峰壽司

營業中

休息中

記得細個食嘅時候都幾好味好耐無食就再去食不過今次經歷一般因為我地嗌左之後嚟左圖中嗰幾碟之後等左半個鐘都無野食…最後無食到就埋單走.得呢兩碟🥲味道無細個食咁好食🥺

【 🍣 A set 壽司盛 】---($69) *另收加一服務費*～～～📍評分：8.5/10 ～～～⏩ 呢間日本餐廳真心幾好食👍🏻，之前食過一次已經知會encore😂！而且環境座位都好闊落，食得舒服，仲唔多人😛！～～～👉🏻八爪魚芥辣軍艦👉🏻蔥粒吞拿魚腩軍艦👉🏻三文魚腩👉🏻鯖魚👉🏻三文魚👉🏻八爪魚👉🏻千尋蝦👉🏻北寄貝👉🏻炸蝦手卷🥘麵豉湯🥗沙律～～～✅ 整體黎講，所有魚生都好新鮮💦，食落一d都唔腥，食得出係高質素新鮮既魚生🤟🏻！而且有好多款式既壽司，係個幾抵食既午市套餐🤩！～～～性價比：4/5回頭度：4.5/5賣相：4/5環境衛生：4/5服務態度：4/5～～～

🍣🍣終於重遊之前念念不忘嘅峰壽司，可惜已經冇咗「極上大盛軍艦」，見到有個「北海三點盛」，頂住當先啦。😂😂🍱🍱先講「北海三點盛」，包括有海膽、三文魚子同吞拿魚腩。可能之前嘅極上大盛軍艦太過出色。今次呢個相對冇咁驚喜，海膽份量比較細，亦唔算太鮮味。吞拿魚腩感覺亦冇上次食咁新鮮，三文魚子做正常發揮。🦀🦀同場要介紹另一個至愛「軟殼蟹手卷」。佢嘅軟殼蟹手卷，感覺比起其他舖頭嘅大同足料。餐廳都幾好坐，店員有禮貌，食物上得好快，有機會可以再試吓其他食物。期待再遇上「極上大盛軍艦」！😍😍

諗起外賣，壽司真係好方便又好食，今次喺美食平台叫咗峰壽司🍣之前堂食試過佢質素都唔錯～不過送到嚟有時都會擔心品質唔好，始終生嘢都有啲風險～好彩由落單到送到都真係好快，半個鐘都唔洗就送到，仲要pack得好企理添！我哋叫咗個最貴嘅盛合～金盛四人前 ($715)🍣聽個名都覺得好威🤣啲材料的確係幾高級嘅～全部壽司都好新鮮，我特別鍾意食有拖羅嘅兩款，中拖油脂好香😳而另一個三文魚包住壽司飯，上面仲有拖羅蓉，夾埋一齊食真係好好味，融合得勁好🤤另外佢嘅帆立貝都好鮮甜～惟獨是軍艦嘅紫菜淋咗少少，不過佢外賣，呢樣嘢都係冇得避免～整體嚟講係好好味，覺得都好值得呢個價錢～仲有一個位想讚嘅係佢用咗四個膠兜仔裝住wasabi，我哋可以一人一個豉油碟咁用，方便又衛生！👍🏻

見有一排無食壽司 疫情限晚市堂食又冇晚飯食 愈黎愈口痕 見星期日悶悶黎冇野做 同女朋友再約左兩個fd 係周圍行下見攰就入黎 食個下午茶 定唔知叫early dinner 好4,5點既時間加上疫情 鋪頭十分冷清 只有兩三枱客但咁樣反而另我地可以更自在咁吹水 enjoy 漫活哩個 sushi time野食都係隨心叫 隨心影另外仲叫左碗三文魚頭湯 好有驚喜 好清甜 咸味適中 飲完又暖胃 又開胃叫左一個盛合 咩都有 鰻魚特別出色 其他都穩定表現其餘單點 甜蝦 正常三文魚腩 肥美4人 最後埋單 350

上次試左銅鑼灣分店，今次就黎左將軍澳分店，不同分店有唔同menu，所以兩間都黎試下。相比起銅鑼灣店，將軍澳店相對人流少，夜晚時間都可以直接就座，食到中間時間咁上下，都見周圍既座位仍然有空缺。試左將軍澳店先有既特長三文魚三點盛，賣相唔錯，睇落都夠新鮮，價錢黎講都抵食。同埋飲料menu比銅鑼灣既選擇多左唔少，個人就簡左蜜桃氣酒，唯一失望既系甜品menu大多數已經售完未有機會食到。因為少人同環境夠光，坐落都相當舒適。

記得細個有去開新城市廣場一田超市附近既峰壽司，可能以前食壽司係比較昂貴既選擇，所以每次都會好珍惜有得食壽司既機會haha。當我發現將軍澳開左峰壽司真係好開心，即刻約左朋友試一試，個人覺得質素比新城市廣場既更好。火炙左口魚裙邊壽司又係我最愛之一，燒完好香魚脂味，每次一定會點。帆立貝壽司普普通通，略嫌刺身有少少薄。海膽軍艦好好味，濃厚嘅海膽味，食落又有少少甜。蒸蛋又係好足料，有小柱、魚子、三文魚等等，以呢個價錢連鎖壽司店黎講簡直係貴婦版蒸蛋，如果蒸蛋再滑身d真係無得頂。

《優質外賣壽司 🇯🇵》———————————————-#峰壽司 🍣-呢間位於峰壽司一直係我嘅街坊日本菜最愛，據我所知唔止將軍澳好多地方都有分店。最近疫情關係，節日時候都會叫外賣同屋企人做節，大大盤壽司就最適合不過😍-呢款特選盛雖然係佢拼盤類別最平嘅一款，但係用料都相當豐富，一啲都唔輸蝕😚有吞拿魚、三文魚、三文魚腩、醋鯖魚、甜蝦、加州卷、海螺、熟海老、鰻魚、玉子同香箱蟹柳，包含好多唔同選擇，梗有一款啱你食，最適合家庭聚會🥰-最推三文魚腩肉質嫩滑，口感肥美，絕對對得住呢個價錢，性價比十足！另外甜蝦都唔錯，都幾鮮甜。成盤壽司有成48件，非常飽肚🤩-⭐️ 參考價錢︰（限時外賣自取85折）特選盛（四人前）：$416.5🍌 抵deal 指數：9/10

I have always loved coming to this sushi place and I usually go all out when it comes to sushi. The restaurant didn’t have a lot of seats now due to covid restrictions but it felt more spacious and neat, social distancing with other customers was well implemented. The staff was informative when I asked whether the ingredients or sauces would be too spicy. Overall, the roasted kind of sushi rated the best, they are savory and sweet. The rice was soft with the right amount of vinegar. The price wa

難得晏晝出街食飯，就揀咗食壽司，因為感覺堂食比較新鮮同衞生呢間嘅午市套餐都幾多選擇，而且星期一至五嘅本店推介仲有兒童餐，帶埋小朋友嚟食都OK今次我就揀咗午巿套餐A，有手卷，壽司，沙律同埋湯，而朋友就揀咗午餐F嘅海鮮丼，仲配埋烏冬同埋沙律，超級飽肚。整體魚生唔算話十分鮮甜，但亦都唔會有雪味或者其他怪味因為我好肚餓😂所以仲加咗一客厚切吞拿魚同埋北海道帶子。呑拿魚都正常，但北海道帶子配嘅牛油果醬就真係唔夾另外亦都加咗一個激上蒸蛋，蒸蛋係用迷你蒸籠上，幾特別，份量就大約一隻細飯碗咁多，鋪面嘅蟹肉冇乜味，但配埋三文魚子都幾好味，而且蛋入面仲有蝦同埋魚肉粒，都唔錯

夜晚太懷念日本，所以揀峰壽司食，食完，更掛住日本...因為真係無得比秋之味覺盛，係佢呢期嘅期間限定，火炙系列黎嘅，由左至右分別係金目鯛，秋刀魚同埋厚切三文魚。火炙某程度上可以掩飾咗魚肉唔夠鮮嘅部份，可惜佢呢啲配搭（指醬/配菜）唔夠夾，結果仲食得出唔鮮嘅感覺，唔係唔好食，但唔值呢個價（$119）峰壽司盛合，一個唔駛煩嘅選擇，但係真係同日本無得比。其實唔應該同日本作比較，但佢地都相差唔少...啲嘢唔夠新鮮係主因，其次可能因為係香港，大家都鐘意啲嘢大大份，但其實壽司原本就係要一口攪掂，做唔到呢樣嘢攪到食起上黎論盡咗，呢個位要扣分...佢值$198，因為佢大份，但係唔夠鮮，亦有少少同壽司原意相違背。竹輪薯仔沙律，今晚最正嘅一樣嘢。用竹輪包住薯仔沙津，外面幾脆，整體幾夾。相中標榜熊本新名物，果然不辱此名。食完更掛住日本，因為真係食唔番，但呢間相差有啲遠，但明明鋪面光鮮，裝潢等都似日本，如果質素都接近啲日本就好了...

「一個人原來都可以盡興，多了人卻還沒多高興。」今日中午有啲時間，自己去咗食壽司… 喺間舖頭坐咗好耐，又打機，多謝工作人員冇趕我走🤪一人餐，限堂食，我叫咗個Set F，$99，加一後$109，都算抵食！🥳一個一人餐包左魚生飯，烏冬，同埋沙律。最後飽到食淨左半碗飯😖😖😖本身以為set lunch，魚生飯嘅魚生唔會好靚，點知又幾肥美～～特別係個帶子，最後一啖擺落口，正呀😆烏冬比較普通，唔彈牙，不過又唔會話難食～

星期五，我選擇在「將軍澳廣場」二樓位置的日本壽司料理餐廳「峰壽司」裡面享用晚餐，方便食完晚餐過後，可以選擇即時坐巴士返回西貢墟，恰巧「將軍澳廣場」「峰壽司」旁邊就是我平日有光顧的台灣飲品店。所以選擇在晚餐光顧「峰壽司」，「峰壽司」作為一間日本菜餐廳，雖然沒有太大可能提供牛雞雙併飯食品，但是至少還可以在同一餐廳裡面食完牛肉跟雞肉食品，不需要再在附近其他食店繼續尋覓了。而且我意外發現「峰壽司」的飲品餐牌裡面，原來還製作和提供了一款屬於「桃」類的甜味梳打飲品，飲品的實際名稱叫做「蜜桃汽水」，飲品英文名稱叫做「Peach Soda」，是「白桃」還是「水蜜桃」就無從知曉了。最後我還意外發現「峰壽司」原來還有「壽司盛合」，即是以套餐價錢提供幾款壽司食品的「壽司套餐」，於是我選擇享用平日價錢比較昂貴的「油甘魚」壽司，以不同款式「油甘魚」壽司砌成的「油甘魚盛」套餐。「峰壽司」裡面的「油甘魚盛」套餐價錢不算十分昂貴，三款不同口味的「油甘魚」壽司加起上來的總價錢，都只需要大約港幣三十二元左右而已，我立刻點了一份「油甘魚盛」套餐。我在將軍澳分店「峰壽司」真的要享用的目標食品，包括有雞肉類丼飯食品「迷你炸雞飯

平日在將軍澳，常常絞盡腦汁，午餐吃什麼是好，通常想不到，就會去峰壽司吃套餐A，因為套餐中的壽司比較合我口味，而且價錢實惠。壽司中有：芥末八爪魚軍艦、吞拿魚蓉軍艦、三文魚腩、赤蝦、北寄貝、魷魚、炸蝦手卷等等，質素是不錯的。套餐還包有沙律和麵豉湯，沙律菜真的不好吃，通常吃了粟米就算了。麵豉湯的味道還可以，材料不太多。這兩個質素還是有待改善，始終不是送的，是套餐的其中一部分呀，應盡善盡美🤷🏻‍♀️環境較寬躺，不用排隊，這套餐算是較平靚正，想吃其他靚菜式，價錢也相對較高。

唔食元氣，就搵下其他壽司店食！呢間我覺得完全可以取代元氣！佢既三文魚，帶子，玉子燒都幾正！另外佢既炙卷壽司都做得幾出色！高度推薦！佢果個辛辣蝦卷應該係用左熱浪薯片，第一次食壽司入面有薯片，估佢唔到又幾夾！兩個字：好食！以佢價錢有咁既質素，我收貨啦！