山城小麵 (懷仁街) (已結業)

好耐之前已經知佢地起太子開店，雖然到依家都未試過，不過今次就試左新既大埔店，店主Hana係黎香港讀社工既女仔，做左幾年社工就出黎創業，煮佢既四川家鄉野。夜晚單身狗時間，我就點左特色單人餐，包括：燃情刀削麵(乾撈)+蒜泥白肉+甜品(紅糖冰粉)，揀左最少辣。先食燃情刀削麵(乾撈)，上面放有豬肉碎、蔥、芝麻，最特別係唔覺佢放好多辣油，不過撈完之後，每一口麵都有麻辣味，⭐️要提提大家，少辣都已經幾厲害，都會出少少汗。蒜泥白肉賣相不俗，肉質有彈牙口感，中間的蒜泥非常出味。紅糖冰粉真的不錯，剛剛食完辣野，呷一口冰粉已經好有清涼解辣既功效，冰粉溫度好夠凍，入口清新，有淡淡紅糖味，最特別係冰粉上面的山楂粒粒，配合紅糖味一酸一甜，好搭配，強烈建議每人都要叫一碗試試。所有菜式都有水準，份量十足，可以番食haha。