岩鹽日本料理 (MOKO新世紀廣場)

營業中

休息中

📍岩鹽日本料理 (MOKO新世紀廣場)旺角太子道西193號MOKO新世紀廣場3樓367號舖第一次幫襯，餐廳乾淨寬敞。日式牛肉火煱($138-HKD)，味道不錯，壽喜燒味道，一路滾住食，冬天食更正。日本豚肉腸陶板燒($148-HKD)，好有香腸味道，燒到外皮脆卜卜，正呀。🍱九州魚生丼定食($268-HKD)，魚生鮮甜好新鮮呢，正呀。燒雞軟骨串($36-HKD)、合鴨大蔥串($40-HKD)、燒日本芝士年糕($58-HKD)，串燒整體OK。年糕軟身美味，若燒熱點更可口呢。

平日晚來到旺角新世紀廣場食日本野見到呢間岩鹽價錢都中間偏高 不禁有少少期待首先坐位都算舒適 見到有唔少卡位 即使最後去左比較窄既二人枱也不覺擁擠 環境燈光令人放鬆 服務也不見其他人說的不禮貌 不過見到隔離枱衞生上有啲不愉快經歷留返最後講首先見定食好似跟好多野咁唔敢叫太多 不過最後都係擔心太多 鮪魚四色丼定食趁香港禁進口部份日本地區既水產前食多啲 鮪魚即係吞拿魚 科學家講佢作為入面嘅頂級獵食者之一 所含有嘅輻射含量都會比較高 大家怕嘅就唔好食咁多啦 我就唔怕嘅就係怕佢唔好食啫 呢個都冇令我失望 有三個部份既鮪魚每個位有三塊厚切刺身 份量滿意 除左中拖羅有啲根 刺身都冇咩可以挑剔 新鮮魚香重 吞拿魚蓉撈食仲嫌佢唔夠食添另外叫左一個燒鵝肝澳洲和牛釜飯好像有點特別 有提供鵝肝嘅餐廳多數都係排房 用嚟做釜飯比較少 結果都證實左因為和牛同鵝肝喺飯焗緊既時候油脂同香氣都鎖左落啲飯度 的確很香得迷人不過佢地兩個既靈魂就被飯抽走了 有點煮過久 一上菜就有一個漏斗倒數一分鐘再打開會更能吸收菜式香氣最後亦會形成飯焦有另一番體驗 餐廳亦有提供茶可以做茶漬飯 一餐飯滿足幾個願望 唔錯！不過食到一半 旁邊兩位美女

今日喺旺角行到攰，特登帶媽咪嚟食呢間食過一次覺得唔錯，之前同朋友兩個人叫三個定食價錢唔係平但一個定食食完都幾滿足媽咪叫左個和風牛肉釜飯，我就叫海膽三文魚釜飯牛肉偏乾，但量都算多，味道唔錯可惜個海膽飯真係中哂伏！！🤮一上嚟望落顏色已經唔多新鮮媽咪一試第一啖，話又苦又臭，忍唔住吐返出嚟到我試時我都覺得係臭左D，唔緊要啦照食啦，可能唔係好新鮮但再食多啖真係臭到個口頂唔順連帶啖飯都臭埋完全唔想食，臭到有餘蘊要係咁飲茶漱口於是同職員講cancel個餐職員問洗唔洗轉過第二個餐，但因為已經比個臭海膽打擊到，加上實際上又唔太餓，所以最後冇轉到餐到最後同職員講埋單，就係幫我拎走個餐嗰個，佢好似叫我自己去埋我唔知係聽得唔清楚定點，定係佢話叫第二個職員幫我呢？總之我等左一陣都係未有人拎單比我記起上次嚟時都係職員埋位埋單同時望一望隔離枱亦都係咁於是即刻叫第二個職員，佢即刻就已經㩒單比我我唔知嗰位職員想點？係咪因為你D海膽又臭又苦我要cancel所以連埋單都要自己埋？🙂食物咁唔新鮮，職員又咁樣，諗唔到有咩理由要再去🙃🙃🙃

平時lunch time 都會出黎moko食飯，但係哩間餐廳真係好難等位，所以唔係成日有機會食到。試過排幾次，得其中一次有幸成功拎到位，食過一次之後，一直對佢念念不忘🥺今次星期六經過，人唔算好多，但仍然要排隊，大約等咗二十分鐘。日式和牛火鍋定食 ($148)Japanese Beef Hot Pot Set火鍋定食有漬物、刺身、沙律、味噌湯、蒸蛋、白飯，牛肉火鍋仲會有一隻生蛋。牛肉片鋪滿成個火鍋，配料有豆腐、冬菇、菜，湯底同平時牛肉火鍋差唔多，甜甜哋，好好送飯。成個火鍋都好好食，其他前菜、配菜都唔馬虎。刺身新鮮、沙律嘅份量多、日式蒸蛋好多料係入面。成個定食好豐富，食完個肚真係炸開😆暫時佢仲係我moko必食嘅第一位❤️如果有moko card記得show俾職員睇，會有雪糕送🍨

岩鹽日本料理朋友試過呢間食物唔錯，帶埋我地再食多一次好特別，佢的肉上桌時是不太熟的，另外再給一個爐給我們燒熟，自行幾分熟以我的食法，我當然係燒到見唔到血整體食物質素都好好

呢間餐廳最出名就係釜飯，好耐以前去過銅鑼灣店，旺角店就第一次去～▪️燒鵝肝澳洲和牛釜飯🥩🍚釜飯上枱嘅時候會有埋一個沙漏⏳去計時，等到沙漏漏完先打開個蓋，個沙漏大約一分鐘就會漏完，所以其實都唔洗等好耐。開蓋後，可以先倒一半醬汁，試吓夠唔夠味，唔夠先再落釜飯除咗有燒鵝肝同和牛，仲有香菇、毛豆、菠菜同栗子，都幾豐富。和牛焗熟得啱啱好，夠晒腍，而燒鵝肝都好香最後食到咁上下，淨返啲飯焦，就可以加埋紫菜同茶，變成茶漬飯▪️松葉蟹肉釜飯🦀🍚都有幾多蟹肉，加埋蟹膏、蟹籽、蛋黃同其他配菜，撈埋一齊好鮮甜岩鹽日本料理📍旺角太子道西193號MOKO新世紀廣場3樓367號舖📍銅鑼灣波斯富街99號利舞臺廣場16樓A號舖

岩鹽整體來講係幾好食嘅，用料好少少啦，款式好少少啦，前菜多兩三樣嘢玩，有茶碗蒸食下啦，飲品有啲花臣搞下啲椰子水咁樣啊，不過呢咁叫就要貼住$200落樓。因為我次次都係叫呢個壽司烏冬餐，咁我通常叫依個普通版啦，高級版你仲會有呢海膽同埋拖羅，咁視乎你當日心情啦都可以選擇呢個升級版。揸MOKO卡仲可以有杯H牌雪糕，都可以話係幾滿足既午餐，約朋友或者星期五小確幸下都ok。但係去食呢就要早啲嚟排隊，好鬼多人。

平時食開呢度嘅蠔仔釜飯㗎，加啲刺身咁就會變咗價錢差唔多，但係又可以試到儀式㗎刺身，今日嚟好似出咗啲新嘅虎飯，想食海膽嘅口味之下，揀咗如山釜飯，再加甜蝦帶子刺身純粹係唔使自己俾錢，所以線㗎帶子刺身，因為實在不大， $78只有一開2嘅兩片新鮮程度OK，不過甜蝦唔算特別鮮甜朋友嗌咗一份炸蠔有三大粒，勁大粒，而且係勁熱，有沙律醬同埋醋汁非常足料亦都好夾，炸粉雖然唔算博，不過粒號都好大粒呢個係釜飯定食配嘅刺身，油甘魚三文魚同一篇帶子仔傅飯有鰻魚，蔬菜，三文魚子，帶子，知豆，冬菇，菠菜呢啲配料，碗飯熱辣辣好正！配上冰鮮嘅刺身，好味朋友嗌嗰個燒牛扒牛扒質素OK，而且可以自己笑，鍾意幾十到達，性價比好高！呢度嘅午餐俾散嗌抵食好多，散嗌就一啲都唔化算自從疫情之後呢度唔知係咪生意冇以前咁激烈，所以服務態度整體而言都好好咗

點了他們的精選壽司定食。這道菜的味道非常鮮美，每一口都能感受到新鮮食材的美味。壽司的米飯口感軟糯，搭配上新鮮的魚片，入口即化，令人回味無窮。定食中還附有湯品、小菜和沙拉，讓整餐更加豐富。接著，我還嘗試了他們的日式牛肉火鍋。這道火鍋的湯底十分濃郁，牛肉片肥瘦適中，入口即化。火鍋裡還加入了各種新鮮的蔬菜和豆腐，讓整個火鍋更加豐富多樣。這道菜不僅美味，還讓我感受到了日本料理的獨特風味。最後，我品嚐了他們的松葉蟹肉釜飯。這道釜飯以松葉蟹肉為主要食材，米飯蓬鬆香濃，蟹肉鮮嫩多汁，非常美味。這道菜不僅色香味俱佳，還滿足了我對海鮮的渴望。

一直支持超過10年今日佛誕下午二點半左右唔使等位欣賞佢地一直保持水準每次去新世紀都必食服務態度冇變過每次都會食刺身飯又新鮮又好味又整齊佢除咗食嘢環境質素都OK 㗎最完美就係有埋甜品

第一次食呢間位於MOKO新世紀廣場既日本料理，質素有驚喜。#北海五色丼 配料有海膽，吞拿魚腩蓉，三文魚子，帶子，蟹肉刺身好新鮮，海膽好鮮甜，蟹肉連飯一齊食，好治癒。#燒雞軟骨 #燒牛舌 鹽燒，表面燒得好乾身脆口，內裡Juicy，牛舌係厚切。小小投訴，絕對明白香港寸金尺土，座位密在所難免。食店既菜單上有燒肉呢個項目，都要顧及一下隔離枱沒有點燒肉客人既感受，我不停被隔離枱既油煙味同油彈親。希望侍應日後安排座位時可以多加注意。

嗰日睇完戲搵唔到食咩，落咗樓下搵日本料理食。環境好大，有卡位可以選擇坐，可能去嘅時候比較晏，人流唔算多，唔使等位。因為時間都好啱唔想食太多嘢，我同朋友叫咗日本釜飯一齊食，跟餐嚟嘅時候會連埋一個「流沙」俾你計時間，即係個餐到咗嘅時候你要等到個流沙夠鐘先可以食，務求令食物嘅質素更加好。我覺得呢個方法都幾貼心，時間到咗我打開飯蓋，真真嘅米飯海鮮香味撲鼻，估唔到材料都幾足，有齊蟹子鰻魚帶子等等的食材，隔離仲有一個茶壺裝住一些湯，可以俾你食到一半整茶漬飯。

今天同家人去新世紀廣場行街, 行到商場3樓, 見到朋友提過的岩鹽日本料理. 時間又差唔多要吃午餐, 咁就順便去試下啦. 雖然未到1點,但巳有人排隊等位. 估唔倒閒日都咁多人. 等了20分鐘, 終於可以入去. 嘩! 雖然在旺角大商場, 但店內環境都算寛敝, 仲有卡位添. 看到午餐選擇都多, 有釜飯,井飯,牛扒定食, 最後叫了個壽司定食及釜飯定食. 壽司啲材料新鮮, 色彩配搭都好豐富, 個釜飯就如預期一樣, 最後 KO哂所有野, 俾完錢出來, 都仲有人排隊等, 但條龍就短咗好多. 總體來講, 這間的午餐CP 值都高.

今日去新世紀買新鞋，順便食個豐富的日本餐午餐款式有很多選擇🍱北海五色丼定食有海膽、吞拿魚蓉、三文魚籽、帶子、蟹肉🦀材料豐富，配搭都幾好，不過海膽不算超級新鮮好味，美中不足。😋😋😋🥩燒安格斯牛扒定食牛扒半生熟上枱，有個小爐仔提供你再加熱，讓客人自己喜好煮至幾多成熟，既好玩又可滿足不同食客的需要。😋😋😋😋🍚蒲鰻魚釜飯隨餐有個小漏斗跟盤上，叮囑一分鐘後才好開，感覺幾得意又特別，小朋友一定感到很興奮😆鰻魚無骨又好味，飯又夠熱，不錯的選擇👍😋😋😋😋部分餐附上蒸蛋、白飯、味噌湯、沙律、漬物及刺身。客人更可以選擇飲品或movenpick 雪糕。

在港九各有一間分店的「岩鹽日本料理」，之前我只曾幫襯過九龍店，這一天我就第一次光顧它的香港店。這間日本料理餐廳最有名雖然是它的釜飯，原來它的其他定食也不錯。這一天我與太太兩人就分別叫了一冷一熱兩個定食做午餐。我吃的是「火炙壽司定食」（$158）。這定食除了八件壽司和必備的沙律、茶碗蒸、味噌湯和漬物外，還有一小碗的「牛肉烏冬」。至於飲品方面，也有數款冷熱飲品可揀，要是想吃甜品的話，也可以雪糕代替飲品，整個定食都幾豐富。老婆仔吃的則是「銀鱈魚西京燒定食」（$208）。這定食除了主角銀鱈魚和同樣必備的沙律、茶碗蒸、味噌湯和漬物外，還有三片刺身和白飯佐餐。而同樣地，也可揀選餐飲或雪糕。我的壽司除了兩件卷物外，其他的壽司全部都是火炙的，包括海膽赤蝦、穴子、左口魚邊、三文魚腩、帶子和油甘魚。當中以油份豐富的左口魚邊、狹長甜美的穴子和雙重口感的海膽赤蝦最好味道，其他三款壽司也頗不錯。至於沙律、茶碗蒸、味噌湯和漬物，就正正常常的，不會特別好吃，但也絕對可以收貨。而「牛肉烏冬」呢？雖然只得一片牛肉，而且烏冬煮得較腍，稍嫌不夠爽彈，仍是讓人更加飽肚。老婆仔的「銀鱈魚西京燒定食」，我只吃了少許銀鱈魚，肉滑味