岩盤牛扒 ミディアムレア ステーキ (香港嘉里酒店) (已搬遷) 新店位置

今日女朋友帶我去黃埔行下，行到攰就諗住搵下有乜食，心思思諗唔到想食乜，誤打誤撞去左酒店附近，估唔到係酒店入面有food court，更加估唔到呢個food court 對住個靚海景靚靚海景。呢間牛扒可以比我地揀食幾多gram嘅肉，岩曬我食得多，女士們又唔洗叫完食唔曬怕浪費。300g 西冷 $219300g 肉眼 $213兩款肉都好重牛味，而且上枱係有埋鐵板，可以自己控制食幾熟。驚唔夠食仲可以加埋套餐，我就揀左溫泉蛋飯，食完真係大滿足！除咗飯之外仲有湯，沙律菜，飲品等等可以選擇，價錢方面CP值相對上都高。

你又知唔知黃埔嘉里酒店入面原來有Food Court，仲要係一個有海景嘅Food Court！我哋揀咗岩盤牛扒，佢有好多種類嘅牛肉可以揀，另外亦都可以揀食幾多份量，岩晒我同男朋友兩個唔同嘅食量！300g 西冷 $219300g 肉眼 $213牛扒用鐵板上，可以自行煎到有幾熟，不得不提牛扒上放咗一大堆蒜蓉，一開頭真係覺得太多，但其實鐵板仲熱可以炒下佢，香勁多！另外，男朋友加配咗溫泉蛋飯，勁好食！推介推介！📍岩盤牛扒 @medium_rare_steak_hk紅磡紅鸞道38號嘉里酒店1樓9號舖

嘉里酒店既dockyard近期做緊oktoberfest，有海景，仲有足球機飛鏢玩。既然一場去到，順便係果度食個岩盤牛扒做lunch。點左兩個 300g 餐，一個西冷，一個肉眼，見店員即場係凍櫃拎肉出黎切，強呀~ 透明度高同咁清晰，無其他類似既店係呢種做法。係五星級酒店既food court 除咗裝修靚，環境乾淨，坐得舒服之外，仲有工作人員送餐，幫你拎去你張枱~ 岩盤一上肉量好多，肉眼肉質較腍，西冷較有口感，有蒜蓉同粟米做配料，以黑椒味既調味，仲有個酸酸甜甜有啲似柚子味既醬汁幾特別~ 我哋叫左兩個都係 set 餐（+$30）所以每人可以各選三樣野： 一碗味噌湯，兩個沙律，兩個飯，同一隻溫泉蛋要黎撈飯食。兩個女仔絕對夠哂飽~

今日襯住放假到戶外走走，由北角坐下船來到紅磡，開始肚餓就搵搵有咩食，一搵之下，記得附近就係嘉里酒店，而內裡就有間食肆，早前要bookmark嘅岩盤牛扒 ミディアムレア ステーキ。細看餐牌，主打我最愛嘅牛扒呀！他們可供選擇嘅牛扒款式都不少：肉眼、西冷、牛柳、封門柳等…我當然挑選我最愛食嘅西冷啦！他們最出名就是即叫、即切、即燒，保證肉質新鮮！手起刀落，真係超厚身西冷🤤。坐低不久即時送上熱辣辣鐵板的西冷牛扒，加上$30-$48更可以自選三款食品。大塊扒 - 西冷牛扒大大塊西冷牛扒舖滿生蒜，香氣滿溢。切開西冷，生熟度剛剛好，牛扒肉味濃郁，有嚼勁，油花不算多，但勝在分佈平均，口感有彈性。，啖啖肉，認真滋味。鰹節海苔温泉蛋丼胃食嘅我選了這款丼飯其實真係非常抵食，當中有蛋味香濃嘅温泉蛋，更有鰹節/海苔的咸香，最後還有鮮味十足嘅三文魚籽，真係無懈可擊的丼飯。最後不得不提那「岩盤牛扒」那無敵海景，一路食一路欣賞窗外嘅景色，飽覽維港美景，真係讓人心曠神宜。

岩盤牛扒ミディアムレア ステーキ（紅磡）📍紅磡紅鸞道38號嘉里酒店1樓9號舖🍾 用餐體驗及環境岩盤牛扒係嘉里酒店百味川其中一間餐廳，一嚟到就好鍾意呢個地方，裝潢格局有少少西部牛仔feel，地方好寬敞，室內平台位置都有座位，可以欣賞吓個風景吹吓海景，好舒服🥰🥰🤍 肉眼牛扒300g套餐 $213+$30呢塊肉眼牛扒望落已經好吸引，食落肉質軟腍，脂肪比例都好平均，又有油花，正正係我想食嘅味道🤭牛扒上面仲鋪咗一層蒜蓉粒，配牛扒食真係好match👍🏻最欣賞嘅係牛扒會放喺一塊熱辣辣嘅岩盤上面，完全保留到牛扒嘅溫度🔥😋見到menu可以加配溫泉蛋，而我對溫泉蛋真係無抵抗力🤣溫泉蛋煮得恰到好處，蛋黃食落流心狀咁，配埋醬油食真係好好味😍另外都加配咗沙律同味噌湯，值得推介！味道 🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟

整個9月都處於一個心情不佳嘅狀態,係時候出去散下心轉換下心情!星期日早上做完野後,就去左附近嘉里酒店嘅Food Court百味村食野!呢度都幾多野食,今次我就試左呢間新開嘅日式鐵板餐廳!揀好座位後,就可以喺落單時同職員講埋,餐點就會由專人送上架喇🥰呢度仲有海景位添🤩今次我就揀左牛柳,價錢係按重量收費,所以可以揀返適合自己嘅份量!我另外都加左錢轉套餐☺️分別揀左溫泉蛋、湯&飲品!🌿牛柳牛柳用鐵板上夠哂熱,牛柳上有一大堆生蒜蓉,個人建議可趁鐵板仲熱時放落鐵板”炒一炒”,可令蒜蓉更香口,牛柳食落好柔軟,配上佢地個醬汁,食落酸酸甜甜好開胃😍🌿溫泉蛋用上醬汁 & 七味粉調味,令味道層次更豐富👍🏻🌿味噌湯口味偏淡口,內有大量昆布,絕對係健康之選✨🌿自選飲品我揀左蜜糖檸檬果汁,夠哂潤喉啊🫶🏻

🍼用餐體驗及環境今日同朋友去咗黃埔行街，行到攰就去咗嘉里酒店嘅百味川醫肚，見到呢間岩盤牛扒都幾吸引，百味川地方好空曠，有室內室外嘅座位，鍾意坐邊都得，最令我驚喜呢嘅係度可以望住海景見嘢，夠晒chill😍🍼 西冷牛扒300g套餐 $219+$30平時食牛扒就鍾意食西冷，今次都揀咗西冷，西冷新鮮切完會煎熟咗先，上碟就會用一個熱辣辣嘅岩盤放住，可以keep住熱辣辣咁食🤭西冷牛扒肉質比較有嚼口，牛肉味相當濃郁，亦都食到有油花，可以配埋燒汁食，好好味👍🏻套餐仲可以揀三樣，我就揀咗蘋果汁，味噌湯同溫泉蛋，味噌湯嘅調味唔會太濃，淡淡哋幾好味，而隻溫泉蛋真係好好味，浸喺醬油上面，一啖啜入口，蛋汁濃郁🥰

紅磡海景酒店鐵板牛 — 岩盤牛扒今次去呢一間岩盤牛扒，係位於紅磡嘉里酒店嘅food court裏邊，環境裝修走工業風，好有格調 仲好闊落好多座位，而且行出去仲會見到海景，同場重有桌球機同飛鏢機🎯今次叫咗佢哋嘅肉眼扒300g（$213)試下🐮加$30可以揀埋套餐，包咗白飯/沙律、飲品同麵豉湯～牛扒本身係三成熟，然後等鐵板嘅熱力慢慢燒到你想要嘅熟度，牛扒份量適中，質感唔會好韌，底下舖滿曬蒜粒，加埋燒汁一齊食好惹味，配埋飲品🥤沙律🥗麵豉湯🫕就好飽肚！

相信大家對石燒牛扒都不會陌生，今次岩盤牛扒於紅磡嘉里酒店開新分店。另加$30可升級至套餐，可於8款食物/飲品之中任選3款，選擇多而有彈性！所有牛扒款式都擺放好在廚櫃，讓客人一目了然。挑選自己的心水牛扒，店員會即叫即切。眾所周知嘉里酒店坐擁一望無際的維港景觀，客人可以邊飽覽維港景色邊享受牛扒。300g的牛柳相當厚身，咬下去肉質軟腍，牛味頗濃，配上蒜頭及自家製燒肉汁，相當惹味。溫泉蛋水嫩無比，蛋黃一戳即破並澎湃地湧出嚟，蛋味香濃，鮮嫩可口，加上鰹節碎、海苔和三文魚籽，鹹鮮惹味，佐飯一流。喝著波子汽水，望著藍天白雲和一望無際的大海，份外清爽寫意。

最近黎到黃埔Aeon 買bb野，順便黎到喺嘉里酒店食lunch🥰 酒店入面有個food court 百味村， 今次揀左岩盤牛扒，入面有海景，可以一路食lunch一路望住個靚景，好chill👍餐廳專食牛扒既，係用gram 黎計錢，種類多多，有西冷、rib eye、牛柳等，今次叫左西冷牛扒餐❤️minimum 要叫200g，另可以加錢轉餐，有飯、飲品、味噌湯～ 配料可以揀洋蔥、蒜或者蔥🌟今次西冷牛扒跟餐，熱辣辣鐵板盛住，底層亦鋪滿D粟米🥰 食落牛扒生熟度岩岩好，食落啖啖肉，肉質細嫩，而且又juicy，撈飯一流👏值得一試🙂

前幾日經過food court，忽然聞到好香嘅鐵板燒肉味，最終都係忍唔住揀咗呢間食個下午茶。本身以為酒店樓下會好貴，但睇個menu，又真係估唔到咁親民喎！呢到有好多唔同牛嘅部位，如果唔知揀咩好，估唔到店員會慢慢同你解釋各個部位嘅分別，值得讚👍🏻呢度都夠特別「想食幾多就磅幾多」～ 因為牛扒係按重量計價錢，揀好店員會即時喺你面前磅夠數，手起刀落，好快手就切好同處理好。我覺得咁樣好fit食下午茶嘅我😬 （平時的話，多應該會切夠500g🫣)🌟肉眼扒套餐 我揀咗肉眼扒，因為肉眼脂肪比例正常係較高，比較啱我食。 我就另外+$30轉套餐(可以揀3樣野：沙律，溫泉蛋，麵豉湯）店員話如果落單冇特別要求，通常預設係5成熟，我見用鐵板上，所以order了3成。套餐我揀咗沙律，溫泉蛋，同埋麵豉湯。 店員準備好後，我淨係聽到「咋咋聲」都已經流晒口水 (早知就order多D)肉眼扒入口又估唔到咁有肉味，以呢個價錢黎講，性價比高👍🏻 肉眼扒上面配咗重口味嘅蒜蓉醬，都幾好味。店員好好人，俾多咗碟神秘醬汁我試，原來係柚子味牛肉汁，都算幾夾幾清新～套餐配嘅溫泉蛋其實都可以用黎沾牛扒食，夠晒日本feel~ 而個沙律係芝麻醬

嘉里酒新開的FOODCOURT，好有格調，好似仲未有好多人發現呢個FOODCOURT，環境好清幽，加埋面臨紅磡碼頭，好寫意，仲設有戶外用餐區，可以歎住海景食燒肉。呢間燒肉度都係眾多餐廳不錯的選擇，肉即選即切，大大舊係你面前幫你燒。可以按個人喜好選不同部位同重量，我揀左300g西冷，好大舊，女仔一般食量可以揀200g都夠食。牛煎到岩岩好，有濃牛味同肉汁，大啖大啖食扒，完全可以滿足各位食肉獸。另外，有粟米舖底，比個鐵板燒到個皮脆脆地，好味。配菜方面，必食溫泉蛋，撈飯點牛扒都一流，正﹗

上星期放假約咗閨蜜去咗紅磡嘉里酒店百味村既岩盤牛扒，呢度就算唔係住客都可以入嚟食嘢架，環境唔錯仲望到海景tim! 岩盤牛扒會提供六種肉，有西冷，肉眼，牛柳，牛板腱 ，封門柳，後腰三角肉， 任君選擇！ 除此之外仲會分200g，300g，400g， 睇下你係細食定大食！包你一定食得飽！ 首先呢度要去百味村收銀處比錢落單，咩座位號枱，有人直接送過嚟！我地就揀咗300g 既有西冷，肉眼加30蚊有白飯配埋黑椒汁，沙律，罐裝蘋果汁！我地完全無諗過300g都咁厚， 牛扒上面會放咗一堆蒜蓉， 切開一片見到大約五成熟左右， 我鍾意會比較熟少少， 兩邊輕輕燒一燒，估唔到食落咁juicy， 一啲都唔韌， 如果想濃味啲再可以點啲黑椒汁， 食得超飽呀！

之前嚟紅磡黃埔都唔知有呢個好地方，喺嘉里酒店入面嘅food court，有海景之餘，地方好大，而且有氣氛💕見到有live band嘅空間，十足十一間bar。咁啱紅磡黃埔bar唔多，呢度就係一個好去處啦😙最驚喜係可以自由玩飛鏢、足球機、美式桌球🎱，一般chill住飲杯啤酒一邊同朋友玩，不亦樂乎！岩盤牛扒即係石燒牛，牛柳300g($171)，原塊超厚牛柳上，好吸引！可以自選配料蒜蓉、蔥、洋蔥，比想像中咁好食，因為牛柳肉非常之嫩滑，而且牛味濃，果然原塊係比平時食薄片好食😋套餐仲可以揀溫泉蛋、湯、雪糕等，好味又唔怕份量唔夠👍有樣嘢要注意嘅係，唔知係咪因為疫情嘅關係，呢度收得比較早，九點就閂門，嚟玩同食嘢嘅朋友注意啦📣

早排黎到黃埔行街，經過嘉里酒店，記得入面有個food court，可以充充肌，食飽又可以再行街～入面個food court 叫百味村，入面有好幾間餐廳~ 睇完, 想食牛，就一於試”岩盤牛扒”. 餐廳裝飾唔錯，仲有桌球、飛鏢機可以玩，最正係呢度有海景睇，一邊食飯一邊欣賞海景，個人即刻放鬆哂。 今次”岩盤牛扒”我揀左食rib eye，一開始職員會問你要大概幾多gram, minimum係200g, 然後先計錢. 我仲加左錢跟餐，餐會包飯、飲品、味噌湯，而配料可以揀蒜、洋蔥或者蔥。今次肉眼扒跟餐，鋪滿蒜，仲有粟米～rib eye好香，重牛味，岩岩好5-6成熟，切落仲見到少少紅肉，亦好多肉汁！overall 價錢都性格比高，下次有機會再試下先!