峰壽司

營業中

休息中

假日與媽到峰壽司享用午餐，我們點了幾款壽司和小食。 蝦天婦羅（$48/4隻） 即點即炸，粉漿簿身，蝦的size 也很大，可惜沒有鮮甜味，不過不失。芝士流心年糕薯餅 （$48）有驚喜，咬下去時中間的芝士就如爆漿一樣，芝士味非常濃郁，薯餅的質感是吃到薯仔，卻帶有年糕的煙韌感，與坊間吃到的芝士年糕有別，值得一試。辛辣龍之卷（$68） 是每次都必點，吉列蝦卷 香脆可口，上層鋪滿了醬汁，蟹籽和薯片薄脆，非常惹味，可惜壽司飯略嫌鬆散。

將軍澳中心好似越開越多唔同店舖，所有日本野既店舖都會吸引左我去試，今日呢間嘅午市套餐都算幾抵。—————————————————————#Set A 壽司盛 💰69 (未計加一服務費）午市黎食人流都唔算好多，上單速度夠快。呢個套餐包一客沙律🥗同麵豉湯，order完幾分鐘之後就拎左個沙律同麵豉湯黎。Total有8件壽司+1件手卷，壽司方面當中有三文魚芥辣軍艦、蔥粒吞拿魚腩軍艦、三文魚腩、鯖魚、三文魚、八爪魚、千尋蝦、北寄貝同埋有炸蝦手卷。壽司整體算新鮮，同埋切得都大塊，唔算好薄身。啲飯好似比較細，真係做到一啖食得曬🤨，整體水準算中上。至於手卷啲紫菜好淋，證明啲飯真係夠熱🤔，好難咬，但炸蝦竟然做到香脆質感👍

由於將軍澳番屋企路途頗為遙遠，同爸媽諗住早啲食早啲番啦🙈點知未夠18:30去到，已經派飛派到22，叫到8號🤦‍♀️🤦‍♀️🤦‍♀️見時間尚早，唯有行下aeon先啦40分鐘後，就有位喇，其實唔算太耐因為爸媽都鍾意食壽司，所以就主要叫壽司+兩個熱食呢個三文魚盛$38(3件), 刺身較長，以價錢黎講唔差，我地一人叫左一碟油甘魚盛(都係3件)質素幾好，有驚喜，我地番call，同樣一人一碟蟹子就算係咁啦但普通三文魚壽司🍣就真係好普通喇 肉質唔太掂 比我揀，我會貴少少要三文魚盛呢個三文魚腩就好好多喇 蝦都係正常但帆立貝就唔得喇 唔係幾新鮮墨角都算新鮮蟹蓋有驚喜，38蚊黎講，佢比我想像中大，而且幾好食，但係有少少漏，2個share食就會ok呢個蒜香蜆好有驚喜，同樣38蚊，份量都幾多多，粒粒有肉，脹卜卜，完全無渣，值得推薦😋😋

一日食左兩間壽司店，一間係過江龍排隊排到暈，一間係已經紮根左係香港一段日子嘅峰壽司，但... 確定有比較坐低職員見我地有小朋友即安排bb櫈，同準備小童餐具，好細心峰壽司嘅壽司賣相係幾靚，用佢部ipad叫左個峰壽司盛合，諗住以店名為名應該唔會差掛～但食落每一舊都不大驚喜，但刻有「峰」字嘅蛋壽司真係太難入口，有點膠蛋嘅感覺不過要讚嘅係反而佢熱食唔錯～我地叫左個牛肉烏冬同炸物，比起壽司好味好多，希望將來會好好提高質素吧～

又係一個睇完戲既晚上近呢幾年將軍澳開左好多野食鋪頭，係附近睇完戲，當然要試下。而呢間峰壽司就係我朋友推薦既，聽聞日本都有分店!我地2個人就叫左2個壽司Set，合共30舊壽司，食到我地好飽! 埋單都係26x左右。魚生都好新鮮，咁多款裡面覺得帶子係最好食，大大粒。不過都係得一人一舊，食完就冇啦。但覺得軍艦壽司有少少奇怪，入面個陷正常應該係青瓜，唔知點解會係酸菜，可能係特色掛。而另一款比較特別既壽司出乎意料既好食，個名係辛辣，但其實完全唔辣。上面既碎碎係薯片碎，無錯應該係熱浪薯片。呢D古古怪怪既壽司肯定唔係日本發明。

之前見呢間店排晒長龍，今次特登book 左先黎。整體黎講食物質素幾好，價錢又可以。特大三文魚壽司：幾鮮魚子軟殼蟹卷：雖然賣相差左啲，但味道係正既蟹肉沙律軍艦：可惜冇乜味加州卷：都係賣相麻麻，但味道唔錯

中午同事們話去遠少少食飯 揸咗車去將軍澳廣場嘅峰壽司 上次來將軍澳廣場唔覺眼 應該開咗唔係好耐？ 午市有幾款定食可選 七十到九十蚊左右 都算幾合理 我叫咗個鰻魚丼 原來仲跟一個小沙拉同烏冬 其實幾樣嘢嘅味道都係好中規中矩 無咩特色可言 但係商場有得泊車 食夠100有得免一小時 餐廳又唔洗等位 坐得舒舒服服 呢餐都算值得食嘅

今日放假，陪媽媽由香港既最西面去最東面搵佢粒寶貝孫四個港女聚埋一齊，十次有九次都係食日本野，今次都唔例外，就去左峰壽司食lunch大家不約而同既揀左海鮮丼既lunch set包沙律，細烏冬同主菜海鮮丼🤤海鮮丼份量唔少，刺身比想像中切得厚，而且幾新鮮仲有個烏冬，雖然細細碗，但份量唔算少女仕唔大食既話係夠有突! 姐姐就同小朋友share，一個食飯一個食烏冬，份量岩岩好。我因為超級肚餓，一個人食哂飽到上心口🙈總括黎講，$99有飯有烏冬都算係甘👍🏻

來到將軍澳廣場，發現從前的759鋪位，變左做日式餐廳，所以跟小米試一試。等了几個字，終於可入座。以平板落ORDER後，慢慢等待食物來到。 小米喜歡的燒鯖魚，腐皮壽司，蟹柳細卷，烏冬，大路的日式美食，當然不中伏。所以小米可以開心享用這几款食物。而自己點的特大壽司三點盛，三貫壽司，味道正常，價格亦合理。來到這個Fusion系列就中伏了!   意式薄切刺身盛帶子，海膽，吞拿魚蓉，三文魚籽，蟹籽，没有額外調味下，當然ＯＫ。 但另一邊有調味的刺身就真係中左伏。三文魚和油甘魚刺身加了意式調味，變做Fusion系列。配有芝士的青醬：青醬還算ok，不過有硬崛崛的炸蒜，真係咬到牙到崩。可是刺身底下有液體的黑醋，滲透到青醬那邊，黑醋與青醬混在一起。青醬的香草芝士味，跟酸的黑醋，味道超怪。如果改用醋膏，或者走醋，可能會更好。　埋單接近三舊水，唉！　諗起炸雞店的名句，如果套用在日式壽司餐廳，就係＜You do sushi right.＞　

《#峰壽司》 #將軍澳📍將軍澳唐德街1 號將軍澳廣場商場2樓92-95號舖———————————————🔹鰻魚丼 午餐E (配迷你烏冬、沙律) HKD89加一-峰壽司於將軍澳區開設分店已有一段時間，每晚店外總會大排長龍。我去了該店三次，將軍澳分店素質不及銅鑼灣分店穩定，但也不過不失，並不會太差。說回是次主角-鰻魚丼，可見配色十分搶眼，蛋絲亦都好多，鮮豔嘅顏色絕對增加食慾。鰻魚肉質細膩，但值得一提的係品質的穩定性。兩次進食鰻魚丼，一次分量充足，甚至吃不下烏冬；一次則是分量明顯縮小(從視覺上直觀縮水)，男士們一定唔夠食。而鰻魚方面一次有細骨(大量)，一次則沒有。最後還有一點是——午市的壽司飯會偏酸，不是一點，是有點多😰 但晚市則沒有這問題。但相較於滿街的元氣、板長，差不多價錢的峰壽司，還是我區內日本料理的首選。😛———————————————90sfoodieshare: 7/10

叫左外賣自取，佢另外有外賣紙for外賣既。我叫左分別有拖羅、三文魚、蟹子軍艦、松葉蟹、鰻魚、油甘魚。叫得外賣，預左冇堂食咁新鮮。食物只可以叫做不過不失吧。不過員工服務的確有待改善，整個付款過程沒有說過一句話，當然也沒有說多謝啦。付款後問她要等多久，她說半小時，但叫我留低電話，做好致電給我，我就先到處走走。到大約過了20分鐘，我回去店看看，原來已經做好，但明顯沒有人致電給我，也有少少影響了食物新鮮度。

今晚第一次去食、等了大半小時、入坐時才七點多、已有很幾款食物已賣清, 你冇嘢賣就早啲貼出嚟話畀人知, 我就唔使等45分鐘, 早就去第二間、送來的魚生是切定的、放在雪柜拿出來、個面已吹干曬、有 薄有厚、叫了個湯烏冬、45分鐘都沒到、 最後要取消、蜆仔湯、D蜆熟過柴皮、 應該又係雪藏貨 、全部食物得一個字、差。都唔知點解咁嘅食物、價錢、都會有人排隊、 搵笨。最後、可取的、 係啲 侍應生服務態度好好、 最後我向 佢 反應 食物質素、 睇佢嘅反應、 佢都應該唔係第一次聽到呢啲說話、 苦笑

一直聽峰壽司都好想試下，今日趁假日晚餐就黎到呢到試下，我原本都知道呢到等位等好耐，我已經六點半就到左，不過我真係低估左呢到既多人，最後我等左一個半鐘先有得食。入到去坐低，呢到既位都幾寬，坐得幾舒服。呢到係用ipad點餐，所以好方便。食物送餐既速度都算快，我地就開餐lu。我覺得呢到既天婦羅最吸引，唔算好多粉，而又炸得好香脆，天婦羅壽司尤其特別美味，配埋壽司飯更夾更好味。呢個鐵板明太子薯仔特別值得一讚，三文魚味好香，而且同薯仔有意想唔到既夾。整體黎講都係一個好好既體驗，只係真係等太耐！

10分滿分。扣分位如下:1.叫咗村360ML凍嘅清酒，佢竟然攞枝室溫嘅清酒加嗰冰筒就俾我。2.特大炸蝦兩隻，嚟到見到賣相幾好同真係幾大，一口咬落去，成口都係油，炸粉同隻蝦比例大概係8比2。3.玉子壽司乾個嗰何包。4. 春季推介嘅鯛魚壽司， 睇到賣相已經唔想食， 黑黑地，乾爭爭 ，新鮮程度可想而知。5. 三文魚子壽司啲魚子就扁踢踢。6. 所有壽司啲飯都係熱辣辣，感覺奇怪。7. 叫咗7件壽司，1個沙律，1蝶炸蝦，1壺360ml清酒。埋單5xx， 性價比極低...有分位如下:1. 豆腐沙律尚算新鮮2. 職員服務態度尚可3. 餐廳卡位尚算舒適

將軍澳廣場開左間壽司店，行完山正值下午茶時間就去試下，不過佢無下午茶餐牌既，價錢應該同其他時間都一樣。呢度用tablet落單，想食咩都可以隨時落單，唔洗下下叫人落我地兩個人叫左一碗飯、一碗烏冬同一客壽司，不過覺得份量比較少，食完都係覺得餓南関腐皮烏冬：湯底幾夠味，烏冬索左啲湯味係幾好食，不過太細碗唔夠喉。餐牌無寫係迷你，所以以為係正常份量，點知黎到係迷你size。迷你長腳蟹飯：有蟹肉同蟹籽喺面，中規中矩，唔算得特別吸引，個飯較為淡口。蝦天婦羅卷：一份只有3件，無咩特別。熊本紫甜薯：因為唔夠飽，就叫多份甜品食。個皮煙韌口感好好，裡面包住大大舊番薯肉，係天然番薯甜，一件好大舊，share食就岩哂。整餐來說，呢個最好食總括黎講，份量上唔係好夠，味道亦唔算好突出，屬中規中矩之作。