屏山老地方

營業中

休息中

呢間餐廳係天水圍都幾出名🙌🏻係專食肉餅👐🏻有超多款肉餅可以揀包括一d你意想唔到嘅味道都有🤭今次就叫咗最出名個款肉餅黎食🤤🔺六重芝士肉餅飯 $61聽個名都feel 到有好多芝士😂而肉餅真係有海量嘅芝士🧀除咗肉餅上面有芝士之外,2塊肉餅中間都會好多芝士😚係有2塊肉餅‼️而芝士仲可以拉絲😍肉餅嘅味道好好🙌🏻飯同肉餅份量十分多😳一個人食絕對食唔哂🤫食到最後真係幾膩下😶但講真唔係好食得出有6種芝士😂可能係自己問題🤭

如果想一邊食大大個肉餅飯🙂， 一邊飲港式奶茶，依間位於元朗屏山嘅茶記會係一個好選擇。 佢嘅肉餅飯超過20款選擇， 例如有芒果肉餅飯丶 六重芝士煎肉餅飯丶 芝士榴槤煎肉餅飯等， 全部都各具特色。 肉餅肥瘦度適中， 份量夠， 煎得好香口👍🏻。 如果唔鍾意食肉餅， 佢都有其他茶餐廳食品供應， 例如公仔麵丶炸薯條丶雞翼丶西多士等， 飲品都有多款選擇， 除了港式奶茶和咖啡之外， 還有紅豆冰丶凍檸賓丶 豆漿等， 種類都幾多元化。 佢嘅收費合理，唔收加一， 員工服務態度好， 滿足的一餐👍🏻😋

今次搵食搵到入大西北！嚟到元朗屏山行下，自不然就要係E邊搵下有咩特色餐廳。搵搵下俾我搵到間出名食肉餅飯嘅餐廳。肉餅飯E種家常便飯就食得多，竟然整肉餅飯可以整到變出名嘅餐廳，咁就要去幫襯下睇個究竟。😤原來E間餐廳有好多創新嘅肉餅餡料！😳例如榴槤肉餅、芒果肉餅等等，簡單顛覆咗我對肉餅嘅傳統印象。今次就特登叫咗個芒果肉餅飯同埋佢另一個名物蝦多士嚟食。🍤切開個肉餅，啲芒果肉就係中間流出嚟，試落係一個新奇嘅體驗：熱嘅肉餅配上溫暖嘅芒果肉；肉類嘅少許油膩配上生果嘅小清新。😜感覺將肉餅提升到一個較為健康嘅層次！至於蝦多士，熱辣辣即上，亦都值得一試。

屏山之前有間人人都識嘅冰室，其實仲有另一間隱世肉餅，有超過50款嘅肉餅任君選擇～仲有水果口味肉餅，好似榴槤、芒果，我試過，我真係試過，一啲都唔怪，仲幾好食添。🥡 六重芝士煎肉餅（走飯） $56望落都覺得芝士多到漏曬出嚟，切開仲可以拉絲架～朋友話食落有好重嘅芝士味，加埋肉餅出奇地好食喎！值得試下！🥡馬拉盞吊片煎肉餅 (走飯）$43重口味嘅我就揀咗馬拉盞口味嘅肉餅，仲額外加咗辣，每啖咬落都有吊片，豐富咗成個口感。肉餅本身唔會好肥膩，不過真係有成隻手板咁大，一個都夠曬飽！

今次是第二次幫襯，本身已經是喜好煎肉餅飯，這家店的招牌菜便是煎肉餅飯。一塊平平無奇的煎肉餅，配撘起不同其它肉類和蔬菜混合在一起再把它煎香，簡直是一流。加上還有香蕉味肉餅，溜連味肉餅，簡直是非常大膽的配撘。今次我吃了黑椒烟肉肉餅，非常香口加上椒味令我更開胃，極力推介，下次再來光顧

屏山老地方食肉餅真係街知巷聞，假日就算山旮旯都大排長龍就知好癲，所以今次食評都唔算咩食評，純粹為自己喺呢間舖留過腳毛做個紀錄。今次到訪點咗兩個飯，芝士榴槤煎肉餅飯及松露芝士牛肝菌煎肉餅飯，兩個肉餅做法完全不同。味道☑️☑️☑️☑️☑️論賣相，我點嘅芝士榴槤煎肉餅飯稍勝，一層厚厚金黃色嘅芝士蓋住雙層肉餅，淨係睇都患上急性三高。揭開兩層肉餅之間，吱出一層榴槤肉。老實講，唔食榴槤嘅人真係唔好叫呢味，當你切開肉餅，一支匙羹由芝士層、肉餅層、榴槤層插到落飯底，一啖食落去個味覺好複雜，淡淡嘅芝士味加彈牙肉餅好好食，但有個多事嘅榴槤做架倆走出嚟，甜甜香香又好夾，呢單野真係痴晒線！至於女朋友點嘅松露芝士牛肝菌煎肉餅飯，就係一個典型嘅彈牙肉餅之中，加入好香嘅牛肝菌，仲有少少嘅熱溶芝士喺入面，令味道更豐富。同場加映，跟餐叫咗個椰汁紅豆冰，由於少甜嘅關係，紅豆份量會比正常少，但如果唔鍾意飲甜野的話，呢個份量係幾好，椰汁味大過紅豆味，啱夏天飲。環境☑️☑️☑️呢啲舊店，環境當然唔係靚㗎喇，靚就唔係收你二百幾蚊啦。但⋯⋯坐得ok的。性價比☑️☑️☑️☑️☑️$60幾一個肉餅飯，食到咁多心機喺入面，落樓都係$157，好平啦！

中式漢堡就系肉餅囉！超多味道, 廚司推介一日7-8款、仲有其他常規味道10餘款, 包括雞、豬、羊！去左幾次肉餅系即煎, 所以水准可以保持！但今次去配嘅白飯系敗筆 - 生冷降囉！仲有食食下傳來陣陣狗屎味原來系榴槤味肉餅,當堂無晒胃口！口味多原化系好不過咁個人嘅口（香）味,就吾好堂食啦！間店又吾系大！肉餅口味咁多原化但又只配白餅（欠汁）,點解吾配意粉或者麵包做漢堡加薯條呢？

位於屏山的隱世小店，是我三歲小朋友最愛的一間餐廳，基本上，十次有九次肚飯，佢都會話想食Cheese rice，而傳說中既Cheese rice，就係我認為是鎮店之寶的六重芝士肉餅飯。有少少鹹但芝士濃的流心芝士配上肉餅，竟然可以刷出無限火花，真心平時阿仔食飯鍾意細細啖，食Cheese rice係白飯芝士肉餅大大啖放落口食唔停。今次仲試了蘿蔔冬菇肉碎銀針粉，湯底偏鹹，配埋辣菜脯，更鹹！佢嗰種鹹係鹹得來好食，易入口，蘿蔔絲切得細薄，冬菇細細粒，基本上每一匙羹的銀針粉都食到湯粉加上細緻材料的豐富味道，但本人不是太欣賞太鹹的食物。份量超多，大湯碗滿滿的銀針粉，最後要打包攞走。味道：（肉餅）環境：服務：特色：泊車：（自備車場唔使錢超方便 👍🏻👍🏻👍🏻）評語：肚餓時潛意識會浮現肉餅飯的影像🤤

其實我已經食過好多次 但真係好想推介比更多人食😍😍😍而我最鍾意食就係呢個六重芝士肉餅，因為本身個人都鍾意芝士野 ，加上呢個飯真係好足料，我一個人都食唔晒，可以分兩餐食添呀！

晚上食唔係好多人。易有位夜晚好似係冇粉麵賣叫咗榴槤肉餅飯，入面真係有真材實料嘅榴槤肉喺裏面，唔係打蓉咗，係真係肉。可惜嘅係有一半係生肉另外一半好熟，上枱嘅時候一切開已經好大浸榴槤味。都幾香。豬肉方面比較多肥肉。未食過既都可以一試。另外叫咗個薯條上枱嘅時候有啲唏噓，可能我預期得薯條比較多。係實質上又唔係真係咁多。煙肉方面整得比較硬身，香草方面係用一條好長嗰啲香茅整成唔係香草粉。薯條揸得好香脆，好食😋。好似$29？

屏山老地方呢間餐廳間格係村屋形式，有少少去咗人哋屋企嘅感覺🤣🤣，閒日大約中午12點到達，不用等位😃環境 🌟🌟🌟🌟裝修簡單，但光線充足，十分整潔衛生，抹枱消毒情序做到足，小店也這麼認真10分抵讚！服務 🌟🌟🌟🌟態度友善，而且沒有因煩忙時間催促食客離開。我倆用膳大約1小時15分鐘吧，傾咗一陣計才埋單離開。食物🌟🌟🌟🌟我們點了兩個飯加兩杯飲品1. 馬拉盞章魚粒煎肉餅飯 - 當姐姐拎碟飯埋嚟嘅時候已經聞到香味，一啖咬落肉餅到，微脆香口，滑，彈牙，有些肉汁，又有章魚粒嘅咬口，有不同層次口感，加上馬拉盞混入肉餅中，十分惹味！鹹度適中，自己超級喜歡😘2. 口水雞醬蜆肉煎肉餅飯（是日廚師推介）聞到的香味稍遜，但口感也跟章魚粒肉餅十分相似。味道豐富，帶些少麻辣味，又有蜆肉鮮味提升了肉餅嘅層次，好味呀，少見嘅肉餅配搭，可見師傅也花了不少心思設計👍👍3. 凍奶茶 - 正常4. 椰汁涼粉冰 - 椰汁稀咗少少，涼粉是用罐頭的，味道普通。如果係肉餅迷，超級推薦，一定要嚟呢度試吓！ 餐牌內有幾十款不同嘅肉餅配搭加上每日嘅廚師推介，成日去食都唔會悶，這小店已經成為我飯堂之一，會久唔久就去食😆😆😆😆

估唔到咁山旮旯嘅地方都會有一間飯堂，出名食自家整嘅肉餅。唔好以為係普通餐廳食到嘅蒸肉餅飯，原來呢度啲肉餅大有來頭。肉餅配上唔同口味然後煎香，再配個白飯，我諗要食幾個月先可以試哂唔同嘅口味⋯上面呢款就係我每次都會食嘅蒙古孜然羊肉肉餅！極力推介、不過食食吓都會幾膩！

又來食呢間地面最強肉餅飯！😍舖頭座位雖然唔太多，但係等幾張就有得入座。同埋呢度最好係有免費停車場可以泊車佢Menu裏邊好多款肉餅我都試過，真心每一款都好好食，好難選出一個最好，印象六重芝士肉餅飯同埋豆豉鯪魚肉餅飯都好好食。今次食返其中一款我至愛，馬拉盞章魚🦑煎肉餅，肉餅厚身得來煎得好香脆，馬拉盞好惹味章魚又切到大大塊好有咬口！我基本上每個禮拜都會嚟食一次，真心推介❤️下次有機會會嚟試吓個榴槤肉餅飯，聽講都好出名

好開心又同朋友嚟呢度食，其實呢度質素真係唔錯，只係呢度嘅肉餅都偏肥，用咗大量肥膏來做呢度地點雖然偏遠，不過其實好容易嚟，只要搭輕鐵去到坑尾村站，步行兩三分鐘就到叫咗兩杯燕麥豆漿，單點$15 ，套餐加購$8味道唔錯，唔會太甜，不過略嫌太細杯，不過都可以嘅又係我朋友最鍾意嘅馬拉盞吊片肉餅，的而且確好高質，因為裏面有好多吊片而我就叫咗佢每日精選嘅辣菜譜唔知乜嘢肉餅，普普通通啦，都係我朋友嗰個馬拉盞吊片肉餅好食啲，佢嗰個香口好多同埋題外話啦，佢哋嘅白飯係可以轉做米粉的

好多年冇黎呢間嚟食啦，今次朋友同我都想來呢度回味一下，都大概三四年冇嚟過啦，以前都好鍾意食呢間肉餅。呢間肉餅真係好高質，咩嘢口味都有，有幾十款肉餅，我真係冇諗過肉餅可以有咁多變化，今次都叫返同以往一樣嘅肉餅啦馬拉盞吊片肉餅$49薑蔥雞肉肉餅$48其實驟眼睇兩本肉餅個樣基本上係一樣，不過一夾開，就見到係不一樣，吊片肉餅，裏面有好多吊片。薑蔥雞肉肉餅，就冇乜特別，冇雞肉味，都冇乜薑蔥味，整體就係一種輕微薑蔥味道的肉餅。呢個牛角包，味道都唔錯，嗰片炸蝦餅多幾後，幾好味百香果乳酸飲品，質素最差，非常差，好難飲，唔解渴，好甜，飲咗兩啖都飲唔到落去紅豆冰都好差，紅豆極少，啲奶又太水，真係太難飲