岩盤牛扒ミディアムレア ステーキ (Mikiki)

營業中

休息中

位於Mikiki的岩盤牛扒全店採用全自助形式首先自行搵位，落單時選擇想要的牛扒和份量，再選擇配菜，加$30可從（白飯/味噌湯/飲品/沙律/温泉蛋/雪糕）選擇其中三款。200g牛柳份量也不少，剛上鐵板時可看到粉紅色只有約四成熟，切開牛扒成塊放在鐵板上可變成六成熟，按個人喜好。可加蒜蓉令牛扒更香，入口無筋而且肉質鮮嫩，以這個價錢相當抵食另外也可選擇丼飯，加$28選兩款配撘雪糕方面，每日有不同味道暫時試過海鹽味最好味牛奶味重而且雪糕非常順滑士多啤梨味不過不失沒太大驚喜香芋比較普通而且太甜希望下次可以嚐試朱古力味由於是自助形式，記得離開時要收拾並放回餐盤店內環境不錯亦算闊落，是不錯的牛扒店

餐廳係專食牛扒既，係用gram 黎計錢，亦有好多唔同既款，好似和牛，rib eye, 西冷都有，我就叫左西冷。佢最少要叫200g,加$30有個餐，可以叫味噌湯，汽水，沙律，溫泉蛋等等當中揀3款，平日既3pm -5pm有九折。而配料就可以揀洋蔥、蒜或者蔥當中揀一款。點餐係自助形式，係響出便買完佢會切比你睇，再自助咁拎。叫左個西冷跟餐，個西冷用鐵板盛住，為左避免咁快熟，佢響底層都鋪左D粟米。岩岩到果陣個牛扒生熟度好岩，又煎得夠香火喉亦好，不過放耐左即使有粟米都難免過熟，所以記住一上就要即刻食咁好食既牛扒。

每次去mikiki，都會經過岩盤牛扒，係超級市場入口已經聞到好香既鐵板燒牛肉味，但無奈次次都係食飽先行，今次終於食到。牛扒有 7 種選擇，一般牛扒好似西冷、肉眼、牛柳都有，連封門柳都有，而且重量 (即價錢) 由自己選擇，例如200g或300g按重量計💰黎得食當然要試下d特別野，所以我地叫左去封門柳(1g=$0.64)，而封門柳最低消費係300g，即係$192。我地今次叫左31xｇ封門柳，再加$28轉做set ，可以有3款小食。我地就叫左個汽水+沙律+溫泉蛋。封門柳位於牛的橫膈膜的肌肉，佢既肉質鬆軟，不易變韌，而且牛肉味極為濃郁👍🏻而我同朋友試過其他餐廳既封門柳後都俾呢個部位吸引，可惜今次既體驗換黎失望😥封門柳最正係食佢既牛味，但呢間封門柳牛味好淡，加上咬落去肉質好韌，我地雖然牙力好但都要咬好耐先咬到。🤭而牛扒既汁有三款: 蔥油，洋蔥油，蒜油我地揀左蒜油，蒜油味的確係幾出色 ，唔會有過熟既苦味。但唔知係咪店員覺得牛肉味淡，所以加左好多蒜，蒜味完全蓋過淡淡既牛味😂200蚊左右一塊封門柳就唔太值，而我地食完後上網睇過唔同食客評語都話佢地肉眼西冷性價比幾高，所以下次如果再試應該會試其他部位🤔

我哋一放假就會周圍搵嘢食㗎啦🤭反正未去過新蒲崗，就搵下搵下openrice 有乜好嘢啦！點知搵到間食牛扒喎😋 食評都讚好都唔會差得去邊，最重要唔太貴呀👏打電話去問先知原來做walk-in 客🤔冇問題啦喺怕會多人啫。真係要讚賞~服務生~好有禮貌態度又好👍👍👍👍我哋由旺角出發都成2：00先去到😁去到都唔難搵既。原來喺自助式落單，因為第一次食啦，又唔知點叫，不過收銀員好有耐性解答我問題，選好牛扒種類後再秤下幾重計價錢+$28選3樣配搭後就坐定定等食🤭。其實算平㗎啦，又好食。起碼唔使自己煎和洗😁

餐廳主打可以自選唔同部位 而且店員喺你面前即叫即切要幾厚隨你話事 再每克重量去計價錢 叫咗個西冷扒外皮煎得香脆 上面加上海量蒜蓉非常惹味 而且牛肉味濃郁 食落口唔太油膩 配埋沙律同飯一齊食完美嘅晚餐

岩盤牛扒ミディアムレア ステーキ牛柳 200g 🥩($84) 7.5/10比想像中多牛柳，而且牛味重又夠嫩，食落唔靭👍🏻 反而個醬太重口味，食落好鹹，寧願落翻鹽或者就咁食🙈 另外佢本身可以揀配 生洋蔥、蒜蓉或者青蔥，我揀咗蒜蓉，食到後面唔小心有啲燶會變苦😵‍💫 白飯/ 雪糕/飲品🧃(+25 轉set)9樣入面揀3樣，其中有3樣要額外再加錢。白飯份量唔算多，細細碗咁不過幾軟糯。飲品都係啲紙包同罐裝飲品。牛乳雪糕（雲呢拿味）🍦5/10唔知係咪真係牛乳，食落好似雀巢個種，好多糖好甜但牛乳味唔重，食落都唔滑。 雲呢拿味都偏假，好一般。和風咖喱吉列牛柳丼🍛($78) 6/10份量相當多，啲飯多到成座山咁🍚，吉列牛杓柳都唔少。 可惜，咖哩味道唔okay，好酸🥲 佢又唔係變壞咗個隻酸，而係佢個調味真係好酸。吉列牛柳都好一般，本身塊牛幾重牛味，但偏靭，食落變香口膠😬同埋佢吉列塊皮骨肉分列得好嚴重，剩係夾超佢塊吉列皮已經碎成三四段🦴沙律+飲品 🥗(+$15 轉set) 7/10沙律都係椰菜、小蕃茄、沙律菜，幾大碗，而且夠多汁，酸酸甜甜幾好味😋Extra comment 🖍：•食食下嘢有幾隻烏蠅飛黎飛去，

呢間餐廳係計你落咗幾多gram同埋唔同質素嘅牛肉就計算你需要畀嘅價錢餐廳內部環境同埋座位就坐得普普通通我就試咗一個牛肉飯午餐套餐牛肉質素一般般有少少鞋㖭但係份量足夠配菜方面嗌咗個日式泡菜都ok仲包埋一罐0系可樂同埋麵豉湯早知應該跟返個friend嗌牛扒要個medium rare我見佢食得都幾滋味價錢方面都算幾平80蚊左右都食到個午餐如果唔計加個配菜嘅話我記得帶嘅60蚊左右起都有個午餐食Overall 一般但係都值得一試同埋可能係冇嗌到佢哋嘅牛扒所以未試到佢嘅最好食嘅嘢

假如你係牛扒愛好者，呢一間餐廳真係你行過路過唔可以放過。因為佢哋煎牛扒嘅味道充滿整個店舖，而且呢一間店舖主打用日式牛扒店嘅方式運作，好耐唔可以去旅行去日本嘅朋友們，都可以懷緬去日本嘅感覺。首先，你先睇餐牌自己要食邊一款牛肉，跟住有咩份量，有咩醬汁行埋去人哋就幫你安排，係你面前次俾你睇，呢一種方式可以按你胃口嘅大細決定，人係要有自由嘅，跟住有塊石板托住你想要嘅牛扒，然後自己搵位座，整個過程都要自己照顧自己，咁快石版熱辣辣咁你就繼續享受你返牛扒，記住，如果塊石板唔夠熱燒唔熟你塊牛扒，你可以叫佢換㗎，不過有時眼闊肚窄叫多咗真係仔仔地㗎 ！不過對於食肉獸來講係開心嘅！💋💋😍😍👏🏻👏🏻🙏🏻🙏🏻

經常去Mikiki行街， 商場內的餐廳都食得七七八八， 今次到岩盤牛扒吃午餐， 店內是日式自助取餐， 也提供收餐盤區。餐廳主打牛扒🥩， 可以即切即磅各種不同的牛扒， 全部按重量標價。除熱石燒外，亦供應多款丼🍚， 今次就試下燒肉眼丼$70、 溫泉蛋燒牛丼$50、丼套餐 X2 $30。 🔺燒肉眼丼🍚🍛 ～ 肉眼的味道香濃，肉質非常軟嫩。 🔺丼套餐🥣🥤 ～ 升級套餐有餐湯和飲品， 羅宋湯味道濃郁， 非常足料。 飲品有幾款選擇， 我選了蘋果汁🍎和蜜糖檸檬汁🍯， 兩者都好飲。 🔺溫泉蛋燒牛丼🍚🍛 ～ 燒牛肉好惹味， 配上香滑的溫泉蛋🍳，好正！ 兩款牛丼味道都不錯， 下次要試下熱石燒。

今次選擇咗西冷牛扒，同師傅講話要400g，最後師傅成功切左383g，ok la算合格啦爭17g啫。今次既西冷牛扒比起上一次食既後腰三角肉香，無論係肉定係油都比較香。不過可能塊西冷牛扒又大又厚，要切開都唔係好夠位，搞到啲粟米、洋蔥跌曬落張枱，還是塊石板太細？！不過我始終對套餐既飲品有啲微言，汽水真係太細罐，兩啖就K.O.咗，點解唔可以係正常size呢？！感覺好似好小家咁😅，雖然係有三個選擇，你可以選擇兩罐可樂又或者三個選擇都係可樂，不過一般人應該都唔會咁做

❤️封門柳：食落去帶有甜味肉質滑溜，可惜中間筋位太硬。🧡西冷：有牛味肉質一般，同街市買到嘅差唔多。💜肉眼：反而有驚喜肉質鮮嫩多汁。「封門柳」：牛肚腩裡面的橫隔膜肌肉，腩群筋膜包著的，一頭牛只得一條封門柳所以稀少矜貴。………………………………………………………………………………..

今日入新蒲崗覓食一於試吓Mikiki嘅【岩盤牛扒ミディアムレア ステーキ(Mikiki)】呢度嘅牛段g去計大概1g幾毫子🛎食物:ღ肉眼ღ(💰1g=$0.56)ღ西冷ღ(💰1g=$0.58)你只要落order嘅時候同佢講你要幾g200g起跳我就order肉眼200g、西冷300g師傅落刀切咗幾多就會問你o唔ok都切得幾接近因為佢切咗208g肉眼同317g西冷我(即係💰$116.5、$183.8)仲可以加💰$28配成套餐(於白飯、餐湯、沙律、溫泉蛋、雪糕及汽水中任選三款)然後佢會問埋你要幾成熟我要求7成熟但因為係鐵板上所以拎得返埋位、影得相、切得嚟其實已經近乎變全熟略嫌韌咗啲🛎環境枱與枱之間沒有充足空間座位逼夾

之前經過左幾次都聞到好香 一直都好想試 終於今日同朋友走左去食Lunch 我地大約2點幾去 人唔算太多 所以唔洗點等位就入得。佢係自助形式咁，先去cashier 睇menu 落單，再自己取餐我地分別叫一個雙溫泉蛋燒牛don 跟套餐同埋一個西冷扒跟蒜油雙溫泉蛋燒牛don + 套餐(+$15)。$90燒牛係岩岩好，唔會太老 牛肉汁亦唔會太多。有樣野好值得一讚係啲飯好好食！軟硬適中，唔會太濕 就算撈埋啲牛肉汁都岩岩好！😍套餐就只加左飲品同沙律西冷扒跟蒜油 + 套餐(+$28)。 $220西冷扒好正！取餐既時候 聞到爆香既蒜香味已經覺得好正！到切開，佢既生熟程度係岩岩好！我落完單先醒起唔記得講要幾成熟 本身仲好擔心會唔岩食🙊 套餐就揀左飲品+沙律+湯總體黎講，係會再去食既一間餐廳！😆😆😆

去左朋友家眾下，mikiki晚上食滿100元就可泊車3小時，咁岩係附近就泊入去好方便，之後就搵到呢間medium rare steak ，都幾好食呀！入到去係日本feel嘅扒房，木裝修同sofa 櫈，幾舒服，見到一份份牛放在廚窗度好新鮮，揀了肉眼扒，師父就當住你面切塊扒比你幫你整！吾洗一陣就可以自助區拎返個餐，好香，肉很重牛味，而家岩岩5成熟，一切落去仲見到紅肉，好食，仲有肉汁！佢係鐵板上碟，所以塊扒都keep住熱，另有醬汁可加上去，咸咸地又甜甜地，加左更加惹味！仲有少量粟米在旁。我揀左一碗飯配來食岩岩好！飯都好食，又熱又軟綿綿，同牛一齊食好舒服！之後仲有雪糕飲品，雪糕不得不提好食！一開出嚟好靚嘅綠色蜜瓜味！又吾會雪得太硬食吾到！事前係比卷你，可以食完扒自己先去拎雪糕！覺得幾好！整體感覺好好！好味道價錢合理！推介！

好好食丫！！呢間都見到有分店嘅扒房！今次第1次食！好正！樣樣都好滿意！呢間叫medium rare steak，我係mikiki一田旁邊呢間食嘅，裝修都好靚！整齊又舒服，先係counter買野食，step1係揀食乜扒先，有牛柳，肉眼，西冷，日本和牛等等，有晒每g幾時嘅價，揀好食乜就揀分量，可揀200g 300g 400g，之後就揀乜油整：有蔥油，洋蔥油，蒜油，之後加28蚊就可再揀3款食物！好正1定要加，有沙律， 麵豉湯，飯，雪糕，蛋，野飲等等。揀好就比塊電子板，你就自己揀位坐，電子板震同響，就去自助區拎餐！順帶一提，點完食乜肉同份量，旁邊即刻切你份牛出嚟同有個磅磅比你睇嘅，好均真架，見住自己份牛一陣就食得感覺好正！講返個牛，我揀左肉眼，300g，拎餐時炸炸聲，熱辣辣好香，諗起都流口水，一切份牛真係medium rare啊，好味道啊！我跟左飯野飲同雪糕，全部都吸引好食！野飲冇記錯都有6款，都係汽水罐裝果汁等。食完扒，就可以拎住雪糕卷拎雪糕，雪糕正丫！係大阪牛乳的雪糕仲要係蜜瓜味，好食！呢間好食，會再一次食先得！下次吾食扒可以試下丼先！