峰壽司魚屋

營業中

休息中

以前成日嚟，無嚟一排，質素差左好多。假日夜晚去到等位15分鐘左右就有，以前最少等45分鐘至1小時以上。真係人流反映一切。壽司飯全部勁林，一pat pat。真係超市壽司都好過佢。魚生都好多唔新鮮，顏色暗啞，好多都味道腥。 最令我呆左嘅係三文魚壽司成大條骨突哂出嚟都上碟，即刻搵佢換。無影低。換左但壽司飯都係一pat pat。怪唔得少人左咁多。食物令人失望…..壽司上碟亦都好求其，碟勁dirty。啲汁成個碟都係…衛生真係有待改善。價錢唔平，但質素咁差，真係難怪咁多人去食壽X郎。

荃灣廣場的峰壽司好有吸引力，每一段時間都會幫襯一下。簡潔的日式裝修，座位舒適，又有大玻璃窗可以眺望街景。午餐時段我第一個入座，肚都餓到響起音樂，好快點咗一個午餐定食卷物餐。首先你係一個蔬菜沙律，新鮮爽口，一小碟泡菜，一大碗麵豉湯熱辣辣的，味道唔會太濃，飲完之後感覺暖胃。小食今天係炸三文魚腩無骨又香口，正。壽司有三文魚、三文魚腩、甜蝦、鰻魚、北寄貝等等，又有爽口的青瓜小卷上面沙律、吞拿魚蓉和三文魚，一頓豐富又清爽的午餐。

今日星期六，老婆突然間想食壽司，就決定去峰壽司試一試入到去環境寬敞，有落地玻璃可以望到出邊嘅景色坐得非常之舒適服務員亦都好好幫我哋執好晒成個位有需要可以即刻嗌佢哋餐牌上邊有好多唔同種類嘅壽司，睇到個花多眼亂，最後決定叫一set的壽司嚟食壽司都算非常之新鮮，尤其是拖羅，有日本拖羅嘅感覺油質非常之豐富，真係想單叫多一碟唯一我覺得可以改善既係用綠茶粉取代茶包，同埋自助加水，成日唔夠水飲，飲多左，茶包無味

估唔到峰壽司都有出下午茶，雖然食評嘅食物質素好似麻麻，不過都試一次啦，點知非常有驚喜！TEA: 火炙壽司set + 炸雞 + 迷你烏冬 $58 （加埋一總共$64）火炙壽司一啲都唔Hea ，有鰻魚蟹柳玉子同埋三文魚，蟹柳玉子其實間間都差唔多，鰻魚有啲入口即溶嘅感覺，正 。迷你烏冬：正常發揮，雖然等咗一陣先食蛋都冇淋到，烏冬都入味，其實呢個份量剛剛好 。我等晒啲嘢食嚟，食完壽司同埋烏冬，最後先食炸雞，但啲炸雞依然都熱到食唔到，即刻炸非常欣賞！雞肉嫩！熱氣嘢食三嚿都非常足夠 。下午茶平日三點至五點，我覺得好抵 ，可見而家真係生意難做。

今日嚟到荃灣做嘢 順便搵下好嘢食， 好耐冇食日本嘢最後揀咗峰壽司， 呢間峰壽司 地方都都大， 枱與枱之間都有一定距離唔會好擠迫 ， 午餐時間 都唔係好多人 ，好多年前食過 覺得唔錯， 諗住今日再回味下😂， 因為唔係好肚餓所以 簡單點咗幾款壽司， 蟹膏壽司，帆立貝壽司， 甜蝦壽司， 赤貝壽司， 蛋壽司， 北寄貝沙律壽司。壽司米飯好食 唔會握得太實夠鬆軟， 不過比較細件 都幾迷你下😅 ，上面嘅 魚生 有部份唔太新鮮， 仲有啲風干左添，蟹膏偏鹹唔夠濃味， 整體嚟講其實係有點失望嘅，我覺得 比以前差咗😅

本身住樓上樓下 成日黎食火龍卷同張圖差天共地 蟹子同少得可憐 全部係碟 炸蒜多過哂所有野 連張圖既醬都冇 難食到痴線 蟹子手卷份量又係少得可憐個烏冬套餐就直情漏埋單 但冇人幫手追 最後黎哂啲野 烏冬同我講後上 真係笑左其實真係想留港消費 點解可以差到咁 88蚊卷物食蒜 98蚊烏冬衰過自己煮 個天婦羅蝦其實就係純炸蝦 根本冇天婦羅粉炸 個沙律就直情同張相唔同左同個侍應講仲態度兇番轉頭 要惡過佢佢先態度好番少少 lunch 3舊幾水食啲咁既野又唔飽....真係好失望

平凡是福 , 我個人好簡單 , 唔使下下話搞曬大龍鳳咁去食 fine dining/omakase, 做人最緊要知足，有魚生丼，有壽司吃，就應該好滿足 ~間八&油甘魚壽司：魚肉新鮮，間八的味道魚味濃厚，油甘魚油脂甘香；配上握得軟硬適中的壽司米飯，幸福感爆燈 ~吞拿魚蓉丼 : 吞拿魚又即是鮪魚 , 吞拿魚蓉加上香葱已經是很邪惡 , 吞拿魚蓉的味道豐腴鮮美 , 魚琢得細滑軟綿，配上偏向室溫的日本米飯、香䓤、紫菜、紫蘇葉 , 口感鮮美 , 有夠滿足 ~本篇完 ~

突然想食壽司 就咁入咗嚟食日本嘢😂估唔到啲嘢大部分都幾正：.✨五點刺身盤裡面有：三文魚、呑拿魚、帶子、油甘魚、甜蝦👈🏻每一款刺身都好鮮 完全唔腥，同埋好快就咬完😳😳而我最鍾意係三文魚&甜蝦‼️三文魚係最帶有魚香嘅刺身，而甜蝦真係甜甜地 質地柔軟🦐.✨三文魚壽司 + 火炙三文魚壽司三文魚質地都係同上面刺身一樣，好有魚香 帶有鮮味🍣.✨海螺芥辣壽司🐚 + 八爪魚芥辣壽司🐙呢兩款嘅咬感幾好，不過芥辣方面 係攻鼻刺激….✨三文魚細卷（呢間啲選擇少，真係冇乜特別想食 先係咁叫三文魚🥹🥹）·✨峰玉子壽司玉子係好大個，但壽司飯嘅比例有啲少😗.✨迷你烏冬幾鍾意呢個烏冬‼️烏冬煮嘅時間剛剛好，軟硬度適中 滑身而煙靭，湯底好清甜 好香紫菜味🍜·✨藍莓千層蛋糕🫐一個千層蛋糕有啲藍莓醬喺裡面，幾特別💙千層嘅層次分明，千層皮都唔會太厚，整體係幾配

呢間聽得多，我都是第一次試，門面裝修已經見到好日系feel,門口睇到嘅食物都好精緻，入去一坐低就見到餐牌上好多款式可選，今次我哋叫咗鰻魚飯同海鮮飯，再叫咗帶子刺身同墨魚小食，好鮮甜嘅海鮮飯帶子刺身好味道鰻魚飯比預期嘅結果都唔差太遠，但墨魚小食就比較略微無咁好味，但都好好食的，整體我對呢間店唔差，但因為我哋2個人，所以並唔可以叫太多來試，期待下一次再可以來試多次，下次我應該會試佢哋嘅壽司，海膽，刺身盤，應該都會令我有所期待的。

環境：裝修日系，餐廳闊落乾淨企理冇異味，上菜速度都好快，座位與座位之間都有好大的空間，坐得都好舒服芝士火焰蟹柳壽司：呢個係去到峰壽司必食的，新鮮熱辣辣，沙律醬夠多，蟹柳鮮甜，新鮮上枱好好食三文魚刺身：份量不過不失，兩個人食每人幾塊份量係足夠的，三文魚新鮮，肉質都算鮮嫩刺身蝦壽司和腐皮壽司：質素不過不失，勝在新鮮上菜，他新鮮有口感大隻蛋壽司好食：好重蛋味，上枱熱辣辣帶點甜味，非常開胃飯後甜品，甜番薯，點楓糖醬食非常好食，口感好糯

以高質壽司連鎖店來說峰壽司莫屬，雖然價錢略貴，但性在高質好味壽司救新鮮亦夠凍。本次與朋友進食，於繁忙時間等要差不多45分鐘才能夠進入，建議如果食峰壽司首先預先book位或是收工後早一點來排隊。特別是荃灣分店繁忙時間你會見到很多人於門口l字型嘅位置排隊，當然啦攞咗飛可以週圍遊逛商場一陣才回來。壽司拼盤精美如圖片般你會見到壽司擺放非常用心，十分精緻猶如一件藝術品於桌上。同時想壽司速度的速度又不是很快，可以讓你慢慢試到壽司的味道感覺。

荃灣多野食多，可以行下又揀下，就算食壽司既店都有唔少，峰壽司係荃廣場都算方便，環境都算可以唔算迫。呢間食三文魚壽司都算ok，個樣都算靚仔，食落係新鮮，沒雜味。就算三文魚腩口感都係ok，味道正常，而且夠凍。蟹棒口感ok,食落去唔會太散太林。今次點既帶子壽司食落去係新鮮而且夠哂凍，算吸引。其他壽司如玉子，火灸壽司都還可以不過如此火灸壽司可以燒得多d自己會覺得更好。今次只係個卷物賣相比較差一點。整體黎講，呢間食壽司算唔錯，係選擇之一。價錢對比質素係可接受的，唔貴。

近期好忙碌，成日都要OT，今日要好好善待自己，決定食好少少！好耐無來荃灣廣場，搵左一間食日本野。🌟#蝦天婦羅炸至金黃酥脆，口感香脆多汁。每一啖都能品味到蝦的鮮甜和外層的酥脆，好味。🌟#燒墨魚 墨魚肉質鮮嫩，經過燒烤後，散發出淡淡的炭烤香氣。外層微焦的皮膚帶有一絲彈性，內部肉質鮮美，口感豐富。🌟#帶子刺身帶子切成塊，保持了帶子的鮮甜和嫩滑口感。搭配醬油和芥末醬，帶出鮮美風味。🌟#夏之人氣卷賣相精美，不同的壽士，肉質鮮嫩，魚味清淡，入口即溶，細滑豐腴，試咗第一次即愛上。好正！新鮮滿有驚喜，食得好滿足，喜歡日本菜的朋友亦可以一試。

今日食晚餐🥣叫左三文魚盛（2人份）油甘魚三點盛單點𩶘魚 千尋蝦 鰻魚鰻魚入口好豐富佢仲有啲飯係有少少鰻魚汁直落好夾同埋加少少豉油已經帶到嗰種香味出黎首先讚吓個三文魚盛，有灸燒仲燒到嗰種香出黎入口有驚喜！🤲🏻同埋啲刺身都好大嚿入口好Juicy好滿足😌叫咗碗$22嘅麵豉湯麵豉湯好好飲比預期中大碗同埋熱辣辣三文魚建議最後先食因為太大舊都有少少漏但你會食到好滿足最緊要搵返杯茶解下膩同埋啲店員都好有禮貌

以前係荃灣翻工嘅時候好鐘意來呢度食午市套餐，又有壽司又有烏冬，仲跟埋個沙律同湯，好完滿好滿足❤️油甘魚盛$32🐟(油甘魚，油甘魚腩，蔥粒油甘魚)無預期咁鮮同帶油香，但畢竟係厚切/厚粒狀，口感上還是不錯的👌🏻北寄貝沙律手卷$20🍙以前因為口感問題而好討厭食北寄貝刺身/壽司，但切粒再用沙律醬加持後，味道瞬間昇華十倍！大愛北寄貝沙律😋費城卷$24🧀有左忌廉芝士，好難唔好食啦😍加上三文魚粒同外層嘅三文魚籽，鮮味十足~蔥粒吞拿魚腩細卷$24🍣吞拿魚腩蓉加蔥一向係完美配搭，但份量較少，唔係太細味到蔥吞嘅鮮味😫峰玉子$7🥚大大舊嘅招牌峰玉子，食落好綿，但甜度就爭啲🥹醋鯖魚$8🐠呢個要讚，魚皮同魚肉比例適中，口感正😚酸度十足，食完一舊想即刻再encore收銀機旁仲有小朋友專區，可以攞粒糖或參與扭蛋challenge，都幾有新意🧩