居食屋「和民」 (淘大商場3期) (已結業)

北海道名物！十勝豚肉盒子飯 （$79）黎到打開嗰時就好驚喜，望到係滿滿嘅一盒，面頭鋪滿曬燒肉。但一插個匙羹落碗飯，就心知不妙，飯嘅高度大約只有半隻食指👆🏾，結論係唔夠飽肉就正常發揮啦。鮭魚滿滿海鮮沙律 （$79）醬汁幾特別，係有千島醬嘅甜，再加小小青檸味嘅酸海鮮方面有熟蝦、三文魚同帶子，蝦嘅分量比較小，大約只有2隻，不過帶子足足有四粒，哈哈～味道係唔錯，不過覺得E個價錢應該個分量要多返啲總括而言，餐廳嘅食物分量較小，正常都需要叫一啲小食先會夠飽，不過味道係還可以嘅

話說今日去九龍灣睇戲，決定食大概成6,7年無食既和民，結果上菜極慢，由order到第一份炸薯條上枱已經等左20分鐘，但最經典都仲係個中拖羅捲，我地等左45分鐘(仲要係催左單)，結果黎到果時係咁既樣既………個拖羅捲有8嚿，有4嚿入面都得塊肉碎粒，咁都仲夠膽收我79＋10%唔係趕去睇戲真係會同佢地嘈，真係食到一肚氣，無下次呢間野佢人手極少，等位本身已經耐，入座後淨係得落單果下有人見到你咁，我建議和民真係唔該請多2個侍應同廚房啦，呢個上菜速度同食物質素真係好趕客

悶悶哋二人餐，好耐無出街吃飯😅😅，疫情関係又少聚會，兩個人行吓商場買了點家品，之後去和民撐吓枱腳2⃣️人餐$298 （好似係)都好多嘢食 最緊要可揀飲啤酒😝前菜係我超鈡意嘅蓮藕片，又有飯又有壽喜燒二人好飽.....解悶方法 唔錯架

又經OpenRice預訂晚飯，今次揀咗淘大商場的和民，訂了一個燒雞扒飯，由地鐵落車訂飯，行到去淘大商場嘅和民取餐，時間啱啱好🤪攞住熱辣辣的飯盒回家慢慢食。好抵！雞扒煎得香脆之餘亦好大塊，汁醬也好好味！只付出$39.2就可以享有豐富、好味嘅飯餐！真係有幸福的感覺😍

9月28全港食肆恢復晚市到晚上9時，我也因持有兩張$50現金券而來到「和民」享用晚餐。先來三款小食：牛油焗日本帆立貝，甘香可口，每次必吃。串燒五串，燒雞翼我鐘意食，歌仔都有得唱，兩串燒雞胸肉肉質就比較粗糙，長方形的豬肉串燒比較特別，是混合少許蔬菜的燒豬肉餅，味道是可以的，最後一串是燒冬菇，冬菇沾碟子上的燒物肉汁吃才美味！原條魷魚，魷魚燒香夠惹味，肉質鮮嫩，又是每次必吃。肉烏冬，喜歡清清地，有家庭味道，又是每次必吃。蜆肉烏冬，蜆肉份量都不少且有鮮味，有一隻蜆肉有粒沙，是美中不足！

曾經紅極一時嘅和民，唔知會唔會已經俾好多人遺忘咗，無意中發現原來淘大商場都開咗一間，今日就去買個外賣試吓先!.南蠻炸雞便當炸雞外皮炸得唔錯，買到返去仍然食到香脆嘅口感，內裡嘅雞肉好嫩滑，有驚喜！加上惹味嘅醬汁，呢個炸雞便當值得推薦👍🏼👍🏼.值得一讚係佢地用紙質嘅外賣盒，感覺上比用塑膠飯盒環保好多!

同個朋友行到淘大揾野食，先到開左間和民，又有enjoy卡優惠就食佢。😁因為岩岩開始晚市時間，净係見到一兩枱客，環境好似隔離不遠～感覺太餓，叫咗幾樣野，所有野加埋個兩人份量岩岩好🤩兩個人食得曬！印象最深刻是pizza同什莓紅茶。pizza是雞肉同芝士為主，皮薄～份量兩個人，岩岩好!而飲品什莓紅茶，杯裹面水果都ok，小朋友見到都會好開心，杯量大杯，有我一個半手掌咁大，好睇又抵食～如果你是期望有濃濃既水果味入到茶中，就吾好叫啦～當疫情緩和過後出黎食既第一餐大餐，感覺真正～

等外賣等50分鐘先有，一開始等左30分鐘去問員工，佢話仲未有就了事。我決定以後唔會再食呢間，同時叫堂食的人都已經有食物而且快要結脹，不同的人拎票都繼續入到去堂食，我只買二份食物要等上一個小時，嚴重管理不善，而且工作態度差！

花魚燒係我最鍾意食嘅魚，有油脂，魚質嫩滑！一下子就KO成條啦！蜜糖芥末雞翼$19雖然平，但係雞翼一點也沒有醃，只靠外面的蜜糖和芥末味，味道差強人意！即使好平也不會再叫！加州卷賣相好靚！上面嘅牛油果🥑係重點，好香滑！👍🏻再加個海鮮鍋物，湯味濃，各款海鮮都唔錯！追加烏冬$39有日本🥚同一壺上湯送！不得不介紹杯：青金橘柚子蜜梳打$27。大杯至少好似隻手臂咁大杯，好夠味，香，甜恰到好處！必點呀😋😋

今日同朋友一行四人經過淘大商場，正搵緊晚餐好地方，見到呢間和民幾寬敞，就決定揀佢！今次仲揀左個4人套餐，好抵食本身個餐已經包固定食品（前菜4份，芝士凱撒沙律，3品刺身盛合同甜品），之前A~D仲可以揀野食，A.一品料理：揀左鐵板餃子同炸蠔，B.食事：鮭魚牛油果卷同蜆肉烏冬，每次都忍唔住叫蜆肉烏冬食蜆肉非常多，C.鍋物：因為今次想試下辣野就揀左泡菜豚肉鍋，D.名物：原隻香蒜雞腿同香炸原隻雞腿。不過蒜香個款嘅蒜味略為唔夠香。仲包4杯飲品，食飽真係個個都捧住個大肚腩~👍

一入到去 都還好 坐底左叫完野 叫左個玉子同炸芝士 石鍋泡菜飯 同石鍋鮭魚帆立貝蒜蓉牛肉飯 兩個小食一振就到 但嗰兩個飯等左成30分鐘都味到 突然店員問 d野到齊味，幫你埋單 我同講個飯味到 之後再等多15分鐘個場得三張台 遲過我坐底既 都食緊

近排經常幫襯淘大嘅餐廳，無錯！因為又去淘大 UA睇戲！經過和民，望望門口個餐牌，被個鰻魚飯同Pizza吸引咗我入去幫襯.之后再點咗一客壽司卷盛，鮮芒果乳酪沙冰同芒果紅茶.優點：1, 我唔太中意乳酪制品，但和民嘅芒果乳酪沙冰出奇地好味，味道比起芒果紅茶更甜，而且夠濃夠凍，夏天飲一流！2, 芒果紅茶嘅紅茶味夠重，我中意重口味，啱我口味.3, 鰻魚夠厚夠份量，入口即溶，掂！4, pizza 批底係薄底，夠香脆！去5, 環境光猛舒服，上菜快，menu有中英日文提供，服務不差！缺點：1, 日本菜有個特點，份量不足，出現係壽司卷盛同pizza上.2, 餐廳內好多枱都點shabu shabu，冷氣不足.

叫左個炸雞軟骨 好乾雞腿串完全無味玉子燒燒到好老由於唔好食 所以叫左一round 無再叫晚餐完全食唔飽 結果要再去第二度食野可一不可再不建議大家幫襯唔知有無人有同感呢？好失望

用某信用卡點二人套餐可以優惠價$275。必有：前菜，野菜沙律，半份薄切三文魚。另選擇了海鮮鍋，湯底濃郁，海鮮亦有很多，有帶子，生蠔，魷魚，好味道芝士焗蕃薯茸，好香甜！蕃薯茸，好正！蜆肉湯烏冬，值得一讚，蜆肉肥美，沒有沙。湯有鮮味，加埋烏冬簡單係絕配。最最欣賞的是靑柑桔柚子流打！非常好味，柑桔酸，配柚子蜜，一流

今日去九龍灣睇戲，順便逛下淘大商場。天氣轉涼想食打邊爐！見到和民有日式火鍋套餐，就去試下！這店有很多卡座，座位相隔較緊迫，有點嘈雜！日式木系設計，乾淨整潔。我哋點咗店長推介二人前 $369+10%，有很多嘢食！季節前菜、芝士凱撒沙律前菜是炆冬菇竹筍，中式口味。凱撒沙律特別加上了溫泉蛋，混合芝士和麵包粒，令沙律有浸淋咗嘅感覺！刺身盛合三款刺身 三文魚 甜蝦 和 帶子 放題貨色 中規中矩南瓜&日本有機蕃薯天婦羅天婦羅炸得 香脆爽口 乾身沒有油膩感 ，南瓜和番薯甜度十足！石鍋黑椒牛肉飯石鍋飯熱辣辣 飯焦配上黑椒牛肉， 牛肉肉質一般 整體略嫌多油牛肉壽喜燒我們為之而來，牛肉以此價錢尚算不錯 ，湯汁偏咸，個人喜好略甜！香燒原隻雞腿雞皮炸至甘香脆口，啖啖肉十分飽肚！較為乾身沒有肉汁！日本番薯雪糕把日本番薯磨成蓉做雪糕，有天然嘅甜味和番薯粒口感！ 就算幾飽都要食埋佢！進食期間，人流不絕！店員工作忙碌，但保持禮貌， 食物烹調和清理檯面，需時較耐！