峇峇娘惹 (MOSTown新港城中心(4期)) (已結業)

Went to this resto in Ma On Shan for lunch, and discovered that it would be closing down soon when we visited there. .I ordered Shredded Chicken Laksa with Oil Noodles & Vermicelli, which included shredded chicken, egg, fish puff, bean sprouts, fried scallion and lime. The broth was rich, and the shredded chicken absorbed the flavours of the laksa well. My sis got Pork Liver & Slices Bak Kut Teh with Rice. She thought the broth was quite savoury and tasty. My dad selected Deep Fried Lemongrass P

第一次經外賣平台訂外送就獻咗畀網上外賣平台，朋友介紹話新用戶有$100，不過呢間要買滿$280先用得。睇左好多間睇下邊間抵食，發現塔塔娘惹嘅價錢markup唔算太多，訂2個餸，自己煮飯，咁計起嚟都應該有著數😂海南雞半隻 $147份量望落都Ok，味道幾好，仲配有3隻醬料沙巴酸甜魚柳 $83酸酸甜甜好味，有成10件，比我預期多燒肉滲滲喇沙 $74 平時都有食開呢間既下午茶，所以送上門既味道一樣，份量都好足以上價錢減左$100，另外要俾$2平台費及$25運費。好想講今次接單位車手好快，原本預計半個鐘先到，點知20分鐘都唔洗就送到上門👍同埋之前都擔心外送會偷工減料，點知份量都好足

踏入這家餐廳，一股濃濃嘅香茅味撲鼻而來，隨住嗰啲溫暖嘅燈光，心情頓時感覺到一份安逸。試咗佢哋嘅香茅骨湯面，啖啖肉呀，骨香四溢，湯汁清甜又唔膩口🍜，起勁！班蘭咖央多士色澤金黃誘人，軟綿綿嘅內餡甜而唔膩，配上馬來拉茶，茶香味道濃郁，仲少少苦中帶甜，嗜甜一族嘅我喝落簡直正💯。好啦，講多啲嗰個參巴通菜啦，吔，微辣嘅口感啱晒我，通菜脆口，加埋參巴醬料，味道鮮美，正到彈指！最後嚟個羅漢果冬瓜茶，通透嘅甜味令人一飲再飲，養生嘅好選擇🍹。內部裝潢優雅悠閒，一啲都唔嘈雜喧囂，職員服務都相當體貼，餐後心情愉悅，體驗到一份低調又具品質嘅飲食文化，下次有空再過嚟唔錯呀！

食咗三次總結又咸又多味精，食完之後勁口渴，食咗一次下午茶兩次晚市，服務態度差入到嚟好似叫我躝過去個位度咁，然後熱水又要自己浸，有奶茶有咖啡，但係冇鴛鴦，個阿姐講完自己都唔識笑雞絲河入面好少雞絲，過嚟食第二次以為會多番啲，點知仲少咗，雞絲河冇雞絲然後又係味精湯一堆芽菜同埋韭菜真係唔知做乜，佢真係當食客係韭菜咁割，晚市個雞絲河仲要貴多$20就係多咗兩粒蝦餃，隻蝦細到好似一粒麥提莎咁然後啲雞絲都係咁少，成個馬鞍山都冇乜手撕雞可以食，見佢門口有諗住已經唔平應該穩穩陣陣，點知圖片同實物相差好遠不特止，仲要作為一碗好普通嘅河粉都唔合格，不知所謂，成間嘢咁嘅質素居然有人話好食，喺馬鞍山食得多係咪條脷都平民啲，馬鞍山嘅餐廳真係比呢啲垃圾餐廳拖低晒啲質素

今日午餐嚟咗呢一度，佢有下午茶餐，2:00開始提供。今日點左馬來西亞咖喱香茅豬扒配白飯！$62，唔使+1 ！🍛 咖喱香茅汁令人好開胃，入邊仲有秋葵同埋薯仔。豬扒唔算嫩滑多汁，太乾身🐷放棄左最後兩舊。而白飯就煮得好香好軟，完美地搭配碟上面其他配菜，例如青瓜同埋雞蛋！🍚😋飲咗一杯馬來奶茶，真係太正喇！☕️🥤香濃的奶茶味道帶有微微的甜味，喝落好解渴又舒服！好開心可以一次過試到馬來西亞嘅經典組合！😍如果你鍾意咖喱同奶茶，可以試下呢個組合！一定唔會令你失望！😉#食評時間 #馬來西亞咖喱香茅豬扒 #馬來奶茶 #好正呀 #推介

今日早咗啲放 👦又放假近近哋喺樓下搵食 黎咗呢間峇峇娘惹食未夠6點 所以未太多人我哋每人都叫一個晚市套餐 🔹️馬來豬扒炒公仔麵略為偏咸豬扒夠乾身同入味 鍾意香茅嘅朋友唔好錯過個麵唔會煮到一pat嘢 條條分明 🔹️豬肋骨肉骨茶（藥味）有3條豬肋骨 好多菇 大大碗湯我個人認為肉骨茶藥味唔夠重 但勝在唔咸

餐廳個名好有馬來風，"峇峇娘惹"，有啲似馬來話。專門做馬來食物，啲菜名同埋味道都好有馬來風格。- 峇峇無骨海南雞飯 ($68)招牌菜，海南雞去曬骨，同埋好滑，有3款醬汁，薑蓉、甜豉油、辣醬。海南雞飯，味道正正常常，反而配菜好好食，花生好脆，菜脯有少少辣，好爽口。- 檳城桔仔酸梅特飲 (套餐+$6)佢啲飲品好有馬來特色，今次加錢叫咗配特飲，有成個桔仔，酸梅係底。成杯野酸酸地幾開胃，不過飲到最後就會覺得太濃味，可以一試。

入去食下午茶，一入去見到有張卡位有人走咗，正想坐落去。點知執枱嘅店員好大聲咁話唔好坐落去，我未執枱，唔係啲湯倒晒落你度。真係莫名其妙，坐落去就會將啲嘢倒晒落個客人度？跟住仲好大聲咁話你企喺度等。喺嗰一刻我心諗使唔使咁大聲？其實我只係企喺你隔籬，唔使咁大聲我都聽到你講乜嘢。當刻佢講嘢嘅聲量，基本上全間餐廳啲人都望過嚟咁際。我只係一個斯斯文文行入嚟見到張枱走咗，正想坐落去嘅客人…雖然呢啲平價嘅餐廳都唔抱期望會服務好好，但係至少可以細細聲講叫客人等等。由於餐廳唔大，所以見到隔離有另一張枱，我哋就坐低等店員執完枱先坐過去。點知等了又等，到最後佢竟然將張枱俾咗其他人。

呢度嘅位都真係有啲窄，座位唔多，你可能要排隊等位。不過，雖然地方唔大，但有啲特色裝修，亦坐落喺市中心，好受歡迎。講到食物，佢哋嘅招牌煎豬扒喇沙以前係幾好食，但係今次個豬扒太乾，喇沙就好濃郁嘅香味。而且佢哋嘅馬來拉係一流，香茶味濃郁，口感滑滑嘅，真係好好飲！佢哋嘅手撕雞乾咖竰擽麵就一般般啦，冇太大驚喜。至於南洋咖啡，味道同口感都算普通，冇咩特別之處。食物質素有待改善，你睇吓我食剩幾多嘢⋯講到服務，佢哋嘅服務人員冇主動性，可能因為好忙嘅關係？最後，講返個價錢，午餐平均每人消費大約55蚊，無加一，算係市中心嘅合理價錢。總括而言，佢哋食物質素有待改善，但馬來拉茶絕係出色嘅。👍🏼雖然服務可能有啲唔夠主動，但餐廳嘅氣氛同合理嘅價錢都仲係吸引到食客嘅。如果你鍾意馬來美食，喺馬鞍山嚟講冇乜選擇，不妨去試下佢哋啦！

Lunch 你見都係多選擇概～環境唔大，坐卡位覺得坐到屁股有啲熱🫣乾咖喱撈麵配手撕雞 46蚊（lunch）包熱飲一個字！濃！特然想食啲重味野嘅朋友仔，係好選擇～但係我食完一餐後、就要唞一唞～頂唔住太濃～濃得黎係好食嘅～豆卜就感覺清水煮完就上，成了好強烈嘅對比，係唔ok嘅～無味無道～香煎豬扒喇沙62蚊（lunch）包熱飲都係濃味嘅～但無乾咖喱麵啃濃，不竟佢係湯麵～但你湯湯下就會變撈麵😂因為佢啲麵都幾吸得湯吓～係可以問佢拎多碗湯加返嘅如果你想～整體上如果你係想濃一濃味，可以一食～但係無呢方面諗法嘅，可以不來～

在商場食肆，吃個早餐，三四十元一份，是常識吧。峇峇娘惹的早餐，選擇多，價錢三十頭至四十，而且份量足夠。今次點了A餐，有魚丸檳城湯米（轉通粉），雞肉腸+炒滑蛋+班蘭咖央多士，配熱薏米水，不用加一，34元。份量足夠，多士是有特色的咖央醬，有別其他店只有油多。滑蛋一般，較熟，不是還有液體狀態的。魚丸彈牙，湯底是雞湯，些少敗筆是通粉太淋，如點米炒應會好些。熱薏米水，不太甜，杯內還有一湯匙的薏米，差不多是每次都點的。

早餐牌選擇不少，首選香茅骨湯米，賣相吸引油而不膩。餐包多士同樣喜愛，揀咗班蘭咖央多士，味道特別可以再試。被職員指正過餐飲係馬來拉茶，唔係奶茶。不過我飲咗一半，怕糖，下次可能要叫少甜，或者其他食客會鍾意，感覺都算特式。維基話峇峇娘惹，指土生華人同東南亞原住民通婚嘅混血後裔，生活文化嘅結晶。男性叫峇峇，女性稱娘惹。餐廳用咗古式木招牌瓷磚吊燈算有格調，大門口自助斟水。早餐星期一至日都免收加一，如果可以九點鐘之前嚟到，我諗條龍應該會短啲。

（×ω×）好窮呀好窮呀 （×ω×）唔食早餐午餐 食個平價又多野食既下午茶先🆃🆁🆈 🅃🅁🅈峇峇娘惹💁🏻‍♀️🙋🏻‍♀️ 魚腐雞湯滲滲 $𝟛𝟠本身得魚腐滲滲喇沙 但朋友怕辣 所以店員姨姨好nice 話可以轉雞湯 錦食唔到辣既朋友仔可以揀雞湯底啦🙋🏻‍♀️參巴通菜 $𝟙𝟚 查返字典 參巴係一種廣泛流行於東南亞（馬來世界）以至南亞地區的一種特殊辣椒醬 佢混合埋乾蒜都幾夾 所以 ヽ(‘ ∇‘ )ノ我連啲醬都清埋呀🙋🏻‍♀️班蘭咖央西多士 $𝟛𝟘本身想叫班蘭咖央鮮油多士 見係廚師推介 但係友人提醒西多士先係炸嫁 立即轉汰 我要食熱氣同肥野 唔該！୧☉□☉୨不過好少班蘭味 有少少失望🙋🏻‍♀️馬來拉茶 似茶走 茶味好濃 飲完之後個茶味會停留係個口度 ₍₍ ◝(●˙꒳˙●)◜ ₎₎好飲！𝕋𝕠𝕥𝕒𝕝 $𝟠𝟘 𝟚人用餐

剪完頭髮，時間上有啲尷尬，因為係啱啱過咗下午茶時間，但食晚飯又太早，於是就搭車去馬鞍山商場行吓街先。先去超市巡咗一輪，一落樓就睇到呢間餐廳，反正一個人，咁就求其食啲嘢就算。晚飯餐牌上都係喇叻、肉骨茶、鷄飯等，睇到隔離抬碗叻沙好似幾好，所以我就嗌咗碗魚蛋滲滲喇沙。因為喺晚飯，叫嘢飲有優惠，我就加咗三蚊要咗杯凍薏米水。碗滲滲喇沙當然係麵同米粉兩溝，麵嘅份量極多，唔怕食唔飽。其實呢碗嘢冇乜料，只有啲芽菜，幾個豆卜，半隻雞蛋同埋四粒魚蛋，好在啲魚蛋都叫做爽口，但係60幾蚊一碗，其實絕大部份都係麵條。至於嗰湯底真係好一般，我嫌佢冇乜味道，只係個樣似叻沙，亦都唔夠辣。唔記得咗講，上枱嘅時候有半粒金桔擺喺個湯羹上，只不過得半粒，溝埋落啲叻沙湯內食唔到任何變化。呢間餐廳唔係差嘅，只不過今晚叫得唔好，如果真正想食娘惹美食，咁就真係唔好叫呢碗嘢囉。

老師住馬鞍山，拜完年，順便就響嗰度食晚飯。行咗商場一圈，就扑鎚食呢間馬來西亞餐。唔知道係咪因為過年，餐廳內嘅人並唔多，除咗我，只有另外兩枱。餐廳風格簡約，牆上有幅畫，畫咗幾個著住娘惹衫嘅女人，都叫做有啲馬來西亞風味。一個人食飯，冇辦法食太多嘢，就嗌咗一個巴東牛肉飯同一份油酥餅。巴東牛肉煑得幾腍，亦都妥辣，啱晒鍾意食辣嘅朋友。除咗牛肉，仲有些少花生，青瓜同半個蛋做配菜。巴東牛肉嘅份量唔少，足夠撈哂成碟白飯！👍油酥餅喺我嘅情意結。喺香港唔容易搵到好食嘅油酥餅，馬拉文叫做Roti Canai，所以每逢睇到有呢個小食，就一定要試一下。可惜呢度嘅油酥餅都似其他餐廳咁，非常之一般，完全唔似我在馬來西亞食到嘅味道。不過我已經預咗係咁，所以亦都冇話特別失望。呢度嘅餅硬硼硼，一啲都唔鬆軟，反而係個咖喱汁幾好。總體來講，呢間馬來西亞餐廳都叫做唔錯，尤其是在香港，以咁嘅價錢可以食到啲特色食物都算係咁啦。