嵩記牛什小廚

營業中

休息中

牛丸河和水餃麵好好食，牛丸有肉汁，水餃足料大大隻，河粉透薄，幼麵有爽勁冇梘水味。$30一碗好抵食，值得再次光顧。環境光猛整潔，坐得舒服。有好多選擇，午餐或晚餐都啱

行經元州街發現有間嵩記牛什，以為A貨，望真啲原來真係大埔道嗰間嘅分店，就決定入去食碗牛雜麵。牛雜幼麵（$33）3.5片草肚（切得好碎，淋）、2片沙瓜（估唔到有，有𡁻口）、2舊肺（幾彈牙）、2舊粉腸（唔肥，無咩牛脂香味）、1件厚切膀（雖然唔大舊，但少有的厚切，口感唔錯，少少粉糯），整體好入味（唔鐘意嘅就會覺得過咸）；湯底清唔油膩，色水比較深，以為好咸，但都好彩唔太咸，味好濃（最後無口渴）；幼麵夠爽口彈牙，但有鹼水味（但我接受到）。

收工攰攰地 ，想搵啲快靚正嘅野食做晚餐。🎊遇到新店開張，就同男朋友入左去試下。環境舒適好坐。我就叫左個崩沙腩麵，加菜心， 牛腩好腍好入味👍🏻另外，青綠色嘅菜心， 好睇又好食😋加多$8蚊，仲可以加個餐飲👍🏻👍🏻👍🏻🥤咖啡，奶茶，檸檬茶🍋汽水… 都可以隨便揀。我男朋友就叫左個雲吞麵同一個小食 — 脆脆炸魚皮 。 啲雲吞，意想不到嘅彈牙～🤗老闆話每粒雲吞都有2隻蝦係入面架🦐🦐呢餐，好食又抵食👍🏻