嵐山日本料理

營業中

休息中

約咗朋友嚟呢間高級日本料理店食嘢，睇完menu覺得佢哋嘅嵐山二人前套餐($899)最抵食，除咗有齊前菜、沙律、甜品呢啲基本嘢，仲有小食、刺身、壽司、鍋物同烏冬。種類夠多，相當豐富。前菜前菜有漬物三點同沙律可以兩個人share食。3款漬物分別係蘿蔔、牛蒡同青瓜，漬物醃得入味，口感清爽，最特別嘅係青瓜，面頭有啲味噌，鹹香惹味。沙律就有蟹籽、蟹柳、粟米、蕃茄等配料，加埋酸醋醬汁，夠晒開胃。刺身四點刺身有4款，分別係拖羅、油甘魚、三文魚各兩切同甜蝦4隻。魚生好新鮮，而且件件厚切，食落非常滿足，尤其係拖羅，夠哂肥美，甜蝦味道都好鮮甜。壽司拼盤壽司方面就有日本海膽、金目鯛、真鯛、帆立貝、赤身、深海池魚等貴價魚生每款1件，仲有6件拖羅蓉小卷。海膽好鮮甜，口感幼滑creamy。金目鯛經過火炙，食落特別香。帆立貝質感水嫩，厚肉爽彈。佢哋嘅壽司飯亦係非常特別，用上赤醋，所以呈啡色。食完冷盤就到熱食，先嚟嘅係兩款小食。山賊汁燒安格斯牛柳串牛肉味好濃郁，食落帶啲辣，非常惹味。唐揚薩摩雞翼雞翼炸到金黃香脆，但一啲都唔油，雞肉仲係好嫩滑。廣島蠔味噌菜鍋主菜就有熱辣辣嘅鍋物，大大隻水嫩飽滿嘅廣島蠔，配上味噌湯底同娃

早排路過呢間見都幾多人 應該唔太伏所以試試佢點知又幾喜出望外質量相當高，魚生特別新鮮，真係好值得一試味醂魚干 $82味道唔算特別突出 不過不失 但如果送酒應該相當不錯竹刺身盛 $488D魚生好厚切 好新鮮 火灸左口魚邊壽司 $140呢個超好食 燒左既火灸左口魚邊重油香 口感滑嫩不過有DD貴雞軟骨 $28幾脆口 口感不錯，算係正常發揮雞皮 $36燒到脆卜卜 好有口惑雞皮餃子 $38餃子皮薄餡多，味道鮮美，配上醬油更添風味天婦羅盛合 $128各種天婦羅，外脆內嫩，口感極佳西京銀鱈魚 $188睇得出好有心機燒 燒到 剛剛好 魚肉鮮嫩 醬汁都非常入味 值得推薦

本想與伴侶共度愉快的二人晚餐,可惜卻因餐廳的服務而大失所望。我們點了二人套餐,期待能悠閒享受美食。然而,餐廳服務員似乎格外著急,在短短半小時內便將所有菜餚端上。這種倉促的上菜節奏令人不適,感覺像在趕時間吃飯,完全無法放鬆心情。雖然食物味道尚可,但因上菜速度過快,許多菜餚來不及趁熱食用,大大影響了口感和整體體驗。我們理解餐廳可能想提高翻枱率,但這做法犧牲了顧客的用餐品質。希望餐廳能重新考慮服務方式,在保持食物品質的同時,也注重用餐節奏,為顧客創造更優質的用餐環境。整體而言,這次晚餐體驗令人失望,評分僅給2/5星。

#尖沙咀棉登徑日式串燒 #尖沙咀棉登徑刺身餐廳其實是第一次來，沒有預約，walk in平日六點幾都差不多有七成入座率了，兩個人坐了一張一對一的二人枱其實有啲迫，不過店內氣氛唔錯，大部份人都係叫生啤，睇到啲啤酒都好冰凍🍺我哋兩個人鍾意飲清酒第一件事，就係order清酒，店內都好多清酒選擇，最尾選擇了這一支，價錢合理這些環境，這些價格差不多叫了一些串燒，串燒很有效率燒得很有火候，叫了刺身拼盤及一些壽司，確實是一分錢一分貨，全部刺身都好新鮮👍🍣🍱，一啖刺身，一啖清酒超級大滿足，請頓晚餐，唯一美中不足是位置比較逼夾，推介可以再來👍請張單約$2800，如果可以坐得寬敞一點就完美了

嵐山位於尖沙咀，以木系日式居酒屋裝潢。午市套餐都有20多款美食套餐選擇，套餐包括沙律、茶碗蒸、麵豉湯、綠茶及甜品。壽司定食＋迷你牛肉烏冬＄168所有食材都非常新鮮，鮮甜美味！因為全是日本直送。迷你牛肉烏冬份量都也不少，烏冬很彈牙。安格斯牛肉壽喜燒配白飯 $145壽喜燒味濃郁，牛肉充滿壽喜燒甜甜的味道， 配上蛋汁，非常美味！以前的甜品是雪糕。但現在已改為雪米糯。感覺低質了！另外，我只是吃了正餐的一半，員工已急不及待的送上甜品。感覺很差，餐廳又不是滿座，像趕客，而且雪米糍會溶的！以前是會詢問客人才遞上甜品的。

👩‍❤️‍👨精選二人餐 $899-漬物三點-沙律-刺身四點-壽司拼盤-山賊汁燒牛柳串x2-唐揚雞翼x2-廣島蠔味噌菜鍋-黑咖哩湯豬軟骨稻庭烏冬-甜品🔸早兩日喺尖沙咀想食下日本嘢試咗呢間，咩都有得食係幾全能，呢個二人餐算性價比係幾高。前菜先上三款漬物分別有蘿蔔，青瓜同牛蒡，好開胃😁之後菜式一直魚貫登場，其實最鍾意係廣島蠔味噌菜鍋，一上菜啲蠔味已經撲鼻而來。四隻蠔又肥美又鮮甜，配埋味噌湯底，啖啖都係精華！菜嘅份量啱啱好，菜同蠔之間嘅平衡真係perfect✌🏻🔸刺身壽司由於都係日本空運直送，有返咁上下基本盤😍最鍾意係拖羅，劍魚腩同埋燒真鯛。串燒有山賊汁燒牛柳串，甜中帶鹹，牛柳嫩滑得嚟又有咬口🔸最後上到黑咖哩湯烏冬其實已經好飽，豬軟骨炆得腍腍地，一咬就即刻溶化，咖哩湯底又濃郁，帶啲微微嘅甜同辣味，好有層次。稻庭烏冬嘅口感真係冇得頂，滑溜溜但又有嚼勁😎

除左中菜，我媽都好鍾意食魚生壽司依間之前經過幾次見人地食啲賣相幾靚仔今次就嚟試下lunch，叫咗2個午餐拖羅丼 $208就係被依個賣相吸引而來～ 粉粉紅紅嘅拖羅足足有6塊！顏色均勻有光澤✨ 入口嫩滑，新鮮肥美，厚切更加分👏🏻👏🏻 另外仲有拖羅蓉，加少少醬油撈飯食好正🙌🏻京燒銀雪魚碗白飯 $172帶住小朋友🧒🏻 叫咗個熟食一齊share～ 用筷子🥢夾開魚肉就知係高質銀雪魚，質感實在但入口又好嫩滑～ 銀雪魚獨有嘅魚油香，最好就配珍珠米飯食🍚 套餐除主食，仲包括：麵豉湯、茶碗蒸、蟹籽沙律、泡菜小食各一份～ 整體味道都幾好😌 小朋友就最鍾意茶碗蒸，鮮甜幼滑～

驚喜發現一家唔單止菜品上用心，連服務態度同環境氛圍特別註意嘅一家日料店！✅竹吉身盛🍣🎋每件都厚切新鮮，巨正，詮釋咗原汁原味🤤✅軟殼蟹天婦羅🦀顏色金黃誘人，食起嚟表層酥脆可口🤤✅薩摩赤雞系列🥩肉質結實又富有彈性，經師傅炭火烤制後，擠上檸檬汁，清新又好食😋✅安格斯牛肉薄燒🥰🥓烤好嘅牛肉夾著蔥同芽菜，點唔點醬料都一啖一滿足😊✅鹿兒島黑豚肉鑊燒烏冬🥘清澈嘅湯突出咗各種食材和黑豚肉本身原始嘅鮮味🤩

今日心情靚靚，特登落尖沙咀食午餐🍱剛去完日本旅行意猶未盡，繼續食日本嘢！銀鱈魚西京燒$172西京燒銀鱈魚係甜甜地，好特別，幾好食😋有兩大片魚肉質夠厚實，夠足料，還配有茶碗蒸同麵豉湯，連茶碗蒸入邊啲蜆都好大隻！壽司定食+迷你牛肉烏冬$168呢個午餐勁豐富，有雜錦壽司定食菜加牛肉烏冬！有赤身、油甘魚、日本直送魚、三文魚、帆立貝、甜蝦、海膽、玉子，我最鍾意吞拿魚壽司魚味好香濃！海膽亦都非常之新鮮，沒有腥味！迷你牛肉烏冬份量都唔少，牛肉都大片，烏冬好滑！🍱嵐山日本料理 (尖沙咀)📍尖沙咀棉登徑11號地舖

之前聽舊同事介紹過... 話呢間充滿地道和風嘅日式食店嘅食材好新鮮... 叫我行開一定要試下呢度嘅刺身! 今日喺尖沙咀行完街街... 即刻帶埋老友去品嚐吓!竹刺身盛 $488有6款刺身... 包括中拖羅、甘蝦、三文魚、帆立貝、油甘魚、鯛魚!我覺得呢個份量都幾啱兩個人食... 鍾意食刺身嘅朋友真係唔好錯過... 因為啲刺身真係勁新鮮... 同埋大大件、好有質感! 中拖羅好肥美... 有種入口即化嘅感覺... 魚味香濃!甘蝦爽甜又彈牙!三文魚口感柔軟、油脂適中!帆立貝甘甜有彈性!油甘魚鮮甜、啖啖甘香!鯛魚油分少、魚味鮮甜!宮崎A5和牛鵝肝炒飯 $198肉質鮮嫩多汁、口感豐富嘅宮崎A5和牛... 配搭細膩醇香嘅鵝肝係成個炒飯嘅靈魂... 每一啖都帶有馥郁嘅感覺... 加上粒粒分明嘅炒飯... 超完美!天婦羅盛合 $128由海老、魚、茄子、南瓜、秋葵等組成嘅天婦羅盛合... 佢嘅天婦羅炸粉漿調得恰到好處... 整出嚟特別香酥薄脆... 掂呀!雞皮餃子 $38  /  薩摩赤雞翼 $34串燒有好多選擇... 我地揀咗雞皮餃子同薩摩赤雞翼... 兩款都好香口! 前者外皮香脆... 內餡多汁!  後

今個月黎過兩次，食物保持水準，可惜兩次對樓面既服務都覺得麻麻，大部分對餐牌食物不了解，冷淡對應⋯為了不辜負廚師們的努力，希望可正視問題。令客人有個愉快的用餐經驗

.我平時都幾鍾意去棉登徑食嘢😌成條街都係各式各樣嘅餐廳🤗🤗今次lunch time就試咗呢間專食刺身壽司🍣嘅日本料理🥢中環過嚟尖沙咀只需兩個地鐵站🚇真係好方便.Lunch set食物選擇都幾多🤍有壽司set，有好多款丼飯仲有好多熟食同埋鍋物🍲可以揀其實都幾眼花撩亂😝每個set都有沙律🥗，味噌湯，茶碗蒸🥚同甜品有選擇困難症嘅我決定揀一個壽司set一個熟食.🌟廚師精選特上壽司定食🍣 - $328嘩嘩嘩🤩🤩真係件件壽司都精選有日本海膽，大拖羅，帶子，牡丹蝦🍤，深海池魚，油甘魚🐠，左口魚(我大愛🤍)，真鯛，拖羅蓉小卷等等食材大多數都係由日本🇯🇵直送超級新鮮👍🏿魚生件件都厚切一啲都唔吝嗇🤑壽司飯並唔會好多，而且已經沾上適當嘅醬油完全唔使點任何嘢就食得大拖羅油脂均勻入口即溶🤤完全食唔到有筋好味到講唔到嘢💯拖羅蓉小卷都好好味🤤其他壽司都好新鮮啖啖肉食到好🈵足朋友啱啱去完日本🇯🇵返嚟佢話直程可以媲美日本當地嘅壽司店😌😌.🌟銀鱈魚西京燒配白飯 -$172銀鱈魚燒得啱啱好有兩大塊咁多份量幾唔錯銀鱈魚肉質結實香滑而且魚油既甘香湧出嚟魚皮又燒到香香脆脆的🫡配埋用日本米🇯🇵煮的白飯一流🤤🤤.餐廳坐得幾舒服又唔會

美食一條街嘅尖沙咀棉登徑，有唔少餐廳選擇，當中有好多都係日式餐廳。最近有網友介紹 "嵐山日本料理"，依間嘅刺身由日本空運直送，鮮甜美味，同埋手打烏冬都唔錯架。入到餐廳，感覺日本居酒屋風格，牆上掛畫充滿日式風情，設有吧枱及2人或4人枱，可享有不同餐飲嘅體驗。餐廳主打各類嘅刺身，由日本空運直送，串燒同樣做得出色。餐牌上壽司定食、魚生丼、蒲燒鰻魚飯、安格斯牛肉飯、北海道黑咖喱吉列什錦飯、鹿兒島黑豚肉泡菜煱燒烏冬等等，款款吸引。廚師精選特上壽司定食      $328壽司擺盤精美，非常豐富，有8款不同食材，大拖羅、日本海膽、帆立貝、牡丹蝦、左口魚、油甘魚、季節魚、蔥花吞拿魚腩蓉小卷，刺身非常新鮮，味道甘香，壽司用上赤醋飯，調味啱啱好，夠入味，食起嚟飯粒軟糯帶微酸。依個定食仲有沙律、茶碗蒸、漬物、味噌湯，沙律翠綠鮮爽，茶碗蒸口感幼滑，茄子漬物帶少少醋酸味，好開胃，味噌湯飲落順喉。綱燒安格斯肉眼扒配白飯      $188肉眼扒外皮焦香，內裡juicy，牛味濃郁，帶少許油脂，口感軟腍充滿牛香，淋上自家製醬汁，配搭香蔥同炸乾蔥與白飯一齊食，非常惹味。跟餐有茶碗蒸、沙律及味噌湯。最後仲有雪米糯做甜品，

出糧日又有籍口同同事放工食餐好, 同事建議去呢間尖沙咀棉登徑「嵐山」, 刺身質素果然不錯, 除了刺身, 還有多款熟食, 如主食、串燒等。餐廳面積不大, 環境舒服。【壽司盛八點】HK$358壽司盛包括有深海池魚、真鯛、三文魚腩、油甘魚、中拖羅、甘蝦、帆立貝、拖羅蓉魚籽海膽杯, 每件壽司都好有份量, 而且新鮮, 厚切刺身完整覆蓋整件壽司醋飯, 刺身口感完全滿足到口感; 以紫菜包住拖羅蓉魚籽海膽, 外脆內軟, 滲出魚鮮同海膽嘅甘香; 帆立貝配了些少竹炭鹽, 肥美又鮮甜; 深海池魚、真鯛、油甘魚、中拖羅, 爽中帶嫩, 有魚鮮味;  三文魚腩爽中帶魚油香; 甘蝦打孖上, 爽甜又creamy。【安格斯牛肉薄燒】HK$168安格斯牛肉雖算不上嫩滑, 油膩感唔會太高, 包住了大量蔥粒, 兼伴有少許蒜片, 香口而不膩。【鯛魚湯鍋燒烏冬】HK$158奶白色鯛魚湯湯底富有魚鮮味, 鮮甜味十足! 鯛魚魚質林, 林得一夾即散, 烏冬口感滑, 稍為吸了湯汁, 啖啖鮮味。【薩摩赤雞心】HK$32薩摩赤雞係日本三大名雞之一, 出名肉質佳, 脂肪含量少,  雞味濃郁, 串燒雞心香口味美【薩摩赤雞腎】HK$38雞腎質地細

餐廳設計用咗傳統日式料理嘅居酒屋風格，主打多款刺身拼盤和日式丼飯。厨師精送特上壽司定食 $328呢款壽司定食可以一次過試晒數十款壽司，包括大拖羅、日本海膽、帆立貝、牡丹蝦、左口魚、油甘魚、蔥花吞拿魚腩蓉小卷同埋四款時令嘅季節魚。可以睇得出壽司上面嘅魚生顏色鮮艷又有光澤，唔怪得知味道咁鮮甜啦。刺身定食配白飯 $208如果唔鍾意壽司嘅形式，不妨可以試吓刺身定食。依款定食有多達八款嘅時令刺身，包括赤身、油甘魚、深海池魚、鯛魚、三文魚、鮮八爪魚、帆立貝、牡丹蝦。每一款都新鮮又鮮甜，配搭少許日本醬油和芥末即刻可以提升下鮮味。嵐山日本料理 (尖沙咀)尖沙咀棉登徑11號地舖