川亭 (聯發街)

營業中

休息中

外賣顯示1919有得取，1931都未取得，離譜。未得就唔好顯示，唔好做外賣啦。不知所謂，打完個食評都仲未得，真係不知所謂 ，未食已一肚氣，完全等你白等.......

今次酸菜魚米線份量比起叫口水雞飯時多好多，米線多之餘，魚肉同菌類都多～而且微辣已經好惹味～推薦叫外賣叫酸米魚米線～女仔嘅話可以叫扣底～可以同朋友share個小食，就啱啱好

堂食過，店舖好細。今次外賣，份量依然，抵食之餘水準都保持到，不過酸辣粉好多油。口水雞個汁太多，有啲鹹，辣椒好似唔洗錢咁😂不過個外賣盒希望可以轉第二隻，因為分湯上嘅盒超級難開，手指都𠝹到流血先開到。湯好油又熱，所以開蓋唔可以大力要陰力一定整到成手油。難開到真係大力少少都會倒瀉。食物好味但係因為個外賣盒...我唔會再外賣😢就係哩兩個外賣盒𠝹到手（裝湯同菜嘅）

最近迷上左麻辣...日日都好想食🤣🤣由於時間關係是日食唔到麻辣火鍋只好食酸辣粉同口水雞係openrice search下灣仔原來好多川菜，原本想試九龍粉麵點知男朋友話係魚湯同埋唔係四川style所以唔啱我跟住就搵到呢間係公司附近新開既小店啦小店服務非常好👍🏻雖然鋪頭細細但姐姐見我有個重手袋佢會比張登我放鋪頭真係好細....想像到如果疫情之後應該要大排長龍🤭🤭講返野食，一入鋪頭已經充斥住好香既麻辣味道🤤🤤🤤我地叫左一個套餐+一碗重慶小麵套餐有酸辣薯粉+口水雞+手拍青瓜+野飲只係$70 😱😱加埋碗大腸麵$40價錢超級良心，CP值非常高👏🏻👏🏻👏🏻👏🏻我簡直覺得之後係可以不停encore!!!大腸麵：男朋友揀左麻辣湯底，結果佢覺得我個酸辣有層次啲🤣anyway個大腸好好食，好淋，highly recommend👍🏻👍🏻辣度方面係中辣，已經可以食到流汗💦💦酸辣薯粉：薯粉Q彈好食，湯底有層次，辣度好滿足👍🏻👍🏻👍🏻一個字”正”下次我會叫大腸酸辣薯粉😎😎口水雞：有骨既雞...男朋友話佢切得好冇碎骨woo,雞肉係滑既、味道係ok ge,只係可以再辣d，不過咁既價錢你仲想點丫手拍青瓜：冇咩特別，好食👍

今日見有openrice優惠，所以就買下外賣，原先我order鹽水雞飯，但拎返來變左口水雞飯，可能忙中有錯啦，但係份量比起我同朋友來堂食差好遠，斬哂啲骨位來，我一個女仔唔係因為佢飯多質飽我，靠佢啲餸送飯真係唔夠囉！

早排因為成日要加班所以有喺外賣app上面叫過呢一間外賣，估唔到咁好食，所以我同同事呢排唔使再忙都專登走來佢嘅門市度再食過！雖然位置上唔算好方便，不過行到街頭嘅時候已經聞到一陣好香嘅花椒味！二話不說，我哋兩個已經鎖定左之前食開嘅口水雞酸辣粉，套餐中免費奉送一支豆漿，認真不錯！呢個套餐一啲都冇令人失望，口水雞依然夠辣又夠香😍而且酸辣粉都好夠辣，食到我地又伸脷又叫好味。而麵上面嘅配料一啲都唔慳皮，仲勁多芫茜！只樣嘅晚餐都只係$60！真係試過返唔到轉頭！可惜鋪頭果晚好少經，否則一定忍唔住成日食！

聖誕節期間，去搵間無乜人排隊嘅餐廳試下。呢間麵舖細細間，又唔算顯眼，唔專登搵可能會miss咗😂坐低睇下個餐牌就見到個酸菜魚米線幾吸引，幾醒胃咁，不過唔知佢嘅價錢啲魚會唔會好多骨，所以就冒險試下佢。酸菜魚片粉$50一上枱就聞到幾香嘅酸菜味，試下個湯唔算好辣，但非常醒胃。之後就到啲魚啦，食落去好重要嘅係無骨！第二係佢肉質非常之鮮嫰，唔會煮得好老。食得好爽，唔使就住就住啲骨，啱哂啲懶人😆真心咁嘅價錢食到，真係唔錯。不過，食到7點幾8點佢就準備收工啦，平時食lunch黎食應該唔錯。

十月瘋狂加班的時候偶爾點了這間川亭外賣，我和同事都極度讚賞它的川辣，辣之外真是有一種香氣，令我們超沉迷。這天下班和同事J 打算去店那邊再吃，行到附近的時候，正在苦惱應該是那一條小街，就飄過一陣辣的香氣，我們對視了一下便知道是找對了！（我是講真的不誇張）*雖然是想試別的但還是點了口水雞麵，份量也算是多呀，雞是大約放了一層半左右，上下層都切得好好的，都是完整的雞肉，沒有隱藏一些頭頭尾尾放在底下。*我點的是麻辣小辣，我記憶中加班時吃過麻辣和酸辣，平時我在其他餐廳是吃酸辣，但我更愛川亭的麻辣，而且搭配麵比米線更好吃，但薯粉我是沒吃過，大家可以試一下。*口水雞切得很好，不會奇奇怪怪的形狀，也不會切到骨都碎了吃到一口都是骨碎（笑），這點是很重要呀！雞的溫度是有點冰凍，但又不是從雪櫃拿出來那一種，雞肉也算是滑，沒有雪味也不會很死實。雖然口水汁有點油的感覺，但吃的時候也不油，而且也不會辣到嗆喉，只是覺得這辣真的很香。*至於麵呢，算不上什麼特別，但就是配麻辣的湯底很配很入味，如果是酸辣的話我個人是覺得米線更配。雖然份量很多，但真的會不知不覺吃完。*套餐有豆漿送，就是一大支的份量（笑）。*

Ordered online and arrived quickly. Delicious rice noodles, the spicy level is what the menu says it is. Really fragrant Chongqing sour spicy soup base and you can tell they made and seasoned the chilli sauces themselves. The chilli chicken was really tasty and the wood ear mushroom is too. Glad I found this place.

最近天氣轉涼，最適合食麻辣米線。一個平日ge晚上，當我獨自途經灣仔ge時候，發現lei一間特色川味小店。店裏面坐位唔多，除左有普通枱之外，最特別ge係有一排面壁長枱，最岩一個人靜靜地享受食物。坐低之後，打開餐牌，發覺比一般川辣米線選擇還多，當中我選擇左招牌套餐，麵類可選四川擔擔麵、重慶酸辣粉、重慶麻辣小麵、酸辣麵或米線。另外可配川味雞都有三隻口味，分別係口水雞、香油鹽水雞同埋沙薑雞。最後我揀左口水雞米線。米線方面，同一般ge彈牙，而口水雞味道濃，惟辣味不足。整體黎講，味道都唔錯，下次可以再食。

環境： 4/10食物： 5.5/10服務： 5/10呢間舖頭的的色色，不過要係灣仔呢個美食地區屹立亦都唔易，入到去係坐滿晒人，而且外賣既order都絡繹不絕，可見佢既人氣度都好高。不過執台既時候實在太牙煙喇，因為太逼好驚佢倒瀉🤢 我地分別叫左重慶麻辣小麵同重慶酸辣粉，都係配口水雞，同樣$60／碗。🙎‍♂覺得佢碗小麵份量有啲小，而且我試過佢碗面既湯底，雖然係小辣，但味道唔出，變相好似食緊一碗鹽水溝面。而我個碗酸辣粉（同樣係小辣），但有酸菜加成，成個味好出，辣度相對足夠，個粉都煮到好煙韌，酸辣粉係唔錯既👍。不過我對個口水雞有啲失望，因為表面醬料雖然好多，但係冇乜味，所以撈勻之後都好似係食緊雞溝油咁🙁

經過見到呢間新開既小店，係四川風味的，門口見到menu推介酸菜魚片米線，於是入去試下。先飲一啖湯，正！酸辣得宜，好開胃，配料有酸菜、秀珍菇、泡薑泡椒等。而魚肉好嫩滑，冇骨啖啖肉，食得好爽！好味，下次試下水煮魚片先得！

雖然不是堂食，因為天氣實在太熱，點了川亭外賣，一份雞絲涼面，改薯粉，BB辣；一份川椒皮蛋；一支凍豆漿，雞絲涼面轉薯粉，由於怕小辣變中辣，中辣變大辣情況發生，只點了BB辣，結果BB辣得花椒香一點也不辣，非常推介比唔食得辣既朋友，因為好香口，而我下次會試小辣，左邊果啲唔知叫咩豆，甜甜地好好味；川椒皮蛋；川椒完全唔辣，成碟都是咸咸甜甜咁無乜香味，好彩佢所有蛋都是糖心的，把分數推高返三樣野加埋$89， 其實非常抵食，我之前行經過這舖頭，印象中是間細舖，裝修走日本風的，感覺幾好坐既

點左一份招牌套餐，口水雞配重慶酸辣粉。賣相已相當吸引，而且份量亦多，又送凍豆漿或汽水。個口水雞真係好好味，雞肉非常嫩滑，重點係個醬汁，香麻而不太辣，加埋芝麻蔥花，好有層次感，啱哂我呢d唔係好食得辣既人。老闆話佢師承四川師傅，口水雞醬汁係自家秘製的，全部採用天然的辣椒同多種香料而製成。唔怪之得味道咁正宗。至於個酸辣粉，亦都好正，個湯底酸辣味道剛好（我點既係小辣），薯粉係粗圓果隻，煙韌彈牙，加埋d配料，尤其d肉碎同脆卜卜既碗豆，真係好惹味！

尋日拎快遞時無意發現呢間小店，拎咗張菜單望吓價錢相宜，翌日就去幫襯舖頭細細只有十零個位，適合一兩個人去。太太點了套餐，擔擔麵配口水雞加豆漿只係$60，另外追加了拍青瓜小食$10我另外單點重慶酸辣粉配紅燒腩肉，配料非常豐富：榨菜、芽菜、蔥、芫茜、肉末，最特別佢唔係配炸花生係配炸豆的，第一次試成餐加埋只係$115，為呢區帶來一個相宜的選擇食完呢餐一定會再嚟，因為味道唔錯性價比亦高，份量偏大，女士們細食可考慮「扣底。」唯一可惜係座位太少，公司一大班人嚟唔太合適