山日屋 (已結業)

住喺美景咁耐，第一次食呢間！！平時多數食金島，不過間中都會想轉下口味～～姨姨（唔知係咪老闆娘呢？）非常友善、好好笑容，令人感覺好親切。比起6座嗰邊嗰間日式餐廳，雖然地方冇咁大，但係服務態度好好多，作為食客，食都食得開心啲！食物方面，味道唔錯，幾好味，份量夠，價錢親民。外賣等6-7分鐘就有。叫咗個炒烏冬，啲醬汁好好味，肉又多，可以食到好飽。加埋杯嘢飲，外賣，$51，好味又抵食。一定會再幫襯～～～～～

朋友介紹黎食真係好好食!!叫左午市最平嘅餐: 雜菇意粉$39佢話冇牛肉汁改左做燒汁 我冇乜所謂嘅個意粉🍝同個汁都好好食😋裡面仲要有好多唔同種類嘅菇😂 有金菇 蘑菇咁食物質素屬於中上水平了 又唔貴試左朋友嘅咖哩豚肉粉絲鍋都好正個粉絲好食!!下次會再試試呢間服務態度都幾好👍🏼 姨姨好好笑容

呢度係以前讀書時候既飯堂就算要排半個鐘隊都無放棄因他們的鍋仔烏冬會食上癮有人初次食會認為有何吸引座位淺窄菜式選擇又不算多但這裡的顧客吃的是感情～老闆娘親切熱情又好記性😊所以我和朋友們會經常回來找回讀書時的樂趣(美食)😋·<鍋仔烏冬>聽名已知容器用的是鍋仔風味卻不真像煲仔hahaha重點係味增湯底超濃配料夠多肉類有雞肉肥牛獅子狗蟹柳條蔬菜類有大白菜燜冬菇金菇菜再配上新鮮雞蛋一隻～整個湯鮮味即刻提升不少烏冬麵煮得剛剛好很爽口真的，平民價來說超高質素🤤·<肥牛烏冬>呢個烏冬唔淨止可以食烏冬原來可以免費配一碗白飯！男朋友每次的指定款色😂配料和鍋仔烏冬差不多～但主打的肥牛份量超多😱飲一啖甜甜日本牛肉汁再吃上一啖爽口烏冬麵最後再加入白飯至湯中真的是世界第一呀😻😻·<其他>由於麵餐已包熱飲價錢飲熱利賓納係我每次必選因為這裡的利賓納係特別濃很窩心的是老闆娘也記得這是我每次既指定配搭😅·<總結>性價比超高！服務超好！如沒記錯多年以來很少加價真的，吃的不只是味道.還有濃厚的感情～😊

今日放假訓到成點中，就落樓下睇下有咩好食。同屋企人行暈成個屋苑甘濟，結果都係揀反呢間家庭式經營小店。雖然舖面唔算好大，但個碗日式肥牛鍋真係好好食，足以令我食完又想再食。肥牛超足料，又跟碗飯又跟個烏冬，個湯底可以令人清晒啲飯👍👍係就係坐得迫啲，但勝在老闆娘服務態度真係好好，又好禮貌，舖面只得佢一個，乜都係佢做都甘好笑容，可能就係因為甘令呢間小店既回頭率好高。今次又係就食晒先記得又冇影相，下次再去食先補相上尼😋

是日唔舒服早退，睇完醫生去叫個外賣返屋企。落單後位姨姨叫我轉頭返黎拎，咁我就返上樓坐一坐先，大概7-8分鐘後落返去，話未有。咁唔緊要啦，我諗等多幾分鐘就會有。當時已過2點lunch time, 我入去時一個客都冇，我話咁我坐低等。位姨姨話：「你外賣啊？你喺出面等。老闆唔俾坐。」我o哂咀...無謂要人難做，唯有出去啦，雖然呢幾日回暖咗啲，但未食藥嘅我喺出面打哂冷震。人多就話唔俾坐啫，一個客都冇，咁唔識做，我都係客來架有俾錢架....真係好無奈。食物ok中等水平嘅，啲服務員都禮貌，係唔俾坐呢條規矩....🤦🏼‍♀️

美景花園早餐最佳選擇。店面雖小，難免會有啲擠迫，但總算坐得舒服。有哂普通荼餐廳提供食物:餐蛋麵,工司麵，飲品就有咖啡,檸檬茶,奶茶,蔡蜜等等。味道不差，不過有時唔知可能老闆太忙，啲公仔麵會未熟，有啲硬。有時啲抄公仔麵會好硬好鹹啲雞又會好硬諧霎霎。食完成好油，不停飲水都吾得。推介沙律蛋三文治，又夠料又鋪得夠平均，啖啖都有沙律蛋啲食物價錢較平同合理