屯の大阪章魚燒 (已結業)

係屯門一定要試下之前好出名既大大粒章魚燒🐙聽聞剛開店時要排隊等候大概一小時多，但現在熱潮過後及有分店的關係，不需排隊就有得食啦😋蝴蝶分店位於蝴蝶邨街市內，附近有巴士及輕鐵並鄰近屯門碼頭，因此較為方便🚌🚎▶️ 店內更有枱及幾張凳可供客人堂食然而蝴蝶分店亦增添了串燒、炸物、小食及麵類章魚燒方面合共有5款口味：原味／蟹籽／明太子／葱／wasabi（期間限定）原味：$20/4粒（平均$5粒）要試清楚味道，當然就係選擇最原本不加額外配料的原味啦！即買即食都尚算熱辣辣，口感外微脆內軟，每粒小丸子都有1粒章魚，夠大粒亦夠爽口彈牙👍🏻👍🏻但由於章魚燒比較大，所以顯得內裏粉漿頗多😖平時係街買章魚燒入面通常都會帶有菜，但呢間既就只有章魚🤔可能因其他味道都已經有好多配料好足夠！PS：係香港算是好味的章魚燒，但如果需要排隊，我就覺得絕對不值得🤢

我超鐘意食小丸子知道屯門蝴蝶街市開咗之後一直都很想來試今日大約下午3點半來到很幸運不用排隊買了爆多蔥風味和超爆多蟹子風味( 各四粒)我覺得係香港食到哩隻味道已經算係合格D蟹子多到完全睇唔到啲小丸子而D醬汁佢哋整得好好味蔥風味同樣地都係爆多蔥熱辣辣，好好味呢度嘅小丸子係偏大粒嘅，墨魚分量都夠， 唔會好粉。有4粒同8粒選擇第一次嚟到樣樣都想試同一隻味買八粒係最抵既但通常都會想試多款佢仲有原味同明太子味下次要試下亦都有飽肚之選的日式炒麵

好耐之前係各大社交平台已經勁多宣傳嘅一間店。之前日日都好鬼多人排隊，見到條隊長到都唔想排點知今日同男朋友經過見到唔係好多人排隊就即刻衝去買嚟食啦！點咗两個味，蟹子同原味。啲蟹子多到唔洗錢咁勁正啊！入面啲料好足，唔會係食緊粉漿嘅感覺。外面個皮唔會好「淋」，醬料又多，食到好幸福！！！！原味嗰個都唔簡單，一樣令我哋食到lamlam脷！分別都唔大只不過係有蟹子同無蟹子，如果自己一個食想平平地試下就可以選擇原諒！

依間鋪由上年開既時候已經好想食奈何鋪天蓋地既介紹，搞到要排幾個鐘先有得食，實在係太誇張到熱潮減卻既時候，就成日唔記得左要去試😝😝😝係蝴蝶依間分店都開左好一段時間，聽人講唔使點排隊，所以就去左一試了去到既時候，果然唔使排隊有幾款味道可以揀，蟹籽同明太子都係$24/4粒，$42/8粒兩個都好想試，但可惜$42/8粒只可以揀同一款味😢朋友話唔食明太子，咁所以就買左8粒蟹籽啦一打開盒，真係好多蟹籽，好足料每粒既size都唔細，比較難一啖食一個😂每啖都有好有蟹籽，食晒啲章魚燒之後仲淨左好食蟹籽咬落去軟淋淋咁，依入面就淨係得八爪魚配合埋啲燒汁、沙律醬，同大量既蟹籽好好味$42/8粒，聽落個價錢唔平，但每粒都大大粒，佢既4粒同出面有啲一啖一粒既比，其實已經等於人地既6-7粒仲有蟹籽同木魚既份量多到嚇親你計份量同味道，其實唔算太貴然後想食都會揀佢仲要依家唔使排隊，一定會多啲去食同試其他味道

今次是因為網上介紹屯門必食小食之一之名走來一試究竟，因為分店新開又近我，所以選這間。星期六下午兩點半，無人等，可以唔駛排就可以點菜。蟹子的確唔少，食晒章魚燒都仲有唔少蟹子餘下，有匙羹就好。明太子都唔少，味道唔錯，野味有點點辣。今次這間章魚燒店的章魚燒比一般食到的比較皮靭，所以感覺怪怪的，不過，味道唔錯，而且足料，有待改善。蜜瓜味幾香，配上熱辣辣的章魚燒，一熱一凍，今次試食十分滿足。地方少少夠坐4 人，價錢嘗可，值得一試。

之前想試好耐，今次係屋企附近開分店，梗係要買個原味黎試下啦~打開起多木魚絲蓋面, 都多醬汁, SIZE都幾大粒下。食落外皮就較為偏軟,唔係太脆口。不過裏面軟"林林", 章魚都幾大粒下。價錢都可以接受, 比起出面啲小食檔係好食既。而其他款式有機會都會試試。仲有佢都有炒麵食,我自己都有試, 可惜唔記得影相。其實我覺得佢既炒麵更加好食炒得好香份量又夠, 味道都好出色。不過時間上起碼要等十分鐘, 如果多人就更加耐啦。。。

山長水遠的朋友們入屯門找我，我問她們想吃甚麼，她們說想吃章魚小丸子，我當然會帶她們吃屯門最有名，最美味的屯の大阪章魚燒小丸子。為了吃到更多口味，我們分別買了原味大阪燒，超正明太子及超爆多蟹籽互相交換來吃。三款章魚小丸子均外層燒得香脆，內裡粉漿滑溜無比，章魚也超大顆。超爆多蟹籽如被單密鋪，愛吃蟹籽的朋友看見這麼多蟹籽頓時心花怒放，說她從未看見過那麼足料的蟹籽小丸子。啵啵作響的蟹籽鮮香十足，使小丸子口感更為豐富。超正明太子的醬汁如日本那種所吃的口感，上面的明太子遇到熱熱的小丸子慢慢融化，裡面章魚塊蠻大塊，很有口感，軟軟綿綿的粉漿，鹹辣鹹辣的，整體來說還算不錯，再配上柴魚絲，才是章魚燒的王道。原味大阪燒將柴魚絲放在章魚燒上紛紛飛舞，香味絕對誘人。大塊章魚嚼勁，酸酸甜甜的醬汁味道，加上海苔粉，真的相當道地的日本章魚燒呢。

近排好想食燒章魚丸，知道蝴蝶開左分店即刻過來食，仲嚟左連續兩星期。食左蟹籽、明太子、餃子蟹籽份量好似唔使錢咁，好多，照燒汁加肥仔醬、木魚絲，好香呀但食起嚟比較濕，我自己比較鍾意明太子果款，明太子食落較蟹籽香同埋乾身，外皮脆餡內軟，熱辣辣好難會唔好食囉另外佢餃子都有驚喜喎，皮薄料足，平時我唔鍾意點汁，不過佢個餃子汁少少酸係會令隻餃子更提升

整體來說不論時間、速度、服務、環境都很好。但食物的水平明顯下降了很多，章魚燒的口感再沒有內軟的感覺，反而是空心的。論新的餃子，醬汁太咸，餃子也不太特別。不過我估計因為員工太新，可能要老闆多多指導。。。。。老闆是招牌。。。

為咗食到正宗既章魚燒，舊店又因為人手問題暫時未開到，唯有專登入去新開既分店到食啦! 有死忠既感覺點咗原味，好快就有得食喇! 唔洗等太耐。而最令我開心既係，大大粒版本既章魚燒可以再次食到喇!! 不過細粒版其實都好好味! 我鐘意食原味，一來因為價錢平d d，好似我呢d窮鬼，會afford 得到一個月食多幾次。二來，最主要既原因係，可以食到佢八爪魚既味。唔係話其他口味唔好食，不過每個人有唔同吖嘛，我就鐘意原汁原味，可以真正品嚐到d材料本身既鮮味。最後，佢既章魚燒係真係好好好好味! 值得一試!

這間正宗的章魚燒，一直在紅橋的舊舖位，也常常會幫襯。最近他在蝴蝶邨開了新分店，當然作為支持的客人，要去捧場一下啦!這位老闆其他十分十分好人， 很有耐心。常常聽到很多客人，都會話他的章魚燒未夠熟，但其實正宗的章魚燒根本入面就是這樣多汁，超 juicy。 看見他面對很多惡意的批評，但都會努力耐心地去製造美味的食物給客人，很想讚他的 eq好高呢！ 今次試了他的煎餃子，二十蚊六隻。打開盒中見到黃黃金金的餃子，和香噴噴的香味撲進鼻中。它有一小盒的醋配上。因為我是一個喜歡吃酸的人，所以就直接把醋倒在餃子了。 如果不是太好酸的朋友， 可以用沾的方法。倒醋的過程十分治療， 已經望著餃子流曬口水了。 賣相真的很吸引。倒完醋，然後便馬上品嚐。 醋的分量剛剛好。而餃子皮很薄，不會很粉。不過餡料則比較少， 若果餡料份量多一些，就更加增加咀嚼時的口感。

初業期間實在太多人買，一早就聽聞在紅橋很有名但經常要排長龍所以一直沒試那天大概1點多經過，人不算多就試一下選了很久，決定要試明太子，我個人喜歡明太子就試一下吧42蚊有6粒...即7元一點，趁熱試吃，是有失望，一拮時已經有點像漏了氣的汽球我在想可能是因為我太熱時吃吧...可惜除了有豐明太子外，內裡的涵實在有點少天應該不想我太失望在美樂車站遇上了朋友，她又有買了原味他說原味才是最好吃32蚊6粒大概5元就有一粒整個涵豐富很多！很有內容，原來原味才是最好如果明太子也能做到原明的豐富，就太好了！下次也想試一下餃子...