峰味清雞湯米線

營業中

休息中

今日賴生帶住屈小姐登上大帽山，成9xx米喎！落山梗係要醫下肚啦！咁岩係荃灣，就打算同屈小姐去最近好出名既《峰味清雞湯米線》食清雞湯餃子啦！可惜一波三折，我地三顧草盧先食到！我地最初一到埗，打算落單既時候，老細收到個電話，就話有急事要暫停營業，仲急急腳咁出左去結果我地係附近行下又食下其他野，不時又盪番過尼睇下老細番尼未，到左第3次打算放棄既時候，奇蹟就出現，老細番黎啦！其實點解賴生同屈小姐咁堅持要試下呢？⋯原因有幾個⋯1）傳說湯底用3隻鮮雞熬足二十鐘嫁⋯2）聲稱餃子用既豬肉係極少肥既⋯3）再加上聲稱餃子係即日新鮮包，用即日菜切粒包既4）仲聲稱餃子皮係人手加工整薄左架5）同埋價格好親民6）而且屈小姐mark左on list好耐架啦我地試過之後發現‧‧‧原來係真嫁！係真嫁！係真嫁！清雞湯餃子：⭐️⭐️⭐️⭐️⭐️8粒湯餃子先22蚊咋！真係皮薄餡靚+湯甜！超值！餃子：我地欣賞既係佢個皮真係好薄，薄得黎透明見到餡，但都唔會煮爛嫁！仲有佢花心思用上勁多即日切既新鮮野菜粒，勁爽勁有口感之餘，仲令個餃更Juicy，即使用左極小肥既豬肉令佢冇乜湯汁，但新鮮菜粒絕對會彌補番兼令你有驚喜！再者，真係會減低油膩感同超健

平時好小會寫食評,但呢間鋪頭仔真心想支持下.佢o的餃子係似日式超薄皮個隻,入面餡肉同菜既比例都好好.所以當小食食都ok(肚餓想當正餐既可以加烏冬)佢個湯真係非常好飲,夠雞味得黎唔似平時超市買個o的盒裝雞湯得個死咸,飲完唔會口渴.佢o的煎餃我見佢都係即叫即煎,下次有機會都會試下.同埋個雞湯如果可以散叫or加錢加湯就好喇

見到個報道先黎嘅自己開業！特登黎支持老闆好Nice雖然等左一陣但係值得嘅個湯好清可以就咁飲！仲有條雞絲見唔見到啲餃子鄙薄皮薄餡靚下次要試埋煎戈隻貼心：平日無咁多人呀～

完成了班cake的體驗，滿足感不夠，到了這個小士林覓食。本想試個蛋捲，但還未開店，改試了這家的餃子。平時走過都看見幾多人在排隊，今日可能早，未有人。想先讚下係老闆的禮貌，客客氣氣的為我解釋味道，收費，很有耐心。點了4隻的餃子，是老闆建議第一次吃先試試4隻，不會為做生意，叫我們點大份的。剛好老闆說在換水，未滾，要等耐一點，都是不好意思前，不好意思後的，感覺很好，很舒服。餃子看下去很晶瑩剔透，都望到入面的菜顏色。吃落皮薄，不怎覺得有皮的存在。入面的肉好多，好有口感，還有一點要讚的係菜，吃落還很爽身，爽的感覺是新鮮的爽。自己都包不了這個水平。老闆還強調湯是經過三天煲出來的，叫我記得喝，還附上了幾絲雞肉。湯當真很有雞的味道，很香甜。比起味精湯好很多。還有泡菜味道是限定供應的，下次過來要試試。還要買點生餃子回家吃。

每次經過這條街，都會見到很多人企晒喺度幫襯。今次我終於試食下先，究竟有幾好食?這間小食店，賣既餃子有生，熟和煎的。價錢大約$3隻，價錢可以接受。佢既清雞湯，很適合大眾化口味，當作小食都幾好。餃子一般大小份量，會有一些清雞湯連雞絲比你的。味道都幾清，熱辣辣，幾好食。主要係清雞湯煲餃子吧，所以味道不會太差。以價錢來說，可以一試。

偶然間下睇到呢間小店嘅訪問~兩公婆圓夢~堅持嘅故事~覺得佢哋好有心經營~感動咗我專登去幫襯~2星期前去小店，發現只係外賣企店旁食~覺得有d呢hea~始終心目中係想試食餃子~熱湯好唔方便~今日再次去決定買一打生餃子返屋企煮~早知道自己煮~當然明白無店家做得咁好啦~有哂心理準備~好喇~見到店主嗰份熱誠~真係滿瀉哂~仲睇得出有份執著~主動問我食過佢d餃未~當然未啦~佢介紹佢嘅餃子我識~強調新鮮豬肉…………下刪幾十字（因為唔太記得喇）~跟住~一個步驟一個步驟咁教我煮~認真到我忍唔住笑~真心好少見到咁有heart 店子~因為我遇到燥底嘅特別多~仲提醒我煎餃係高難度~最好唔好試~放湯煮~皮薄~饀多~菜多肉少~好新鮮~真係好味呀～一個人食哂一打~真係會再幫襯~店主加呀

又黎到呢條小食街 想四圍睇下有咩小食食🤔🤔最後揀左呢一間小店嘅餃子❤️❤️❤️係冬政嘅時候 特別鐘意食餃子夠暖粒粒得黎夠飽肚而且最重要嘅係價錢夠平糧尾首選👍🏻👍🏻👍🏻👍🏻呢到嘅餃子全部都係手工餃 皮超簿唔即時食真係會變左樣而我最鐘意嘅就係佢個湯個日我買係配冬瓜清雞湯寫到明係用左3隻雞去煲 飲落去非常清甜 完住係冇味精味而且完全唔油膩 的的確確係真材實料👍🏻👍🏻👍🏻最鐘意係佢呢個湯底 有d 似媽咪煲嘅湯🙈🙈

之前見到呢度有幾間小食店，朋友對手工餃子有興趣就陪佢一試叫完佢即煮所以都等左一陣，塊皮夠薄但唔易爛，啲料切得好碎所以唔係好食得出有咩，不過佢店前有寫好似有雞肉豬肉同菜一齊，食落好香。最驚喜係配雞湯，本身怕會油但完全唔會，飲落去冇味精，清清地但又夠味，好好飲，配少許雞肉就知真材實料。臨走之前忍唔住又再encore叫多碗見佢鋪頭有唔少街坊特登黎買自家制辣椒醬同涼茶就知呢間野口碑不錯，下次可以順便試埋涼茶

冷烏冬魚湯出色 好欣賞食法先飲一擔湯 再加上冷烏冬同一擔湯一齊食 味道一流 非常好食 餃子皮薄 多菜 菜新鮮 有口感 值得再試還有辣味餃子同樣噤好食！另外有生餃賣 打邊爐絕配 溫馨提示 想食餃子就要早啲去買 因為每天數量有限。