川亭 (聯發街)

營業中

休息中

這個酸菜魚套餐太好食了、是灣仔區內最好的、每週也要來吃一次，魚肉又多又嫩滑，酸辣味剛剛好，又可轉換上海麵，米線，超推介彈牙薯粉、吃得辣的中辣剛剛好、店雖小但一定要來，外賣還有特價優惠！

小弟向來極好酸辣粉，每個星期2，3次走唔甩，除左旺角旦王稱霸九龍，我敢講呢間川亭嘅酸辣粉港島第一唔過份。每次係附近返工都一定食！👍👍酸，咸，香，辣個平衡做得非常好，湯底夠香唔會太油，而且望落「乾淨」，你係會想飲埋🤣。中粗紅薯粉食落好煙韌，肉碎，榨菜加粉連埋一淡湯，食酸辣粉可以食到好似米線甘咁過癮。🤤🤤佢個口水雞都勁正，肉嫩雞皮爽彈，配埋佢啲口水醬真係好食到傻🤤🤤不過間店就真係好細下，晏就一定爆人，想食建議下就2點30後嚟可能會好啲🤣🤔

今次點了兩份口水雞拼酸辣紅薯粉套餐，酸辣粉一份大辣，一份小辣。$60在灣仔區性價比還過得去，份量充足，口水雞上鋪滿的醬料香而不辣，非常惹味，雞肉嫩滑，雞皮爽口不膩。酸辣粉感覺是香港人口味，不會太辣，但麻香十足。男朋友說這裏的大辣沒平時吃的大辣那麼辣，我平時不太吃辣，小辣剛好。酸辣粉配料挺豐富，有芫荽、蔥、榨菜、芽菜、炸過的豆、肉燥。套餐跟飲品，可選豆漿、紙包飲品、汽水，本來想要兩枝豆漿，但只剩下一枝，所以另外要了一包菊花茶。感覺豆漿抵飲啲，我見大部分食客枱面都是豆漿，我們之後下單的人也多數選豆漿，但是已經賣完。

嘩嘩嘩🤩 呢間川亭💛真係不得了！鍾意食辣嘅你一定要去試吓🌶🌶🤤🤤🤤 因為店舖嘅位置唔大 唔算有好多位 為咗唔想排隊 我地決定去等佢開門😬 坐低就叫野食啦～ 今次叫咗 川亭招牌套餐$60 套餐包括： 川亭口水雞+重慶酸辣粉(小辣)+豆漿 再另外叫多一碗重慶酸辣粉(小辣)$35 同埋一個涼菜 野生泡椒鳳爪$35 食物一上枱就已經好吸引啦 先試一粒泡椒🤩 好辣好過癮！鳳爪爽脆入味分量多！酸辣粉唔算好辣 喜歡辣嘅朋友可以叫中辣都得 紅薯粉煮得啱啱好 唔會太林 又唔會咬唔爛～ 重點當然係口水雞 喜歡重口味嘅一定會覺得好好食😋 個汁好好食 麻麻辣辣 雖然我覺得有少少鹹 但配埋紅薯粉就啱啱好 真係好正呀！ 川亭💛 真係可以用色香味俱全黎形容👍🏻😋

第一次食呢間係灣仔同金鐘交界既川菜，lunchhour要等位，店內比較細，坐位較逼。呢日叫左口水雞+重慶酸辣粉餐，跟餐有豆漿。酸辣粉一放落黎已經好香，即刻試啖湯，酸同辣度恰到好處，薯粉都算吸汁質地幾好，但肉碎榨菜唔算多；不過！不過！不過，係食左幾啖麵之後就愈黎愈咸，咸到食唔到落去，唔飲水唔得。另外，口水雞份量lunch黎講都算大方，雞肉都幾嫩，平時唔食雞皮既我都接受到，但都係同一樣問題，食左兩件之後又係好咸。本身都鐘意食辣野重口味野，今次味道都ok，但就真係咸到食唔到落去，未必會再翻兜

星期五放工突然好想食口水雞， 而家又疫情嚴重，之前同朋友仔食過掛住佢既味道，知道佢地有個二人餐，諗住試下，今次叫左口水鷄，豬耳，蒜泥青瓜，擔擔麵，酸辣薯粉（小辣），口水雞唔洗多講，好好味，又唔會太辣，岩岩好。豬耳薄切爽口👍🏻，青瓜就好脆口，擔擔麵有花生香。薯粉叫左小辣，對我黎講就辣左啲，下次可以叫小小辣都得，最後兩大支豆漿，好滿足😋必定會再幫襯，支持小店😎之前同朋友試過佢地既水煮魚其實都好好味，又多料，個湯又好飲，不過二人餐就冇包括在內，可以下次單點外賣乜不錯，不過今次首選左口水鷄啫😋

第一次試openrice 外賣自取，$41 酸菜魚片米線 (雖然話係套餐，但其實得一碗粉，其他食物要加錢)。講返碗粉~好足料，魚片數量都幾多，連碗粉都好大碗，絕對抵食 (早知唔加$10要油菜，食唔曬添)。味道就一般啦，微辣可以接受，但如果酸菜多D會更好，因為我見到好多薑(而我唔食嘅)。唯一要改善的係門口排左好多人，但你唔知究竟邊個係等位、邊個係等外賣、邊個係等買外賣，有D亂。同埋食物ready就咁一袋袋放曬響門口，職員對都唔駛對order number任攞，真心你其實可以攞走人地D order都無人知。

平時很少在金鐘灣仔一帶用餐！原來尼渡開咗好多西式餐廰當然價錢都唔平午餐時段都好多人！最後選咗尼間個價都算合理點川亭招牌套餐～重慶酸辣粉（走碗豆）碰口水雞+可樂（$60）個粉足料！少辣唔算辣！個雞份量都多比咗好多辣油雞都滑！不過無嘜雞味！猪腩肉酸辣麵～一向唔鐘意肥肉麻麻地！

今次系第二次幫襯，因為味道好。諗住早d order今次可以唔使等，結果超過十五分鐘都未有，我隔離企個外賣哥哥趕送已經爆曬粗。我只係order一個餐，返到公司先發現執漏成個薯粉，得個湯同木耳，熱死辣辣跑兩次街去拎，請執order待改善

整日行過直到今日先試吃。叫左酸辣米线加腩肉同拍青瓜，$55.5hkd, 都算平。中午時間都幾繁忙，好彩系app到叫做先。按照app的時間，去都就又得羅，唔駛等。首先份量算大，大食的我吃完都好飽。米线同湯分開裝，有肉碎，芽菜，炸黃豆，榨菜，算幾豐富。腩肉加10蚊有7大塊，煮得非常軟熟。青瓜都算入味。辣度應該系考慮到多數香港人唔吃得辣，所以就算我叫大辣都差小小。唔多有花椒，所以無麻味。雖然比起成都重慶D面仲差小小，不过考慮到價錢同口味我都覺得佢算抵吃。已經考慮緊下次要詩下個口水鸡饭。

外賣酸菜魚薯粉：海量薯粉，小量魚片味道及熱度非常之好，同堂吃一樣！重慶酸辣粉： 正堂量薯粉味道同熱度都好夠！近排外賣多，好小川菜能同樣在外賣保有質素同份量，始終折扣多了，相比其他折扣店，店家只係減了2,3片魚片，整體份量足夠！味道又香又辣！熱愛吃辣嘅朋友勿放過！下午菜優惠再抵d😎😎p.s. 本身有分湯！！使用嘅膠盒較為優質！

我於今日落單外賣號T01, 12:30取貨，到達時見到店外既外賣已經出到T34, 詢問員工、一個黑衫長髮女員工叫我地等等，等左十分鐘見到外賣已經出到號碼T4x，再叫員工追單，員工表示我地有6份外賣pack緊叫我地等等唔好再催，再等到12:50仍未見到有得拎，期間一直有出其他客人外賣，於是再問，員工態度極惡劣不耐有個男員工更不斷搖頭，指我地order左6個餐要等個個都要等叫我地唔好再催，佢地話要對單。請問出外賣都出到T40幾號, 我係烈日當空曬住等你地對T01既單一時話pack緊，pack左20分鐘都唔應該催你地？你地應該好好反省點解咁多客企係門外催你地，明顯係你地漏單，不但無一個唔好意思，員工既態度更覺得係個客唔岩咁！終於12:55 黑衫長髮女員工拎左4袋外賣出黎，我地問係咪齊哂？ 佢表示係！！我地返到公司時發現6個餐有4個都無雞，只有淨面！！！打去鋪員工語氣十分差話：「下，我地唔得閒送，d雞下次補俾你得唔得？」我地要求佢送黎公司，男員工係電話仍未覺得佢地有錯十分惡劣：「做左特價俾你地仲想點？體諒下得唔得啊！你地係到不停催不停鬧我地」我地表示佢地可以睇返cctv，我地一句都無鬧佢地！！

今次第二次去這間食，時間尚早未有人等位住，天氣熱，唔想食湯麵果D，於是今次決定食涼拌麵，叫了個紅燒牛腩拌麵$47（走辣），順帶一提，拌麵是無得跟餐的，要另外叫，碗麵上枱了，都幾大碗，除了牛腩外，仲有青瓜、碗豆、蔥、肉碎、少少芽菜，幾豐富，啲麵已經幫客人撈好，碗豆好脆好有口感，啲青瓜食落爽口清涼，牛腩都幾好，但可以再淋身啲，啲麵唔夠涼，份量充足，食到都幾飽，味道整體不錯，不過地方真係比較窄，啲人行出行入有機會撞到，坐得無咁舒服.

其實本身係唔食得辣的，但見佢成日好多人等，羊群心理下都決定去試吓，咁啱今日又無咩人，望下入面，剛好有位，間舖其實好細間，店員主力做外賣，叫了佢個招牌套餐，要擔擔麵(走辣）配沙薑雞，飲品要豆漿，這個餐$55 ，價錢合理，擔擔麵都幾大碗，沙薑雞幾滑，做得唔錯，夠味，份量也不少，豆漿係支裝，幾大支，抵飲，當時飲唔晒可以拎走返公司飲，幾好，見到隔離枱係叫口水雞，酸辣麵，最衰自己唔食得辣，如果唔係一定會試吓．

外賣顯示1919有得取，1931都未取得，離譜。未得就唔好顯示，唔好做外賣啦。不知所謂，打完個食評都仲未得，真係不知所謂 ，未食已一肚氣，完全等你白等.......