岩盤牛扒 ミディアムレア ステーキ (香港嘉里酒店) (已搬遷) 新店位置

嘉里酒店1樓酒係food court 。主要係木系裝修，有好多吧枱坐。以酒店的價錢來說，食物唔貴，仲可以望到海景。食完飯都可以去海旁散步睇維港景色。以前有live 睇，所以都有賣酒。環境和氣氛都令人好chill。 肉眼200g+蘋果汁+飯+雪糕 （$213+30+5）廚師會幫你選幾多成熟，然後放係鐵板。肉眼邊都有少少脂肪部位，所以有好香的牛味，仲要佈滿大量的生蒜。牛肉大該5成熟左右。加30元可以另配3項（食物或飲品）。雪糕的牌子在香港比較少見。

日本控如我，覺得黃埔真係一個唔錯嘅shopping好地方，有日資超市、百貨、雜貨，最近仲開埋Donki，Shopping完諗住行去海邊吹吓海風，睇吓日落，傾吓計。原來週末嘅碼頭有好多人喺度釣魚，此地不宜久留，周圍望吓有咩地方可以Hea吓，就俾我地見到ステーキ🥩貫徹今日嘅偽日本遊😁，食個日式晚餐都好。循住招牌方向走，原來係嘉里酒店，仲發現呢度有個大平台，一樣可以望海，吹海風，環境超正。平台左側係嘉里酒店，而右邊竟然係類似foodcourt嘅多間食肆，ステーキ 牛扒店就係身處其中。喺平台hea左陣，我地入左foodcourt搵扒食，同朋友各自揀左個鐵板套餐，牛有唔同部位、重量選擇，我地都揀左中間size嘅300g，一份要左肉眼，另一份就要西冷。搵左張靠近窗邊嘅大枱坐低，呢度環境真係好唔錯，有種美式好free style嘅酒吧感覺，三五知己喺度聚餐應該幾好，而我地揀左窗邊位，雖然同海邊有d距離，但都可以望到維港對岸嘅高樓燈光，香港真係好靚。講返個套餐🍱，只要喺牛扒價之上加$就可以轉套餐，我地都係揀基本嘢，🍚飯、🥣湯、飲品，咁+$30已ok。先要讚餐廳嘅細心💕，個汁唔會一早幫你淋喺扒上面，而係

今日去了紅磡海邊閒逛，遊走於兒時常到的紅磡碼頭，雖然它已改了數次位置，也能認出它。此處亦是勁騎與良師好友玩玩具電單車的位置，當然要行一圈。 肚餓了就入到嘉里酒店的美食廣場，朋友指當中有一間唔多人認識的靚牛扒店，所以就尋寶去，一邊食，一邊欣賞海景。場內有不少遊樂設施，供客人使用，真心大人細路都會好鍾意。 在此＜岩盤牛扒 ミディアムレア ステーキ＞內，展示了不同牛肉的位置，供客人選擇喜愛的位置，仲可以就自己食量選不同的【克】數，輕量級可選200g，中量級可選300g，重量級可選400g。我們當然係輕量級參賽者。 肉眼牛扒+套餐（紫菜麵豉湯，日本米，橙汁）：大大份牛扒，牛肉味濃，大量蒜泥，超級香，用刀一切就開。 西冷牛扒+套餐（紫菜麵豉湯，日本米，橙汁）：服務員送餐來時，就已聞到那香味，西冷牛扒油脂足，剛好中間粉嫩，就是一口一口接不停。秘境美食之處，靜中帶旺，交通便利，下次再嚟食。

假日唔想同人迫， 黎嘉里酒店既food court就一流無敵海景，日與夜都別有一番風味依家天氣涼涼地， 坐系outside 食飯， 超級爽。室內仲有一個game corner ， 有鏢機， 桌球枱同足球枱，黎呢度食下玩下，可以hea足一日 。最重要系呢度既價錢仲要平靚正今日食左呢間岩盤牛扒牛扒既部位有好多選擇， 仲要放哂出黎俾你揀，連份量都有得揀。加30蚊 仲可以upgrade 做套餐，跟多3款野。 有飯，沙律，飲品等等揀⋯⋯所謂岩盤，就是石燒。 將牛扒放在燒熱的石上煮熟， 而牛的生熟程度可以由客人控制。 呢度既岩盤雖然細細塊，但熱力非常足夠👍🏻 今次揀左草飼牛西冷，極有厚度。邊上帶有非常厚的脂肪，入口很有牛肉的質感。配上蒜蓉及自家制燒肉汁，非常惹味👍🏻 值得贊下跟餐的沙律，飯同飲品都好有質素。白飯是日本珍珠米， 煙靭有飯味👍🏻 沙律份量勁多， 唔系求其俾幾塊菜個種跟餐的飲品都系日本飲品， 今次揀左柚子檸檬，酸酸甜甜，非常開胃。 以百幾蚊食到呢個質素，非常超值👍🏻

朋友係外國回港渡假，我見朋友仔仲有D時差關係，所以免得佢太累，專登去佢住嘅嘉里酒店就搵佢hea 下👍估唔到係洒店內都可以有咁平靚正嘅食店，不但可以有個無敵大海景嘅環境，你可以自由選擇坐吧枱或普通枱都得。點餐極之放便你可以係枱面掃一下個QR code 就可以了！我叫咗一份西冷牛扒配海帶湯、沙律仲有咩飲品😊西冷牛扒係鐵板上架，好香嘅蒜蓉味，而家件牛扒份量十足，香味撲鼻，肉質鮮嫩多汁，咬落口感唔錯吾靭，加埋D醬汁冋生蒜，超好味！加埋個菜絲沙律大滿足😍冇諗過咁平嘅價錢可以有個咁好嘅地方👍朋友係外國回港渡假，我見朋友仔仲有D時差關係，所以免得佢太累，專登去佢住嘅酒店就下佢！👍

大家都知我哋最鍾意去Kerry Hotel...個food court🤣 最近發現佢哋開咗一間專食牛嘅，梗係要即刻試！雖然係food court，但係呢度絕對坐得好舒服，又有勁靚嘅海景，又有一大片草地。室內仲係行工業風嘅裝飾，地方寬敞，好適合一家大細嚟，通常如果秋冬天，我哋都會坐出邊，不過而家咁熱，就梗係坐入邊有冷氣啦！係display櫃到揀好要乜嘢，total有六款牛部位可以選擇，店員就會幫你切牛扒，你亦都可以同佢confirm重量，因為每款可以選3個唔同重量(200g, 300g & 400g)。我最後要咗個300g sirloin （$219）。牛扒會用鐵板上，重肉味之餘，質感亦都好好，有肉汁，又唔會乾硬，亦都唔會林啤啤，加埋上面啲蒜蓉一齊食，正呀。店員另外都會係側邊比個汁你in case想要更加濃味。如果要set （+$30）,可以揀要湯、飯、溫泉蛋、salad、飲品或加錢要雪糕、波子汽水或三文魚籽海苔溫泉蛋飯。今次食得好飽，下次會試埋個櫻花牛肉don, $80-$85就有得賣單。

紅磡嘉里酒店百味村food court內嘅岩盤牛扒新店，環境闊落多座位！深秋天氣更涼爽嘅話、坐室外睇住碼頭海景食嘢簡直無敵chill！坐室內一樣望到靚維港景牛柳200g 配蒜蓉栗米 (+$30 轉套餐)- 沙律 + 溫泉蛋 + 檸檬蜜糖罐裝飲品 > 套餐幾抵食！揀好要邊個牛肉部位就用QR code落單，店員即刻切牛肉上磅量重，同佢講好枱號，整好後會送到你面前。一上桌鐵板“咋咋聲”肉香四射，牛肉約3成熟、靠鐵板熱力燒到自己想食嘅熟度。牛柳肉質柔潤軟腍juicy，牛味唔錯份量okay，想再飽啲可以配飯㗎！Salad淋咗日本芝麻沙律醬好味，對住海景据扒、坐得舒服又享受

餐廳環境闊落， 你可以選擇坐喺吧枱或者普通座位， 透過餐廳嘅落地玻璃可以一邊用餐一邊欣賞海景， 餐廳 open area 都提供咗好多嘅座椅，你可以喺天氣好嘅時候，坐喺外邊，咁就可以更加直接欣賞住海景 用餐。喺百味村裡面， 你可以選擇食泰國餐，日本餐， 韓國餐， Burger等唔同食物。 你只要用手機 screen枱面嘅qr code, order食物， 就會有侍應將餐飲送到你枱，非常方便。西冷牛扒喺鐵板上燒到少少焦香， 外層嘅油花好豐富，裏面口感軟腍，味道好甘香 。 一個味噌湯，味噌湯裏面有些海帶，口感順滑，唔會太鹹。夾埋一碗白飯配上西冷牛排，香甜軟糯的米飯加上牛肉的油香，食到停唔到口。地址：紅磡紅鸞道38號嘉里酒店1樓9號舖

喺嘉里酒店附近行街， 朋友介紹酒店有個food court 百味村， 裏面有好多間餐廳同埋酒吧， 餐廳裝飾設計呈工業風， 有桌球、飛鏢機等嘅設施可以玩樂，最值嘅係你可以坐喺窗口望住海景用餐，對面海港島嘅景色一覽無遺，令人心曠神怡。岩盤牛扒就係我今日去嘅餐廳啦！整個嘅西冷牛扒外層燒得香噴噴， 牛肉肉質細嫩 ， 肉汁好豐富 ，牛肉上層鋪咗滿滿嘅生蒜， 將牛肉切到細粒，沾埋生蒜，醬汁一齊食， 非常下飯。跟餐附送 一份沙律， 沙律係用咗椰菜絲配上沙律醬又爽口又juicy。 一個溫泉蛋，雞蛋晶瑩剔透，呈現半凝固狀， 放喺飯面撈飯食， 好好味。

呢間位於紅磡可以面對着無敵大海景佢哋主打牛扒有各式各樣嘅牛肉例如肉眼 肉質鮮艷 有味道唔會太硬身 好好食亦都配上佢哋嘅沙律佢哋嘅牛肉一大塊 好正的適合食牛扒嘅朋友們呢一間餐廳環境十足好正好優雅好舒服仲有啊好多人都好鍾意你食食物唔需要等太耐即叫即整 食物亦都10分新鮮肉質10分鮮甜可以配上飲品都好多人去食的 仲有呀好多人都好滿意的特別適合日本牛扒仲有啊價錢適宜 唔會太貴性比較高我都好喜歡呀我一定會再去食的好不錯的

喺牛排關注組發現呢間餐廳有優惠今日就同男朋友黎試下原來餐廳喺酒店嘅foodcourt入面環境勁好輕工業風有啲水管木枱布置室外有草地而且仲有海景添！場內仲有幾間餐廳同桌球飛鏢機同足球機玩不過要俾錢嘅我地先喺餐廳揀左食乜先然後經中央落單就可以自由揀位坐同餐廳講左坐邊度佢就會送餐我地都有望住店員幫我地切牛扒亦可以confirm個重量由於我地用左優惠可以升級套餐有得揀飲品同甜品勁豐富！牛扒略燒至五成熟就會出餐用鐵板餘熱再加熱即使食到尾都不至於過熟肉眼肉味香濃又有肉汁加上面層有啲蒜蓉一齊食好香口如果有薯條就正喇～🤤🤤🤤汽水選擇都算特別有啲日本汽水同波子汽水揀我地兩個大細路當然揀波子汽水啦～甜品有雪糕鋸完扒食雪糕好開心😍要多啲去牛扒關注組搵好西同優惠！

✨🥰每次嚟到Kerry都覺得好舒服好寫意🎐望住個海景🌊✨好平靜接放學之前嚟嘆下 嚟到Kerry一樓百里村搵嘢食呢到好大好有空間感仲有足球機 鏢機啱晒大人細佬chill下 我梗系食🥩岩盤牛扒🥩有咁多牛扒部位選擇肉眼🐮牛柳🐮封門柳🐮西冷🐮後腰三角肉🐮牛板腱 啱曬屬於牛人嘅我🤣真接喺肉櫃揀肉🥩🍴再喺面前切再煎全部都系自己揀自己決定要幾多分量🫶🏻300gm Rib-eye Medium rare🥩🥩🥩唔該 佢地個柚子燒汁醬配埋白飯🍚好夾 唔會太油膩 肉眼邊嘅脂肪真系好香好重油脂感 好好食加多$30就包埋味㬝湯🍲沙津🥗白飯🍱欣賞住個海景🌊✨我呢個快閃lunch 好滿足💞💞

上次喺第二度食過呢間唔錯所以今次再返黎食😋 今次揀左西冷✨西冷300g $219 配蒜蓉 + set $30一上餐聽到鐵板嘅滋滋聲好吸引😍😍 連隔離個小朋友都忍唔住走過黎話要食🤣🤣牛扒超大塊 大過我隻手掌 🤩 十分juicy 牛肉味幾香 連埋少少脂肪食仲正🤤 我勁鍾意食蒜蓉 覺得配埋蒜蓉食好香 如果唔鍾意食蒜可以揀蔥/生洋蔥都得 Set 可以任揀三樣我就揀左飯 味噌湯同埋蘋果汁 飯煮得幾好 軟硬適中 味噌湯同蘋果汁都好飲👍總括黎講味道幾好 環境好舒服好靚 坐位好闊落 仲可以望到海景😍 💰午餐人均～$240

一間food court 好做得出色，分分鐘舒服過餐廳，位於嘉里酒店1樓，坐擁無敵大海景，每張枱都有足夠空間比人放空吃飯，正👍食物方面叫左兩份肉，西冷同肉眼扒😍西冷 200g +味噌湯+溫泉蛋紫菜飯+沙律🥗：西冷係主打，肉質鮮嫩，配合特製醬汁好惹味，細細碗紫菜飯，好吃過牛x 😝肉眼200g +波子汽水+溫泉蛋紫菜飯+雪糕🍦：肉眼比西冷更多脂肪部位，咬落去陣陣牛肉香，口感鮮嫩多汁😍每個餐主打一份大塊肉再另配3項食物，都只係$200幾，仲可以望住個大海享受咁豐富既套餐，係假期一好Chill 之選😇😇

黃埔嘉里酒店，新開左呢間過江龍牛排店，即場即切即燒既鐵板牛，非常好味。我地一人叫左一塊肉眼同西冷，各300g（每塊約＄200幾蚊）。再配埋套餐都只係加＄30蚊任揀3樣野。我個人比較鐘意肉眼，佢既肉質細嫩d，加上店定用既牛係非常新鮮，所以一定要大推呢間，新鮮既肉係特別香嫩。同埋佢既海景都係一流，一邊食一邊望住個海，真係非常寫意，呢個價錢可以食到海景同咁靚既頂級牛真係超值，非常推薦中家黎食，食完再去行下海邊。