居食屋「和民」 (黃埔天地時尚坊)

營業中

休息中

日本菜嚟講，平有平食，貴有貴食。之所以「和民」喺香港屹立不倒咁多個「十年」，肯定有佢嘅道理嘅！我地嗰日去咗黃埔搵食，諗唔到食咩，最好就揀啲坐得舒服，價錢相宜嘅餐廳啦，咁「和民」似乎不失為一個好嘅選擇喇！我地嗰晚點咗個二人餐，都幾豐富架！有前菜薄切三文魚刺身、凱撒沙律、主菜同埋仲有個鍋物。而個玉子燒係追加的，因為小妹鍾意食！鍋物係會俾埋個GAS爐你，邊慶住邊食，冬天時食返碗熱辣辣嘅食物，好溫暖啊！至於個pizza, 則比較乾身，唔算十分好食，但都可以飽肚的。

好耐無食和民既午餐定食，一律都係包沙律、鏗魚湯、飲品，呢幾樣都普普通通，尤其係個西柚梳打淡如無味，不過主食以呢個親民既價錢黎講都算係有驚喜🤭▪️ 照燒蒜香雞扒定食（7/10）💲49以鐵板形式上檯好熱辣辣，厚度適中既雞扒肉質比預期中嫩滑，帶有蒜粒既蒜蓉汁亦頗為香濃，用黎撈飯唔錯🧄初初無留意到餐牌上雞扒隔離仲有薯條，食落偏向係幼脆身帶有鹹香，記得要儘快食否則會吸曬鐵板上面既油🤪▪️ 石鍋黑椒牛肉飯定食（7/10）💲49呢個都幾似Pepper Lunch既，上檯既時候牛肉都仲係生既，可以自行控制生熟度，加上黑椒粒調味得宜🥓底部集中有惹味稍鹹既燒汁，撈勻之後都唔會過鹹，整體不過不失🔎 整體評分（7/10）

今天路過紅磡，剛好接近午飯時間，所以選擇了這家在黃埔的和民居酒屋午膳。分配了一個卡座，坐位寬闊，但枱面有漬，旁邊白色的膠板也黏了食物渣滓，令人感覺有點恶心，我們到達的時候是11:30 am，店子剛剛開門，所以相信是隔晚的工作人員，沒有做好清潔工作。我們點菜的時候，店子只有3枱客，一點也不忙，我們點了一個蜆肉湯烏冬，一客餃子和一個鰻魚牛肉盒子御膳，但除了烏冬很快送上外，其他的都弄錯了，等了很久也沒有送來。至於食物方面，蜆肉份量很多，但完全沒有味道，鰻魚牛肉飯則比較好吃，但以$99的價格，性價比低，另外，餃子餡料少，只覺一口都是餃子皮，失望，相信不會再光顧這店，因為红磡區很多食肆可供選擇。

當日和父母、姐姐及外甥仔來到紅磡的和民居食屋，主要是因為這裡座位較舒適，又不用等位太久因有小朋友，點餐也較偏向不健康香脆炸雞芝士味～～～～～～～很普通的炸雞，細件而芝士味不多天婦羅盛合～～～～～份量一般，炸蝦及南瓜較鮮味其餘一般北海道十勝牛肉盒子飯～～～～～～～～～～牛肉很香很滑，午餐配有沙拉、前菜、面豉湯及紅豆蓉甜品，很豐富鰻魚牛肉盒子飯～～～～～～～牛肉有點老，鰻魚一般午餐同樣有跟餐食材照燒雞扒披薩～～～～～～很香脆的披薩底，照燒汁很香很入味大阪椰菜燒～～～～～真的只有蔬菜，很一般的大阪燒鐵板餃子～～～～餃子算多汁，份量亦不少綠茶奶凍配紅豆蓉～～～～～～～～非常甜，連小朋友都說接受不了

和民印象中都食過幾次，日式野，穩穩陣陣之選今日去紅磡搵個老友食午餐，俾部遊戲機佢，因為我唔玩了，佢又有個小朋友，所以送俾佢講返和民啦，我到先，入去之前要量量體溫。我個朋友冇量到，唔知點解我叫左壽喜燒定食$89，有個爐煲住黎食，包埋沙律、甜品（兩粒粉團一舊紅豆餡）白飯，食落唔似珍珠米個壽喜燒湯底偏甜，我ok嘅，飲左幾啖，有菜、豆腐、紅蘿蔔片、一紮菇好少，幾片牛肉第一，料足嘅，個人覺得菇可以多少少可能$89唔俾得太多牛肉就普通，一般壽喜燒牛肉，配飯一流～～～～～～～～l老友叫左滑蛋豬排定食$65，樣就麻麻，冇問佢好唔好食，佢都冇咩點提個味道，應該食得下嘅包碗湯同沙律我就凍檸茶，老友就熱檸水我杯凍檸茶茶味唔夠，淡口左啲整體叫食得下，但你話再食短期內未必會，但以呢個價就冇咩投訴啦

同朋友想揾間坐得舒服的餐廳食lunch, 和民必然之選，疫情期間唔洗等位，入座前先量體溫，安全至上！點餐時店員已講定食物要等耐小小，我地有哂心理準備，但原來都好快，大約10分鐘就到啦！我叫左個午餐-蜆肉烏冬配加州卷，清清地，蜆肉份量好足，配烏冬恰到好處，加州卷亦保持水準，整體來說是滿意的！另外配埋杯珍珠奶茶，估唔到和民都有得飲，話好好飲又未至於，但都不失望！同朋友坐下傾下計食好西的一個唔錯選擇👍🏻

是日獨自外出工作，悶悶的，決定吃日本菜開心點。走到黃埔和民，餐廳內座位多，客人少，連職員都少，入座前，店員要幫我量體溫才能入座，並且說明下單後約20-25分鐘才上菜，因為近來外賣order很多，餐廳做不來。好吧！為了吃日本菜，也只能屈就屈就。平日午市有很多午餐定食選擇，價格不高，經一輪心裡爭扎，最終點選了蜆肉湯烏冬連加洲卷定食套餐，包餐飲則選了凍柚子蜜。下單約15分鐘後就上菜了，日式沙律一般，蜆肉湯烏冬足料，蜆肉都蓋面了，但湯底偏清淡，烏冬彈牙，加州卷偏細小，味道沒特別，整個午餐很飽肚，又烏冬又壽司，對食沒太高要求可考慮一下來這裡。

開開心心兩家人一齊食飯，有大人有小朋友，和民係一個好選擇。套餐先來一個凱撒沙律，蔬菜有益。意式煙三文魚，塊塊甜美，件件可口，大家爭住食。玉子燒，即係甜甜煎雞蛋，最啱小妹妹。鐵板煎餃子，煎得可口，記得要加醋吃，減少肥膩感覺。牛油果三文魚卷，end up 要叫多客，咁多人，個餐唔夠食呢。大阪燒是小朋友喜愛的，醬汁甜甜，餡料有椰菜絲，整體賣相也不錯呢。番茄鍋(肥牛)即是壽喜燒，材料豐富，當然要待一段時間食材熟透才可進食，美味無比。韓式石鍋泡菜飯老公最喜歡食，熱辣辣有飯焦，脆卜卜。滑蛋炸豬扒飯也是男人至愛，夠飽肚。聖誕新年開派對也是一個好選擇。

今晚同男朋友响黃埔睇戲，所以就諗住响黃埔睇下有咩食，行行寸見到和民，我發中意食曰本野，就入左去啦。睡到餐牌有二人餐，價錢亦唔算貴同選擇多，所以就叫左個二人餐。黎到個沙律賣相唔錯，幾中意啲汁同麵包碎，唔會太dry🤤之後黎左個三文魚刺身，雖然冇專做刺身壽司店果啲咁好食，但呢個價錢都算唔錯。仲有個幾新奇既牛油果pizza，覺得呢個幾有特包，第一次聽牛油果pizza,我又係牛油果愛好者，緊好食，pizza個皮薄同脆，唔會好濟，汁同料既配搭幾清新。主食就有温泉蛋牛肉飯，呢個就普通同吉野家牛肉飯差不多。仲有個牛肉鍋，啲牛肉都有牛味同料都好足。整體黎講呢個價錢性價比都高既！！

嗰日放完狗🐶，順便在黃埔食埋個午餐先走，就決定去吃和民，一入去，環境暗暗地，之後食左燒牛肉，肉質都ok唔錯，不過數量唔係幾對得起個價錢lo，份量太少，所以性價比不高，但整體味道還是不錯的。

和民好多人都食過今次係我第一次喺黃埔呢間食，兩個人叫咗兩set做晚餐一個係豚肉便當另一個有鰻魚牛肉首先個前菜係蓮藕淮山加豬脷整得唔錯好好食豚肉便當燒汁味重其實整體都OK，不過餸好似唔係好夠送飯個人覺得鰻魚牛肉個盒好食啲，同埋抵食啲湯係普通嘅麵豉湯冇乜特別唔算太鹹OK啦最好既係有埋個甜品Tiramisu，感覺好圓滿環境上，因為都算早入去食晚餐，唔算多人但係望落去就感覺唔算好光猛，環境普通不過個set我都覺得值既得閒可以去食下又方便

可能有演唱會嘅關係，呢間和民六點就已經好爆，當然因爲忙嘅關係，都唔好期望招呼會好好啦！舉手舉到就嚟不舉至有人幫你落單，上菜速度就都幾快，質素就咁嘅海鮮鍋，個細爐即時係檯煮熟個鍋，食材質素尚算新鮮，味道都OK胡麻沙律（芝士係叫走的，本來有芝士），菜都新鮮爽口，份量、醬汁都還可以。炸日本番薯，寫明香甜，但上檯後唔算太脆，甜度都唔係想像中咁甜，但尚算還可。如果比較起其他分店，呢間就真係算是差表現嘅一間舖

昨晚去了紅磡黃埔新天地的和民食晚餐，因為昨天下大雨想找商場易泊車引可以方便吃晚飯！跟朋友點了4人餐！$578+10%我們點了餃子🥟 + pizza 🍕 好味啊那個餃子🥟煎得超棒！個皮超脆！好食到想再encore!Main course我們點了蜆肉湯烏冬 + 石鍋牛肉飯！石鍋飯好味！佢既飯配埋秘制汁，好濃好香！成碗飯很快被吃掉了！之後還有牛肉壽喜燒及4杯杯飲品！牛肉燒湯底無得輸！好似去左日本食咁！好香濃！牛又好味道！

同男朋友好似已經好老夫老妻咁，聖誕節唔會專登預約邊間餐廳食聖誕大餐，食得好隨意🙈尋晚突然好想食壽司 ，九點先出到黃埔就決定食和民，太夜都唔駛等位嚕我哋叫咗一個五種壽司盛，燒玉子， 五本串燒，日本魷魚牛油錫紙燒同埋特上鰻魚飯串燒嚟到都熱熱地，溫度適合即刻食，個免治雞肉嘅汁幾好食， 雞腿都滑，雞胸唔算鞋，味道正常魷魚都正常，唔會太韌，啲菇索咗啲汁都好入味，好食壽司上面嗰塊牛太生咬唔開，芒果有啲酸，壽司裏面嘅青瓜同炸物都幾脆但玉子燒完全冇層次，而且太濕，似就咁一嚿炒蛋味道，完全唔掂鰻魚飯幅圖個飯底明明係有鰻魚汁，但係黎到係白飯，味道會相差好遠，失望， 鰻魚味道ok短期內我諗都唔會再有下次😐

好耐冇食和民，見佢有promotion話送coupon，又黎食吓先！唔知係咪隔咗好耐冇食，menu好似又轉咗喇，牛肉shabu shabu免費增量，但之前會跟埋粉絲同埋有隻蛋，依家就要比錢追加先有喇，所以Hungry Pig都冇追加到喔 但有多碟菜/菇會送，牛肉份量多，湯底好清甜！另外叫咗個天婦羅冷麵，又加咗價喇，其實真係唔算抵食，不過每次都係指定必叫嘅！我地另外都叫咗個細嘅壽司拼盤，又同之前唔同叫法，壽司款式少咗，中間果款芒果就唔係好抵食喇！ 但整體都叫ok嘅！