居食屋「和民」 (皇室堡)

營業中

休息中

吃了炸蠔鸡蛋洋葱那个饭，真是特么令人害怕的味道啊。捂在盒里炸蠔已经软了，而且发苦。我真的很好奇是什么样没有味觉的厨师能做出这种东西。别的也都能明显看出来是预制菜，非常震撼的吃饭体验，有一种我有钱我也能在铜锣湾开店的感觉

嚟和民好似返左鄉下咁，正宗日本菜。高質又扺食。今次來嗌左碟炸雞 (Fried Chicken) ，雞肉細緻嫩滑，上面淋了一層沙律醬非常醒胃，還有少許香草碎，使其非常惹味。仲嗌左一個炸豬扒飯 (Fried Pork rice) , 豬扒份量比較少左d，而炒飯香口且可口。服務態度好，出餐快。不過，要大排長龍，等左大半個鐘才入到嚟食，入到來都只坐到 bar 枱位。唉！.......#watami#Japanesefd#Japanesestylefood#和民#日本#炸雞#豬扒

今日来到攞咗飛等入坐，但因為新人搞錯左收銀機，新人叫我哋在門口等他搞好架機才入座。因此我哋企咗7-8分鐘。之後指我哋去l個角落位。但當時店內90%吉位。當我們要求換位，staff 話不可以🙂‍↔️換，因為電腦set 錯！好奇怪，電腦set 咗就不可以❌換。就算𠕇90%位吉的都不可以❌？唉…好似變咗小學生，老師話不可以換位就不可以。可能🤔我今次唔好彩😭

入到去服務員態度惡劣，詢問時充滿不耐煩。埋單時態度惡劣，沒有告知優惠活動，呢個小問題，但對客人極度敷衍，未告知支付方式就極快打單出嚟，冇詢問過客人，當客人告知使用的支付方式時充滿不耐煩，態度極度之差。問一次問題好似要佢條命咁。一次極差嘅用餐體驗，成間鋪頭好似唔想做生意咁。食物質素亦麻麻，希望大家注意。如果唔想做生意可以唔好開鋪頭，唔希望人哋食唔該閂門。食飯埋單比人以輕蔑的態度對待，充滿了負面情緒。

星期六中午未到12:00，一行五人到皇室堡和民午膳，可能時間尚算早，因此不太多人，坐得舒服。我們選擇了一個四人套餐，再加點了叉燒拉麵及加洲卷。套餐有鮭魚刺身，二份沙律，四份小食，六隻餃子，炸豆腐，鍋物選了壽喜燒火鍋，主食我們選了豚肉盒子飯及泡菜石鍋飯，還有四杯飲品，整個套餐只需要598元，都算抵食。和民的食物味道一向不錯，每款食物都好味，飲品可選擇奶茶、柚子蜜、柚子梳打及水果茶等等……水果茶要加10元，但個人覺得較甜。另外點的叉燒拉麵及加洲卷正常發揮。總括來說，餐廳有大窗，景觀不錯，坐得舒服，食物味道也不錯。

見到有午市定食就諗住試下 點知入到黎係個點餐系統order完 先話今日嗰個咖哩吉列雞排賣曬 叫我轉過其他餐 好啦我轉左 跟住等左差唔多半個鐘先有得食 啲薯條都涼涼地 唔好食 然後飲杯柚子蜜梳打飲到底 飲到塊好似指甲大細嘅膠

以前同朋友gathering好鍾意食和民，價錢大眾化而且款式多，不過近幾年質素不大如前，都已經好少幫襯，今次幫襯係因為佢較早開門同近維園，慢慢食完就去行花市，估唔到今餐有驚喜！🥢吉列雞扒咖喱丼定食(Wed) $69⭐️⭐️⭐️⭐️吉列豬扒就食得多，吉列雞扒都係第一次食，口感都唔差係外脆內軟，雞扒軟熟juicy，咖喱香濃唔辣，呢個定食只限星期三供應。🥢滑蛋豬扒鍋定食 $79⭐️⭐️⭐️⭐️晚市好似無咗呢個鍋，所以我一定要叫，因為真係超好味，雞蛋係要自己打落鍋，可以控制雞蛋香滑度，加埋洋蔥同醬汁一齊食好味，炸豬扒厚切又夠腍，跟白飯+蛋係絕配。🥢日本產帆立貝&鮭魚石鍋蒜蓉牛油飯定食 $79⭐️⭐️⭐️⭐️首先試刺身，帆立貝鮮甜，三文魚肥美，跟住再用石鍋熱力整熟拌好所有材料，係另一種滋味同惹味，仲有鍋底嘅飯焦好香脆可口，媽咪超讚呢個鍋。🥤餐飲：推薦 蜂蜜生薑茶三人共消費：$250

星期五黎食晚餐都要等一陣位已經好耐冇黎食唔知點解覺得啲野便左好似雞翼咁五隻都係$29可能佢冇麥點加價相比其他餐廳感覺就好似便左咁雞翼都係必食既好好味壽喜燒牛肉鍋個湯底冇以前咁甜色都淺左一定會加烏冬石頭飯都係咁多年冇變唔叫得上好食但就係食回憶囉

午餐時間幫襯多年，侍應雖說不上是招乎週到，也算正常。今日首次遇到位態度惡劣的門口帶位哥哥，真心怕怕。食物質素向來一般，如果加上服務員態度惡劣，相信將來越來越少人會幫襯。

銅鑼灣 📌 居酒屋 (皇室堡)因為手上有 2張 $100 皇室堡美食現金 coupons，又記得以前細個好鐘意幫襯 ，貪佢選擇多，款式多，質素高而價錢又比較親民， 所以就決定去 ，又原來我應該都有10 年無帮襯 🤫🤫🤫🥗 和民沙律 $39沙律菜好新鮮，內有雞肉同埋穀物脆脆， 成個沙律精髓就係個薯蓉泥，個薯蓉泥 ( 略嫌個份量少 ) 真係好正好好食，係成個沙律🥗嘅精髓。🐟 鮭魚刺身 (3pcs) $39上枱時，覺得三文魚好似個樣麻麻地，但食落又好鮮味。•🦐 赤蝦刺身 (3pcs) $39蝦肉實净肥美，啖啖肉，相當鮮甜， 而且啲蝦膏唔腥仲好甜。🍤 炸蝦天婦羅 (3pcs) $59天婦羅炸粉看似有d厚， 但係咬落係啱啱好呀， 炸蝦okay 大隻，外層酥脆，最鍾意呢種天婦羅嘅口感同味道。🧆 章魚小丸子 (4pcs) $39佢個整法有別於傳統嘅燒章魚小丸子，但係做到外脆內軟，呢點係加分 ，面頭醬汁 (蛋黃醬 & 日式燒烤汁) 係調教得恰到好處 ~ 好味😚🍢 燒物盛合 (6串) $99反而冇諗過串燒都有驚喜 🍢 ▪️雞翼 🐔 雞皮輕脆，肉肉巧juicy▫️雞腿 🍗 好嫩滑而且肉質係好彈牙▪️冬菇 🍄

食物冇特別，火鍋唔值呢個價，蜜糖芥末雞翼只係普通雞翼面頭加蜜糖芥末醬，但令我唔會再去嘅原因係服務態度極差，差到無法接受一入去安排咗最入嘅位俾我哋，我哋見有其他位置就問可唔可以坐出啲，個男服務員非常不滿地回覆「冇㗎啦得返呢幾張枱」之後嘢食上枱好幾位服務員都係“扔”上枱咁滯，態度差過茶餐廳🤬追加麵類時要選擇跟咩湯，咁問個服務員已經有一鍋仲要揀湯嗎，佢覆我「你個鍋咩湯你咪揀返咩湯囉」🙄呢啲係咩服務態度？呢間嘢唔會再有下次，冇嘢食都唔會行入去，費事再受啲服務員嘅氣

皇室堡睇完戲，可能食得爆谷多唔係好肚餓，想飲杯茶食少少嘢、近近地「和民」，日式風味、價錢相宜，環境唔錯,ok go.和民自慢鐵板餃子🥟（6件)$39: 層餃子皮仲脆，味道正常。惹味黑椒糖脆雞翼(3件)$19: 抵食，無得投訴喇，而且甜甜脆脆，好食喎。極上薩摩牛壽喜燒鍋$119: 雖然係一人份但份量唔細，牛肉質量一般，菜多夠健康，濕濕哋暖胃。壽司🍣盛合(8件)$99: 唔好諗住好肥好大件，但多唔係唔好食，8樣唔同嘅壽司，合格啦😉

嚟到和民居食屋，真係有種溫馨嘅感覺，見到啲平日所熟悉嘅日式小食，簡直開心到喊出嚟。🥢今次我揀咗個石燒牛肉飯，石鍋嗰種嘭嘭聲真係勁正！牛肉片滑溜，食落去香口得滯，啲米飯又香又腍，同埋啲辣椒碎令味道更加生動。飲品部分，我試咗杯青茶，清新得嚟又解渴，飲完心情大好。另外一個朋友點咗個拉麵，啲湯底味深韻長，飲一啖湯，暖笠笠真係好滿足。啲麵條彈牙嘅，同啲叉燒肉又香又嫩，食得出係用心炮製嘅。最後，我地又加咗啲小食，一份日式炸雞同海苔馬鈴薯絲。炸雞外脆裡嫩，咬落去啲雞肉多汁得嚟又惹味；馬鈴薯絲香脆加上海苔嘅鮮味，簡直係絕配！總括來講，今次嘅體驗就係質素穩定，食物美味，令人心情好到飛起。下次仲想帶埋其他朋友嚟試吓佢哋嘅其他招牌菜式。😋👍👌

好小同小朋友去食日本餐廳因為好多日本餐廳主打都係生既刺身但小朋友唔食得所腑我多數同佢地來和民可以有啲日本feel之餘又有得食下今次叫左小朋友至愛既炸蝦天婦羅、原隻燒魷魚、仲有燒雞翼同雞軟骨跟住媽媽點主食叫左 牛肉併鰻魚飯 同埋 壽喜燒窩加蛋加烏冬天婦羅蝦一碟5隻，上枱仲熱，脆卜卜，差啲比大仔食曬燒魷魚就一貫水準雞翼有小小輸，但味道不錯細仔至愛牛肉飯，真係幾好味我至愛就係壽喜燒，個味同汁真係唔錯、可能係我個人喜好，偏甜

以前經常會去德福“和民”開飯，自從結業後，便無幫襯了一段好長時間，今日（10/8/2023）嚟開銅鑼灣皇室堡，在樓層宣傳見到和民，好開心，即回想以前，便選了在這餐廳食午餐。十一時多，時間尚早，唔駛等位。午餐餐牌款式很多，價錢亦合理，點了三個餐及追加2份小食，味道依然是往日味道，真係十分回味。日本產帆立貝&鮭魚石鍋蒜蓉牛油飯定食，份量剛好，味道佳牛骨湯拉麵北海道十勝豚肉盒子飯御膳，肉夠味配上汁，飯全部食晒日本產蕃薯條及赤蝦刺身