屏山老地方

營業中

休息中

今次來這裡第二次了～吃咸魚煎肉餅飯，不過不失，環境都還可以，你話好近地鐵站又唔係唔近又唔係，肉餅飯製作過程不太複雜但佢真係整得好大塊，同埋超級多款式揀，上次食過六重芝士煎肉重奏酒，不過就有啲膩。所以今次吃回比較舊式的咸魚煎肉餅，穩陣啲呀嘛！的確好過芝士嘅配搭（始終芝士配牛肉比較搭配）咁佢真係太多選擇啦，如果有選擇困難症呢就真係要下次再試吓其他款式我見到其他嘅食評都有介紹芒果煎肉餅都幾吸引，可能下次會再嚟試這一個煎肉餅

去開元朗梗係揾下有咩好野食啦😋見到呢間好似幾出名又有得免費泊車啱哂我哋所以就決定試試佢！我哋揸車去唔算難揾，因為係過咗lunch hour所以唔駛排隊，不過入面都係full哂哈哈🤣🤣呢間主打肉餅有超過30種肉餅🔥有芝士肉餅，竟然重有芒果肉餅同榴槤肉餅好新穎😂😂😂我最後就叫咗鹹魚雞粒肉餅😎一上菜我就哇一聲，塊肉餅大過我隻手🤩🤩 味道好正入面真係食到一粒粒雞肉🔥🔥 外皮脆脆哋入面又爆汁真係明點解佢成日要排隊🤣我都會為咗佢再黎🤣 另外個凍奶茶都好有茶味👍

今日揸車嚟到屏山，當然要試吓出名嘅煎肉餅飯啦😍小店平常做都係做街坊生意，所以店內裝修都係以實用為主，好有老店情懷❣️餐牌上肉餅款式勁多，如果你有選擇困難症，建議你去之前，就好諗定想食邊款肉餅🤣芒果煎肉餅飯 ⭐️⭐️⭐️⭐️上枱時第一印象覺得碟飯好樸素，有肉餅、菜心、白飯，沒有任何醬汁～ 枱上調味料有豉油，鍾意重口味啲嘅可以落少少～ 芒果煎肉餅大大塊好足料，內有大片芒果，配埋肉餅咸甜咸甜，味道又好夾喎！西多士 ⭐️⭐️⭐️⭐️我極鍾意食西多士，次次見手menu有都忍唔住叫返份～ 西多士正常操作，配埋糖漿牛油真係食極都唔厭🤭

同事之前外賣及介绍過，今日就去左食中午飯。往元朗搭輕鐵761P，係坑尾村站落，沿輕鐵車頭方向行約3分鐘，再過對面馬路就到達。有2間舖，右面只得2張4座位，所以去左左手面大啲嘅舖。有2人及4人枱，大約9張枱，內有1間房，可座4人(共2張枱)，裝修簡潔，有大電視介紹特色食物，牆上貼著與藝人合照:枱上放左廚師推介:環境簡潔，木枱配圓椅背:菠菜蝦堡牛角包$42(同事推介)多菠菜而且好脆口，涵內有蕃茄，牛角包係圓型款，夠特别珍寶菇百里芝士肉餅飯肉餅好大塊，味道唔太濃，芝士配搭煎肉餅，好味道士耳其風味雞肉卷熱辣辣，內有唔同配菜，似墨西哥卷，唔錯吖餐牌:只收 現 金

每次都係外賣推薦蒙古辣孜然羊肉煎肉餅飯👍🏻👍🏻👍🏻外表煎到好香脆肉餅超厚身，啖啖肉，肉質唔會太散，好香，好正😋😋😋佢既菜心作為配菜，好食🥰🥰🥰如果做埋醬汁就更好了☺️

今次去咗試呢家餐廳🤗，轉角一撩，勁！就係要食佢哋出色嘅肉餅飯！招牌六重芝士肉餅飯，拉絲恰到好處嘅芝士🧀，飯量同肉餅都比臉大，食完後個啖唔係脹得要命，仲好想再嚟一份😋！講真，唔係成日會遇到可以咁溫柔對待你嘴巴嘅肉餅。可能有少少膩，不過好味就冇得輸！而家講吓馬拉盞章魚煎肉餅啦，又厚又飽滿，嗰章魚仔真係切得啱啱好，夠晒彈牙溏心。我食完感覺自己彷彿都焗得脆喇！😂下次我一定會再嚟試個榴槤肉餅，望佢還係咁多驚喜同樂趣！這家，絕對係我跑足半個香港都要搵食嘅肉餅飯之選！👍🏻😄🔥

踏入屏山老地方，巷子入面，隱藏起嗰份居民嘅熱鬧。店裡嘅裝潢簡單，就仿似見到嘅茶餐廳咁。但呢度嘅肉餅？真係令人眼前一亮🌟！每塊肉餅都厚實得嚟又唔沉闷，特別嗰六重芝士肉餅，啖啖肉香，間中夾雜著芝士嘅牽絲，食落真係過癮。蒙古辣孜然羊肉嘅肉餅另有一番風味，辣中帶香，再掛上孜然嘅特別味道，好似游走喺香料市集中咁，令人一試難忘。咸鮮得黎又唔膩口嘅燕麥薏仁豆漿，飲落滿是滿足感。嚟呢度，可以欣賞老屋村風光嘅同時，真係食到喺其他地方試唔到嘅肉餅。每一口都充滿驚喜，肉餅同味道搭配得天衣無縫，充分享受到居民對美食嘅熱情喺屋邨間嘅傳承。🍽️🥩🧀

呢間寫明係肉餅專門店，黎到緊係要食肉餅！佢個餐牌有超級多款肉餅，有d 係諗都無諗過😆發現間店全部肉餅都係煎的，可能因為咁會出餐快d？！我聽到後面有人要芒果肉餅飯，但係第一次黎食，都係保守d 食傳統野🤣我要左個咸魚蓮藕肉餅飯。煎得好香口，咸魚味剛剛好，唔會太咸。如果蓮藕可以再多d就仲好，感覺會再清爽d。

六重芝士肉餅飯地點唔難搵, 睇住google map, 出咗大圍西鐵站直行九分鐘就到, 唔想行可以坐兩個站輕鐵叫咗馳名嘅六重芝士煎肉餅, 芝士的鹹香味同肉餅出奇地夾, 就像咸魚蒸肉餅一樣, 對肉餅有提鮮作用, 肉餅亦即吃即煎, 且煎得很香脆其實感覺像芝士漢堡包走包加白飯, 喜歡食芝士漢堡的一定會覺得十分好吃, 不過感覺真係十分膩, 好有罪惡感, 不宜多吃！週圍係村屋, 有時間可以逛逛, 電話網絡收得唔係太好, 所以只收現金, 不接受電子支付

幾年前係屏山食過榴連肉餅自此念念不忘，唔少區外人都慕名入黎食，難得連假有時間就貢入屏山望下，中午12點左右到舖頭唔洗等就入得😬諗住叫返個榴連肉餅，點知可能唔當造所以冇賣，唯有揀返本日MENU上面嘅香蕉肉餅。上枱時肉餅外層煎香左、內裡都Keep都D肉汁，但香蕉嘅份量有D少，被切成粒粒放入肉入面，食落覺得調末可以再咸少少，相比以前嘅味道淡左少少，朋友揾左蠔豉肉餅，味道相對比較濃，叫做路過食下回憶嘅味道😝

第一次嚟屏山呢個地方，朋友介紹食呢間肉餅飯，真係冇介紹錯，款式十分之多，鐘意食肉餅飯既朋友可以嚟食下，地點渣車會方便一些。香辣醬雞粒煎肉餅飯（$51）香辣醬唔會好辣，雞粒在肉餅裏面，整體不錯的。榴蓮煎肉餅飯（$65）榴蓮款式店員說是用貓山王，榴蓮份量不算多，味道淡而香，第一次嘗試到榴蓮煎肉餅飯，很特別。新疆土鄉雞翼（$38）雞翼炸得香脆，配上調味粉，味道有點像香草雞翼，好吃的。菠菜蝦堡牛角包（$38）炸蝦餅很好吃，對比普通的麵包，用牛角包這個配搭很好。

暑假開始了, 經常會帶孩子到附近的圖書館打書釘。當然亦唔少得要黎呢度食個豐富午餐.孩子最愛就係呢度的六重芝士肉餅.我地睇餐牌, 有個叫 "升級版六重芝士煎肉餅飯$68平時我地都食開六重芝士呢款肉餅, 因為孩子真係好愛食芝士。今次佢自己看餐牌時, 發現到有個升級版, 所以話要試。職員話, "升級版" 原來係再多加入了紫菜混入肉餅, 令肉餅更加香。果然又係小朋友最愛的口味, 大人試過都鐘意。芝士因為濃味, 所以混入紫菜, 變得無咁漏。不錯!另外我地又叫左蒙古辣枚然牛肉煎肉餅飯 $52呢個都係平時會叫開既肉餅, 味道帶有輕微的辣粉香, 食落好有蒙古風味, 相信係枚然粉的效果。最後想食多個火腿西多士, 味道屬穩陣之選, 上面塊牛油好厚!! 好正!

支持小店系列💕 聽聞屏山老地方有多款獨特口味嘅肉餅，例如芒果/榴槤煎肉餅，大阪燒墨魚肉餅 ⋯⋯ 不過今日第一次幫襯，保守啲，試咗啲基本口味先🤭-環境就係茶餐廳格局，有一份餐牌全部都係介紹肉餅，淨係肉餅竟然多達50款以上🤯🍖 六重芝士煎肉餅飯 $65 👍🏻唔知點解諗起豬柳蛋漢堡，滿滿嘅麥當勞風味🤣 感受唔到六重芝士既層次，但芝士拉到絲，夠香口，邊位脆脆地，帶點焦香。撇除芝士，本身份煎肉餅已經幾好食😋😋🍖 黑椒香蔥煎肉餅飯 $51比較平實嘅口味，黑椒味較突出，香蔥味略嫌不足。煎肉餅夠大份，口感相當好，唔會厚實同鞋口🥹 -總結：呢個價錢無野可以挑剔了。雖然賣相頹啲，但價錢親民，味道同用料有誠意，值得去支持下😋

餐廳位於屏山，位置比較偏係圍村入面，搭交通工具需要行一段路，店鋪裝修有種住家感覺，食飯時間有機會要等位。睇到Menu會嚇親🙈各式各樣類型肉餅都齊全，有一般中式傳統口味，亦有一啲你諗唔到既西式口味，有創意到連生果口味既肉餅都有。————————————♥———————————- - - - - - - - - - - - - - - - - - - - - - - - - - - - -♥️ 黑椒煙肉煎肉餅飯 $51肉餅份量十足，火候控制得幾好，外皮煎得香口脆身，入面仍然保留到肉汁，食到淡淡🥓煙肉香味，唔需要加豉油已經好夠味。- - - - - - - - - - - - - - - - - - - - - - - - - - - - -————————————♥———————————

之前都已經去過呢間餐廳食佢其他煎肉餅，都已經係信心嘅保證😋😋今次去完行景點，順便過去餐廳食個下午茶。因為唔係好肚餓，所以今次就冇叫到例牌煎肉餅，反而叫咗個蝦堡菠菜牛角包🥐，真心想講，好😆😆😆首先蝦堡大大塊，不在話下，炸得剛剛好，唔會覺得太油膩，又或者炸到乾水，食落去真係有啖啖蝦肉 🥰🥰🍤，菠菜淡淡香慢慢散發出來😌對於下午茶來講，份量真係啱啱好😄配上鮮蕃茄同埋沙律菜，帶出蝦堡哈寶嘅鮮味🤩重點，附送膠手套，等你可以用手抓住佢嚟食😁😁