峇峇娘惹 (MOSTown新港城中心(4期)) (已結業)

香茅骨 $28四件，兩大一小都幾抵既。一定上枱快d食，唔係就乾巴巴。參巴醬通菜 $38份量係ok等同價錢，底部既菜好咸。上面既就幾爽同有蒜香味。檳城麥皮蝦球 $68一上枱就覺得份量好少，而且好唔似麥皮。一食落口好粉好甜好砂糖咁，蝦件比較小型。呢度環境係幾舒服，但無一樣菜式係比較滿意。共通點都係太感，唔似南洋風味。南洋家鄉芋頭雞煲 $68超級咸，要拎碗洗下。感覺似菜雞煲，比想像中芋頭軟林既雞煲唔同。藍蝶花椰漿飯 $18可以一試，但飯太綿。

馬來亞餐廳， 首先點海南雞... 又乾，又老，斬件叮熱再上枱。 不知所謂。 快餐店式的筷子 籃， 開水都係要自助， 唔明點解有加一服務費? 餐廳就在"靠得住"隔壁 等於自討沒趣， 食物質素相形見拙。

今日同家人食飯，去左呢度，食左呢啲👇🏻1️⃣峇峇海南雞.雞都幾滑，配嘅姜蓉唔多油，好香姜味👍🏻另一隻酸辣醬都好味，好醒胃。2️⃣豬肋排星洲胡椒肉骨茶.呢個肉骨茶胡椒味好濃，我好鐘意飲呢！3️⃣馬來拼盤、多春魚、油酥餅.拼盤其實巳經有多春魚同油酥餅，不過寶貝甜心好鐘意食，所以再encore 🤣油酥餅點咖哩汁好香好好味，我一個人應該都可以食三碟😆4️⃣桔子酸梅特飲、百香果特飲、薏米水呢三款味道都唔錯架！尤其是百香果特飲，酸甜味適中，冇藥水味，good!5️⃣蝦球炒貴刁呢個略嫌油多咗啲同咸咗啲。6️⃣下午茶餐加涼拌豆腐其實同茶餐廳嘅常餐差唔多，但豬扒好香口，加配嘅涼拌豆腐亦不錯。叫左咁多野，我地3大人2小朋友食飽飽，埋單都只係 $330 咋！

之前有一日橫風橫雨☔️☔️☔️但好肚餓 決定避一避雨食埋野先返歸試咗一間未食過嘅馬來西亞菜😯見坐滿人好似唔錯咁💟我揀咗一份峇峇海南滑🐔飯 $66起哂啲骨真係食得好方便呀👏🏻👏🏻👏🏻直接沾落三款醬汁 食落同菜名一樣🐔肉好滑👍🏻👍🏻👍🏻😍飯係🐔油飯 真係好香 所以食哂成碟😋😋😋再配了一杯熱的馬來拉茶（點凍的話加$3）唔洗再自行加糖 甜甜地 幾好飲👍🏻下次想試下啲湯麵🍜

騙人的餐廳🍴掛羊頭賣狗肉，排隊等候的時候員工沒有清楚告知早餐或午餐時間，坐下來的時候只供早餐餐牌參考，亦不説清楚午餐時間是幾時開始。完全沒有娘惹文化，沒有娘惹菜特色，叫即磨咖啡☕️送檸檬，個咖啡杯跟本沒有洗，道歉都沒有。星洲魚旦米粉更不知所謂，只是米粉+魚旦，員工服務態度差不會再光顧的

馬鞍山最近一兩年開咗唔少新餐廳，雖然都係啲連鎖店，不過多咗選擇已經好好啦～尼間都開咗一段時間，今次先第一次去食我叫咗香茅雞翼雞湯河雞翼非常入味，值得一試個雞湯底都唔錯，係有雞湯味冇呃人㗎係幾真材實料，如果份量可以多少少就perfect另外嗌咗個蝦球炒貴刁尼個同港式嘅味道好唔同，有少少甜同好重嘅蝦米味我個人就唔係太慣尼隻味不過我朋友就話好好食，鐘意貴刁嘅都可以一試唔同嘅整法我哋仲叫咗個通菜，好大碟尼個通菜係勁重口味食得咸又鐘意重口味嘅人真係要一試成餐飯都幾好，味道唔差價錢又唔算太貴見到隔離枱叫咗個藍色嘅飯搞到好想試不過真係好飽，唯有留返下一次啦～總結係絕對會再幫襯㗎!

平時食開普通茶記早餐， 見今日唔趕時間又唔駛排隊試試另類娘惹早餐榨菜手撕雞美極麵 跟炒旦 斑蘭咖央多士手撕雞味道不錯 份量適中， 湯底可選雞湯/咖哩，朝早想食清淡就叫雞湯 ,麵同普通公仔麵差不多 ,應該米粉會好食d炒旦 &斑蘭咖央多士 咖央不會太甜， 不過未必個個鍾意，多士可以脆一點會更好， 炒旦正常發輝， 唔算好滑飲品試左馬拉奶茶， 叫左少甜， 感覺岩岩好， 可以一試早餐都幾多選擇， 有唔同配料米粉， 同馬拉包，下次會再黎試多一兩款， 或者午餐

#中意嘅請分享請點讚🍻----------😋魚腐滲滲叻沙 $35有魚腐、魚片、半隻雞蛋、芽菜、豆卜。魚腐好大舊，又吸哂d湯汁。麵有兩款有米粉同油麵，可以比你一次試哂兩個口感，米粉比較淋身，油麵就比較粗身彈牙。湯底夠濃微辣。😋香茅骨美極麵 炒蛋+咖央燕麥多士 $49香茅骨好香夠入味，湯底加左美極醬油，不過唔係太濃味。炒蛋夠滑，唔會炒到過左火。咖央醬份量比較小，如果可以加多d就更好。😋參巴通菜 $6下午茶加錢就可以試下唔同嘅小食。參巴醬係星馬流行嘅辣椒醬，通菜吸哂醬汁，醬汁微辣，除左平時成日食嘅腐乳炒通菜，可以試下參巴醬。😋香茅雞翼2件 $10下午茶加錢就可以試下唔同嘅小食。香茅雞翼好香，唔會因為係加錢嘅小食所以就好細隻，雞翼唔會煮到過淋，附有甜酸辣醬，夠開胃。😋熱馬來拉茶 馬來拉茶有驚喜，好香好滑好濃，會比港式奶茶甜，所以唔洗再加糖。😋熱南洋咖啡 夠香濃，比港式咖啡會甜小小。----------🔎峇峇娘惹🚩油麻地彌敦道501號地舖🚩馬鞍山鞍祿街18號MOSTown新港城中心(4期)2樓2116號舖🚩將軍澳唐德街1號將軍澳廣場1樓021-023號舖

第一次試這間餐廳，揀左下午茶餐咖咉馬拉包（$26），馬拉包係一個圓形而不鬆不軟既麵包，中間打橫切開唧左幾行奇怪鮮綠色又冇咩味既醬，當時真係超級後悔！只有怨自己幫襯前冇先睇食評，原來之前已經有人寫過呢度既嚇人咖咉！

今日行經商場，見到間新開了ㄧ排嘅娘惹菜，我還未幫襯過，今日ㄧ於去試吓。入座後見餐廳內牆上掛有張壁畫，描述娘惹女子的日常生活、衣著、當地食物，好有馬拉 Feel。剛好下午茶時段，見餐牌都好多選擇，價錢亦合理。我主食揀了魚腐渗滲叻沙，上檯見到已好吸引。碗內有蛋、豆卜、大大件魚腐。魚腐軟滑有魚味，滲渗即是油麵加米粉，都全部吸收了叻沙湯底的椰香，好好味。另外，揀了香茅骨作小食，炸得香脆，香茅味濃濃，唔錯!飲品揀了凍桔子酸梅特飲，酸酸甜甜好醒胃，夏日消暑良品。今日下午茶食又俾我發現了綠洲，又抵食又好食，下次ㄧ定再來。

很久没有入馬鞍山了,真的變了很多! 經過峇峇娘惹,細看是吃馬來西亞餐,隊尾也不算太長,所以決定試試。等了20分鐘,可以入座。牆上的畫很有馬來西亞風情星期六都有lunch set.ㄧ個主食 + 加少少錢可加小食 + 冷熱飲品主食: 巴東牛肉飯 -- 巴東牛肉味濃,味道不錯,牛肉冧,雖然只有6塊及汁少(不太夠伴飯),但牛肉入味,味道都似馬來西亞的巴東味! 還放了3條秋葵而旁邊伴碟有花生,菜脯粒,粟米粒等,花生脆 如果半隻蛋淋上少許巴東汁,或者放少許辣醬在蛋黄上,由食客決定沾不沾汁就更好! 正體上,值得推介!主食: 蝦球滲滲叻沙--叻沙湯底好濃蝦味,很明顯是用蝦殼熬的! 湯底好正!! 有蝦,芽菜,豆卜和半隻蛋,配上匙上的青檸汁,仲fresh 加錢配了小食: 生煎葱肉餅,參巴通菜(@+12)熱騰騰的,咬下,肉汁流出,很juicy!通菜是白灼的,可惜上面的醬汁太少餐飲: 熱馬來拉茶(右), 凍桔子酸梅特飲(右)(+$5)馬來拉茶--好喝,夠熱夠香,也有甜味。凍桔子酸梅特飲--有梅+桔子,食客可根據個人口味自由選擇,要不要把梅/桔子弄碎,令味道更濃! 這兩款飲品也值得推介

之前見到呢間店一直都排好長龍今日終於有機會試係馬鞍山好難搵到地方食叻沙，所以呢間鋪的叻沙吸引左！唔會太辣，有4粒蝦，好夠味～啱啱見到隔離枱食豬扒叻沙，豬扒都幾大塊！另外叫咗蝶豆花咖喱牛腩飯，佢個飯一上菜好藍好surprise! 佢係都幾重椰香味的，咖哩亦係小辣，牛腩好鬆軟。小食方面我哋加咗炒通菜同埋涼拌豆腐通才個汁好好味～～但涼拌豆腐就係一般百福豆腐差唔多。最後飲品方面，2個餐就送兩杯熱飲。我哋揀咗薏米水我覺得都幾足料。

比個名吸引咗，見條龍又唔係好長，今晚一於試吓！等咗15分鐘就入座，座位唔多，都有少少迫，不過食物就好好味！呢間出名係叻沙，於是就叫咗脆皮燒肉滲滲叻沙，燒肉好正仲有叫咗蝦球炒貴刁，仲正個人推介...下次會再叫呢碟最後叫咗個炒通菜「馬來亞風光」雖然個名有啲奇妙，但都唔錯嘅！

等咗好多日都無試，之前實在太多人。一坐低，見到有飯有麵，有小食，有喇沙。樣靚，份糧少。燒肉還算脆皮，帶點辣。都算幾好味。可惜。。。。米粉和麵 比例不一，口感不太理想當食完之後，發覺好口渴，感覺好多味精另外叫了小食一碟三件，菲菜餠，食了一啖，發覺唔係好對路。一啖一件，皮厚菜少。感覺好唔抵PS1) 食完一次，眼見有其他食客叫餸食飯，份糧大好多。可能我叫錯野食啦。可以俾多次機會嘅。 2) 枱細通道窄，出入好辛苦。坐又唔舒服

「藍蝶花椰漿飯」用作配「咖哩汁油酥餅」好正，「檳城麥皮蝦」🦐真的好好食，蝦身也不細，蝦有8隻表面有些許像糖粉的東西加麥皮，吃上去有少少甜甜地😋有驚喜的味道！「參巴醬通菜」味很濃⋯「豬潤胡椒肉骨」一般，還是有排骨好一點！😚