山城小麵 (懷仁街) (已結業)

今日又黎大埔搵食，唔係地膽既我地又睇openrice決定天氣咁熱我地想食D涼伴既野，而我地又鐘情麻辣野，所以就簡左尼間試試佢！唔係住尼頭既我地都覺得地點有D隱蔽，唔係特登搵食都唔會經過阿。　咁我哋就分別嗌左兩個一人餐，每個一人餐都會包一款麵食同埋一款小食，仲可以加配嘢飲或者糖水，每人都係$60左右，超抵食！咁我哋就分別嗌咗麻辣手撕雞涼麵，燃情刀削麵，蒜泥白肉同埋手拍辣青瓜。先講小食，麻辣汁好夠味! 辣味比麻味重~蒜泥白肉唔洗多講都知道好惹味! 所以三兩下手勢就比我地清曬喇~最估唔到既係青瓜竟然咁大份咁大舊，好有驚喜! 食得好滿足!主食方面，我地就比較推介燃情刀削麵，因為佢上邊都有D肉絲而刀削麵都又滑又彈牙，加埋D麻辣汁真係一流!相反，麻辣手撕雞涼麵都好味，但就冇乜特別喇，手撕雞份量都唔多，可以試下其他野!　我地今次都係叫左野飲，配埋豆漿好正阿~不過見到個紅糖涼粉糖水都好想試，唯有下次再黎喇！總括黎講真係又好味又抵食既一餐! 應該短期內都會再黎

某日入左大埔同屋企人gathering，上樓前老公想食個tea，於是睇下屋企附近有咩好食，行過見到呢間專食麻辣嘅小店，望落都好似唔錯，所以入去試下。鋪仔細細人少都坐得舒服，牆身4幅畫同間鋪都幾貼切，但好唔好食就要試過先知。我地叫左4個麻辣小食，大中小微走辣任你揀，我地就梗係揀中辣啦拍青瓜好爽好清新，製法處理得唔錯蒜泥白肉我鍾意，腩肉有醃過，略嫌唔夠蒜泥，食完個口唔夠臭🤣黃金皮蛋比較特別，蛋黃比例較高，中間帶少少糖心，幾可口口水雞亦我食第一隻時覺得啖戊戊無味，原來係我點得唔夠汁，d紅油帶咸，再食時成隻都沾滿汁就好好食整體黎講都唔錯，如果每個小食蒜泥再多d就更好

有個係大埔住嘅同事話佢屋企附近有間風味小店幾好食，推介我去試下，今日就同老公去試。間鋪原來係食麻辣小吃，啱晒我地胃口，一坐低即叫幾個招牌小吃。款式方面 以湯麵同埋小食為主拍青瓜好fresh，處理得好爽，加埋小辣紅油好開胃麻醬雞絲涼麵都唔錯，涼麵配上麻醬味道非常開胃 最岩大熱天時食 味道好濃郁，混埋一齊食非常可口蒜泥白肉 份量非常多 蒜泥加上蔥花同埋辣醬 重口味得黎但好過癮 黃金皮蛋好特別，蛋白透明，蛋黃比例比平常多，我鍾意口水雞翼加埋有少少咸味嘅紅油 味道就啱啱好，我老公最鍾意 紅糖冰粉 冰粉聽職員講係自家制 非常推薦係香港好少見有得食 食落去有天然山楂甜味酸酸甜甜 食完好清涼 解辣一流整體嚟講只得一次亦都會做回頭客食物有質素 味道正宗 而且服務亦都好好

大埔的街頭小巷都有好多特色小店呢間正宗重慶麻辣店可以一試 餐牌上有好多麻辣小食同麵款選擇叫咗兩個特色單人餐燃情刀削麵配口水雞翼麻醬雞絲涼麵配尖椒皮蛋另外仲叫咗個小食手拍青瓜麻醬雞絲涼麵麻醬味好濃，同平時食嘅花生醬又唔同配上清新的青瓜絲，解辣一流尖椒皮蛋皮蛋很晶瑩剔透，皮蛋黃很夠流質配上四川辣椒，很惹味燃情刀削麵麵名好特別，麵底可揀辣度刀削麵中夾雜著肉碎應該係辣度可燃情😆係鍾意食辣嘅人嘅知音口水雞翼老闆娘好細心將雞翼切成單骨食落更方便雞翼很嫩滑，辣度十足食咗咁多辣野，食番碗糖水透心涼至正紅糖冰粉係呢間小店嘅招牌菜嚟到時覺得賣相似足一舊冰咁唔講真係睇唔出係固體面頭有山楂餅碎食落質感唔似啫喱煙煙韌韌滿有黑糖嘅甜味同山楂嘅酸甜味透心涼之選

位於大埔和太和之間的山城小麵🍜老闆幫我地落單，老闆是講國語的，我諗佢應該係重慶人，聽到他說國語有種去了旅行的感覺🧳坐地既時候影，未算好多人，但一到8點呢到就座無虛席，見到有d食客應該係熟客仔同老闆有講有笑。有單人餐、雙人餐、散叫的麵和小食，呢度嘅價錢整體都好便宜！我哋兩個人就揀咗食勻山城二人餐 $135 有2碗麵、2個小食、飲品和甜品🍮好抵呀～ 麻辣雞絲涼麵雞絲配上了蔥花、青瓜絲、辣醬，而且涼麵既底下會有醬汁，要拌勻埋食喔🤗我叫左微辣，麻辣味好香，好開胃😚涼麵好彈牙👍🏽秘製排骨麵 同行嘅朋友唔食得辣，所以呢碗就叫咗清湯！排骨煮得好軟身，好容易咬，叫咗薯粉。 蒜泥白肉 見到有蒜泥白肉，每次都會禁唔住叫的~蒜蓉、辣油調製食落好入味又惹味🤤肉質當然係半肥瘦啦。另外一個小食就叫了 郊外油菜 ，食左啲辣野要清清下腸胃，食菜喔！菜既份量都有好多，豉油唔算有好多，所以唔覺好咸飲品嘅選擇並唔係咖啡奶茶呢啲平時飲開嘅飲品，而係健康嘅熱飲。呢幾日好似有啲唔舒服，所以就叫左黑糖薑母茶，驅一驅風😆係落咗半粒糖薑，等佢用咗之後撈勻埋飲，好醒神

我有時候都會黎大埔食下野，因為呢區真係好多唔起眼又好味既小店😁要慢慢發掘呢度有單人餐，有主食+小食+飲品/糖水，都係$5x-$6x，都算平😋下午茶都係$33，仲包杯飲品/糖水我地叫左2個單人餐，加個紅油抄手🥟我叫左<山城牛肉麵🍜>+<麻辣手撕雞🐔>+<紅糖冰粉>牛肉🐂好香肉味而且幾淋，本身都調左味幾好食👍🏻呢間既小麵湯底係相對上冇咁油，唔駛驚太油有時會易胃痛(小麵都有好多唔同款式，我食過其他小店有d係成碗紅油咁既，各有特色)辣度可以簡既，簡左少辣所以睇落清d，鐘意辣d既朋友可以由中辣簡起麻辣手撕雞好大碟，雞肉滑而且佢有埋細細塊既雞皮喺中間，一齊食既時候多左份𡁻口，又香辣👍🏻如果重d麻味就100分啦🙈冰粉係自家制既，爽滑清涼，個紅糖水又唔會太甜，感覺好清新😌幾特別既就係佢加左小小山楂喺上面，成碗糖口酸酸甜甜咁，好正👍🏻🙎🏻‍♂️叫左<渝港擔擔麵🍜>+<黃金皮蛋🥚>+<養生銀耳羹>擔擔麵有正宗應有既基本材料，肉碎、紅辣椒油🌶、辣椒碎、葱花同蒜末等，麵質都彈牙，冇過淋或糊糊地既問題👍🏻辣度都好夠(叫

在大埔平靚正的選擇都幾多，今次去了山城小麵，2人餐 $135，2粉麵、2小食、2飲品及糖水，沒有加一。天氣有點冷，飲杯黑糖薑母茶好溫暖。手拍青瓜青瓜好爽口，有蒜蓉、辣油調味，開胃又惹味。蒜泥白肉也是蒜蓉、辣油調製，相當入味又惹味，半肥瘦。麻醬雞絲涼麵份量都幾大碗，抵食將涼麵拌勻，好香濃的花生味，好似食緊花生醬，涼麵也算彈牙，不過醬汁有點厚身，較難拌勻。鮮湯抄手麵湯底味道幾清甜，抄手皮薄多餡，個麵質幾彈牙特別。最後甜品是紅糖冰粉及養生銀耳羹冰粉是特色甜品，啫喱質感、甜甜地，上面一塊塊是生楂餅，涼浸浸是解辣必備。

連續呢幾個假期都係落雨，心裏面覺得悶悶的， 所以想食番一啲辣嘢，去刺激一下味蕾！黃金皮蛋（上）～ 睇返佢同一般嘅皮蛋嘅顏色會有唔同，食落更加入口即溶，加上麻麻辣辣嘅香料同埋汁 ，真係人間極品！紅油抄手（下）～坊間一般紅油抄手都係用一啲辣椒油去令到佢辣，相對地呢一間小店，佢用嘅辣油並唔多，睇番仲有啲清淡嘅感覺 ，實際上佢放上面嘅辣椒已經係夠曬香，夠曬辣，相對仲會健康啲！麻醬雞絲涼麵～ 個醬非常之香濃，果面嘅質地係非常之有咬口，個麵底亦都非常多，對一個女仔嚟講要食曬一碗都有少少難度！當中嘅雞絲同埋青瓜夾住啲麵嚟食，好搭喔！麻辣手撕雞～ 雞嘅份量好多 ，而且上面嘅香料，夠曬香同麻，越食越想食！養生銀耳羹（上）～ 食完辣嘢梗係要食番啲凍嘢去平衡返啦！ 呢個係凍嘅甜品，佢都係用返一啲養生嘅材料，例如 ：雪耳同埋杞子，唔會落好多糖，剛剛好夠味！紅糖冰粉（下）～冰粉有神奇嘅功能，就係非常非常解辣， 口感有啲似比較有彈性嘅啫喱！其實佢冇味嘅！都係靠一啲配料同埋本身嘅紅糖汁佢令到佢有味，配料好簡單，有山楂餅同埋葡萄乾！十分出色！豆漿～唔係一部機斟出嚟嗰種，係已經'bear'好曬，一杯杯喺雪櫃拎出嚟就已經

最近愛上咗食麻辣嘢 一直都念念不忘 於是就去到位於大埔嘅呢間山城小麵度食午餐午餐時間嚟到勁多人要等位 不過都好快就有位啦 餐廳座位比較迫 可能因為好生意啦哈哈首先叫咗個小食 蒜泥白肉上面用上蒜香十足嘅生蒜頭 下面再加上麻辣醬汁 一層一層爽口嘅五花腩加埋一齊 一啲都唔肥膩 反而覺得好惹味麻醬雞絲拌麵 麻醬充滿濃沃嘅花生醬味 配上口感十足嘅雞絲同幼麵一齊食 唔錯紅油抄手其實係雲吞 再加上蒜蓉同香辣汁 滑捋捋嘅雲吞皮好似瀡滑梯咁滑落喉嚨 不失惹味紅糖冰粉 透明嘅冰粉十分清涼 加上紅糖水 山楂餅同葡萄乾 配搭特別 啱曬夏天食

唔講可能好多人都唔知，原來大埔有個地方勁多錶位，今日咁岩揸左車出黎，揸車既人就會明白，如果想泊好部車又唔洗太貴就可以安心食野，真係好難，呢到就係最好既選擇，附近最少有三個錶位停車埸，街邊舖位門口既錶位，加起都有3-40個，我地好好彩搵到個錶位。周圍睇下附近有咩食就發現呢間咁光既餐廳，好似食四川菜，咁就入去試下啦。其實入面既坐位都唔算少，最搞笑係因為太多人食，食滿左，老闆用呢張工作出黎俾客人坐，VIP坐位我們叫左兩個套餐，因為我都幾怕辣，所以叫左個唔辣既紅燒肥腸紅薯粉，下面配皮蛋，我係冇問既情況下，已經尖椒皮蛋係辣既，加4蚊升級黃金皮蛋係唔辣既，點知原來佢係隻皮蛋好特別，真係變左黃金色既皮蛋，透明既皮加糖心既蛋，好得意好正，紅燒肥腸紅薯粉看落去好似好淡，但食落其實都好香，好似豬骨湯咁。跟住第二個套餐叫左麻醬雞絲涼麵配蒜泥白肉，我因為第一眼見到麻，我就諗起麻辣，所以我冇選擇呢個，咁岩我朋友就叫左呢個，原來係勁勁勁好食，面頭既麻醬好濃麻味，配落D凍冰冰既涼麵真係非常之夾，勁推介。仲有個蒜泥白肉，蒜泥同平時食過譚仔既好唔同，佢好白色，白到有D透明，原因係因為佢張D蒜磨到俾泥更泥，好似溶咁，所以

我朋友最喜歡食辣，所以我會陪她周圍找一些辣的東西食，最近要去一個地方，不小心走錯地方，突然找到這家餐廳食辣，剛剛好可以帶我朋友一齊來食。一個黑黑的招牌印上白色燈光，好容易找到，在這個地方發光發熱。基本上裡面大多數都是食辣的，我朋友已經發神經叫了好多東西，我來不及叫已經完了，好吧，跟我朋友食吧。先來了第一道菜，麻辣雞絲涼麵，麵是爽口的，比較特別，辣味不是只有麻，還有食到辣的香味。第二道菜：老麻紅油抄手比較之下這道菜算是沒有什麼辣的，它的皮好薄，一食可以滑進去，餡料都算多，芝麻的香帶出辣味的香。第三道菜：口水雞翼三隻雞翼切開一半，把內面的部分都吸收了麻辣的油，肉質好滑好嫩。第四道菜：蒜泥白肉蒜泥真的做到好泥，看上去有點像蘿蔔泥，食下去是新鮮的蒜泥，好刺激，白肉算是厚的，不會有白骨位，好食。第五道菜：手拍青瓜麻辣都是重的，我朋友食得好開心，我最喜歡這道菜，有辣味，但裡面又會有清甜的青瓜汁味，又爽口，真的是最愛。第六道菜：紅糖冰粉我真的有點頂不過來，看到餐牌有一樣冰的，立即叫了一碗，好舒服，冰冰的糖水，裡面像是啫哩的，一條條透明的河粉，還有一小片一小片的山渣片，超特別的。喜歡食辣的朋友一定要來

踩單車踩到大埔區搵食，去到呢頭遇到呢間山城，見到餐牌就勁想食個擔擔面，我哋都好肚餓，就叫咗個紅燒肥腸面、擔擔面、紅油抄手、手拍青瓜、蒜泥白肉、手絲雞、口水雞翼、尖椒皮蛋。先嚟個蒜泥白肉，肥瘦均勻，肉爽又夾埋啲麻辣辣椒粒，味道不錯。擔擔面好大碗，搞勻個湯連埋肉碎一齊飲啖，係呢種感覺喇！微微嘅辣加埋麻醬嘅香味同黏度，味道值得一讚。另外試咗朋友碗肥腸面，大腸砌成一口小粒，都幾入味。紅油抄手，極度推薦，抄手嘅皮入口有好滑溜舒服嘅感覺，内餡嘅肉碎好香又嫩口。手絲雞同雞翼都係肉爽，配支啤酒真一流。手拍青瓜好大碟，清爽夠凍。尖椒同皮蛋分開上，但因為尖椒砌成片狀，將佢夾埋啲皮蛋食，口中充滿又有蛋黃黏黏感覺又有尖椒嘅爽脆感覺，正。其實我想講呢度抵食指數極高，都係二百零蚊，味道又滿足到我，就係因為咁，將一日燃燒咗嘅脂肪重新補充，哈哈。

鍾意食辣野又鍾意食麻醬既朋友仔有福啦😍 呢間嘅野食好夠辣叫咗個麻醬雞絲涼麵大辣 呢個大辣真係唔是講笑 我自己勁鍾意食辣同食得幾辣下都覺得佢辣到飛起🤣 而d麻醬味都幾濃 下次嗌反中辣應該就Perfect啦！🤓-小食就嗌咗麻辣手撕雞 手拍青瓜🥒同黃金皮蛋🥚 小食嘅辣都同樣唔講得笑 朋友唔係好食得辣就食到係咁飲豆漿🤣🤣🤣🤣 但佢嗰種辣 辣得來又好爽 食完辣野再食埋個涼陣陣既冰粉係gdgd呀！同朋友仔幾個開心share就啱嫁啦🤪🤪🤪 佢大份得黎又抵食 而且仲有package 一個主食加個小食仔連野飲都係$50-60炸 認真平 靚 正！-

好耐之前已經知佢地起太子開店，雖然到依家都未試過，不過今次就試左新既大埔店，店主Hana係黎香港讀社工既女仔，做左幾年社工就出黎創業，煮佢既四川家鄉野。夜晚單身狗時間，我就點左特色單人餐，包括：燃情刀削麵(乾撈)+蒜泥白肉+甜品(紅糖冰粉)，揀左最少辣。先食燃情刀削麵(乾撈)，上面放有豬肉碎、蔥、芝麻，最特別係唔覺佢放好多辣油，不過撈完之後，每一口麵都有麻辣味，⭐️要提提大家，少辣都已經幾厲害，都會出少少汗。蒜泥白肉賣相不俗，肉質有彈牙口感，中間的蒜泥非常出味。紅糖冰粉真的不錯，剛剛食完辣野，呷一口冰粉已經好有清涼解辣既功效，冰粉溫度好夠凍，入口清新，有淡淡紅糖味，最特別係冰粉上面的山楂粒粒，配合紅糖味一酸一甜，好搭配，強烈建議每人都要叫一碗試試。所有菜式都有水準，份量十足，可以番食haha。

舊街市附近既一間小鋪，同朋友一行三人，點左個二人餐再加幾個小食share. 最推介皮蛋、手撕雞、青瓜，同埋冰粉皮蛋係黃色底，好香手撕雞，配重慶既辣味，睇見都流口水🤤冰粉真係好好食！食完辣野之後，一定要點黎食酸辣粉同牛肉麵都唔錯，價錢比出面d連鎖店仲平tim 份份食物都量很大，三個人share都係每人幾十蚊而且平價面鋪黎講，店內環境算係唔錯，約朋友一齊都唔失禮。如果放假想一個人落街hea食，小食單點都係價錢合理，抵食之選。