影片
以上資料只供參考, 請與餐廳確認詳情
有關獎賞計劃
今日放假，去將軍澳山見食返個放題開心一下。一入去就有賓至如歸嘅感覺，因為餐廳經理好用心介紹每一個位置有啲乜嘢食，服務細心又周到。呢排餐廳推出嘅主題係港式情懷，有好多特色港式食物可以選擇，例如：煎堆仔、街頭格仔餅、咖喱汁深海魚蛋、碗仔翅、白果腐竹鵪鶉蛋糖水等等。我和朋友選擇了鴛鴦鍋，湯底分別是芫荽皮蛋豬骨湯和椰子雞湯。芫荽皮蛋豬骨湯香氣四溢，椰子雞湯則帶有淡淡的椰香，湯頭清甜可口。卡樂BEEF（牛五花）：油花分佈均勻，煮熟後肉質軟嫩，帶有豐富的肉香。美國穀飼黑毛豬：口感細膩，油脂分布均勻。嫩肩里肌肉：肉質緊實卻不失嫩滑，好味道。台南烏雞玉卷：超鍾意呢個這道卷餅，雞肉鮮美，富有特色。砂爆魚肚：魚肚鮮嫩，口感滑潤，吸收了湯的鮮味，讓人驚喜。黑毛肚：牛肚有嚼勁，而且唔係好多地方有得食。羽衣甘藍菠菜粉果外皮柔韌，味道清新，非常特別，絕對係必食嘅item。另外我哋都叫咗幾款經典台式小吃。另外都有一啲台灣特別小食都好吸引，例如炸九層塔花枝丸、台灣葱油餅、蚵仔煎。台式手工麵線：麵線滑順，湯頭香濃，自己可以加配料，鍾意點整就點整。滷肉飯：滷肉醬汁濃郁，吃上一口令人倍感滿足。蚵仔煎：口感酥脆，蚵仔新鮮，搭配特製的醬汁，味道不錯另外餐廳嘅蔬菜種類有好多特色小食，亦都款款吸引，而且仲有手工雪糕同埋無限探索甜品區。食完之後仲有代幣可以扭蛋，又食又玩真係好開心！
繼續閱讀
山見台式火鍋價錢: $328好味程度: 4/5服務🍴: 4/5 (店員執枱速度幾快，亦冇漏單)環境🗾: 3.7/5性價比🥢: 3.7/5回頭率😚: 3.7/5-近年喺好多商場都見到呢間火鍋店，今次終於都試吓。山見台式火鍋有5個價位嘅套餐，試咗個Level three嘅中間級數，可以食到92款野食，牛肉都有幾款，過得去。行完一個圈覺得佢哋特別嘅位係比較多台式小食、熟食同埋飲品。成個櫃係擺到滿晒。-✅牡丹美人鍋。牡丹美人鍋其實係花膠雞湯。頭一轉嘅湯特別好飲😌但味道唔算太濃郁，輕微飲到滋補嘅感覺，湯底入面有少量花膠同埋雪耳。要嚟打邊爐唔會太重味，同埋唔係好肥膩。之後加湯都會加返啲雞湯落去！-✅肉類。主要食嘅四款牛肉都OK，月見封門柳瘦得來唔會好韌，用雞蛋撈過肉質滑啲☺️薄切牛舌心輕輕一灼已經食得，爽口。牛爽腩比較瘦，有牛味。嫩肩里肌肉肥瘦適中啲，肉感軟熟啲。-✅配料。出去又可以攞嘅配料區，例如普通啲嘅丸，各類蔬菜菇菌等。當然有最鍾意嘅台灣水蓮，同埋冰菜😝可以叫配料都幾多，海鮮嘅沙白超好食❣️冇沙又肥美。脆肉鯇都唔腥。仲有好多特別嘅配料例如竹笙包蝦滑、黑松露墨魚滑、鹹蛋黃蝦丸、響鈴包墨魚膠、黃金魚皮等等。估唔到啲蝦膠類幾多，蝦丸大粒彈牙、蜂巢豆腐吸湯、蛋餃夠晒台式古早味。-✅小食。試咗好多款小食，特別嘅係例如有台灣麵線、蚵仔煎、蝦多士、糯米腸、台灣腸。其中印象最深刻嘅係麻辣鴨血好軟嫩又入味！蝦多士夠脆，都幾多蝦膠。蚵仔煎都唔算太一patpat🤓熟食試咗豬手，都好入味。同埋滕椒烤魚，唔腥。-✅✅飲品甜品。佢好嘅位唔係食啲好貴嘅款式，但係種類好多。甜品有刨冰/仙草，跟住可以揀唔同配料，例如芋圓、蘆薈、紅豆等等加落去！雪糕雪條方面有melona/ bulla/自家製雪糕，啲味道好特別🥰試咗話梅味，真係好酸好夠味！仲有茉莉茶味同埋冬瓜茶味🤣 另外飲品都比較多台式嘅包裝飲品，例如仙草爽、紅豆薏仁水、荔枝梳打等等。-都算係幾好嘅台式飲食火鍋，款式夠多，環境方面覺得比牛大人嗰啲空曠舒服。如果想轉換下口味又行開商場，呢間可以諗吓😋
繼續閱讀
最近我去咗一間台式火鍋店，佢地嘅食材非常多樣化，有好多特別少見嘅菜。我揀咗level 1嘅set，覺得豬肉好食過牛肉，肉質比較好，另外，醉雞都唔錯，食落好有酒味。不過，鹽酥雞就有啲失望，可能炸得太耐，食落好硬，不推介。小籠包就非常多汁，皮薄，咬落會爆汁。甜品至於冬瓜茶味雪糕，個人覺得有啲太甜，可能唔係每個人都鍾意。但係醫汁同飲品方面，選擇真係好多。📍山見台式火鍋 (將軍澳PopCorn店)將軍澳唐賢街9號PopCorn1樓F10號舖
繼續閱讀
第一次嚟試食台式火鍋，環境非常好，員工服務非常親切，嘗試咗呢度嘅A4和牛油花好靚，下次應該會試吓lv5，同埋都有好多湯底選擇，呢度啲小食都好有水準，推薦大家利是吓
繼續閱讀
我哋今日去咗將軍澳嘅山見火鍋食飯。對於當中嘅食物，服務及環境都好滿意。相比日式火鍋，我哋更喜歡多種好選的台式小食。小食的種類比想像多，小朋友很喜歡鹽酥雞。有部分飲品沒有放入凍櫃係細心的做法，始終有客人唔想飲凍飲的。但亦有少少意見。我哋見到個火鍋鍋具，已經花晒啦，保護層都有脫落。而鍋具好似係鋁金屬做。鋁金屬接觸到酸性湯料，係會融入湯中。鋁金屬對大腦好有影響，係唔適合喺保護層有剝落嘅情況下繼續用作火鍋鍋具。
繼續閱讀