岱民廟街店

營業中

休息中

今日無帶cash又趕時間求其搵間野一開始問左可唔可以微訊俾佢地話得我掃佢地微訊碼時出現要我俾人仔貨幣我咪問點轉返港幣個員工即時變面黑口黑面話「係咁架喇，1:1，是旦喇差少少」要我俾人仔心諗：又唔見你差少少計平俾我未開飯已經成肚氣間野食幾好食都假，更何況兩餸飯都唔會好食得去邊真心唔係因為趕時間我都費事食佢哋

岱民全線旗下嘅分店已經差唔多接近40間，更可能稍後嘅時間會有更加多嘅分店都未定，因為兩餸飯嘅市場好大，而且岱民已經做起咗，客源大增，捧場客甚多，皆因價錢平、份量多兼味道好，所以生意長做長有。整體嚟講，岱民每間分店出品嘅水準都唔一樣，但每間嘅食材質素都屬中等，暫時嚟講都算係滿意，冇話邊間係好難食。嚟到廟街呢間岱民，我唔知呢間店開咗幾耐，不過呢間嘢嘅小菜水準真係幾好，全部小菜都炒得好靚，應該啲廚房師傅係喺大排檔出身，所以炒出嚟嘅小菜都同大排檔嘅出品接近一樣。呢間店嘅椒鹽豬扒係最好食，因為沾上粉好薄，而且肉夠厚兼大件，非常得體，味道好香濃，送飯一流！其餘嘅小菜都好精彩，註：本店啲阿姐服務態度好友善，而且間店嘅入面環境好乾淨衛生，令食客食得放心。