居廬 (已結業)

友人幫我慶祝生日，特意帶我品嚐小店。這間位於土瓜灣食肆，不太就腳，所以人流不多，我地食到佢收鋪呢！呢度有室外同室內位置供客人選擇，室外位置係提供食煙客人。我們點了前菜、主菜同甜品各一。這個沙律分量頗多，味道不錯本人很喜歡吃天使麵，點了這個大蝦天使麵，加埋勁大菇菇，好好味最後點了這裡很出名既窩夫甜品，原來友人一早同食肆講左黎慶祝生日，特意係甜品上面寫上生日字句多謝友人細心安排！而且窩夫熱烘烘同鬆軟，十分美味！

之前都試過幾次！都覺得幾好食！所以約左表姐帶佢黎食呢間野！整體上都唔錯！價錢就有點貴啦！因為我大肚！佢就就哂我！點哂所有我食得既野食！所以揀都係揀我想食既野啦！1.炸魚柳薯條真係幾好食！每一次食份量都有所出入！今次食仲大份左！不過味道都ok既2.黑松露義粉我就覺得好好食！好岩我胃口！表姐覺黑松露太少了！放多點會更好！3.大蝦配肉眼扒蝦我無食！佢食左！但牛扒真係好乾！因為我原因！唔可以食太生！點左8成！還可以吧！4.紫薯麻薯窩夫好好食！唔過甜！紫薯好正！

去土瓜灣探個舊朋友，朋友亦盡地主之誼帶我去附近晚膳。呢間餐廳從外觀到內裡既裝修都非常讚，燈光柔和，氣氛唔錯，估計呢到食野唔平果然冇估錯，平均一份set dinner都要$100起，估唔到係土瓜灣既cafe食野都咁貴。難得今日開心，就叫個美式雜扒餐enjoy下套餐包蒜蓉餐包及是日餐湯，是日餐湯係粟米忌廉湯，飲落好香粟米既鮮甜味，加埋忌廉滑滑既口感，好正!! 等左陣主菜黎啦，主要有雞扒、豬扒、雞翼、德國腸、煙腿，再加埋薯角做配菜，感覺份量好多。醬汁一般，最欣賞塊雞扒表皮煎香，食落香脆而肉質依然嫩滑多汁，整體樣樣都好味，唔會難食，但唔太特別，相對呢個價錢就唔值啦……

放假天，一覺訓到自然醒已經1點鐘同朋友們難得一齊放假一於舒舒服服high個tea先朋友說之前一路想試我屋企附近既cafe據聞有好利害既麻糬鬆餅難得一齊放假，一於去試下因為閒日既關係，難得唔使排隊就可以直接入內進餐，lucky餐牌食物選擇唔算多，價錢亦是合理範圍反而野飲選擇真的花多眼亂紫薯咖啡聞落有淡淡的紫薯味，但飲落又無咩特別既紫薯味呢兩杯野好甜，超甜反而呢個雞亦有驚喜，味道十分好夾埋個沙律醬一切食真係好正，真心推介意粉唔好煮過頭，有咬口個醬濃稠度適中，d汁掛到係意粉到，好食反而最期待既麻糬鬆餅就名大過實鬆餅硬得黎唔脆，同麻糬夾埋一齊既效果唔突出有點名過於實了

冇set dinner,全部散叫叫左1.牛柳拼大蝦牛柳七成熟 都已經好乾d蝦好似象筋配菜煎到燶曬2.加拿大豚肉又係好乾3.冇骨春雞好似食緊kfc d雞總之好難食，d食材雪左好耐，烹調技巧師奶都不如，價錢酒店價同質素五成正比，五怪得知冇乜人食，伏黎，超後悔

呢間cafe 幾好，價錢適中，食物質素ok.今日點左個炸雞薯條，幾吾錯，green tea ok,吾太濃，滑！叫左個士多啤梨味的waffle,幾煙韌，我鐘意，外脆，新鮮整，好滿意

假日下午時份，獨個兒在土瓜灣閒逛，想找個地方歇腳兼吃吃下午茶。走著走著，來到了TAKEA BREAK。順應其店名，一於TAKE A BREAK。店面面積不算大，但座位也是足夠的，我也很快找到座位。播放著輕音樂，飄散著咖啡香味，整所店洋溢悠閒的氣紛。進入內，我左顧右盼，看到別的顧客要了一個士多啤梨雪糕窩夫，粉紅粉紅的，賣相相當吸引，於是我也要了一個。士多啤梨雪糕窩夫，雪糕清新香甜，窩夫外脆內軟，非常滋味，加上微酸的士多啤梨，平衡整個甜品的甜膩感覺，是可以ENCORE 之選。

天天工作繁忙很辛苦! 對於經常要OT的我來說，weekend最好當然是take a break啦! 不用舟『車』『勞』頓，專程搭車又搭船，選了附近香港飛行總會宋皇臺道的Take a Break Cafe 居蘆。那街道人不算多，面對飛行總會，比較空曠，在夏日的下午，也能迎來陣陣清涼海風，感覺特別閑靜。居蘆的裝修以retro風格為主題 - 牆上retro style 的裝飾品，深木色的枱配以同樣深色的metal 椅子，我本不太喜歡的深沉冷酷感設計，但暖和的燈光加上大玻璃窗採入室外日光，正好平衡了餐廳的深色設計。下午時分，店內大電視不停地loop 著與咖啡拉花教學有關的video，無聲音無subtitle， 應是講述用soya milk, skim milk 1.4% 及whole milk 3.5% 等，作latte art 拉花造型的分別。店內亦有播放着moody feel的音樂，時明快時懶洋洋，感覺倒也不錯！這裡飲品的選擇非常多及豐富，選擇時有點目不暇給的感覺。是日我們點選了藍柑lemonade（$56）和薄荷朱古力（$36）。夢幻藍綠色的藍柑 juice 加上 lemonade 與

見有人堂飲杯咖啡既拉花都唔錯，可惜買左其他餐廳外賣，所以唔方便坐低嘆杯啡，就決定外賣一杯flat white見標價$36 一杯而我俾$40 侍應，佢無找錢，咁就問下侍應，佢俾返張單我睇係$36杯，但總數係$39.9，見加左個服務費%，咁就問下係咩錢，佢話係外賣杯既錢，咁無所謂啦，加上佢態度都幾好。等既時候順便就同佢講下次堂飲咪唔洗收呢個錢啦，點知佢話堂飲都收，但叫加一🙄🙄咁我就覺得，佢唔應該講都唔講就收我外賣杯錢，同埋唔可以理所當然唔找個一毫，情願佢直接同我講$40仲好。咁都算啦，佢態度真係幾好，細杯flat white $40都唔係唔合理，點知一拎上手杯咖啡係微暖，以為包住紙巾既關係啦，出門口一開蓋，唔好話拉花，係肉眼睇得到既液態，飲落口只係微暖既奶水😑重點係同一個人沖咖啡，而當時鋪頭係得四五個客，完全唔忙，見住一入黎既堂飲就沖得唔錯，呢個外賣反差就太大喇。 做飲食真係唔可以忽略外賣既出品，外賣客都可以變做常客，都會坐低，做得有水準會想多d黎幫襯，支持下。手拎住既外賣就係因為去到鋪頭太多人無位坐，我都情願外賣，返到去食一樣咁好味，個誠意例湯仲熱，零味精味道又好，成張單外賣盒仲寫明係$

✏️ #芝士四重奏🧀(HKD108)芝士味好香濃 混合左幾種芝士 香氣突出之餘奶脂同騷香平衡得相得益彰 唔係cheap cheap拉絲芝士喔🤗✏️ #牛肉竹炭漢堡🍔(HKD118)好厚既肉扒❤️ 咬落去肉味香濃之餘勁juicy!!😍 加入適量既蔬菜降低油膩度之餘增添清新口感 伴碟既薯角炸得香脆唔油膩 ✏️ #蘋果炸彈麻糬窩夫🍎(HKD118) 炸彈？😨 原來係加入爆炸糖既元素💥 窩夫本身便蛋香濃 鬆軟綿密型 內裡仲有勁多麻糬增加煙韌口感🤤 加入爆炸糖令口感更為特別 蘋果粒都好足 鍾意蘋果既唔好錯過啦～ 其他窩夫都可以加$10轉炸彈窩夫喔⭐️ 加一服務費 環境舒適 坐係cafe度影下相傾下計都唔錯🤓🤘🏻

一個八十幾蚊午餐套餐不包括飮品有尐小家！餐湯竟然係一個南瓜糖水，同待應講完完全無反應！中午有幾枱客唔開冷氣洗唔洗咁環保呀，食到我身水身汗！試過就算了，呢區仲有大把選擇！

我大埔過黎又囇又塞車 搭左個半鐘先落到車真係炆炆地 黎到呢到黑黑地反而我舒服返啲😂------------------------------🍔香煎美國頂級牛肉漢堡配竹炭包 $116個竹炭包一切落去 個面係脆架 好神奇😱脆卜卜既外皮 鬆軟既麵包 剩係包已經好好食😚塊牛肉漢堡真係不得了 勁鮮既牛味 仲勁juicy啲汁多到咇岀黎 就連配菜薯角都勁好食🍟外皮好薄但好脆 入面熱辣辣 薯蓉好軟好綿密兩樣都好食過Ruby Txxxday好多好多😍如果番茄多啲就更prefect✌🏻️------------------------------🍤脆炸吉列魚柳配薯條 $78薯條都好好食 比薯角脆 冇咁"薯" 各有各好食👍🏻魚柳真係無敵好食 點解可以咁脆但又唔厚粉😭脆得黎入面係嫩滑既魚肉 完全唔會"梅"同"散"呢個真係必食 魚柳有成六條 條條都幾大條仲有一大兜 滿哂既薯條兩個人黎一人一杯咖啡 一份呢個☕️就可以坐一個下午😌------------------------------🍎蘋果炸彈麻糬窩夫 $116咩係炸彈？姐係爆炸糖囉😛佢有一兜仔爆炸糖俾你自己落我建議散係雪糕個面到 連同雪糕係口到爆炸感覺好得意

上OpenRice 寫評語，一係極好一係極差，呢間必定係後者。我哋一家連小朋友，8點正落單叫一個pizza, 10 分鐘後再點一個天使麵同拼盤。等了又等8:36終於有pizza, 但個天使麵要9點先有！pasta 嚟到，我比意見個待應，話等得耐到有啲過份（我唔係第一次食），那個不知所謂店長，不反省不特止，仲叫我哋唔鐘意可以即刻走，又話唔係得我哋等，全部人都要等，啲嘢食又無比第二個唔比你，毫無悔意兼get 唔到重點。我無話人哋有得食我無，人多做得慢好正常（但眼見仲有空枱囉），但那個店長回應真係差到無人有，態度非常惡劣。我一定唔會再幫襯，大家有興趣可以試下點受氣法。

4個人想靜靜地一齊食餐飯 擇左take a break因為貪佢夠靜。雖然無book但唔洗等位，好開心！餐廳規定每人要叫一杯野飲我啲fd就叫晒latte我就叫左mango ice tea 勁好飲架！不過無影相前菜叫左雞翼，都幾好食！好中意個沙律醬。呢個意粉個配菜同汁都okay!!!! 要試呀！個pizza成個combination都好襯！我忍唔住食多左塊。最後叫左我至愛既risotto!!!!!!!!! 好香，好正。cafe黎講算做得唔錯！整體我係會再返黎架！

上次首次到訪居盧，為著招牌麻糬窩夫而來，為著招牌麻糬窩夫而喜；第二次到訪居盧，當然少不了招牌窩夫，但是這次卻反而想試試平實一點的鬆餅。呑拿魚蘑菇芝士吐司 ($58)吃甜品前先來一份小食，厚切多士上的芝士焗得微焦，表面尤其是邊位部分尤其香脆，旁邊更配有黑醋汁沙律。芝士份量極多，覆蓋著底下滿滿的吞拿魚及蘑菇片。白汁令整份烘得香脆的多士不失濕潤，不會乾如柴木。草莓鬆餅 ($82)鬆餅厚度比咖啡弄出品稍薄，不過仍然相當厚實，惹人垂涎。鬆餅外脆內軟，裡面綿密實在，散發陣陣蛋香。旁邊配有新鮮士多啤梨、果醬及雪糕，全都是鬆餅的最佳拍檔。檸檬藍柑梳打 ($40)漸層色梳打夢幻迷人，酸酸甜甜。紫薯拿鐵 ($40)精緻的拉花心思十足，紫薯味道濃郁。在土瓜灣這個舊區中，在這裡每吃一口鬆餅都彷佛盡是與世無爭的悠閒。