峰壽司魚屋

營業中

休息中

所有嘢都ok嘅唔係非常新鮮但係係入到口嗰隻個秋刀魚沙律勁多骨秋刀魚麻麻地新鮮價錢唔算貴但係服務真係好差懶到嘔食完啲碟搭到勁高都冇人收唔會再有下次呢啲價錢寧願去板X雖然款式多啲

今日去皇室堡玩具反斗城，順便搵吓新嘢食。估唔到皇室堡4樓原來有咁多日本食店，今日我地就揀咗峰壽司。今次揀峰壽司嘅原因，就係見到價錢好平民，Menu又好多選擇，最重要當然佢係日本過江龍，信心已經有一定保證。因為第一次嚟，乜嘢都想食，結果眼闊肚窄，點咗好多嘢食。海鮮飯同炸豬扒飯都有大大碗麵豉湯同沙律跟餐。另外，壽司刺身好新鮮，我最驚喜係新鮮飯上面嘅帶子，係彈牙爽口，三文魚子味道係鮮甜，配上壽司飯簡直停唔到口。炸豬扒飯又係好好味，炸豬扒啲肉好嫩滑，再配合滑蛋同醬汁，我屋企人話唔捨得食剩。另外，我最驚喜係天婦羅，炸得好靚，一啲都唔覺得油膩，天婦羅真係必試。食咗咁多嘢，最後埋單二個人都只係$347。咁經濟，下次去皇室堡一定會再試👍🏻

成日食元気寿司食到好悶，今日決定去試峰壽司魚屋。周六下午四點幾黎到直入，入面座位唔多。主餐牌有產地直送鮮魚，吞拿魚，壽司，卷物，軍艦，手卷，刺身，湯，沙律，小食，一品料理，丼物，甜品，飲品，酒。另外仲有秋之餐牌，本店推介。今日好餓，叫到成枱都係野，主打時令餐牌。意式吞拿魚刺身 $78 另加一8枚赤身係新鮮嘅，都算厚，好香吞拿魚味，下面有唔少生洋蔥絲，仲灑上蔥花同京蔥，配埋香醋好醒胃。秋之沙律 $79 另加一秋之沙律係長長嘅一碟沙律菜，有西式沙律菜同梛菜絲，上面嘅刺身有幾隻甜蝦仔，大概每樣兩至三塊既吞拿魚，三文魚，北寄貝同秋刀魚。仲有蟹肉同三文魚籽。刺身全部薄切，不過種類豐富，質素可以接受啦。另上一兜柚子醋俾你調味。秋之卷盛 $79 另加一秋之卷盛一客兩款，每款三件。軍艦上面嘅料滿瀉，好多肥美滑溜嘅吞拿魚腩，下面原來係蟹柳，好重蟹味喎。上面加左好多蔥粒，仲有三文魚籽，好豐富。我哋都已經即食，可惜軍艦嘅紫菜唔夠脆。秋刀魚卷上面塊秋刀魚果然重魚味，仲加左蔥花同白芝麻粒。最欣賞卷入面包住天婦羅，雖然食唔出係咩，不過好脆。鮮魚三點盛 $75 另加一牡丹蝦好鮮甜同啖啖肉，高質，可惜蝦頭冇汁冇膏。活

買咗戲票仲有一小時才開場，出面又落緊雨，咁就去戲院隔離嘅「峰壽司」，照計咁多年都唔執應該唔會差掛🤔。待應帶完位放下barcode紙就走，好彩我醒目scan吓個barcode自己點菜，唔算煩自己攪得掂B)壽司盛：買相有點散，特別是他他壽司，一點就解體，師傅你手勢有待改進😓，不過刺身也算新鮮C) 壽司盛：這碟買相比較好，起碼唔會甩皮甩骨。螃蟹羔醬軍艦比較鮮甜；蟹肉碎軍艦又真係冇咩蟹味喎；鰻魚好薄身又唔香，其他就一般水準啦午餐仲有麵豉湯&沙律，湯就一般啦；沙律就比較少又有點水水的😅。整體來講品質不過不失，要求不高還可以的

峰壽司！好吸引！疑似係好抵食而又幾靚而又好似多選擇，印象中既三文魚好正之前成日食蒜片三文魚飯，真係正，今次改試多啲款銅鑼灣店外面有模型食物幾正，裝修正常，都舒服嘅上網落單叫野食好方便，服務都好快好好三文魚麵豉湯，食壽司前暖暖，好大碗，好足料味道唔錯，三文魚味配埋都好正蝦盛配帶子，三點盛，甜蝦、千尋海老、峰蝦，算正常啦千尋海老會鮮少少，帶子就比較薄身，味道唔差但食活帶子會好啲燒汁火炙三文魚壽司，三文魚靠得住，燒汁都正但個火炙味唔夠香，整體都好味火炙蟹柳，加左沙律醬，估唔到咁鮮同有海鮮味，值得推介嘅迷你烏冬，都係為咗滿足食烏冬既慾望而食，昆布湯幾香既蟹肉忌廉薯餅，賣相100分，外脆而內creamy，蟹味唔算好濃但蟹腳位好濃，幾好味龍之卷，一條龍咁，又脆又濃有蟹籽又正，都唔錯蟹膏軍艦x三文魚子x呑拿魚蓉軍艦，蟹膏軍艦淡啲，不過都正既三文魚子就係正，好足料呑拿魚蓉軍艦超超豐富，好正又濃味又滿足最後既厚切呑拿魚真係好震撼，仲有挑走啲筋，真心正實在有好多正既而又多選擇，三文魚正而好多魚都正推厚切呑拿魚同三文魚野，性價比真心高唔怪之得要等位，豐富又有自己風味，讚#其實想試蟹麵豉湯#都係心思思想食蒜片

睇review以為ok, 點知服務勁hea, 坐低唔出聲..都唔知要手機落單壽司hea到上枱已經甩頭甩骨咁刺身係新鮮既可能炸物會好啲啦😕但冇下次🙃😐😐🤦🏿‍♀️

咁啱係街撞到妹妹，就相約一起食個晚餐，上到去皇室堡，見難得峰壽司無咩人排隊，就即刻拎左位先，大概等左15分鐘左就入座喇。因為太耐無食嘅關係😅😅😅，我哋好快叫到成枱都係。我哋大部分都係叫壽司，再叫左麵豉湯同三文魚麵豉湯各一，都係咁大碗同咁好飲，而且熱辣辣😋😋。一定要食嘅峰玉子、火灸峰鰻魚，其實樣樣都想叫😂😂，不過驚食唔曬😎。另外都叫左d熟食同炸物，樣樣都係keep 到水準👍🏿👍🏿，仲有叫佢清酒添🍶

峰壽司 🍣以前每次經過峰壽司都要排隊，但唔知係咪因為疫情關係，感覺人少咗好多，對於怕排隊嘅我黎講其實係好事🤣今次一樣係叫咗每次一定會叫嘅北海盛，48有三件壽司，其中一件係海膽壽司，所以都幾抵食。仲有長腳蟹盛，32蚊就有3件唔同口味嘅長腳蟹壽司，正呀。當然唔少得嘅有好大份嘅龍之卷，68蚊有6件，上面係鰻魚，仲加咗d薯片，脆脆地，好好味㗎，小朋友最鍾意。另外仲叫咗甜蝦刺身，雖然唔大隻，不過都ok甜。一個人食晒成碟。一大一細，叫咁多嘢已經好飽好滿足。

某個星期日，去開皇室堡買嘢，忍唔住都要食番一次峰壽司。由佢第一間開喺白沙道開始已經好中意佢，但因為住九龍，唔係成日幫襯到佢。有某段日子因為遷入沙田，又成日光顧在新城市嘅佢。今次第一次帶仔食，仔話好食過元x。價位就差不多，但勝在是手握，好食啲㗎⋯⋯魚生質素中上，對得起呢個價位⋯⋯仔最愛三文⋯⋯款式都算多，但部份比較貴，我地冇試⋯⋯星期日嘅一點零，都要等廿分鐘先食到⋯⋯去開附近，我地會encore😎

見有青森縣產既貝貝就入去試下啦長腳蟹盛 ＄32， 圖右下，蟹腳略乾，亦無鮮味北海盛 ＄48 ，海膽略腥，蔥吞拿魚腩同三文魚就普通間間壽司店都係呢個質素。迷你帆立貝軍艦 ＄16，(圖左) ok, 食落無渣， 配左幾粒三文魚子鹹鹹地望落又靚d, 幾夾既。帆立貝麵豉湯 ＄29， 呢個有驚喜，啖湯幾甜，有成六七粒貝帆立貝！迷李鰻魚飯 ＄48飯粒質素好差，好似爛飯咁。鰻魚亦好乾，完全無魚味亦無魚油。位於銅鑼灣皇室堡，勝再地點就腳同店員服務好，食物質素就非常普通喇。

🍣極上壽司盛 - $𝟸𝟻𝟶有𝟾款唔同既壽司 每款有兩件新鮮度還可以 唔算十分厚身味道不過不失～🍣雜錦刺身丼 - $𝟿𝟾刺身都係普通既質素而且太多紫菜鋪底 成塊刺身都比紫菜包住但勝在個𝚂𝚎𝚝有跟麵鼓湯+漬物🥗🍜吞拿魚拉麵 - $𝟼𝟾普通湯底 唔算好特別味道一般 有進步空間！📋總括嚟講食物唔算好出色不過係銅鑼灣黎講呢個價錢算抵食👍🏻

經開銅鑼灣做嘢，跟住又肚餓😪突然口痕好想食我最愛嘅壽司🍣😋咁見到峰壽司嘅午市套餐好似唔錯😋😍所以就一個人入去食，享受呢個一人午餐🍣所以我就揀咗午市套餐Set A😋入面環境好好坐得好舒服，侍應服務態度亦都好呢個套餐有三文魚、油甘魚、赤蝦🦐、魷魚、北寄貝、玉子、左口魚邊壽司🍣仲有個北寄貝沙律手卷添😋😍個玉子壽司暖暖地入面有飯好好味，令我最驚喜嘅係個手卷，佢個沙律醬配合埋北寄貝超好味！！最好味最好味嘅係嗰個醋鯖魚壽司🍣😭🥺真係好味到不得了，呢個醋鯖魚唔會話好酸但係好有嗰種質感。所有壽司嘅材料都好新鮮😳套餐會包一碗好大嘅麵豉湯，同埋沙律🥗🤪I love sushi 🍣🤪😚高質🥰

🇭🇰峰壽司魚屋·我發現港島東真係冇乜壽司 全部都係元氣 板長 千兩嗰啲🤦🏻‍♀️冇乜選擇 所以嗰日我哋好想食壽司就專登去咗銅鑼灣試呢一間😏佢個價錢都幾抵食既 啲魚都新鮮嘅 但係個魚味就真係差少少啦 但係都OK嘅 不過因為我哋太耐冇食壽司 所以我哋嗌得好狼死🙊😂😂·火炙盛$38貝盛$36鮮魚三點盛$75佢過火炙都做得幾好食 尤其係個火炙鰻魚同埋火炙帶子 佢係真係完美帶出到帶子嗰個鮮甜 幾好食😋不過個火炙三文魚就麻麻哋啦 因為佢個三文魚口感麻麻🙊😂😂之後個貝盛個赤貝就有啲腥 反而係個海螺相當唔錯 有咬口得黎唔會太un😎之後佢個鮮魚三點入邊個牡丹蝦係好大隻同埋厚身既 我男朋友話都彈牙嘅但係就唔係好甜 但係呢個價錢都相當唔錯 之後佢個鰤魚口感都 幾好嘅😈·二人特上壽司盛 $250呢個總共係有18舊壽司同埋4舊三文魚刺身嘅 但係呢個就真係比較一般啦 所有壽司都普普通通🤭唯一比較好味係佢個三文魚籽壽司 唔會過鹹得黎個口感唔錯 佢個魷魚就唔係太新鮮啦 所以是落好un 之後個赤身望落油脂好好嘅 但係食落就冇乜味 之後佢個玉子壽司係超級厚身 但係有啲過分實 我自己鍾意食落fluffy啲 所以推介大家散嗌佢

日本菜真係百吃不厭行完山泥到銅鑼灣，想平平哋食餐日本菜見時間尚早又唔洗等位，所以就入咗泥食好彩早入座，遲多半個鐘都已經滿座咁滯都例牌叫海鮮飯 -98🤣🤣有多款刺身而且唔係HEA你薄切，都有返咁上下份量，重有麵鼓湯同沙律送，都叫抵食麵鼓湯都叫大碗，今次無蓋給住好好多上次個蓋給到勁實，我同朋友都開唔到要請staff幫我哋開，而佢都要搞咗一輪先開到所以今次覺得有進步😂😂火炙廣島蠔壽司 -22廣島蠔肥美，唔會燒到隻蠔過熟火炙盛 -38其中火炙帶子最岀色火炙鵝肝壽司 -38如果鵝肝唔燒得咁熟會更好味厚切三文魚壽司 -27真係好肥美，食落好滿足醋鯖魚壽司 -8火炙帶子壽司 -18螃蟹糕醬壽司 -12火炙白腩壽司 -24/ 2pics我諗應該都好食，因為朋友encore咗😂我就因為都飽所以無食到整體唔錯，但唔知個晚係咪有咩特別事，d staff叫得特別大聲，感覺有少少嘈同有時會俾佢哋嚇親😅

因為天氣實在太熱啦，所以近排食多咗日本野。行完山之後就喺銅鑼灣呢個咁旺嘅地帶嗰度搵吓嘢食，比我哋搵到呢間峰壽司，試吓先佢嘅嘢食先。可能因為近排疫情緩和左，再加上係公眾假期，所以等嘅人同買外賣嘅人好多。我哋等左足足一個鐘先入到去。一入到去就事不宜遲嗌咗好多壽司手卷等等，味道都幾新鮮。而且因為我哋坐係吧枱，正對住啲做壽司嘅師傅，佢哋個個都好敬業，一有客人嚟到又或者離開嘅時候都會大嗌多謝嘅日文，令到我哋食得都幾開心、幾舒服。