居食屋「和民」 (奧海城一期)

營業中

休息中

呢間和民佔據奧海城一期的有利位置，照常理應該很旺場，偏偏我們係唔想等位先至會諗起佢。我地七個人個個爭住坐埋面，皆因我們有經驗。見有新野試，睇張相似魚生飯多過石頭飯，就問下靚女經理生食得唔得，佢居然話得，仲俏皮咁話牛肉生食都得，肚痛唔關佢事，靚女真係講乜都岩聽，風趣幽默確係抵讚！石鍋蒜香海鮮飯（$78）原盅石鍋熱騰騰，海鮮黎到已經熟透了（難道是怕我生食？）飯有微微蒜香，海鮮有帶子、熟蝦、蟹柳粒，仲有爽口黃色粟米粒，色彩繽紛。味道穩陣之餘欠驚喜，不過不失水準可以接受。

今晚老婆黎奧海城接收工兼食晚飯，一萬個唔願意地最後揀選左和民，平時lunch都少食，因為領過佢唔少野！呢間和民晚巿時段都係得小貓三四隻，對比起葵芳分店有很大落差就知有伏，既然都洗濕左個頭唯有硬住頭皮慢慢享受吧！見佢個最平套餐都幾豐富，三百幾就有齊：壽喜燒牛肉鍋、滑蛋豬扒飯便當、玉子燒，半份沙律同角砌三文魚，仲包埋兩杯drinks，就柯打左佢。起菜速度算快，先講個滑蛋豬用個便當盒上本身無問題，問題係出自待應哥哥單手奉上，令到盒豬扒飯好似打過風一樣。賣相唔得唔緊要，食物最後都係食落肚，一切以味道行先，豬扒本身炸過，但俾滑蛋浸住好耐，個豬扒已經淋曬 ，不如唔好炸。牛肉鍋同玉子燒平凡到無從挑剔，勉勉強強叫做合格。整體而言一間巿區日式居酒屋晚巿都唔爆場，可想而知係咩質素，難道要推諉於股票巿場暴跌千點影響巿民消費意慾的頭上嗎？

無食差唔多半年，今日再食心唸有無差得咁交關食物質素無乜問題嘅，但係煮果個唔知係咪前世無食過鹽🤮果陣咸味係口到洗唔洗唔走，成餐飯都唔想再食野，真係要black list

肥髀放假，我帶埋佢啲好友去室內遊戲室玩，玩之前去附近商場食飯，剛好中午人多，攞票都要等15分鐘先有位！店內長窄位置放滿桌椅，桌椅幾迫，而且交枱好似好急，張枱仲好濕好多抹痕，餐牌圖文並茂！落單食物陸續到！厚切牛舌盒子飯御膳（$118）一個紅黑食盒，牛脷片嚡雖然薄但好韌，幾片都咬唔開，差！珍珠米飯正常！但牛脷太韌了麵豉湯（跟餐）夠晒熱，但麵豉較淡！一般沙律（跟餐）細細碗，蔬菜略乾，油醋汁正常紅豆玉子（跟餐）紅豆蓉球較實，玉子較硬，應該係分好晒雪入雪櫃小朋友食肉肉烏冬&山盛香蔥吞拿魚（$88）沙律（跟餐） 另外加了：冷蕎麥麵（$48）肥髀食，份量不大鮭魚壽司（$38）鮭魚刺身（$38）柚子蜜（跟餐）蘋果汁（$10）凍檸茶（跟餐）食物有好有一般，店員服務就幾差，有上錯食物，同翻店員講，佢乜都無回應就拎走錯嘅食物，他木無表情又唔回應！仲有埋單時，我同店員講定要收據（方便寫食評，因有啲餐廳唔要求嘅，列印單據店家會收起埋數嘅嘅！）佢攞皮夾比我簽名時，皮夾收據係有逐項食物嘅項目嘅，咁我同佢講要收據，埋好單佢比我嗰張只有總消費金額同QR Code嘅列印單，咁我同番店員講要有逐項食物名稱嗰張，佢又木無表情

我真的沒有在一家餐廳這麼生氣。上菜速度十分慢，服務態度非常差，食物質素也很不行。服務員愛答不理我真的不知道我是去吃飯還是去受人白眼的還要收我加一。我自己去廚房拿食物都好過。太差了！

今晚想不到吃什麼，見和民有位，咪去試下，带位職員黑晒口面，唯得個男同事叫做好D，但真係無諗過和民D食物質素差左咁多，叫豚肉飯，飯小到呢，D豚肉又细件又薄同圖完全兩回事，無服務價錢又唔平。失望。

未試過食和民早餐，又見佢唔貴﹝好似around $30 - 34﹞就入去試下。 好奇怪，要先係門口俾左錢先，跟住入去坐低。我地一行二人，一個點左腿蛋丁，一個點左吉列魚柳炒蛋，轉丁麪當然要加錢，諗住食好d。 嚟度碗野勁咸，真係咸到苦，d強又唔熱。 另一個吉列魚柳都ok，但炒蛋又係唔熱。 下次咪搞

今晚經過和民，居然不用排隊，剛巧天氣涼涼的，所以就想食一個火鍋料理！我們兩個人點了香炸原只雞腿，廣島炸牡蠣 和牛肉壽喜燒，對於兩個女生來說，分量剛剛好！香炸原只雞腿的雞肉咬下去還蠻juicy的，上桌的時候還很熱，應該是即炸。廣島炸牡蠣都炸得很脆，吃完要喝多點水才不太熱氣！有點後悔連叫兩個炸物，下次應該試試壽司或者日式薄餅和牛肉壽喜燒味道很好，也有很多配料，很適合慢慢聊天的食物，如果肚子餓，還可以加烏冬呢！

奧海城一期和民做埋早上時段、都好嘅、多個選擇。佢哋早上係半自助式點餐、喺門口order完、比埋錢先入座，價錢方面同其他連鎖快餐店差唔多。火雞肉碎蛋三文治 + 熱0茶味道可接受，仲有塊新鮮生菜店內冇咩人、座得舒服又有人送餐

服務太差，如果俾$80食一個lunch，我寧願去吉野家！員工無禮貎，送餐時掉個spoon落張枱！壽喜燒牛肉set, 個湯淡而無味，牛肉又少，唔值！叫埋單時，d員工自己傾計，應左我之後又繼續執其他枱！成肚氣ge 一餐！仲見到隔黎有個阿姨投訴緊d野食黎得好慢

12:30 pm 落單....見周邊食客陸陸續續話等左好耐無野食...心感不妙🙈點知真係等到1點都未有😳最後催下單終於係10分鐘後先有😐先唔論食物質素，咁既上菜時間真係極度需要改進呢！Ps: 最好食係牛肉飯！滑蛋雞就......普通吧...........

嗰日天陰陰似乎會落雨，所以都係响商場裏面食個晏比較穩陣啲 。同事有和民卡，所以就去咗和民。我哋十次有八次都係叫呢個三文魚石鍋飯，皆因鐘意三文魚魚子同沙律醬。呢個飯三文魚份量唔多，不過撈埋啲沙律醬，味道算係ok。我哋每次都要叫侍應攞多一兜沙律醬，如果唔夠沙律醬，成鍋飯就乾爭爭。同事叫咗杯柚子蜜，柚子蜜一向偏甜。我叫左杯生薑蜜，啲薑幾夠辣。麵豉湯貫徹始終，味道同水冇分別。一餐晏仔，每人66 ,有埋沙律，麵豉湯同埋一杯特飲算係咁。最重要係有和民卡，可以免服務費。不過，如果你趕住返工，得半個鐘食晏嘅朋友就千祈唔好嚟，出餐時間真係太耐，今次我哋等左25分鐘。

我同朋友放lunch 既時候 一齊去附近覓食 本來想食壽司 但諗起荷包乾硬化 就決定都係食平少少😅 於是就去左和民食日式料理過下口癮 不過入到去先發現原來咩都加曬價 個加幅都唔細 😥我最後點左一碗九州豚骨湯拉麵 🍜 雖然和民主打既唔係拉麵 但去到日本餐廳總係想食麵 😂 有諗過叫蕎麥麵 但又怕冇食肉一陣好快會肚餓 😫呢碗拉麵用既係比較幼身既麵條 拉麵煙韌彈牙🍜 而豚骨湯頭鮮甜 味道真係好唔錯 可以品嚐到豚肉既香味～😋不過豚肉既份量就比較少 只係得一、兩片🍖 好彩有隻溏心蛋搭救🍳半熟蛋黃香味濃郁 好想一碗拉麵可以有兩隻蛋😂💓呢個質素既拉麵價錢其實偏貴 而且服務員既態度都麻麻 上菜慢之餘仲要好求其咁放係枱 有時想催下啲野食都會俾某啲服務員鄙視 感覺唔係咁親切 如非必要 都未必會再去～

My Order:自家製厚燒玉子 ($38)聖誕節二人套餐 ($398)前菜:凱撒沙律 & 意式薄切鮭魚刺身 & 炸魚薯條 & 精選串燒鍋物:牛肉壽喜燒主食:豚肉飯甜品:香橙啫喱 x2飲品:青柑桔可樂 & 檸檬茶凱撒沙律很大一盤也夠沙律醬，滿開胃的也難得火箭菜不苦!意式薄切鮭魚刺身鮭魚刺身不算很肥美炸魚薯條平常炸魚薯條配的大多早厚粗薯條，但這裡的薯條是幼身，少許失望。牛肉壽喜燒雖然只有幾片牛肉，但在冬天點壽喜燒絕對是加分!湯頭夠甜內裡有娃娃菜/金菇/豆腐。豚肉飯這個豚肉飯意想不到的美味!!放冷了也很好吃，豚肉非常的嫩口。薄薄的醬汁包住了整塊肉，內裡一點也不乾或硬。我願意為這個飯再來一次呀!香橙啫喱 自家製厚燒玉子如果可以再濃味一點點會更好吃~

很久很久沒有到奧海城閒逛，今晚去開就到和民吃埋晚餐，先來小吃芝士焗年糕和限量發售又新口味的脆烤鮭魚皮配鮭魚子蛋黃醬。雖然我不喜歡吃芝士，但也吃了一口焗年糕，煙煙靭靭的口味頗不錯！香脆的鮭魚皮邊邊已經有少許變腍，沾上鮭魚子蛋黃醬令口感層次豐富點點！剛上桌面的牛肉鍋燒烏冬，香氣撲鼻而至，配料有肥牛、日式魚片、金菇、紹菜、蛋，湯底味道濃郁，可是碗面太多油脂，不敢呷湯了！這頓晚餐是兩個同時擁有雀仔胃的分享，人均消費是$77。