係一件，實物比想像中大份，厚厚嘅鴨肝同脆脆嘅多士，好夠口感之餘又唔會太濃，再配埋啲沙律菜，食兩件都唔會好漏，完全係"冇介紹錯呀"！食西餐我通常都會叫個沙律，呢晚都係想傳統啲揀番凱撒沙律配上鮮蝦，見只係幾十蚊，諗住當前菜食下啦，點知....見到佢真係嚇咗一跳，竟然係有差不多主菜嘅份量，新鮮嘅生菜，配埋芝士碎，麵包粒，煙肉碎，一啲都唔似係呢個價錢畀到嘅貨色，好味之餘仲要係食完都已經飽咗幾成，好彩都兩個人share下。其中一個主菜我吔揀咗豬鞍，好厚呀～一睇就知唔係平價貨色，仲有唔少配菜，仲有烤過嘅茄子。食落仲一啲都唔會靭。讚!另一個主菜就揀個輕量啲嘅三色多士，嚟到時又係嘩然~ 好夠份量，好足料

假期既中午時間黎到, 唔駛等位就入得。叫左兩款menu都有推介的食物, 但兩款都令人失望!1. 黑松露蟹肉炒蛋牛角包 雖然聞到黑松露味, 但入口黑松露味極淡! 而且蛋也炒得過火, 很硬身也不滑! 整體食落冇咩味!2. 三色多士其實即係有3款不同口味的多士 (煙三文魚, 蕃茄及磨菇 )每款有兩塊。一見到賣相就知自己中伏! 廚師只是將三種材料放到多士上,再加一些類似沙律醬的醬, 可以想象到到製作過程是十分求其! 味道一般般, 煙三文魚配沙律醬反正味道不會差得去邊, 至於另外兩款味道更是麻麻地!另外點了玫瑰朱古力及mocha, 味道普普通通。

土瓜灣有好多隱世美食，但去cafe真係第一次，見可以坐門口位睇實部車唔怕俾人炒牌，兼且可以望吓天空睇風景，就試呢間啦!點咗個玫瑰Latte，賣相好好， 咖啡甜度啱啱好，奶同咖啡比例亦適中，唯一可以進步嘅係玫瑰香味唔夠，濃多少少就更好。雖然對住大馬路，坐出室外都算寧靜，美中不足係如果你唔係煙民，有機會吸二手煙；而如果你怕坐出去會太熱或者太凍，坐入室內都算舒服，不過餐廳面積唔大，假日比較嘈，傾計還可以，想靜靜地睇書就有困難喇。餐廳服務亦唔錯，侍應有禮貌，唔怕坐得耐俾人趕走。

北帝街呢一行 好多間餐廳揀 間間食過都唔差今次食左呢間 每人平均$100 叫左兩個pizza 有4款pizza can choise ga 叫咗一個招牌Pizza同埋一個四重芝士pizza 你真係叫住一個Pizza嘅但係呢食完一個唔夠喉所以叫多個 😋😍😋😍一個龍蝦天使麵 同埋一個黑松露意粉 食完正餐仲叫左個 抹茶麻薯窩夫😍😍好好味 in in un un 又有雪糕 抹茶紅豆 雪糕 配窩夫 真夾👍🏻🍰😋😋🍮仲要叫左幾杯特飲焦糖咖啡 沙冰 蜜桃冰紅茶等等店員仲好風趣幽默 個個都服務好好

係土瓜灣完成工作又肚餓，上open rice apps睇下附近有乜食，見到呢間似乎唔錯，咁一於就試下啦餐廳裝修好有歐洲cafe風味，入到去坐低好有悠閒感覺，地方都好整潔企理，似乎係行中高檔高線餐牌上有多款選擇，有all day breakfast,有steak,仲有各類甜品小食，咖啡都有好多款可以選擇🤔今次就點左樣香蕉朱古力鬆餅試試😄上到枱賣相都幾好，球雪糕用酒杯裝住，即刻感覺好似啲五星級酒店咁😂鬆餅份量都唔小，有四件，雪糕都有兩球，鬆餅口感非常軟熟，而且仲附有濃濃蛋香味道，再點埋附有既朱古力醬，更加有味道，朱古力醬係偏點，每件點小小已經夠，再食埋香蕉同埋球朱古力雪糕，咁就食左一個精美下午茶

一開始同男朋友行過諗住試下嘅心態 餐廳睇落雖然細細間 但係其實入面都坐得好舒服好寬敞 最緊要係食物味道有驚喜呀! 特別係牛扒 本來我個人唔係好食牛扒 但係試咗一嚿就返唔到轉頭啦 😍😍😍 黑松露蛋牛角包都好好食 沙律正常水準 但係個裝飾同環境比起去酒店更加有chill同high tea嘅感覺 晏晝去仲可以坐室外添 最後食飽飽食埋個好好味既甜品 令到心情好愉快好滿足呀 而且價錢合理 等候時間唔耐 服務態度一流 呢間真係絕對要再去食食食

朋友成日話土瓜灣有好多好野食🤤今日就同呀妹去explore下！呢邊都有唔少cafe, 而且平日lunch time亦唔算多人😬Cafe嘅裝修都幾簡約，是我喜歡的style🤗入面唔算大，d枱十隻手指數得哂。但一d都唔迫。講返正題😂Lunch time 有set menu, 大約6個choices仲送埋餐湯添，如果想飲d特別d嘅飲品就要另外加錢啦😉餐湯係粟米忌廉湯🌽不過不失，唔會好稀。咖啡我揀咗hazelnut latte, 妹妹叫了rose latte💕 通常都係揀呢兩樣😝呢兩杯咖啡跟餐係要加各$20 的。都幾好飲。rose latte影相好靚💋🌹主菜來了。首先係蕃茄肉醬義大利麵🍝我覺得不錯！d意粉煮得啱啱好唔會太淋，個質地幾有咬口👍🏻另外我地仲叫咗個burger黎share。原來個份量都幾大🍔見到已經忍唔住偷食個薯角先對香口煎炸野真係抗拒唔到🤤至於個包，入面塊牛都幾juicy!仲有菠蘿🍍架，成件事又幾match嘅。而且大大份好飽肚😂唔怪得見到咁多人叫啦！Overall覺得幾好，有機會會再幫襯

幾好坐 staff做野又唔會匆匆忙忙可能location關係吸引一家大細黎野食幾好味如果咖啡再正d就要日日黎報到了同埋唔明點解土瓜灣得咁少cafe但間間都唔洗排隊(except海心公園)d文青去晒邊呀

午市做緊套餐，有幾款唔同嘅選擇。今日就叫咗美國嘅西冷牛扒，套餐除咗會有餐湯之外仲會有蒜蓉包，沙律。整個份量量非常之大。 今日嘅餐湯就系忌廉蘑菇湯，蘑菇全部都系用新鮮嘅蘑菇制造，爽口又新鮮。再配埋啖啖忌廉味，口感豐富。

野食好食，地方坐得舒服，冇得頂！估唔到一間小小嘅Cafe，食物水準可以去到酒店极！窩夫係老闆娘自創嘅，同出邊嗰啲好有分別，麻薯窩夫非常好味！Cafe出邊可以擺車地方好，坐又坐得舒服，好適合一班年青人吹水情侶談心嘅地方！！有Pizza意粉沙律，本人覺得沙律簡直好過酒店就算唔食野飲品都一樣咁好飲，最鍾意飲抹茶Latte,有適合親子一齊食飯，墨魚意粉正Pizza又啱小朋友口味最緊要食埋甜品窩夫，一定會再幫襯，得！得！

係出面食到超悶,味道唔係好好食, 之餘服務又唔多好！所以游游吓游咗去北帝街Take A Break. 靜靜哋座吓!食吓!講吓! 感染吓秋風掃灰塵嘅晚餐, 又外面到內感覺到非常好,又7點食到10:30! 又係好包,又係度見到黃秋生,係附近拍戲！Starter 小食拼盤,有2片炸魚,炸薯條, 炸雞粒, 3隻雞翼, 3條肉腸又有salad😋😋😋😋, Hawaiian Pizza, Pizza底好軟,有夠🧀, 好多料, 菠蘿,車厘茄, smoke sausages, mushroom😋😋, 去到Deserts叫咗個waffle紫薯whipped cream配雪糕, 買相非常好, 同menu一樣呀！冇走樣(我張相冇美圖秀秀呀). 紫薯唔太甜😋😋😋😋, 👅少少雪糕食👍🏻👍🏻, 中間係透明部分, 煙煙韌韌咁,加啱杯熱咖啡, 包到要散步半個鐘呀！小食拼盤有沙律呀Hawaiian Pizza紫薯waffles 配whipped cream同雪糕＋杯熱咖啡透明部分橫切面